Во Полициското одделение-Групчин Ј.А.(47) од с.Желино, одговорно лице во правен субјект од с. Желино, пријавил дека вчера во непознат правец си заминале седум работници од Бангладеш, кои од 18.09.2024 година биле дојдени за работа со виза издадена од Р.Македонија, со цел да работат во нивната фирма.

Од СВР Тетово велат дека се преземаат мерки за пронаоѓање на лицата.

The post Издржаа само месец: Работници од Бангладеш избегаа од Желино appeared first on Република.

Основното јавно обвинителство Тетово донесе Наредба за спроведување истражна постапка против едно лице осомничено за кривично дело – Убиство според член 123 став 1 во врска со член 19 (во обид) од Кривичниот законик и до надлежниот суд поднесе предлог за определување мерка притвор за осомничениот 36-годишник.

На 30 август во селото Стримница, пред угостителски објект на патот кон Желино, осомничениот се обидел да лиши од живот едно лице, така што го прободел со нож оштетениот, нанесувајќи му тешка телесна повреда – убодна рана во градниот кош. Присутни лица веднаш го однеле оштетениот во тетовската болница, од каде како итен случај бил препратен на Клиничкиот центар во Скопје.

На настанот претходела вербална расправија во дворот на џамијата по петочната молитва. Сега осомничениот за обид за убиство и неговиот татко го забележале нивниот соселанец кој имал  расправија со градоначалникот на Желино. Бидејќи знаеле дека нивниот сосед е агресивен, се доближиле да го смират за да не настане поголем проблем. Но, тој не се смирувал и физички ги нападнал, удирајќи го таткото на сега осомничениот во главата.

Присутни лица ги раздвоиле, но подоцна пред угостителскиот објект се случил кривично правниот настан во кој сега осомничениот го прободел со нож соседот кој претходно се расправал во дворот на џамијата со градоначалникот и со нив.

Судијата на претходна постапка го прифати предлогот на ОЈО Тетово и на осомничениот му определи мерка притвор во траење од 30 дена.

The post Отворена истрага за обид за убиство во Желино appeared first on Република.

Вчера во 16.06 часот во СВР Тетово било пријавено дека на регионалниот пат с.Сиричино - с.Желино, тетовско, се случила сообраќајна несреќа помеѓу патничко возило „форд ка“ со тетовски регистарски ознаки, управувано од М.Г.(82) од с.Сиричино и патничко возило „опел“ со тетовски регистарски ознаки, управувано од В.А.(30) од с.Теарце, тетовско.

Во несреќата со тешки телесни повреди се здобил возачот М.Г., а со телесни повреди се здобил возачот В.А. и уште пет негови сопатнички од с.Теарце, од кои две малолетни, констатирани во Клиничката болница Тетово.

Извршен бил увид од увидна екипа од увидна екипа од СВР Тетово.

The post Шестмина се возеле во кола – сите се повредени по судир appeared first on Република.

Управниот суд на синоќа одржана јавна расправа ја одби како несонована тужбата поднесена од Коалицијата Европски фронт на Парламентарните избори 2024, против решението на Државната изборна комисија на РСМ за прегласувањето на избирачкото место 2101 во село Ларце во општина Желино.

Тужбата на тужителот Коалиција „Европски фронт“ предводена од Демократска унија за интеграција (Движење на народот - ДН, Демократска партија на Албанците, Европска демократска партија ЕДП, Демократска партија на Турците, Политичка партија Унија на Ромите - УРА, Политичка партија Бошњачки Демократски Сојуз – БДС) изборна кампања - Парламентарни избори 2024 година, во Изборна единица 1, 2, 3, 4, 5 и 6, поднесена против Решението на Државна Изборна Комисија на Република Македонија УП1.бр.10-33 од 27.05.2024 година, се одбива како несонова, стои во пресудата објавена на веб страницата на Управниот суд.

Со ваквата пресдуа, се потврдува Решението на Државна изборна комисија на Република Македонија УП1.бр.10-33 од 27.05.2024 година, се наведува во соопштението.

Целосната одлука со образложение на истата, како што наведуваат од Упарвниот суд, ќе биде објавена на Судскиот портал, согласно рокот определен во Изборниот законик.

