Цената на маслото за јадење е намалена за 40 денари, а цената на репроматеријалите мируваат, истакна генералниот извршен директор на „Витаминка“, Сашо Наумоски при денешната посета на премиерот Димитар Ковачевски на фабриката „Брилијант“ во Штип, која е дел од групацијата на „Витаминка“.

Цената е падната за скоро 40 денари и ние се трудиме и понатака цената да ја намалиме и да ја донесеме, ако е можно да дојде до цените од пред три години што беа. Цената најмногу зависи на нашиот производ од суровината, вели Наумоски.

Забележа дека не конкурирале за поевтина струја од 1 декември бидејќи имаат инсталирано фотонапонски централи, а производството на струјата од нив за 30 отсто ги намалува трошоците за производство до крајниот производ.

Додека пак премиерот Ковачевски прашан за поволностите за поставување на фотонапонски централи, посочи дека како Влада комплетно ја имаат сменето законската регулатива. Но е дециден дека и нивниот став е дека фотонапонски централи да не се поставуваат на земјоделско земјиште од прва и втора класа.

Во однос на поголемите централи исто така е направена промена во регулативата и тука се забрзани постапките. Меѓутоа, сакам да истакнам нешто многу важно. Ние не можеме да дозволиме земјиште од прва класа, земјиште од втора класа да биде користено за фотоволтаици. Регулативата ќе се однесува на земјиште од четврта, петта, шестта класа коишто треба да се користат за производство на електрична енергија, меѓутоа земјиштето од прва и втора класа треба да се користат за производство на земјоделски производи, бидејќи храната е исто толку значајна колку што е значајна и енергијата и заради ова Министерството за земјоделство, шумарство и водостопанство, Министерството за транспорт и врски и другите ресори се во постојана комуникација, вели Ковачевски.

Премиерот додаде ако за некои фирми има застој за инсталирање на фотонапонски централи, тогаш какошто вели веројатно се работи за трансформација на земјиште од прва и втора класа што смета и дека не треба да се прави.

The post Цената на зејтинот e намалена за 40 денари, тврди Наумоски од „Витаминка“ appeared first on Република.

Цената на маслото за јадење е намалена за 40 денари, а цената на репроматеријалите мируваат, истакна генералниот извршен директор на „Витаминка“, Сашо Наумоски при денешната посета на претседателот на Владата на Република  Македонија на фабриката „Брилијант“ во Штип, која е дел од групацијата на „Витаминка“.

Цената е падната за скоро 40 денари и ние се трудиме и понатака цената да ја намалиме и да ја донесеме, ако е можно да дојде до цените од пред три години што беа. Цената најмногу зависи на нашиот производ од суровината, вели Наумоски.

Забележа дека не конкурирале за поевтина струја од 1 декември бидејќи имаат инсталирано фотонапонски централи, а производството на струјата од нив за 30 отсто ги намалува трошоците за производство до крајниот производ.

The post Почнаа да паѓаат: Цената на зејтинот намалена за 40 денари appeared first on Република.

Леб, брашно, млеко и зејтин ќе има. Обезбедуваме доволно храна за сите граѓани, истакна Николовски на прес-конференција откако претходно информира дека за млекопроизводителите се обезбедени уште 140 милиони денари поддршка, покрај основните и дополнителните субвенции.

Николовски информира и дека на денешната седница која е во тек, Владата ја усвои новата Програма за поттикнување на потрошувачката на свежо овошје во 2022 година.

The post Леб, брашно, млеко и зејтин ќе има, тврди Николовски appeared first on Република.

Брашното, зејтинот и млекото нема да недостигаат на ниту еден граѓанин во државата и покрај кризата и поскапувањето на цените на прехранбените производи – уверува министерот за земјоделство Љупчо Николовски. Ако има недостиг на храна, договорено е резерви да се обезбедат со земјите потписнички на договорот за неограничена трговија со храна во рамките на Отворен Балкан, односно Албанија, Македонија и Србија.

Граѓаните се револтирани од континуираното поскапување на храната, особено млекото и лебот.

„Млекото секој ден поскапува. Не е нормално, нас не не прашуваат“, рече еден граѓанин.

„Кога имаме пари купуваме, а кога немаме не. Ќе седиш без млеко. Некој нема ни плата и не може да врзе крај со крај“, дададе еден граѓанин.

Последниве денови, цената на млекото за еден литар се искачи на околу 90 денари.

