Денеска министерот за земјоделство, шумарство и водостопанство, Цветан Трипуновски во општина Свети Николе додели 84 договори за закуп на земјоделско земјиште во државна сопственост со вкупна површина од околу 250 ха.

Со овој настан се означија успешно завршени 4 (четири) Јавни повици за давање во закуп на земјоделско земјиште во државна сопственост за површини дo 3 хектари.

По овие повици склучени се вкупно 967 договори за закуп на земјоделско земјиште во државна сопственост со вкупна површина од околу 2700 ха.

Во текот на денешниот ден овие 967 договори кои што се случија на ниво на Македонија се веќе поделени по подрачните единици. Најголем број на договори има во подрачната единица Свети Николе, Прилеп, Куманово, а во останатите подрачни единици има помал број на договори.

Со овој процес кој што го заокружуваме сега, даваме силен фокус и силен приоритет да земјоделското земјиште биде ставено во функција на земјоделците. Знаеме дека во минатото имаше селективност во распределбата, но тоа ќе биде веќе минато. Ние како одговорно министерство, како влада ќе работиме затоа што земјоделците се наш приоритет, истакна Трипуновски.

Во почетокот на месец септември од страна на министерството ќе бидат распишани јавни повици за преостанатото слободно државно земјоделско земјиште се со цел да се распредели и да се стави во функција за земјоделско производство.

Жалам што во минатото имало одредени злоупотреби кои што ние како Министерство ги констатиравме во изминатиот период. Меѓутоа нашата интенција е сето земјоделско земјиште да заврши кај  вистинските земјоделци и да истото се стави во функција, да биде во процес на обработка односно на производство, појасни министерот.

The post Склучени 967 договори за закуп на земјоделско земјиште во државна сопственост со вкупна површина од околу 2700 ха appeared first on Република.

The post МЗШВ: Аплицирајте за субвенции по обработлива земјоделска површина за сите поледелски култури, лековити, ароматични и зачински растенија appeared first on Република.

Денеска, министерот за земјоделство, шумарство и водостопанство Љупчо Николовски, го потпиша Договорот со  МГГП С.А. [MGGP S.A.] од Полска, за ново ортофото снимање на земјоделските површини на целата територија на државата

Ортофото картите изработени од новото аерофотограметриско снимање ќе бидат основен извор на геопросторни информации, кои ќе ни ја дадат моменталната слика на терен. Нивното значење е големо, пред се за водење на регистрите во рамки на министерството.

Изготвените ортофото снимки наоѓаат примена и при управувањето и креирањето на земјишната политка во делот на полјоделството, овоштарството и лозарството, потоа управувањето со државното земјоделско земјиште, како и во делот на водостопанството и шумарството. Целта на оваа активност е да бидат изготвени нови дигитални ортофото карти со висока резолуција, кои што понатаму покрај во земјоделството ќе најдат широка примена и во повеќе области како: геодезијата, катастарот, урбанизмот, заштитата на животната средина, кризниот менаџмент, одбраната и во други области каде што се користат геопросторни податоци.

Последото ортофото снимање на целата територија на државата беше извршено во 2017 година преку середства од ИПА ТАИБ националната програма за 2012 година.

„За новото ортофото снимање, кое започнува овој месец и треба да биде завршено до крајот на месец август, зависно од временските услови, во целост се обезбедени средства од националниот буџет на државата, во вкупна вредност од 25,8 милиони денари. Изработката на овие податоци е во согласност со неколку стратешки приоритети на Владата на Република Македонија и е во согласност со новиот модел за субвенционирање, кој ќе биде побрз и поефикасен, со поголема контрола и насочен кон поддршка на вистинските земјоделци. Токму ортофото снимикте се еден од методите кои на Платежната Агенција ќе и помогнат за поголема контрола при процесот за финасиска поддршка во земјоделството“ изјави министерот Николовски.

Преку новите ортофото снимки ќе се ажурираат податоците  за референтните земјишни парцели, со што точно ќе може да се утврди употребата на земјиштето. Пријавувањето пак за финансиска поддршка ќе се врши само за парцела на која е утврдена употреба за земјоделска дејност со точно утврдена големина. Платежната Агенција има можност уште во процесот за поднесување на барања да врши административни проверки за големината на пријавена површина и кодот на употребата. На тој начин ќе се намали ризикот од пријавување на необработено земјиште.