ДИК на седницата одржана на 27 мај, не го прифати приговорот од Европскиот фронт за прегласувањето во Ларце каде по прегласувањето, Европскиот фронт загуби еден пратеник во однос на резултатите од 8 мај, а Коалицијата „Вреди“ доби еден пратенички мандат.

Според првичните резултати по прегласувањето во седум избирачки места во изборните единици 5 и 6 на парламентарните избори 2024, Коалицијата „Твоја Македонија“ предводена од ВМРО-ДПМНЕ останува со 58 пратенички мандати, Коалицијата „Европски фронт“ предводена од ДУИ загуби еден пратеник и има 18 пратенички мандати, исто колку и Коалицијата за европска иднина предводена од СДСМ. Коалицијата „Вреди“ по прегласувањето доби еден пратеник повеќе и сега има 14, додека Движење ЗНАМ за наша Македонија и Левица остануваат со по шест пратенички мандати.

The post Управниот суд ја одби тужбата на Европскиот фронт, пратеникот од Желино останува за Вреди appeared first on Република.

Управниот суд соопшти дека е оформен предмет за тужбата што синоќа ја поднесе Коалицијата „Европски фронт“ на решението на Државната изборна комисија (ДИК) за прегласувањето на изборното место 2101 во село Ларце во Општина Желино и оти итно ги преземат сите процесни дејствија согласно Изборниот законик.

Рокот за одлучување од страна на Управниот суд  е 48 часа по приемот на тужбата.

- Управниот суд ја известува јавноста дека на ден 28.05.2024 година по поднесенa тужба од Коалиција ЕВРОПСКИ ФРОНТ на Парламентарните избори 2024 против Решение УП1 бр. 10-33 од 27.05.2024 година на  Државната изборна комисија на РСМ, оформен е предмет УРП.бр. 95/24. Со оглед на роковите за постапување и одлучување, Управниот суд итно ги презема сите процесни дејствија согласно Изборниот законик, наведува Управниот суд во објава на веб страницата.

ДИК завчера на седница не го прифати приговорот од Европскиот фронт за прегласувањето во Ларце каде по прегласувањето, Европскиот фронт загуби еден пратеник во однос на резултатите од 8 мај, а Коалицијата „Вреди“ доби еден пратенички мандат.

Според првичните резултати по прегласувањето во седум избирачки места во изборните единици 5 и 6 на парламентарните избори 2024, Коалицијата „Твоја Македонија“ предводена од ВМРО-ДПМНЕ останува со 58 пратенички мандати, Коалицијата „Европски фронт“ предводена од ДУИ загуби еден пратеник и има 18 пратенички мандати, исто колку и Коалицијата за европска иднина предводена од СДСМ. Коалицијата „Вреди“ по прегласувањето доби еден пратеник повеќе и сега има 14, додека Движење ЗНАМ за наша Македонија и Левица остануваат со по шест пратенички мандати.

The post Оформен е предмет: Ќе му го врати ли Управен суд пратеникот на ДУИ од Желино? appeared first on Република.

До Управниот суд вечерва е пристигната тужба од Коалицијата „Европски фронт“ на решението на Државната изборна комисија (ДИК) за прегласувањето на Изборното место 2101 во село Ларце во Општина Желино, потврдуваат за МИА од Управниот суд.

Управниот суд треба да одлучи во рок од 48 часа по приемот на тужбата.

ДИК вчера на седница не го прифати приговорот од „Европскиот фронт“ за прегласувањето на Изборното место 2101 во село Ларце во Општина Желино.

По прегласувањето во избирачко место 2101 во Ларце, Желино, Коалицијата „Европски фронт“ загуби еден пратеник во однос на резултатите од 8 мај, додека Коалицијата „Вреди“ доби еден пратенички мандат.