The post Николовски: Обезбедени се резерви на млеко, брашно и зејтин appeared first on Република.

Претседателот на Србија Александар Вучиќ најави дека повторно ќе и помогне на Македонија во рамки на иницијативата „Отворен Балкан“. Тој синоќа на „Пинк ТВ“ објасни дека трите земји од оваа иницијатива треба меѓусебно да си помагаат во месеците што доаѓаат.

Секој секому може да помогне. Може во одредени денови да и помогнене на Македонија во струја и во храна. Постојат различни денови, некој повеќе се ослонува на хидрологијата, кога е добра Албанија може да и помогне на Македонија, понекогаш дури и на нас-објасни Вучиќ.

Вучиќ прв и даде на Македонија вакцини кога власта на Заев немаше набавено ниту една вакцина а колини на брашно и зејтин постојано стигнуваа во Македонија кога беше најголемата криза за основните животни намирници.

The post Вучиќ најави дека ќе помогне со храна и струја за да ја поминеме зимата appeared first on Република.

Лидерот на ДУИ Али Ахмети вечерва во гостувањето на ТВ21 беше запрашан за тоа колку се сменила неговата материјална состојба во последните 20 години, колку што е присутен во македонската политика студиото на ТВ21, па го прашавме колку се збогатил за овие 20 години.

„Јас не се занимавам со економијата на семејството, колку пари кружеле, добро е, дојдете еден ден кај мене дома, зборувајте со мојата сопруга…“, рече Ахмети.

Потоа новинарот го запраша лидерот на ДУИ зошто одбива да даде директен одговор.

„Не знам кога ме прашуваш колку е цената на зејтинот, не знам бидејќи сопругата, од неа слушам, цените растат, не растат, толку чини ова, брашното е толку, а било онолку. Јас не се занимавам со ова работа, но колку сум заработил за 20 години, одете зборувајте со банките, прометот е легален, зборувајте со банките, нека биде транспарентно“, додаде Ахмети

The post Ахмети не знае колку чини зејтинот, сопругата се грижела за економијата кај него дома appeared first on Република.

Маслото за јадење, брашното, шеќерот, лебот и јајцата од денеска се продаваат по нова, зголемена цена откако престанаа да важат антикризните мерки што беа воведени во март.

Зејтинот кој досега се продаваше по цена од 135 денари, сега може да се најде за цена од 156 до 163 денари, а новата цена на брашното тип 400 сега се движи од 54 до 60 денари. Шеќерот се продава по цена од 55 до 60 денари, а пакување од 10 јајца по цена од 90 до 110 денари. Повисоки цени има и кај лебот и оризот.

Од вчера се зголемени и цените на горивата. Цената на Еуросупер БС-95 и на дизелот е зголемена за девет денари, а на Еуросупер БС-98 за 9,5 денари за литар. За 8,5 денари за литар поскапо е и Екстра лесното масло за домаќинство. Литар Еуросупер БС-95 чини 104 денари, Еуросупер БС-98 се продава по цена од 106,5 денари. Новата цена на дизелот е 95 денари, а на Екстра лесното масло за домаќинство  93 денари.

Зголемените цени на храната уследија откако од денеска престанаа да важат антикризните мерки со кои ДДВ-то на основните прехранбени производи беше намалено од 5 на нула проценти, а на енергенсите од 18 на 10 проценти. Се укина и ограничувањето на маржите за основните прехранбени производи. Антикризните мерки беа воведени во март со цел да се ублажат последиците од енергетската криза и да се заштити стандардот на граѓаните.

The post Зејтинот стигна до 163 денари! appeared first on Република.

Од утре, први јуни се очекува дополнително да поскапат основните прехранбени продукти бидејчи завршија дел од антикризните мерки. Од 1 јуни со враќањето на ДДВ-то, лебот, брашното тип 400, шеќерот, путерот, кравјото млеко, месото, оризот, јајцата и тестенините автоматски поскапуваат за 8-10%. Ќе се укине и мерката бесцарински увоз на суровини за месната индустрија. Со укинувањето на сите овие мерки, инфлацијата станува закана за граѓаните, кои велат дека цените се превисоки.

Поради ова најавено зголемување на цените, граѓаните поитаа во  маркетите, каде што веќе се создаваат редици. Најчесто се купува брашно и зејтин.

Според статистичките податоци, во април, цените на мало се зголемија за 10-11%.

