Заменик претседателот на Владата и министер за транспорт, Александар Николовски, по средбата со раководството на ЗЕЛС, изјави дека со измени во Законот за урбанистичко планирање и Законот за градење, во поедноставна постапка и ослободени од комуналии, ќе може да се градат училишта, градинки, амбуланти, болници и катни гаражи кои се во 100 проценти сопственост на општините и државата.

Според Николовски, ова ќе придонесе развој на општините, како и решавање на бројни проблеми на граѓаните во делот на згрижување, образование, здравствената заштита, како и проблемите со градскиот паркинг.

Нашата цел е да има рaзвој на општините, да имаат подобри услуги за граѓаните, да се насочени кон граѓаните и да бидат во подобра финансиска кондиција. Постојат и други предизвици во следниот период што ќе ги решаваме, пред сѐ во закони што се поврзани со директното функционирање со општините, затоа како министер и како потпрестедател на Влада сум на располагање да имаме добра соработка, рече Николовски.

На средбата со раководството на ЗЕЛС било разговарано за средствата што Владата ги има обезбедено за капитални проекти во општините, бидејќи како што рече, преку 80 отсто се преку Министерството за транспорт. За следната година, како што посочи, ќе има дополнителни 250 милиони евра исто така за инфраструктурни проекти за општините.

Претседателот на ЗЕЛС, Орце Ѓорѓиевски, посочи дека скопските општини со месеци чекале да бидат ослободени од комуналии за објекти од јавен карактер.

Практично со овие измени решаваме повеќедецениски проблеми на општините, кои досега не можеа да ги реализираат и да бидат ефективни бројни проекти. Го надминавме моментот од ослободување од комуналии, од причина што скопските општини со месеци наназад имавме проблем, чекавме објектите од јавен карактер да ни бидат ослободени од комуналии. Сега тоа е минато и сега сме целосно функционални, посочи Ѓорѓиевски.

На средбата било договорено да се формираат работни групи со цел да се направат измени и во Законот за експропријација, за да им се овозможи на општините поефикасна реализација на капиталните проекти.

Се надевам дека и во наредниот период, особено Законот за експропријација, ќе го разгледаме заеднички, тој е еден закон којшто доста долго не претрпел измени, а сѐ уште има простор да се доработи истиот. За тоа денеска се договоривме, ќе има составен тим од страна на Министерството, претставници од страна на ЗЕЛС, сѐ со цел да го надминеме и она што е проблем за општините години наназад, а тоа ќе значи одблокирување на процеси при реализација на значајни проекти, како што е моментално состајбата во Скопје. Знаете, имаме булевари, мостови и тн. кои што немаат завршница, посочи Ѓорѓиевски.

Прашан кога треба да легнат средствата на општинските сметки, тој рече дека во текот на денот треба да биде официјално објавено која општина кои проекти ги добива, додека префрлањето на парите зависи од динамиката на реализацијата на проектите.

На 15. ќе има официјална објава, која општина кои проекти ги добива и тоа ќе биде јавно достапно, тоа е денеска. Мислам дека во текот на денот ќе ги добиеме сите информации од јавен карактер, поврзани со сите проекти и во наредниот период на начин како што ќе се одвива динамиката на реализацијата, така ќе легнуваат и парите за исплата према оние оператори кои што би работеле на реализацијата на проектите, така што верувам дека динамиката ќе биде поврзана и со начинот на реализација, вели Ѓорѓиевски.

Тој нагласи дека средствата нема да бидат наменети за непродуктивни трошоци и раздолжување на општините, туку за како што рече, решавање на повеќедецениски проблеми на граѓаните.

Распределбата на средствата одат наменски за реализација на капитални проекти. Ова не се средства за раздолжување на општините, ова не се средства што ќе завршат за набавка на нови возила за градоначалниците и за непродуктивни трошоци, туку ова се средства за реализација на проекти кои што се повеќедецениски проблеми за нашите граѓани, подвлече Ѓорѓиевски.

The post Во поедноставна постапка и ослободени од комуналии ќе се градат училишта, болници и катни гаражи кои се 100 отсто во државна сопственост appeared first on Република.

Училишта, градинки, амбуланти, болници и катни гаражи кои се во 100 проценти сопственост на општини и државата ќе можат да се градат во поедноставна постапка и за нив да не се плаќаат комуналии. Ова го овозможувме со измени во Законот за урбанистичко планирање и Законот за градење, истакна денеска заменик претседателот на Владата и министер за транспорт, Александар Николоски на средбата со раководството на ЗЕЛС.

На овој начин помагаме да се развиваат општините и помагаме во бројни проблеми на граѓаните во делот на згрижување, образованието, здравствената заштита и проблемите со паркирањето, истакна министерот Николоски.

Нашата цел е да има рaзвој на општините, да имаат подобри услуги за граѓаните, да се насочени кон граѓаните и да бидат во подобра финансиска кондиција. Постојат и други предизвици во следниот период што ќе ги решаваме, пред се во закони што се поврзани со директното функционирање со општните и затоа и како министер и како потпрестедател на Влада сум на располагање да имаме добра соработка. На средбата исто така разговараме и за проектот кој е тековен, а тоа се средствата кои Владата ги обезбеди во општините за капитални проекти и тоа преку 80 проценти се преку Министерството за транспорт. Најаувам за следната година дополнителни 250 милиони евра исто така за инфраструктурни проекти за општините, а такви проекти ќе има и во годините што следуваат, изјави министерот Николоски.

Претседателот на ЗЕЛС, Орце Ѓорѓиевски истакна дека оваа иницијатива била произлезена од ЗЕЛС, а поддржана и реализирана во соработка со мнистерството.

Практично со овие измени решаваме повеќедецениски проблеми на општините, кои досега не можеа да ги реализираат и да бидат ефективни бројни проекти. Го надминавме моментот од ослободување од комуналии, од причина што скопските општини со месеци наназад имавме проблем, со месеци чекавме објектите од јавен карактер да ни бидат ослободени од комуналии. Сега тоа е минато и сега сме целосно функционални, изјави Орце Ѓорѓиевски, претседател на ЗЕЛС.