Според првичните резултати по прегласувањето во седум избирачки места во изборните единици 5 и 6 на Парламентарните избори 2024 Коалицијата „Твоја Македонија“ предводена од ВМРО-ДПМНЕ останува со 58 пратенички мандати, додека Коалицијата „Европски фронт“ предводена од ДУИ загуби еден пратеник и има 18 пратенички мандати, исто колку и Коалицијата за европска иднина предводена од СДСМ. Коалицијата „Вреди“ по прегласувањето доби еден пратеник повеќе и сега има 14, додека Движење ЗНАМ за наша Македонија и Левица остануваат со по шест пратенички мандати.

Во Собранието денеска се одржа конститутивна седница, на која беа верифицирани мандатите на 118 пратеници.

The post Коалицијата „Европски фронт“ вечерва поднела тужба пред Управниот суд на решението на ДИК за прегласувањето во Желино appeared first on Република.

Државната изборна комисија денеска треба да одлучува по приговорот од Европскиот фронт за прегласувањето на Изборното место 2101 во село Ларце во Општина Желино.

За прегласувањето на 22 мај во седум изборни места во петтата и шестата изборна единица, до ДИК немаше други приговори.

На одлуката од ДИК кандидатите имаат право на тужба до Управниот суд кој, пак треба да одлучи во рок од 48 часа по приемот на тужбата.

По прегласувањето во избирачко место 2101 во Ларце, Желино, Коалицијата „Европски фронт“ загуби еден пратеник во однос на резултатите од 8 мај, додека Коалицијата „Вреди“ доби еден пратенички мандат.

Според првичните резултати по прегласувањето во седум избирачки места во изборните единици 5 и 6 на Парламентарните избори 2024 Коалицијата „Твоја Македонија“ предводена од ВМРО-ДПМНЕ останува со 58 пратенички мандати, додека Коалицијата „Европски фронт“ предводена од ДУИ загуби еден пратеник и има 18 пратенички мандати, исто колку и Коалицијата за европска иднина предводена од СДСМ. Коалицијата „Вреди“ по прегласувањето доби еден пратеник повеќе и сега има 14, додека Движење ЗНАМ за наша Македонија и Левица остануваат со по шест пратенички мандати

The post ДУИ не се помирува дека загуби уште еден пратеник appeared first on Република.

„Дадовме приговори за некои места каде имаше нерегуларности во гласањето, ни ги прифатија и сега ќе има прегласување на истите тие места, каде што очекуваме да добиеме плус некој пратеник доколку граѓаните ни го дадат својот глас”, изјави меѓународниот секретар на ВМРО-ДПМНЕ и дополнителен заменик министер во МИОА, Стефан Андоновски, на ТВ 21.

Ова следува откако ДИК донесе одлука за прегласување во Желино,Охрид и Крушево на неколку избирачки места. Париите имаат право на жалби до Управниот суд.

https://republika.mk/vesti/makedonija/do-petok-ke-se-znae-dali-ke-ima-preglasuvane/

Во Крушево и Охрид СДСМ за 109 гласа го загуби четвртиот мандат, кој замина во „Европскиот фронт“ на ДУИ.

Во Општина Крушево поништено е гласањето на избирачкото место 1194 во селото Бучин, каде што ВМРО-ДПМНЕ доби 268, а СДСМ 84 гласови. Гласањето е поништено и во селото Јакреново каде СДСМ има 56 гласови, ВМРО – 0, а „Европскиот фронт“ 38.

Во Охрид поништено е гласањето на избирачкото место 1272 во Општата болница. Таму ВМРО-ДПМНЕ добил 236 гласови, а СДСМ 89.

Во Желино (ИЕ 6) поништено е гласањето на избирачкото место 2102 во селото Мерово, каде ДУИ добила 196 гласови, а коалицијата „Вреди“ 126.

The post ВМРО-ДПМНЕ очекува зголемување на бројот на пратеници по прегласувањето appeared first on Република.

Откако Државната изборна комисија го  поништи гласањето на едно избирачкото место 1272 во општина Охрид, на избирачките места 1194 и 1202 во Крушево и едно во Желино на потег се партиите кои се чуствуваат оштетени да се жалат до Управниот суд.

Откако доцна синоќа ДИК донесе одлука за прегласување во неколку избирачки места тече 24 часовниот  рок за жалби до Управниот суд.Управниот пак има рок од 48 часа да одлучи по жалбите на партиите.