Она што го очекуваме со изготвувањето на новите ортофото снимки е значително зголемување на ефикасноста при контролата за сите мерки поврзани со површини. Со најновите снимки на земјоделските површини ажурирани ќе бидат и податоците на референтните пацели во СИЗП, со што би се намалиле можните грешки при поденесувањето на барањата по површини, а истовремено би се забрзало и одобрувањето на исплатите кај овие барања.

Новите ортофото снимки се неопходна основа и за надградување на IACS со новиот модул „Мониторинг“, за следење на сите земјишни парцели преку сателитски снимки.

На овој начин нашето земјоделство го усогласуваме до Заедничката земјоделска политика на Европската Унија.

The post МЗШВ: Започнува ортофото снимањето на земјоделските површини на целата територија на државата appeared first on Република.

Серијалот со скандалот за давање на закуп на градежно земјиште под образложение земјоделско земјиште во државна сопственост од страна на министерот за земјоделство, продолжува и денес. На денешната прес-конференција Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ, објави дека имаат сериозни индиции дека Љупчо Николовски ја злоупотребил својата позиција и како министер за земјоделство шумарство и водостопанство, на нелегален начин давал под закуп огромни земјишни парцели, претставени како земјоделско земјиште, а всушност се работи за градежно земјиште во Скопје.

Тој го објави вториот договор, кој се темели на истиот шаблон кој го презентираше вчера.

https://youtu.be/RpBw5tVw-z4

Ова е договорот кој министерството, застапувано од Љупчо Николовски, како министер го склучило со извесен Орхам Чоловиќ, договорот е со датум од 4 јули 2022 година со архивски број 39-771014/1. Предмет на договорот е закуп на земјоделско земјиште во вкупна површина од 73.031 метар квадратен во општина Бутел за подигање на долготраен лешников насад за период од 70 години.

Фактичката состојба е дека не станува збор за земјоделско земјиште, туку за градежно неизградено земјиште на територија на општина Бутел, во површина од над 73 илјади метри квадратни.

Со овој договор, Николовски му овозможува на закупецот да присвои над фантастични 73 илјади метри квадратни градежно земјиште во Бутел по цена од 5.745 денари годишна закупнина, објави Трипуновски.

За нештата да бидат појасни и за тоа за каква измама станува збор, додава тој, се гледа од фактот што метар квадратен градежно земјиште во тој реон се продава од 150 евра па нагоре, односно за таа парцела би се потрошиле околу 11 милиони евра. Николовски дава парцела од над 73 илјади метри квадратни по годишна закупница од 5.745, која всушност истата по реална цена чини околу 11 милиони евра.

Како што вели Трипуновски, ова е втор ваков договор кој Николовски го потпишал во општина Бутел, и под превезот на земјоделско земјиште дава под закуп ексклузивни градежни парцели.

Постои основано сомнение, дека ова е дел од поширок разработен план, кој требало да заврши со Законот за откуп на земјоделско земјиште, кој владејачкото мнозинство на СДС на сила го турка во Собрание, со што ќе им се овозможи на закупците кои на нелегален начин добиле договори за закуп да го откупат земјиштето за евро по квадрат, а да го препродадат за неколку милиони евра.

Имено, сето ова е откриено заради општина Бутел, која преку допис испратен до министерството бара од МЗШВ да одговори дали е склучен договорот и доколку е, веднаш да го раскине бидејќи се наоѓа во градежен реон, вели тој.

Трипуновски потенцира дека поседуваме уште договори кои што ќе гиобјават, за јавноста да знае за каква измама и кривично дело станува збор.

Основано се сомневаме дека ова не е случајност, туку се работи за организирана шема на Николовски, за отуѓување на државно земјиште на ексклузивни локации, кои треба да бидат откупени за народски кажано џабе, а потоа да бидат препродадени за милионски суми.

ЈО и институциите да не чекаат, и веднаш да отворат постапка за овој огромен скандал.

Ние продолжуваме со објавување нови детали, како Николовски штанцал нелегални договори и на тој начин го раскрчмувал земјиштето во сопственост на државата.

Одговорност мора и ќе има, порачува тој.

https://youtu.be/GrWKpdvTaz4

The post „За закуп од 5.000 денари“: Николовски дал 73 илјади метри квадратни градежно земјиште во Скопје како земјоделско appeared first on Република.

Министерството за земјоделство, шумарство и водостопанство (МЗШВ) потсетува дека на 30 јуни истекува рокот за аплицирање на четирите јавни огласи за закуп на земјоделско земјиште до три хектари наменети за подигнување на долгогодишни насади.