На средбата беше договорено да се формираат работни групи со цел да се направат измени и во Законот за експропријација, за да им се овозможи на општините поефикасна релализација на капиталните проекти.

The post Николоски на средба со ЗЕЛС најави дополнителни 250 милиони евра за општините следната година appeared first on Република.

Како претседател на ЗЕЛС, недвосмислено стојам на ставот дека нема да дозволам никакви политички злоупотреби во оваа институција. ЗЕЛС отсекогаш била платформа каде што политиката се држи настрана, бидејќи единствениот фокус треба да биде на локалните самоуправи, на граѓаните и нивните интереси, вели во претседателот на ЗЕЛС и градоначалник на Кисела Вода Орце Ѓорѓиевски во интервју за мкд.мк.

Ѓорѓиевски порачува дека политичките манипулации можат да имаат единствено негативен ефект врз граѓаните и нивниот квалитет на живот.

Во ЗЕЛС, најважно е единството. Јас лично, како претседател, сум бил во ситуација кога немав добра соработка со одредени министри од претходната власт, но никогаш не ја злоупотребив позицијата ниту пак помислив на бојкот или на напуштање на оваа асоцијација.Верувам дека само преку отворен дијалог и конструктивна комуникација можеме да ги надминеме сите предизвици, а овие последни политички турбуленции го потврдија токму тоа. И двајцата градоначалници кои најавија напуштање на ЗЕЛС изјавија дека немаат проблем со институцијата ниту со мене лично, и по остварените средби кажаа дека остануваат дел од нашата заедница. Единството е темелот на ЗЕЛС и не смее да биде нарушено. Секој градоначалник, кога ја добива таа позиција од граѓаните, има обврска да работи и да решава проблеми, а не да се користи со закани, бојкоти или да хибернира, нешто што за жал, токму сега го гледаме во Скопје. Затоа, се залагам за законско решение кое ќе овозможи предвремено отповикување на секој градоначалник кој не си ја врши својата работа, бидејќи интересите на граѓаните мора да се стават на прво место, вели Ѓорѓиевски.

Говорејќи за соработката на ЗЕЛС со новата Влада истакнува дека со потпишаниот Mеморандум за соработка се дефинирани заедничките насоки за работа и се овозможува вистински партнерски однос.

Според мене, тоа е сериозен сигнал дека и централната власт е подготвена за реално партнерство. Во таа насока, активно се работи на измени во предлог-законот за државни службеници. Претходната верзија беше камен на сопнување бидејќи беше многу нерамноправна во однос на државните службеници од централната и локалната власт. Во моментот, работни групи од Министерството за администрација, претставници од ЗЕЛС и од општинските администрации седнуваат на заедничка маса за да најдат соодветно решение кое ќе ги задоволи сите засегнати страни, наведува претседателот на ЗЕЛС.

Дополнително, Ѓорѓиевски најавува дека ќе бидат формирани финансиски работни групи со претставници од локалните финансиски сектори, кои ќе работат заедно со централните институции при креирањето на Буџетот за 2025 година.

Веќе почна реализацијата и на директната финансиска помош за проектите, при што првпат на локално ниво се распределуваат 100 милиони евра, односно 250 милиони евра за четирите години, што овозможува решавање на децениски проблеми на граѓаните во, буквално сите општини. Овие средства се распределуваат правично, а со нив значително ќе се подобри животот на нашите сограѓани, вели претседателот на ЗЕЛС.

The post Ѓорѓиевски: Единството е темелот на ЗЕЛС и не смее да биде нарушено appeared first on Република.

Намерата не е да излезам од ЗЕЛС затоа што сакам да сум надвор од ЗЕЛС, намерата е да го вклучиме алармот за Владата и одредени министри малку посериозно да пристапуваат кон проблемите со што не се соочува само градоначалникот на Струмица или „Комуналец“, се соочуваат 53 илјади граѓани, таков проблем имавме и во Гостивар, во еден период во државата околу 150 илјади луѓе беа оставени без питка вода. Требаше Костадинов да излезе од ЗЕЛС за да почнеме сега да организираме состаноци, апсолутно не. Мора да градиме одговорен пристап кон граѓаните и кон институциите.

Ова денеска го одговори градоначалникот Костадин Костадинов на новинарско прашање за неговиот став за излегувањето на Струмица од ЗЕЛС.

Тој истакна дека не сака да излезе од ЗЕЛС, бидејќи ЗЕЛС е заедница која треба да се грижи за интересот на сите општини, која треба да работи на процесот на децентрализација многу сериозно и треба неселективно, како што впрочемм посопчи, вчера биле изјавите од потпретседателите на ЗЕЛС, кои тој ги почитува и охрабрува во тој дух да се градат односите.

Додаде дека постојано е во контакт со неговите колеги градоначалници, секако и градоначалникот на Валандово и потпретседател на ЗЕЛС, Перо Костадинов, но потенцираше дека напуштањето на ЗЕЛС е во делот на состаноците и во делот на вклучувањето на алармот.

 Зошто? Струмица е четири недели без вода, тоа е само една од причините зошто го напуштив Управниот одбор на ЗЕЛС и не се појавувам на состаноците на ЗЕЛС. Тоа е многу принципиелно кога се обидуваме да исполитизираме процес како што е питка вода, не може да не очекуваме и политички одговор или реакција. Затоа велам, сега е време кога треба да седнеме на маса. Ние го решивме нашиот проблем, сега е време за седнување на маса, каде што, зборувам за ЗЕЛС, ќе ги отвориме можностите и ќе ги отвориме темите коишто се предмет на разговор и се интерес на струмичанки и струмичани - посочи Костадинов.

Тој ги наброја проектите и програмите кои се одобрени од ресорните министерства и се чека на нивна реализација.