Претходно, граѓаните побрзаа да ги наполнат резервоарите поради вечерашното големо зголемување на цените на горивата.

Откако Регулаторната комисија за енергетика ги соопшти новите цени од полноќ, се создадоа големи редици на влезовите на бензиските пумпи.

Од полноќ, 1-ви јуни малопродажната цена на ЕУРОСУПЕР БС-95 ќе изнесува 104,00 ден/лит, додека малопродажната цена на ЕУРОСУПЕР БС-98 изнесува 106,50 ден/лит. Литар дизел ќе чини 95 денари.

Цена на екстралесното масло за домаќинство (ЕЛ-1), се зголемува за осум и пол денари за литар и ќе изнесува 93 денари.

https://republika.mk/vesti/ekonomija/redici-na-benzinskite-pumpi-gragjanite-brzaat-da-natochat-gorivo-pred-drastichnoto-poskapuvanje-od-polnokj/

The post Редици пред маркетите за брашно и зејтин appeared first on Република.

Министерот за економија, Крешник Бектеши во „10 минути“ на ТВ21 рече дека целосното отворање на увозните коридори во Украина ќе овозможи намалување на цената на зејтинот во земјава.

Тоа зависи од светските пазари и зависи од цените на инпутите како што се сончогледот и нерафинираното масло кои главно се увезуваат од Украина и Бугарија, но мислам дека доколку се отвараат сите увозни коридори од Република Украина, тогаш верувам дека цените ќе се стабилизират - рече Бектеши.

The post Бектеши открива кога се очекува да се намали цената на зејтинот appeared first on Република.

На денешната седница Владата донесе одлука да престане важноста на одлуката за ограничување на извозот на масло од сончоглед.

Одлуката е донесена врз основа на констатираната состојба дека тековното домашно производство на масло од сончоглед редовно го снабдува домашниот пазар за потребите за широка потрошувачка односно за сервисирање на граѓаните, дека постоечките количини позитивно влијаат на стабилната состојба со овој основен прехранбен производ и дека нема потреба да се создаваат вишоци, односно залихи на масло од сончоглед за јадење - стои во владиното соопштение

The post Нема веќе ограничување на извозот на масло од сончоглед appeared first on Република.

Македонија од денеска ја крева рампата за извоз на сончогледово масло во Албанија. Додека од една страна просиме зејтин од Србија, од друга страна извезуваме! Наместо да го стабилизира македонскиот пазар со снабдување со зејтин, но и со цените на овој производ, власта се одлучи да им помага на граѓаните на Албанија. Револтот и реакциите на граѓаните по повод оваа најнова одлука за извоз на масло за јадење не стивнуваат. Се поставува прашањето дали навистина имаме вишок зејтин, и доколку е така, зошто тоа не се искористи да се намали цената на овој производ, кој енормно поскапе последниве неколку месеци. Дали поради оваа одлука на нашите власти, не станува реалност опасноста Србија да го секне извозот на зејтин кај нас, водејќи се по логиката, зошто да дава производ на земја која има за извоз од овој дефицитарен производ, кој вреди како злато.

Реакција на македонските твитерџии не изостана:

Извозот на масло за јадење од Македонија во Албанија, вчера го најави албанската министерка за финансии, Делина Ибрахимај на заедничката прес-конференција со македонскиот министер Крешник Бектеши. Албанија претходно увезувала масло за јадење од Украина.

Сончогледово масло во Албанија, главно се увезуваше од Украина. Кај нас се чувствуваше недостиг како и на меѓународните пазари, што е и причината зошто цените се повисоки. Сакам да му се заблагодарам на министерот Бектеши за конструктивните разговори и сакам да гарантирам дека односите меѓу двете земји на полето на трговијата ќе продолжат да бидат многу добри – рече Ибрахимај.

Таа додаде дека ќе продолжи олеснувањето на сите процедури во рамки на Отворен Балкан.

Поради недостиг на масло за јадење во Албанија, чија цена е 3,1 евро, голем број албански граѓани од пограничните региони со Македонија зејтин главно купуваат во Дебар, Струга, Охрид и Ресен.

Во време на криза не смееме да ги изгубиме пазарите каде имаме традиционално пласман на производи. Договорот со Албанија е добра мерка за задржување на постојните пазари и тоа треба да биде овозможено и за другите пазари. Само со слободен проток на производи може да се балансира понудата и побарувачката – вели Љупчо Велески, директор за извоз во Витаминка.