Преку овие четири јавни огласи на располагање се ставени вкупно 4.294 хектари државно земјоделско обработливо земјиште до три хектари, распределени во 31 регион низ државата: Гостивар, Дебар, Кичево, Куманово, Ресен, Тетово, Гази Баба, Свети Николе, Струга, Охрид, Карпош, Кисела Вода, Чаир, Демир Хисар, Валандово, Кочани, Крива Паланка, Крушево, Струмица, Прилеп, Пробиштип, Радовиш, Берово, Битола, Македонски Брод, Виница, Гевгелија, Делчево, Кавадарци, Велес и Штип.

Земјоделското земјиште кое се дава под закуп е за подигнување долгогодишни насади и оранжерии за период до 30 години, подигнување долгогодишни насади со лешник за период до 70 години, подигнување маслинарници за период до 50 години, поставување пчелни семејства за период до 15 години, ливади за период до 15 години, одгледување брзо растечки дрвја на земјоделско земјиште кое се наоѓа на надморска висина над 700 метри за период до 30 години, рибници до 20 години и спортско-рекреативни активности за рурален туризам до 30 години.

Огласите беа распишани на почетокот на месецот.

The post Уште два дена за аплицирање за закуп на земјоделско земјиште до три хектари appeared first on Република.

Министерството за земјоделство, шумарство и водостопанство (МЗШВ) ги објави двата дополнителни јавни огласи со кои за земјоделците на располагање им се ставаат дополнителни 3.769 хектари земјоделско земјиште со површина над 3 хектари.

МЗШВ соопшти дека првиот јавен оглас опфаќа 529 хектари земјоделско земјиште над 3 хектари, распределени во 10 региони низ државата: Берово, Виница, Гевгелија, Дебар, Делчево, Кочани, Неготино, Свети Николе, Радовиш и Штип. Намената на земјиштето кое се дава под закуп за првиот јавен оглас е одгледување на земјоделски култури за производство на сточна храна (житни, фуражни и индустриски култури) за период до 15 години.

Право на учество на овој јавен оглас имаат домашни физички и правни лица и странски правни лица. Минималната површина на земјоделското земјиште во државна сопственост која може да се даде под закуп на еден учесник изнесува 3 хектари, доколку понудувачот достави потврда од овластена ветеринарна станица за располагање со најмалку пет грла говеда или копитари, односно 50 овци или кози, односно 20 свињи, односно 500 кокошки, мисирки, гуски, патки или бисерки. Максимална површина на која за овој јавен оглас еден учесник може да аплицира изнесува 20 хектари.

Вкупната површина на земјоделско земјиште која се дава под закуп со вториот јавен оглас е 3.240 хекатари, распределени во 22 региони низ државата: Берово, Валандово, Виница, Гостивар, Гевгелија, Делчево, Демир Хисар, Кочани, Куманово, Кавадарци, Неготино, Струга, Струмица, Охрид, Прилеп, Пробиштип, Радовиш, Ресен, Тетово, Велес, Штип и Чаир. 

Предвидената намена на овој оглас е за подигнување на долгогодишни насади (лозја, овоштарници, хмељ) и оранжерии за период до 30 години, подигање на долгогодишни насади со лешник за период до 70 години, подигање на маслинарници за период до 50 години, поставување на пчелни семејства за период до 15 години, ливади за период до 15 години, одгледување на брзо растечки дрвја на земјоделско земјиште кое се наоѓа на надморска висина над 700 метри, за периодот до 30 години, рибници до 20 години и спортско-рекреативни активности и рурален туризам до 30 години.

Право на учество на овој јавен оглас имаат сите домашни физички и правни лица и странски правни лица. Големината на површината која може да се даде под закуп на еден корисник од овој јавен оглас, се утврдува врз основа на минимално материјално-техничката опременсот и бројот на вработени според бизнис планот на понудувачот.

Рокот за поднесување на апликациите е 30 дена од објавувањето на јавниот оглас во Службен Весник, односно до 21 јули 2022 година. Постапката за распределба на земјоделското земјиште се врши по пат на електронско јавно наддавање.

Заинтересираните земјоделци и земјоделски стопанства можат да аплицираат на овие два јавни огласи за закуп на земјоделско земјиште над 3 хектари за производство на сточна храна и подигнување на долгогодишни насади. Повеќе информации за постапката и начинот на аплицирање може да се добијат на веб страницата од Министерството, преку подрачните единици на Министерството или во секторот за земјишите при МЗШВ, стои во соопштението.