Тука мислам на атмосферска канализација во село Муртино за која што имаме добиено средства и очекуваме да се распише јавна набавка, што со филтер станицата за питка вода во населено место Банско за која исто имаме одобрено средства и се чека распишување на јавна набавка, што со средствата од унгарскиот кредит за што до денеска немаме добиено известување на писмено, кои се причините и дали е одбиен проектот за нов градски пазар во Струмица. Се од институциите треба да добиеме на хартија. Зошто? За истото да може да го обжалиме. Имаме одлука на Влада и овде не скромно ќе се заблагодарам што е продолжен рокот, но во известувањето вели за докомплетирање на проектите, ние имаме комплетиран проект, ова не е обвинување туку е детализирање на еден процес којшто е многу важен за струмичани - подвлече струмичкиот градоначалник.

Тој се осврна и на усогласувањето на урбанистичките планови.

Ги имаме деталните урбанистички планови, го имаме генералниот урбанистички план за којшто треба да седнеме со ресорно министерство оти и тоа е развој за Општината. Знаеме дека министерот за транспорт и врски најави можност за железничка пруга низ Струмица. Како ќе имаме железничка пруга ако тоа го немаме во ГУП. Впрочем, во новиот предлог за новиот ГУП на Струмица постои железничката пруга којашто во моментот ја нема во постоечкиот ГУП. Ова се многу важни теми за коишто повикувам на разум и затоа разговорот во ЗЕЛС е така условен - истакна Костадинов.

Тој побара и за проблемот со браната „Турија“ да не разговараат тој и ресорниот министер, туку работна група која би била составена од стручни лица АД „Водостопанство“. МЗШВ и ЈПКД „Комуналец“ Струмица.

Упатувам апел и порака до надлежните институции, МЗШВ и АД „Водостопанство“ да седнеме на маса, да дискутираме за состојбата на водата во браната „Турија“, да изнајдеме решенија без разлика што тоа е нивна надлежност, ние Општина Струмица и ЈПКД „Комуналец“ сме подготвени да разговараме за можните решенија дури и на брана „Турија“. Знаеме дека Струмица сега има вода за пиење, но Општина Василево нема. Не знаеме дали утре повторно ќе има одрон во браната и повторно ќе ни се појави проблем со манган. Ова е време на прагмата, а не е време на политиката - рече градоначалникот Костадин Костадинов на денешната прес - конференција.

Заедно со раководството на комуналаното претпријатие и официјално соопштија дека водата за пиење во Струмица е здрава и безбедна покажувајќи го решението од Агенцијата за храна и ветеринарство.

Струмичкиот градоначалник се заблагодари на инспекторите на АХВ за нивната храброст да го потпишат решението и како што рече, „можеби имале и притисоци за да може да се надмине проблемот со водата за пиење“.

Упатувам сериозна порака до институциите да си ја гледат работата којашто е во нивна надлежност. Струмица била, е и ќе биде сериозен партнер на сите државни институции. За да бидеме партнер институција мора да градиме партнерски однос. Затоа, повикувам, надлежните институции-Министерството за земјоделство, шумарство и водостопанство да не го политизитраат повторно овој случај, да не наоѓаат дежурни виновници оти еве од вчера гледаме каде е вината, но тоа не е битно бидејќи не знаеме до кога ќе трае. Затоа, да седнеме како луѓе кои ја имаме честа од граѓаните да водиме институции и да носиме одлуки во интерес и за добробит на граѓаните - додаде Костадинов.

Инаку, водата за пиење во Струмица и шест населени места беше забранета за употреба пред еден месец заради зголемено присуство на манган и во последните мерења заради зголемено присуство на колиформни бактерии.

The post Намерата не е да излезам од ЗЕЛС, намерата е да го вклучиме алармот, порача градоначалникот на Струмица appeared first on Република.

ЗЕЛС не е тој што предизвикува кризи, ЗЕЛС ги надминува кризите, изјави претседателот на Заедницата на единиците на локална самоуправа (ЗЕЛС) и градоначалник на Општина Кисела Вода Орце Ѓорѓиевски по средбата со градоначалникот на Карпош, Стевчо Јакимовски.

Како што соопшти ЗЕЛС, градоначалникот на општина Струмица Костадин Костадинов не дошол на состанокот на кој бил поканет.

На средбата, Ѓорѓиевски истакнал дека секогаш имало несогласувања меѓу одреден градоначалник и министер и додал дека тоа е логично кога се работи да постојат и такви несогласувања.

Ние сме тие кои влегуваме во директна медијација на процесот и верувам дека ќе ги надминеме какви и да се разликите и колку и длабоки да се истите. ЗЕЛС останува обединет и понатаму. Во наредниот период ќе продолжиме со интензивна комуникација и со Струмица. Колегата Перо Костадинов, кој е мој потпретседател и доаѓа од редовите на Социјалдемократскиот сојуз, ќе се потруди во тој дел како колега, како припадници на иста политичка партија со Костадин Костадинов да седнеме заеднички на маса и верувам дека, како и Стевче што кажа дека нема да излезе од ЗЕЛС и остава простор на процесот да ги надминеме проблемите, истото ќе се случи и со општина Струмица, изјавил претседателот на ЗЕЛС Ѓорѓиевски, додавајќи дека ќе застанат зад секој градоначалник без разлика од која било политичка партија да доаѓа.

Од ЗЕЛС информираат дека во текот на наредните дена ќе направат обиди за организирање средби меѓу градоначалниците и претставниците на централната власт.

Претседателот на ЗЕЛС и градоначалник на општина Кисела Вода Орце Ѓорѓиевски пред неколку дена во гостување на МТВ оцени дека се прави вештачко креирање на проблеми и дека има политика во најавите на градоначалниците на Струмица и Карпош за излегување од ЗЕЛС. Ѓорѓиевски посочи дека струмичкиот градоначалник одбива комуникација и подадена рака од другите колеги, ставајќи ги во заложништво своите граѓани заради свои политички цели.

The post Ѓорѓиевски на средба со Јакимовски: ЗЕЛС е обединет, ќе посредуваме меѓу Карпош, Струмица и централната власт appeared first on Република.