Евентуалното прегласување би се случило на 22 мај-објануваат од ДИК за „Република“.

Постојат многу комбинаторики кој би можел да добие или да изгуби пратеник бидејќи негде разликата е само стотина гласови.

Најмногу може да изгуби ДУИ, дури двајца пратеници, а СДСМ да добие два плус.Во некои варијанти и ВМРО-ДПМНЕ би можело да добие пратеник но тоа зависи од суровоста на Донтовиот модел кој може да „пресече“ и за еден глас плус-минус.

The post До петок ќе се знае дали ќе има прегласување appeared first on Република.

На местото каде гореа отпадни гуми во близина на тетовско Желино, Државниот инспекторат за животна средина (ДИЖС) извршил вонреден инспекциски увид, а најавено е решение според кое опожарените остатоци треба да се отстранат. Воедно, требало да се направи повторно доведување на локацијата во првобитната природна состојба.

– ДИЖС ќе изготви решение за отстранување на отпадните гуми од плацот и целосно расчистување на истиот, како и ремедијација на опожареното место. Вонредниот инспекциски надзор се изврши во поранешниот склад за секундарни суровини „Еуро суровина хит“ кој поседувал дозвола за собирање, преработка, третман и складирање на неопасен отпад со важност до 2022 година, а одговорното лице во правно лице – управител, изјави дека од декември 2021 не ја врши повеќе дејноста – субјектот е затворен, што е констатирано при инспекциски надзор и записник за констатација од 10.05.2022 година. На државниот инспектор за животна средина му беше доставен на увид – договор за соработка со Друштво за собирање примарна преработка на отпадоци „Екоцентар 97“ ДОО Скопје од 25.01.2018 година за преземање на отпадни гуми, пишува во информацијата на ДИЖС.

Оттаму информираат дека имаат координација со тетовското Обвинителство и СВР Тетово, заради целосно документирање на случајот и пронаоѓање на сторителите и нивно санкционирање.

– Државниот инспектор за животна средина, при надзорот на лице место на посочената локација, констатираше дека има пожар од поголем размер, кој избувнал од непознати причини и непознат сторител, при што ги зафатил отпадните гуми што биле во истиот склад. Физичкото лице Јусуф Алии изјави дека се сомнева дека до пожарот дошло од запалените соседни ниви – стрништа, стара трева и други органски отпадоци, во соседство на складот, информираат од ДИЖС.

Пожарот во средата избувна околу 12 часот и 30 минути и беше изгаснат по неколку часа. СВР Тетово најави дека се преземаат мерки за целосно расчистување и документирање на случајот – кој и зошто ги запалил гумите, а што претставува кривично дело „загадување на животна средина и природата“, согласно член 218 од Кривичниот законик.

The post ДИЖС со решение да се отстранат изгорените отпадни гуми кај Желино appeared first on Република.

ТППЕ Тетово интервенира на запалени гуми спроти фабрика Киел во с. Желино кај подвозникот кон с. Сиричино (Опш. Желино), инфрмираат од ЦУК.

[caption id="attachment_746542" align="aligncenter" width="768"] фото: ЦУК[/caption]

Како што соопшти дикреторот Стојанче Ангелов, гаснењето е отежнато поради големата количина на автомобилски гуми, но нема опасност пожарот да зафати соседни објекти.

Се очекува целосно гаснење за максимум два часа, велат од ЦУК.

The post Голем пожар спроти фабрика во Желино, горат огромен број гуми appeared first on Република.

Педесет и шестгодишниот Т.И. од тетовско Сараќино, вработен во ЈП „Национални шуми“ вчера (5 февруари) во 9 часот и 50 минути во СВР Тетово пријавил дека на први февруари околу 11 часот, тој и уште неколку други лица во атарот на Желино биле спречувани во извршување на работни обврски од неколку лица од тетовско Желино кои им се заканиле поради тоа што наводно немале дозвола од месната заедница на ова село.

Од СВР Тетово велат дека се расчистува и документира случајот.

The post Жители на Желино со закани спречиле вработени во „Национални шуми“ да работат во селото appeared first on Република.