Премиерот Димитар Ковачевски вчера ја убедуваше јавноста дека  рафинирано масло за јадење има.

Ние имавме недостиг од нерафинирано масло, Србија имаше забрана за извоз на нерафинирано масло. Тие извезоа кај нас рафинирано и ресорните министри од Владата со постојани контакти успеаја да обезбедат нерафинирано масло, суровини за нашите компании - изјави Ковачевски во интервју за ТВ Сител.

Трговијата се одвива преку приватните компании, поради тоа што сите земји имаме либерално пазарно уредување. Албанија, на пример, има проблем да набави рафинирано масло, но ние тоа го имаме и нема да се наруши пазарот ако им дадеме, додаде тој.

Ковачевски изјави дека економијата не треба да се политизира. Секој што знае да се приклучи дневно на берзите, точно ќе види дека во моментот има константно високо ниво на енергенсите, односно на цената на нафтата, имаме историски највисоко ниво на електричната енергија и доколку се погледнат цените на житото, јачменот и сончогледот, тогаш ќе се види дека тие цени се драматично поголеми во однос на нормалните цени кои што ги имаше - истакна Ковачевски.

The post Просиме зејтин од Србија, ама ќе извезуваме во Албанија: За чии интереси работи власта? appeared first on Република.

Албанската министерка за финансии, Делина Ибрахимај на заедничката прес-конференција со македонскиот министер Крешник Бектеши изјави дека од утре почнува увозот на сончогледово масло од Македонија, кое претходно главно се увезувало од Украина.

Република Македонија утре ќе донесе важна одлука со која ќе се отвори извозот на сончогледово масло во Албанија, производ кој главно беше увезуван од Украина. Кај нас се чувствуваше недостиг како и на меѓународните пазари, што е и причината зошто цените се повисоки. Сакам да му се заблагодарам на министерот Бектеши за конструктивните разговори и сакам да гарантирам дека односите меѓу двете земји на полето на трговијата ќе продолжат да бидат многу добри - рече Ибрахимај.

Таа додаде дека ќе продолжи олеснувањето на сите процедури во рамки на Отворен Балкан.

Поради недостиг на масло за јадење во Албанија, чија цена е 3,1 евро, голем број албански граѓани од пограничните региони со Македонија зејтин главно купуваат во Дебар, Струга, Охрид и Ресен.

The post Немавме ни за нас, ама сега ќе даваме на други: Македонија од утре ќе извезува сончогледово масло во Албанија appeared first on Република.

Жителите на Албанија првомајските празници ги дочекаа со нови цени на основните прехранбени артикли и горивата.

Според одлуката на Бордот за транспарентност, што ја објави Владата, нови цени добија маслото за јадење, шеќерот, оризот и брашното, а пред еден ден и горивата.

Литар масло за јадење се продава по повисока цена од 60 лека (едно евро = 120,99 леки) и сега чини 381 лека (3,1 евро), килограм шеќер 121 лека, ориз 109 лека и килограм брашно 79 лека.

Нови цени имаат горивата. Така, нафтата е поскапа за 10 лека и изнесува 243 лека (1,99 евра) за литар што е највисоко ниво на поскапување од 26 март. За 10 лека поскапе и бензинот и се продава по 223 лека. За два лека поскап е гасот, кој сега се продава по 106 лека за литар.

The post Oгромно поскапување: Литар зејтин во Албанија три евра, дизелот две appeared first on Република.

Мислам дека сега е достигнат максимумот на цените на прехранбените продукти, моите предвидувања се дека не би требало да одат уште повисоко поради тоа што нема фактори кои би требало да поттикнат уште поголем раст, оцени вицепремиерот за економски прашања, Фатмир Битиќи, во „360 степени“ на ТВ Алсат.

Тоа што е најважно е животниот стандард на населението и нивната куповна моќ. Јас велам и отворено дека ние чувствуваме и гледаме дека куповната моќ на граѓаните опаѓа, затоа што растат цените. Јас не сум од тие што велат и прават споредби дали постојните цени на прехранбените продукти се најниски во регионот, затоа што не треба да се споредува, бидејќи куповната моќ е различна во регионот. Тоа што е важно е што можеме ние да направиме. Фактот дека сме во слободна економија, секоја државна интервенција не е во согласност со пазарните правила. Но, и покрај тоа, ние направивме замрзнување на цените, замрзнување на маржата за добивка за одреден временски период, но и ова има лимити до кога може… – рече Битиќи.