Премиерот Христијан Мицкоски смета дека одлуката на градоначалникот на Струмица, Костадин Костадинов да го напушти ЗЕЛС е погрешна и дека тоа е негова одлука, а не на општината.

Не верувам дека Струмица најави напуштање на ЗЕЛС, најави градоначалникот на Струмица. По мене, тоа ќе биде погрешна одлука, но тоа е негова одлука, иако мислам дека таа е донесена во една поспецифична состојба и мислам дека е потребно најпрво да се консултира со Советот, а ако и Советот така неодговорно се однесува кон струмичани, тогаш нека им е со среќа - рече Мицкоски по денешната прес-конференција во Владата.

Очекува на следните локални избори, Струмица да добие градоначалник, кој, како што рече, ќе мисли на струмичани, а не на своите лични партиски фрустрации.

Од Општина Струмица во четвртокот официјално соопштија дека се откажуваат од членството во Заедницата на единиците на локална самоуправа (ЗЕЛС), а градоначалникот Костадин Костадинов дека ќе поднесе оставка на функцијата член на Управниот одбор. Напуштањето на ЗЕЛС, како што информираа, е во знак на револт заради индиферентниот однос кон Струмица и нејзините граѓани во периодот кога тие се соочуваат со еден од најголемите предизвици - водата за пиење, којашто претставува основен елемент на животот, но и заради истиот однос по одбивањето од Владата на единствениот проект од Струмица за реализација со средства од унгарскиот кредит.

The post Погрешна е одлуката на градоначалникот на Струмица да го напушти ЗЕЛС, смета Мицкоски appeared first on Република.

Секоја најава за нарушување на единството на ЗЕЛС му штети и на ЗЕЛС и на сите општини, оценува министерот за локална самоуправа Златко Перински по најавите на општините Струмица и Карпош дека ќе го напуштат ЗЕЛС.

ЗЕЛС е единствената асоцијација на единиците на локалната самоуправа која што има мандат да ги застапува нивните интереси пред Владата. Добро е и во иднина да остане така. Ваквото однесување сериозно ја нарушува позицијата на ЗЕЛС, затоа што само единствен ЗЕЛС може да биде сериозен партнер на Владата во разговорите за унапредување на системот на локалната самоуправа и на развојот на општините, зад што оваа Влада застана многу отворено и јасно и преку конкретни решенија тоа веќе го потврдуваме, вели Перински во изјава за МИА.

Ваквите потези, според Перински, не се решение. Со пренасочување на вниманието и политизирање на случајот, губат сите, а најмногу граѓаните, вели Перински.

https://republika.mk/vesti/makedonija/prvo-kostadinov-sega-i-jakimovski-opshtinite-strumitsa-i-karposh-ke-ja-napushtat-zels/

По најавите на градоначалникот на Струмица Костадин Костадинов дека Општина Струмица ќе излезе од ЗЕЛС, денеска и официјално од Општината соопштија дека се откажуваат од членството во ЗЕЛС и дека градоначалникот Костадинов ќе поднесе оставка на функцијата член на Управниот одбор. Напуштањето на ЗЕЛС, како што соопштија, е во знак на револт заради индиферентниот однос кон Струмица и нејзините граѓани во периодот кога тие се соочуваат со еден од најголемите предизвици - водата за пиење, којашто претставува основен елемент на животот, но и заради истиот однос по одбивањето од Владата на единствениот проект од Струмица за реализација со средства од унгарскиот кредит.

Најава за прес-конференција попладнево најави и претседателот на ЗЕЛС и градоначалник на Општина Кисела Вода, Орце Ѓоргиевски.

The post Перински: Граѓаните губат најмногу со излегувањето на Струмица и Карпош од ЗЕЛС appeared first on Република.

Општина Струмица од денеска се откажува од членството во Заедницата на единиците на локална самоуправа (ЗЕЛС), а градоначалникот Костадин Костадинов ќе поднесе оставка на функцијата член на Управниот одбор. Напуштањето на ЗЕЛС е во знак на револт заради индиферентниот однос кон Струмица и нејзините граѓани во периодот кога тие се соочуваат со еден од најголемите предизвици - водата за пиење, којашто претставува основен елемент на животот, но и заради истиот однос по одбивањето од Владата на единствениот проект од Струмица за реализација со средства од унгарскиот кредит, соопштија денеска од локалната самоуправа откако синоќа ваквата одлука ја најави градоначалникот Костадин Костадинов.

Во соопштението се додава дека Општина Струмица како институција не е удостоена со ниедна писмена одлука од Владата и нејзините институции, а за нив дознавале од медиумите.

Заради сето ова, го напуштаме ЗЕЛС, а членството ќе важи исклучиво за законските ингеренции на ЗЕЛС во однос на системите на општините, за се друго сме надвор од ЗЕЛС, стои во соопштението.

Од Општина Струмица наведуваат дека според Статутот на ЗЕЛС, оваа заедница ги застапува и брани интересите на своите членови пред Претседателот на Републиката, Собранието и Владата, министерствата и други институции во чија надлежност се работите од областа на локалната самоуправа.

Но, досега, од појавувањето на проблемот со водата од 27 септември, ЗЕЛС не покажа апсолутно никаков интерес, иако е сведок дека надлежните државни институции, пред се Министерството за земјоделство, шумарство и водостопанство под чија надлежност е браната „Турија“ од која Струмица и 6 населени места се снабдуваат со вода за пиење, не мрдна со малиот прст, напротив, преку Агенцијата за храна и ветерина со анализите и резултатите од нив, си игра мајтап со струмичани, се посочува во соопштението.

За Општина Струмица ова е еден од најголемите скандали во Европа за повреда на човековите права и уставните права и слободи.

Во заштита и интерес на моите сограѓани за нивното најголемо богатство-здравјето, ќе продолжам да се борам со сите сили и расположливи средства, потврдувајќи по кој знае кој пат дека тие ми се најважни и за нив компромиси нема да има. Јас како градоначалник, Општина Струмица, менаџерскиот тим и вработените во ЈПКД „Комуналец“ ќе продолжиме со нашата упорност во докажувањето на вистината дека водата е исправна и микробилошки и по хемиско физичкиот состав. Срамно и жално е да се тера политика врз здравјето на граѓаните на општина Струмица, срамно е да се јадат печени костени во Ново Село, а да не се покаже никаков интерес за најголемиот предизвик со којшто се соочува Струмица и нејзините граѓани, стои во пренесената изјава на градоначалникот Костадинов.