The post Објавени нови огласи: Земјоделците да аплицираат за земјоделско земјиште до 21 јули appeared first on Република.

Со Пробниот попис ќе бидат опфатени одреден број семејни земјоделски стопанства и деловни субјекти што се регистрирани и се занимаваат со активности поврзани со земјоделството, соопштија од ДЗС.

Основна цел на Пробниот попис е да се тестираат методологијата и прашалниците за спроведување на Пописот, како и организациските и стручните аспекти на оваа активност.

За таа цел, ќе бидат посетени одредени семејни земјоделски стопанства во избрани општини (Илинден, Куманово, Тетово, Кавадарци, Кривогаштани, Струмица и Чешиново-Облешево), како и деловни субјекти во повеќе општини: Илинден, Гази Баба, Кисела Вода, Бутел, Тетово, Куманово, Струмица, Битола, Ресен и други.

Попишувачите, обучени од страна на Државниот завод за статистика, ќе ги посетат земјоделските стопанства и деловните субјекти и ќе ги интервјуираат со помош на рачно преносливи компјутери -  таблети.

Пробниот попис се спроведува во согласност со Законот за државната статистика, а методолошките и организациските аспекти се целосно усогласени со европските регулативи: IFS 2018/1091, Регулативата за имплементација на IFS 2018/1874 и Регулативата за имплементација на IFS 2021/2269.

Соработката и учеството на домаќинствата и деловните субјекти во оваа статистичка акција ќе му помогнат на Државниот завод за статистика да обезбеди успешно спроведување на главниот Попис на земјоделството следната година, стои во соопштението.

The post Државниот завод за статистика ќе спроведе Пробен попис на земјоделството од 15 до 30 јуни appeared first on Република.

На својата редовна 45-та седница Владата на Република Македонија по предлог на Министерството за земјоделство, шумарство и водостопанство донесе одлука за распишување на четири јавни огласи за ставање под закуп на државно земјоделско земјиште до 3 хектари.

Земјоделското земјиште кое се дава на закуп со овие јавни огласи е со намена за подигнување на долгогодишни насади и оренжерии за период до 30 години, подигнување на долгогодишни насади со лешник за период до 70 години, подигнување на маслинарници за период до 50 години, поставување на пчелни семејства за период до 15 години, ливади за период до 15 години, одгледување на брзо растечки дрвја на замјоделско земјиште кое се наоѓа на надморска висина над 700 метри за период до 30 години, рибници до 20 години и спортско-рекреативни активности за рурален туризам до 30 години.

“Не оставаме ниту една педа земјоделско земјиште не обработена. Распишуваме нови четири јавни огласи преку и на располагање ставаме 4.294 хектари државно земјоделско земјиште до 3 хектари, за подигнување на долгогодишни насади, распределени во 31 регион низ државата. Подготвуваме и два нови јавни огласи, што ќе следат во месец мај, за доделување на државно земјоделско земјиште над 3 хектари. Едниот јавен оглас со намена за одгледување на сточна храна, а вториот јавен оглас за сите намени согласно Законот за земјоделско земјиште“ изјави министерот Николовски.

Наша цел, како министерство, е зголемено домашно производство. Заврши постапката за аплицирање на јавниот оглас со кој на располагање ставивме дополнителни 5.722 хектари земјоделско земјиште над 3 хектари, за обработка пред се на стратешки житни култури, распределени во 14 региони низ државата. За овој јавен оглас интересот на земјоделците беше голем. Пристигнати се рекордни 235 апликации, што претставува до сега најголем број поднесени апликации на оглас за закуп на земјоделско земјиште.

“Оваа бројка ме прави среќен, затоа што успеавме во нашата цел поставена во Националниот план за производство на храна кој го донесовме. Големиот интерес значи зголемено домашно производство на стратешки култури, значи и намалена увозна зависност на државата. Среќен сум што преку директните контакти со земјоделците кои целиот овој месец ги имаме, успаевме да ги информираме и мотивираме максимално да ги искористат мерките кои им се нудат“ изјави министерот Николовски.

Министерот Љупчо Николовски заедно со тимот од министерството секојдневно ги продолжуваат теренските средби, слушајќи ги земјоделците креирајќи заедно мерки за поддршка на секој земјоделец.

The post Николовски: Преку нови четири огласи на раполагање ставаме дополнителни 4.294 хекатри земјоделско земјиште до 3 хектари за долгогодишни насади appeared first on Република.