Антикорупциска под лупа ја става фирмата од Желино која доби тендер од 1,8 милиони евра од  МНР со кое раковдои Бујар Османи за да органзира настан на ОБСЕ, а која воедно и е најголем донатор на ДУИ, матичната партија на министерот.

На „Еуровиа“ во сопственост на Ељмедин Адеми, внук на поранешниот втор човек во ДУИ Абдулаким Адеми, ова и е трет тендер за нецела година. Таа го доби и тендерот за изградба на полициската станица во Аеродром вреден 2 милиони евра, како и тендерот за реконструкција и пренамена на објекти за Универзитетот „Мајка Тереза”.

Од друга страна, фирмата донирала на ДУИ 1,85 милиони денари како правно лице, додека Ељмедин лично на партијата и дал нешто над 2,5 милиони денари.

Според договорот, ќе се поправа и ќе се поставува нова електрична инсталација, нова климатизација и системи за греење и ладење, ќе се поставуваат и билјерски единици за топла вода, ќе има партнерно уредување. Сепак, најголемите пари ќе се потрошат за адаптација на просторот и за мебел. Покрај главните сали, предвидени се десетина канцеларии за делегации, билатерални простории, пулотови за помош, прес-сали, но и простор за одмор, кафетерии, простор за возачи и вип простории. Од мебел, освен паноа, маси, пултови, ќе се набавуваат и троседи за релексација за делегати, коњопои, клуб масички и декорации за енетериер.

Опозицијата реагираше дека ова се премногу пари за еден настан и дека со нив може да се изгради цел еден нов објект.

The post Антикорупциска ќе проверува како донаторот на ДУИ од Желино доби милионски тендер од Османи appeared first on Република.

Компанијата „Еуровиа“ од Желино доби неверојатни 112 милиони денари за „Набавка на работи за внатрешна адаптација и надворешно уредување на Спортскиот Центар „Борис Трајковски“ во функција на одржување на Конференцијата на Министерскиот совет во рамки на претседавањето на Република Cеверна Mакедонија со ОБСЕ, во декември 2023 година“.

Според документот објавен на страницата за Јавни набавки, парите ќе бидат префрлени од Министерството за надворешни работи на Бујар Османи, воедно и претседавач со ОБСЕ, на фирмата од Желино која за над 1,82 милиони евра ќе врши адаптација на просторот каде во декември ќе се одржи конференцијата.

Инаку, истата фирма овој мај склучи договор и со Министерството за внатрешни работи за изградба на полициска станица во Аеродром за 2,1 милиони евра.

Станува збор за фирма за градежништво на Ељмедин Адеми, внук на поранешниот министер Абдулаќим Адеми:

https://republika.mk/vesti/makedonija/firmata-na-vnukot-na-ademi-koja-ke-gradi-politsiska-stanitsa-donirala-za-dui-tripati-nad-dozvolenoto/

The post Внукот на Адеми доби над 112 милиони денари од МНР за „адаптација на сала“ за настан на ОБСЕ appeared first on Република.

Тоа е таа успешна децентрализација по која селата се помоќни од државата. Добро, некои села, не сите, коментира актерот Сашо Тасевски на изјавата на министерката за одбрана Славјанка Петровска дека владата ќе испрати молба до Желино таму да се постави споменик на загинатите бранители од заседата во 2001 година.

https://republika.mk/vesti/makedonija/mozhe-slupchane-imashe-za-uchk-drzhavata-ke-bara-dozvola-od-selo-za-spomenik-na-branitelite-kaj-karpalak/

Добро е само, додава Тасевски, што Славјанка нема ни намера да ги замоли од петни жили, туку она, молбата беше само за вчера, колку полесно да помине јубилејот од нивната смрт и да се одглуми патриотизам на мускули.

Село Слупчене го молеа да плати сметки за струја.
Сега Славјанка железната леди на НАТО го моли село Желино да дозволи да се направи споменик на загинатите македонски војници кај Карпалак, оти глупо е без дозвола од село Желино да поставиш споменик на Македонци кои загинале за Македонија.
Тоа е таа успешна децентрализација по која селата се помоќни од државата.
Добро, некои села, не сите.
Без молба со печат, заверена кај нотар, ништо не правиш као држава.
Добро е само што Славјанка нема ни намера да ги замоли од петни жили, туку она, молбата беше само за вчера, колку полесно да помине јубилејот од нивната смрт и да се одглуми патриотизам на мускули.
Споменик никогаш и нема да се изгради.
Каде бе македонски сооменик на територија која е плен од војната во 2001, што би рекол Груби.
Не оди тоа така. Молбата се одбива, вели тој.