На крајот, како што се наведува во соопштението, стои дека „струмичани се познати по издржливоста во неправдите од власта предводена од ВМРО ДПМНЕ, ќе издржиме и сега и ќе излеземе победници од оваа скоро едномесечна голгота низ која минуваме во остварувањето на правото на чиста вода за пиење“.

The post Општина Струмица официјално се откажува од членството во ЗЕЛС, Костадинов ќе поднесе оставка на функцијата во Управниот одбор appeared first on Република.

Градоначалникот на Општина Струмица, Костадин Костадинов преку неговиот Фејсбук профил  соопшти дека ја напуштаат Заедница на единиците на локална самоуправа (ЗЕЛС). Тој претходно ја осуди одлуката на надлежните институции да биде продолжена забраната за користење на водата за пиење во Струмица.

-Со огромна грижа кон народот на моја Струмица, утре ќе спремам и официјален допис, ЗЕЛС не ја заслужува партиципацијата на Струмица. Го напуштаме ЗЕЛС, со целата одговорност, обиди за соработка, партнерски однос, доволно е. Филозофија без прагма, штета за која ја плаќаат граѓаните! Ова е еден од најголемите скандали во Европа за повреда на човековите права, за уставните права и слободи. За мојата Струмица, компромиси немало, нема и нема да има! Нека ви е со среќа – вели Костадинов во синоќешната објава.

Според Костадинов, борбата против Струмица продолжува и како што напиша „чекаа, калкулираа и денес преку медиуми се научивме дека не ни даваат решение за водата“.

-Решивте на грбот на народот да правите политика, скапо ќе плати некој за оваа фашистичка операција врз Струмица и струмичани. Наскоро вистината и за водата, но и за сите притисоци, врз инспектори, врз вработени во Институтот за јавно здравје (ИЈЗ) само да не се кажуваат јавно резултатите оти истите не се во прилог на политиката на Цветан Трипуновски – напиша струмичкиот градоначалник.

The post Костадинов: Општина Струмица излегува од ЗЕЛС appeared first on Република.

Градоначалникотна општина Кисела Вода и претседател на ЗЕЛС, Орце Ѓорѓиевски, присуствуваше на презентација и дискусија за системот за финансирање на дејноста за заштита на деца со средства од блок дотации, организирана од страна на Министерството за труд и социјална политика, информираат од Општина Кисела Вода.

На средбата, на која покрај заменик-министерот за труд и социјална политика Ѓоко Велковски присуствувале и други претставници на ЗЕЛС, на Министерството и од Светска Банка, биле отворени повеќе значајни теми во насока на усвојување на методологијата за креирање на буџет за фискалната 2025 година.

Денеска присуствував на значајна средба која ја иницираше Министерството за труд и социјална политика. Со заменик министерот Ѓоко Велковски, но и со други мои колеги претставници од ЗЕЛС и претставници од Светска Банка, заеднички дискутиравме на повеќе теми кои треба да бидат база за воведување на нов поефикасен систем за распределба на средства за финансирање на дејноста. Во фокусот на нашите разговори покрај висината на блок дотациите, беше и проблемот со чекање на нови согласности за вработувања, како и полагањето за добивање на лиценци, како би можело да се овозможи поголема ефикасност на целокупниот систем, истакнал Ѓорѓиевски.

Предложената методологија, која верува, ќе ги содржи нивните забелешки, ќе биде доставена до управниот одбор на ЗЕЛС, но и до сите општини со цел тие да е произнесат и креирањето на Буџетот за 2025 за оваа дејност да биде точно по мерка на граѓаните и нивните потреби.

The post Претседателот на ЗЕЛС на дискусија во МТСП за системот за финансирање на дејноста за заштита на деца со средства од блок-дотации appeared first on Република.

Орце Ѓорѓиевски, градоначалник на Општина Кисела Вода и претседател на ЗЕЛС, денеска информираше дека работна група од ЗЕЛС веќе работи на изготување на закон за комунална полиција во соработка со Министерството за внатрешни работи.

Во изјава за медиуми по денешниот координативен состанок со скопските градоначалници, Ѓорѓиевски рече дека во наредниот период и јавноста ќе треба да се запознае со тој закон.

– Размислуваме за закон за комунална полиција. Одредена работна група од ЗЕЛС работи на истото во соработка со МВР. Секако дека ќе треба во наредниот период и јавноста да го види, да се запознае со истиот. Но, мислам дека и конечно донесување на еден таков закон за комунална полиција е нешто што е од сериозна потреба за нашата земја, рече тој.

Според градоначалникот на Општина Карпош, Стевче Јакимовски, пак, постојните проблеми во град Скопје нема да се решат доколку не се донесе закон за комунална инспекција.

– Нема да ги решиме проблемите ако не го донесеме законот за комунална инспекција. Комуналните инспектори мора да добијат овластувања, да легитимираат, да казнуваат, да приведуваат, да побараат притвор и физички да неутрализираат, посочи тој.

Дополнително, во врска со подобрување на состојбите, рече дека и цените за сервисирање на услугите на граѓаните мора да се зголемат согласно промените на трошоците.

Градоначалниците на скопските општини на денешниот координативен состанок донесоа одлука да се достави предлог до Владата и до Министерството за животна средина да ги одземат ингеренциите на јавните претпријатија за комунална хигиена и паркови и зеленило.

Како што информираше градоначалникот на Општина Кисела Вода, Орце Ѓорѓиевски, по денешниот координативен состанок, донеле одлука да побараат предавање на обврските на општините.

– Бараме Владата да назначи владин повереник и да и започне процес на расформирање на овие две јавни претпријатија и предавање на обврските на општините, рече Ѓорѓиевски.