На денешната седница е донесена Одлуката за давање на согласност на Јавен оглас за давање во закуп на земјоделско земјиште во државна сопственост за површини над 3 хектари по пат на електронско јавно наддавање, кој ќе го спроведе посебно формирана комисија.

Давањето во закуп на земјоделско земјиште во државна сопственост за површини над 3 хектари е дел од пакетот мерки предвидени со Националниот план за производство на храна којшто веќе се имплементира, се поттикнуваат земјоделците да се насочат кон зголемено производство на стратешките земјоделски култури.

Целта со оваа поддршка е справување со светската криза, обезбедување достапна и поевтина храна и увозна независност.

The post Од 40-тата седница на Владата: Закуп на земјоделско земјиште во државна сопственост по пат на јавно наддавање appeared first on Република.

Mинистерот за земјоделство, шумарство и водостопанство, Љупчо Николовски, во гостување во вестите на ТВ Сител најави дека ќе биде објавен оглас за доделување шест илјади хектари земјоделско земјиште за производство на житни култури и за пченица.

Постапката за доделување привршува и огласот ќе го објавиме наскоро и ова е една од мерките која оди паралелно со другите мерки. Очекувам интерес. Имаме 900 договори со земјоделците од сите региони. Го мапираме целото слободно земјиште за да знаеме што имаме на располагање и што можеме да даваме на обработка. Сите овие парцели ќе ги ставиме во функција, а паралелно правиме мерки за помош на полјоделството - изјави Николовски.

Тој посочи дека е донесен интервентниот фонд со 400 милиони денари кој ќе биде 600 милиони до крајот на годината.

Ова е паралелно со редовните субвенции да го стимулираат производството, но и приносот на житни култури. Инаку, ќе има по 4000 денари за вештачко ѓубриво, за прихрана за пченицата за еден хектар насадена пченица. За сончогледот се добиваат по 2500 денари за ѓубриво по еден хектар. Дополнително ги мотивираме земјоделците да остварат и принос, кај пченицата на остварен принос 4000 килограми по хектар ќе добијат 5700 денари дополнителна субвенција ако се предаде во преработувачките капацитети. Во однос на сончогледот ако остварат приход од 1,5 тони по хектар, добиваат по 5700 денари, а за да се осигураме дека производството ќе оди за масло за јадење тие ќе треба да го продадат на домашните производствени капацитети - изјави Николовски.

The post Николовски: Оглас за 6000 хектари земјоделско земјиште за производство на житни култури appeared first on Република.

Денеска, во Прилеп, министерот за земјоделство, шумарство и водостопанство Љупчо Николовски, заедно со заменик-министерот Трајан Димковски, ги доделија првите договори за закуп на земјоделско земјиште до 3 хектари за последните два јавни повици.

„Министерството ќе биде отворено за сите земјоделци, како што го отворивме во 2017 – та година, но и ние сѐ повеќе, секој ден ќе бидеме на терен. Карванот на Министерството заедно со сите сектори е тука денеска, во посета на Прилеп, за да ги доделиме првите договори за земјоделско земјиште. Потпишани се 900 договори, тоа е огромна бројка на склучени договори со кои ќе се стави во функција земјоделско земјиште од неколку илјади хектари низ целата држава, во различни региони. Околу 500 хектари, се овде во Прилеп, за кои се склучени 232 договори. Првите договори имавме чест да ги доделиме денеска, овде во Прилеп, бидејќи овде се склучени најмногу договори. Продолжуваме со праксата земјоделското земјиште да биде ставено комплетно во функција, да биде во рацете на вистинските земјоделци и да се зголеми производството. Продолжуваме да се грижиме за земјоделците, како преку креирање на мерки и политики, така и преку она што сме го ветиле уште во 2016- та година, а тоа е да дојде земјата во вистинските раце, кај вистинските земјоделци“ изјави Николовски.

При тоа, министерот посочи дека се подготвуват нови огласи и повици, се прават сите анализи за да се отворат нови можности земјоделското земјиште да биде ставено во функција на развојот и да биде помош и поддршка за земјоделските стопанства и за земјоделците од сите региони.

Николовски потенцираше дека праксата на директни средби и контакти со земјоделците продолжува и понатаму, за да се слушнат проблемите, предлозите, идеите и размислувањата на земјоделците бидејќи тие најдобро знаат со што се соочуваат и посочи дека целта е заеднички да наоѓаме решенија, и тие да се вградат во годишните програми и во политиките што ќе ги креира Министерството.

The post Земјоделското земјиште распределено кај вистинските земјоделци, вели министерот appeared first on Република.