The post Каде бе македонски споменик на територија која е плен од војната во 2001, што би рекол Груби appeared first on Република.

Две лица се повредени по пукотниците на наплатната станица во Желино кои се случиле вчера.

Како што било пријавено во СВР Тетово, околу 11 часот на наплатна станица Желино, Џ.А (40) од Тетово, по претходна расправија, со пиштол пукал кон А.К.(34) и неговиот брат А.К.(32), при што двајцата се здобиле со повреди.

А.К. и А.К. биле пренесени во Комплексот клиники „Мајка Тереза“ во Скопје за укажување лекарска помош.

Јавен обвинител и полициски службеници од СВР Тетово извршиле увид и се преземаат мерки за расчистување на случајот.

The post Сред бел ден се пукало на наплатна рампа Желино, две лица во болница appeared first on Република.

Четириесет и две годишен жител на Желино доби 30 дена притвор откако беше приведен како учесник во сообраќајка за која е осомничен дека удрил во соселанец и заминал, додека пешакот починал од здобиените повреди.

Судија во претходна постапка на Основниот суд Тетово вчера попладне на Д.Ф.(42) од тетовско Желино му определил мерка притвор од 30 дена, по што тој е спроведен во Казнено поправна установа Затвор „Скопје” за издржување на мерката.

Осомничениот Д.Ф.се товари за „тешки дела против безбедноста на луѓето и имотот во сообраќајот”, согласно членовите 297 и 300 од Кривичниот законик - информираат од СВР Тетово.

Во четвртокот во 20:20 часот на локален пат во Желино Д.Ф.(42) со патничко моторно возило „бмв“ удрил во 50-годишниот пешак З.С. (50) од истото село.  Потоа го напуштил местото,а од здобиените повреди пешакот починал на местото на несреќата.

https://republika.mk/vesti/crna-hronika/50-godishen-peshak-zaginal-vo-soobrakjajka-vo-tetovsko-zelino/

Д.Ф. бил приведен во полициска станица, а по наредба на обвинител телото на починатиот е дадено на обдукција

The post Триесет дена притвор за жител на Желино кој прегази соселанец пешак и избега appeared first on Република.

Педесетгодишен жител на Желино го загубил животот во сообраќајна несреќа што се случила синоќа во ова тетовско село.

Во СВР Тетово во 20 часот и 30 минути било пријавено дека на локален пат во Желино патничко моторно возило удрило и усмртило 50-годишник кој бил пешак.  По пријавената несреќа во полицијата била повикана и екипа од итна медицинска помош од каде е констатирана смрт кај 50 годишникот - информира портпаролот на СВР Тетово, Марјан Јосифоски.

По несреќата е почнат увид од обвинител од тетовското Јавно обвинителство и стручна екипа од СВР Тетово. Тетовската полиција најави повеќе детали за сообраќајката кога ќе заврши истрагата. 

The post 50-годишeн пешак загинал во сообраќајка во тетовско Желино appeared first on Република.

Едно лице загина во несреќата што вчеравечер се случила во тетовско Желино.

Како што соопшти МВР, во 20.20 часот во СВР Тетово било пријавено дека на локалниот пат во тетовско Желино, патничко возило „бмв“, со тетовски регистарски ознаки, сопственост на Д.Ф.(42) од ова село, управувано од лице кое го напуштило местото, удрило во пешакот З.С.(50), од истото село.

Од здобиените повреди пешакот починал на местото на несреќата. Увид извршиле екипа од СВР Тетово и Јавен обвинител по чија наредба телото на починатиот било дадено на обдукција.

Сопственикот на возилото Д.Ф. бил лишен од слобода и задржан во Полициската станица Тетово.

The post Загина пешак, возачот избегал appeared first on Република.