The post Работна група од ЗЕЛС во соработка со МВР изработува закон за комунална полиција appeared first on Република.

Градоначалникот на Општина Кисела Вода и претседател на ЗЕЛС, Орце Ѓорѓиевски денеска информираше дека работна група од ЗЕЛС веќе работи на изготување на закон за комунална полиција во соработка со Министерството за внатрешни работи.

Во изјава за медиуми по денешниот координативен состанок со скопските градоначалници, Ѓорѓиевски рече дека во наредниот период и јавноста ќе треба да се запознае со тој закон.

Размислуваме за закон за комунална полиција. Одредена работна група од ЗЕЛС работи на истото во соработка со МВР. Секако дека ќе треба во наредниот период и јавноста да го види, да се запознае со истиот. Но, мислам дека и конечно донесување на еден таков закон за комунална полиција е нешто што е од сериозна потреба за нашата земја – рече тој.

Според градоначалникот на Општина Карпош, Стевче Јакимовски, пак, постојните проблеми во град Скопје нема да се решат доколку не се донесе закон за комунална инспекција.

Нема да ги решиме проблемите ако не го донесеме законот за комунална инспекција. Комуналните инспектори мора да добијат овластувања, да легитимираат, да казнуваат, да приведуваат, да побараат притвор и физички да неутрализираат - посочи тој.

Дополнително, во врска со подобрување на состојбите, рече дека и цените за сервисирање на услугите на граѓаните мора да се зголемат согласно промените на трошоците.

Градоначалниците на скопските општини на денешниот координативен состанок донесоа одлука да се достави предлог до Владата и до Министерството за животна средина да ги одземат ингеренциите на јавните претпријатија за комунална хигиена и паркови и зеленило.

The post Ќе легитимираат, ќе казнуваат, ќе приведуваат: Во најава е закон за комунална полиција и соработка меѓу ЗЕЛС и МВР appeared first on Република.

Заедницата на единиците на локалната самоуправа на Република Македонија –ЗЕЛС ги подржува општините во процесот на изградба на капитални проекти од јавен интерес, чија реализација ќе се забрза со предложените измени во Законот за урбанистичко планирање, што е во собраниска процедура и каде се предвидени поедноставени процеси на донесување на плановите, како основ за одобрение за градба.

Со тоа ќе им се овозможи на општините да реализираат објекти кои се исклучиво од јавен интерес (градинки, училишта, амбуланти, катни гаражи…. ), односно во интерес на граѓаните.

Најголем број општини во земјава во континуитет се соочуваат со неможност да им излезат во пресрет на барањата на своите граѓаните преку изградба на јавни објекти со кои ќе се подобрат услугите и ќе се обезбеди поквалитетно живеење. Причината е што најчесто во реоните каде што има потреба од вакви објекти не се донесени детални урбанистички планови или треба да се направат измени на постојните. Донесувањето на вакви детални планови бараат одвојување на многу големи финансиски средства, (што најголем број од општините ги немаат доволно), но истовремено и што нивното донесување се одвива во еден долг временски период, од најмалку четири, пет до десет години. Предложените законски измени ќе им дадат можност на општините да ги исполнат барањата на своите граѓани и истовремено ќе ја зголемат одговорноста на општинските совети, кои требаа претходно да дадат ,,зелено светло,, при одобрувањето на изградбата на секој ваков објект од јавен интерес.

https://republika.mk/vesti/ekonomija/nikoloski-so-izmenite-na-zakonot-za-urbanistichko-planirane-uchilishta-gradinki-i-kanalizatsiska-mrezha-ke-se-gradat-po-poednostavna-postapka/

Како дополнителна причина во полза на предложените измени е и обврската за обезбедувањето еднакви можности на сите општини во земјава кои имаат потреба од градба на јавни објекти, а не таа ,,привилегија,, да ја имаат само општините кои располагаат со поголеми финансиски средства за да издвојат за донесување на ваква планска регулатива. Всушност, по неодамна изнесеното ветување на Владата на РСМ дека наскоро ќе објави јавен повик до сите општини за финансирање на капитални проекти во општините, беше забележано дека токму поради недостаток на изработени детални урбанистички планови, голем дел од општините не ќе можат да аплицираат за нивно користење. Поддршката од ЗЕЛС оди во насока, сите општини да учествуваат со еднакви услови кога се обезбедуваат вакви ,,грантови“, бидејќи тие средства треба да бидат во полза, подеднакво на сите граѓани во земјата, велат од ЗЕЛС.

The post ЗЕЛС ги поддржува измените на законот за урбанистичко планирање appeared first on Република.

На покана на ЗЕЛС денеска сум на овој настан, на ова Генерално собрание. За мене претставува чест и задоволство што ја добив најпрво оваа покана. Зошто? Затоа што ценам дека општините во периодот кој што следи би рекол и годините кои што следат ќе имаат во Македонија големо значење, затоа што голем дел од капиталните проекти кои што ги имаат како потреба граѓаните, ќе бидат реализирани преку општините, изјави денеска мандатарот Христијан Мицкоски.

На граѓаните им е преку глава од бајки, басни и ветувања за големи работи, а ништо не се случува. Нашите граѓани имаат основни егзистенцијални проблеми, во центрите на поголемите урбани средини се гази во кал, ниту 20 проценти од територијата е покриена со организирани канализациски системи, системи за одведување на отпадни води, да не зборувам за нивни прочистување. Имаме средини каде што немаме ниту питка вода за пиење, имаме руинирани детски игралишта, гледате каква е состојбата со демографијата во Македонија, за неколку години за 30 проценти е намалена бројката на дечиња кои што се раѓаат, имаме руинирани училишта, долги листи на чекање во градинките - рече Мицкоски.

Сето тоа треба да претставува приоритет и ќе претставува приоритет на нивната влада, вели тој.

