Генералниот секретар на Алтернатива Зеќирија Ибрахими за Слободен печат ја потврди средбата помеѓу Гаши и Заев, но не откри детали. Според Ибрахими средбата секако не била за да ја урнат Владата на Ковачевски, бидејќи таа сама ќе потоне.

Претходно независниот пратеник и поранешен сопартиец на Гаши, Скендер Реџепи на Фејсбук објави фотографија од средбата помеѓу Гаши и Заев во Струмица и праша што побара Гаши од Заев.

Гаши коментирајќи го ручекот со Заев во Струмица рече дека нема ништо чудно во нивната средба и праша зошто го следат службите СДСМ и ДУИ.

https://republika.mk/vesti/makedonija/gashi-i-zaev-na-relaksiran-ruchek-prashuva-zoshto-go-sledat-sluzhbite-na-sdsm-dui/

The post Ибрахими: Заев и Гаши не се сретнаа за да ја урнат Владата бидејќи таа сама ќе потоне appeared first on Република.

Генералниот секретар на Алтернатива Зеќирија Ибрахими, за ТВ21 кажа дека ставот за Асоцијација на албанските општини е негов личен, и дека не е на органите на партијата.

„За поддршката на Претседателот на партијата за ова прашање ќе треба да го прашате него лично. Ставот за Асоцијација на Албански Општини е мој личен, не на органите на партијата. Меѓутоа, јас сум генерален секретар на Алтернатива и не сум само поединец во партија. Но, за да бидеме прецизни, немало некој состанок во партија за овој став, кој е само мој политички став, потикнат од моите политички и интелектуални yбедувања.“, рече Ибрахими.

The post Рече па одрече: Членот на Алтернатива ретерира за изјавата за „Заедница на албански општини“ appeared first on Република.

Азбуката не само што го карактеризира јазикот на еден народ, туку истовремено претставува и прозорец или врата од која понатаму почнува образованието и развојот на тој народ. Образованието на мајчин јазик, докажано е од еминентни експерти, секогаш дава многу подобри резултати. Жално е што во 21-от век од земја членка на ЕУ се негира јазикот и самобитноста на еден народ – македонскиот народ.

Ова, меѓу другото, го истакна претседателот на Одборот за доделување на државната награда „22 Ноември“, Абдурауф Пруси на свеченоста во Собранието по повод врачувањето на ова високо државно признание на годинашниот добитник проф. д-р Зеќирја Незири.

Денеска е голем ден за сите Албанци, каде и да се. Албанците во Македонија имаат посебна причина да се гордеат на овој датум поради фактот што Конгресот се одржа на овој ден 1908 година во Битола и веќе долги години се одбележува, нагласи Пруси, кој му ја врачи наградата на Незири за неговиот долгогодишен придонес во сферата на албанологијата.

Тој на свеченоста, во присуство на претседателот на Собранието, Талат Џафери, семејството, пријатели, соработници и други гости, се осврна и на оспорувањата на македонскиот јазик и идентитет од страна на Бугарија.

Како сожители на оваа држава, Албанците, и интелектуалците и политичките партии било од позиција или од опозиција, секогаш биле и се поддршка на македонскиот народ и верувам дека ќе се спротивстават на сите оние кои сакаат да ја негираат нивната самобитност, порача Пруси во обраќањето.

Добитникот на наградата албанологот проф. др. Незири се заблагодари за наградата со која како што рече се вреднува неговата 40-годишна воспитно-образовна и научна дејност.

Оваа висока државна награда ме мотивира и ме обврзува мојот труд да продолжи се додека ме служи здравјето. Се надевам дека оваа награда ќе ја добијат и многу други дејци во Македонија и надвор од неа и кои навистина ја заслужуваат, рече Незири кому прв наградата му ја честита претсетдалеот на Парламентот, Џафери.

Проф. др. Незири е роден 1952 година во село Бучане, Бујановац. Универзитетските студии по албански јазик и книжевност ги завршил на Филолошкиот факултет „Блаже Коневски“ на УКИМ во Скопје, а магистерските и докторските студии на Универзитетот во Загреб. Од октомври 1977 година до крајот на септември 2019 година, кога се пензионира, е професор по албанска книжевност на Катедрата за албански јазик и книжевност при Филолошкиот факултет во Скопје. Во неговата богата научна дејност има објавено над 160 научни трудови за историјата на албанската книжевност, како и наколку монографии за албанската литература, а автор е и на неколку универзитетски учебници.

Државната награда „22 Ноември“ се доделува како признание на луѓе од политичкиот, културниот и општествениот живот во земјава, кои дале свој придонес во унапредување на меѓучовечкиот соживот и меѓусебното разбирање меѓу припадниците на различните заедници, култури и вери во Македонија.

The post Пруси: Жално е што во 21 век членка на ЕУ го негира јазикот и самобитноста на македонскиот народ appeared first on Република.