Она кое што јас можам да го кажам, а планирам да го повторам на овој преубав настан, е да бидат подготвени сите градоначалници без разлика од која политичка партија, без разлика дали се од ВМРО-ДПМНЕ, дали се од СДСМ, ДУИ, Алијанса, БЕСА, или од друга политичка партија, или пак се независни, да работата на проекти до одобрение за градба, на есен во првата половина на септември, а можеби ако биде секако што треба со ребалансот во втората половина на јули месец, уште во август месец ќе биде објавен повикот за оваа година минимум 6 милијарди денари, минимум 100 милиони евра иако јас се обидувам да обезбедам и денар повеќе.Но, веќе следната година повикот ќе биде објавен на самиот почеток, таму некаде во втората половина на јануари или прва половина на февруари и ќе бидам 250 милиони евра од централниот буџет реалоцирани за општините. Нашата цел е за првите 4 години од нашиот мандат да допреме до 400 илјади домаќинства, да ги решиме тие основни егзистенцијални суштински проблеми на 400 илјади домаќинства.Да ја донесеме работата на владата преку општините до домот на секој граѓанин. Се надевам дека ќе успееме. Ќе бидам попрецизен сигурен сум дека ќе успееме. Знам дека станува збор за амбициозна група на градоначалници кои што ќе дадат се од себе и оваа година и почетокот на следната година без разлика на политичките партии да направат проекти бидејќи тие се избрани од народот, и да бидат слуги на народот и пред народот да одговорат - истакна Мицкоски.

Ја разбирам тешката состојба во општините, разбирам дека колку помалку граѓани се селат, толку помалку даноци во општините, толку помалку расположливи средства и затоа е тука владата со една добра домаќинска работа, реорганизација во самата влада да обезбеди ресурси да се одговори на реалните проблеми на граѓаните, вели Мицкоски.

The post Мицкоски: Преку општините ќе ја донесеме работата на владата до домот на секој граѓанин, со ребаланс на буџетот ќе се обезбедат 100 милиони евра за проекти appeared first on Република.

The post Изјава на Христијан Мицкоски пред Генералното Собрание на ЗЕЛС (Во иво) appeared first on Република.

Заедницата на единиците на локалната самоуправа на Република Македонија (ЗЕЛС) денеска ќе ја одржи шестата седница на Генералното собрание на која ќе се дискутира за актуелните предизвици со кои се соочуваат единиците на локална самоуправа.

Делегатите на ова највисоко тело на ЗЕЛС, составено од сите градоначалници во земјава, како и од членовите на Комитетот на советите при ЗЕЛС, како што е најавено, ќе ги разгледаат и важните извештаи од работењето на Заедницата.

Од ЗЕЛС соопштија дека пред делегатите ќе се обрати претседателот на Заедницата, Орце Ѓорѓиевски, како и мандатарот за формирање на нова влада, Христијан Мицкоски, кој ја прифатил поканата од ЗЕЛС да ги изнесе ставовите и заложбите на идната извршна власт за обезбедување на взаемна соработка за унапредување на процесот на децентрализацијата на власта во земјата и обезбедување на подобра финансиска стабилност на општините.

The post Седница на Генералното собрание на ЗЕЛС, ќе се обрати и мандатарот за формирање нова влада, Мицкоски appeared first on Република.

Претседателот на Заедница на единиците на локалната самоуправа на Македонија (ЗЕЛС), Орце Ѓорѓиевски упати апел до надлежните институции за сериозност и професионално делување во однос на лажните дојави за бомби во училиштата. Според Ѓорѓиевски, поради неможноста да се најдат испраќачите, кај граѓаните сериозно е нарушено чувството на безбедност и доверба во системот.

Од името на ЗЕЛС, сакам да апелирам и да го повикувам МВР, како надлежна институција да преземе сериозни чекори за пронаоѓање на испраќачите на електронските пораки за поставени бомби низ училиштата во Скопје и другите градови за да можат учениците што поскоро непречено да следат настава. Апел и до МОН бидејќи системот за онлајн настава не функционира во повеќето од училиштата, па заобиколните решенија за одвивање на образовниот процес не се возможни. Општините не можат да ја спроведуваат оваа доверена надлежност и не можат да им помогнат на родителите кои огорчени се обраќаат во единиците на локалната самоуправа, нагласи Ѓорѓиевски.

Тој го повика и Министерството за образование и наука да најде начин наставата да продолжи и да се зафати сериозно со овој проблем, бидејќи како што рече, системот за онлајн настава не функционираше вчера, а не функционира ниту денес за некои училишта.

The post МВР да ги пронајде заканувачите, а МОН да си го среди системот за онлајн настава кој не работи, повика ЗЕЛС appeared first on Република.

Со длабоко жалење и вознемиреност ја примив ужасната вест за разорниот земјотрес што ги погоди граѓаните на Република Турција и Сирија. Во овие исклучително тешки и тажни моменти за нив, за семејствата на загинатите и повредените, од мое лично име, како и од име на сите општини во ЗЕЛС и нивните граѓани, упатувам искрено сочувство, напиша градоначалникот на општина Кисела вода и претседател на ЗЕЛС, Орце Георгиевски.

-И Македонија во својата историја памети човечки загуби и огромни материјални штети од природни катастрофи. Ја памети и помошта и топлината на подадената рака во моментите кога и’биле најпотребни. Во вакви моменти сите треба да се потсетиме дека не можеме против природните катастрофи со трагичен епилог, но можеме со хуманост и солидарност да помогнеме. Оттука, како Претседател на ЗЕЛС, апелирам за солидарност до градоначалниците на сите општини во Република Македонија. Сега е момент кога секој, согласно своите финансиски можности треба да ја покаже својата благородност и на дело да докаже дека хуманоста и солидарноста со кои не’опишуваат биле и остануваат наша движечка сила! Самиот, како градоначалник на Општина Кисела Вода, веќе поднесов иницијатива до Советот за обезбедување на финансиска помош од 500.000,00 денари за погоденото население од Турција и Сирија. Остваривме контакт и со Амбасадата на Република Турција во Македонија, на која понудивме поддршка и од друг тип. Од таму дополнително ќе бидеме известени околу конкретните потреби па ќе излеземе со адекватна помош за семејствата погодени од разорниот земјотрес! Истакна Георгиевски.

Се надевам и силно верувам дека овој чекор ќе го следат сите останати градоначалници. Искрено и од срце посакуваме брзо заздравување на повредените, а овие земји што поскоро да ги санираат погодените места од разорниот земјотрес, додаде тој.

The post Претседателот на ЗЕЛС ги повика општините за финансиска помош за погодените од земјотресот во Турција и Сирија appeared first on Република.

Орце Ѓорѓиевски, градоначалник на Општина Кисела Вода е новиот претседател на ЗЕЛС, одлучи мнозинството на членови на Управниот одбор на ЗЕЛС на денешната седница. Ѓорѓиевски на местото претседател на ЗЕЛС доаѓа откако од оваа функција е разрешена градоначалничката на Град Скопје Данела Арсовска.

Потпретседателите на ЗЕЛС, Висар Ганиу, градоначалник на Општина Чаир и Перо Костадинов, градоначалник на Општина Валандово, остануваат на истата позиција, а досегашната претседателка на ЗЕЛС, Данела Арсовска, градоначалничка на Град Скопје продолжува со активностите во ова тело, како член на Управниот одбор. Всушност и според Статутот на ЗЕЛС, градоначалникот на Град Скопје по функција е член на Управниот одбор на ЗЕЛС, информираат денеска од ЗЕЛС.

На оваа седница, Управниот одбор донел и заклучок за упатување на итно барање до Владата на за одржување на заедничка средба на која главна тема на разговорот ќе биде изнаоѓање на соодветни решенија за предизвиците со кои се соочуваат единиците на локалната самоуправа, поврзани со енергетска криза. Било нагласено дека општините се доведени во колапс од високите сметки за електрична енергија и дека ваквата состојба најголемиот број на општини не би можеле да ја издржат ниту уште еден месец.

На 14 седница, Управниот одбор дискутирал и за предлог Меморандумот за соработка со Владата, кој веќе една година беше на разгледување од централната власт.

The post Арсовска веќе не е прв човек на ЗЕЛС, нов претседател е Орце Ѓорѓиевски appeared first on Република.

ЗЕЛС не функционира, а претседателката Данела Арсовска нема интерес за решавање на крупните проблеми на општините. Во оваа година по локалните избори ЗЕЛС не се состанал нуту еднаш на нејзина иницијатива, туку на иницијатива на членови на Управниот одбор. Тоа значи само едно - нефункционалност и слаб интерес на претседателката, смета потпретседателот на ВМРО-ДПМНЕ и градоначалник на Општина Аеродром,Тимчо Муцински.

Тој во своето гостување во „Тема на денот“ во централниот Дневник на Сител телевизија истакна дека општините се сериозно погодени од енергетската криза и од поскапувањето на електричната енергија и дека во услови кога државниот буџет се зголемува, тој на општините се намалува, а тука никаде го нема претседателот на ЗЕЛС, кој што во случајов е градоначалничката на Град Скопје, Данела Арсовска да ги застапува пред владините органи и да ги брани нивните права.

Муцунски исто така истакна дека Арсовска не реагираше ниту во делот со неодобрувањето на општинските обврзници од страна на Владата, со што се прегазени и уставно загарантирани права како и постоечки закоски решенија.

Ние сме сериозно погодени од енергетската криза. Ликвидноста на општините е намалена. Додека државниот буџет расте, статистички можете да видите дека буџетите на општините во Македонија се намалуваат. Тоа пред се, бидејќи ние сме најизложени на енергетската криза. И во моменти кога влада презема одредени чекори против општините, како на пример, кога се донесе една одлука спротивна на Устав, спротивна на важечки закони од ЗЕЛС, скоро молк. Никаков интерс да се покаже проактивен пристап, бидејќи, што правиме ние, располагаме со јавни средства во интерес на граѓаните коишто не избрале и ги менаџираме тие средства. Но, телата како ЗЕЛС се тука да нудат решенија, но кога и се нападнати општините, да помогнат да се одбранат и да се преземат превентивни мерки, рече Муцунски.

Муцински додаде дека тој не е член на Управниот одбор, но знае дека членовите на Управниот одбор постојано се консултираат и верува дека сите тие мерки коишто ќе се преземат од страна тие лица, негови колеги, луѓе во кои има максимална доверба, ќе бидат во насока конечно да почнат да функционираат институциите на системот кои што не функционираа во последната година дена.

И во однос на кординативното тело на граданоначалниците на Градот Скопје, каде што претседава градоначалничката на Градот Скопје иста е ситуацијата и со ЗЕЛС, многу мал интерес за работа, а гледам често, многу висок степен на политичка демагогија, но работата на локалната самоуправа е прагматична и е на терен, не е тоа висока политика, вели Муцунски додавајќи дека има политички арени каде што ќе се пресметуваат и врз основа на програми и платформи.

Тука сме избрани да работиме и тука сме избрани да решаваме проблеми за да имаме развој во општините и за да најдеме начин како заеднички да излеземе од овие разни кризни состојби кои што за жал ги имаме. Морам со огромна жал да констатирам дека телото кое што има обврска да ги координира општините кои што се интегрирани во рамките за законите, а тоа е координативно тело на градоначалниците во градот Скопје, кое што треба да го води градоначалникот на Градот Скопје, законски тоа има обврска да се сотанува еднаш месечно. До сега во последните година дена се има состанато вкупно четири пати, а во полседните шест, седум месеци воопшто не е ни свикана било каква средба. За жал, нема интерес за комуникација на Градот Скопје со општините, иако ние тука пред се работиме за граѓаните, така сме избрани. Да ги тргнеме на страна политичките несогласувања, ги имало и ќе ги има. Ние треба да работиме во интерес на граѓаните. Немањето на желба за комуникација, немањето на желба за кординација е примарно кај градот Скопје, истакна Муцунски.

The post Муцински: ЗЕЛС не функционира, претседателката Арсовска ниту еднаш не застана во одбрана на општините пред владата appeared first on Република.