Околу цената на зејтинот, која, според најавите, треба да се стабилизира на околу 150 денари за литар, вицепремиерот Битиќи рече оти мисли дека максимумот е достигнат и дека следува период на стабилизирање, па и намалување.

Кај зејтинот – да, има раст, затоа што имаме прекин на ланецот на понуда, всушност, на сончогледовото семе или на нерафинираниот зејтин, за да пристигне тука и да се рафинира со помал трошок. Всушност, доколку расте на светската берза, дефинитивно, ќе расте и цената, но сега доаѓа летниот период кога ќе имаме наши жетви и приноси на сончоглед и, нужно, основната цена на сончогледовиот зејтин би требало да се намали – вели Битиќи.

The post Битиќи: Цените достигнаа максимум, зејтинот ќе поевтини! appeared first on Република.

Поразителни за домашните прехранбени компании се резултатите кои дојдоа по замрзнувањето на цените на лебот и маслото за јадење (мерка која важеше од почетокот на декември 2021 година па до крај на февруари 2022 година), анализира „Фактор“.

Нути граѓаните не се задоволни од мерките кои беа преземени за заштита на нивниот стандард. Во бројните телевизиски анкети во овој период најбројни беа поплаките дека не може да се најде масло по цени пониски од 90 денари за литар и бројни анкетирани лица беа револтирани затоа што цените за литар сончогледново масло надминуваа 110 денари за литар. Тоа направи стампеда по маркетите, а во еден случај медиуми известуваа и за физичка пресметка меѓу купувачи и продавач во еден од маркетите на КАМ.

Во извештај на најголемата домашна прехранбена компанија „Витаминка“ за периодот во кој Министерството за економија предложи, а Владата пресече со замрзнување на малопродажните цени пишува: Во периодот на замрзнување, во кој работевме со големи загуби од продажбатана маслото за јадење „Брилијант“, Само за февруари таа загуба изнесуваше околу 190.000 евра.

Целата анализа на „Фактор“

The post Геноцид врз домашните фирми со замрзнатите цени на масло и леб, една фирма загуби 190.000 евра во еден месец appeared first on Република.

Министерот за економија, Крешник Бектеши и министерот за земјоделство, шумарство и водостопанство Љупчо Николовски  денес ја посетија фабриката за масло за јадење „Прехранбена индустрија Кристал 1924 АД Велес“  во Велес.

Двајцата министери остварија средба со менаџментот на компанијата по што беше заклучено дека во моментов снабдувањето со сончоглед е стабилно и дека државата во континуитет увезува сурово масло, потребно за домашните капацитети, но има и зејтин за потрошувачка.

Како што истакна министерот Бектеши, мерките кои што ги донесе Владата даваат резултат, од информациите на терен од производителите и трговците има залиха на масло за јадење за граѓаните и уште еднаш порача дека нема потреба да се прават непотребни залихи.

Министерот Бектеши потенцираше дека е започнат увозот на рафинирано масло од соседите, но се увезува и од други држави со оглед дека ја укинавме царинската стапка од 29 отсто, а се работи и на дополнителни мерки за поголемо производство на сончоглед.

Ја следиме ситуацијата на дневна основа и заеднички со МЗШВ ги носиме одлуките, имајќи во предвид отворените и тарнспарентни разговори кои ги имавме и со производителите на масло за јадење и со трговците во моментов ситуацијата е стабилна во делот на снабдување со сончоглед на трговците на мало воедно на маркетите, а дополнително на тоа се одвиваа стабилно и во контиунитет и увозот на сурово сончогледово . Со последните одлуки на Владата кои се прават во координација помеѓу двете министерства веќе почнува да се увезува и рафинирано масло за јадење од страна на нашите соседи. Во тој дел  мерките на Владата како што се гледа и на терен ги дават соодветните резултати, во однос на количините, ги имаме сите количини на домашниот пазар потребни за нашата потршувачка, а дополнително на тоа значи работиме и на дополнителни мерки се со цел да се зголеми и пропизводството на сончоглед, кажа Бектеши и додаде дека главна цел на Владата е да се зголеми домашното производство, со што домашните компании ќе бидат поконкурентни.

Министерот за земјоделство, шумарство и водостопанство Љупчо Николовски истакна дека годинава двојно ќе се зголемат површините под сочоглед, а со тоа и количините на суровина за масло за јадење.

Владата за време на целиот овој период додека трае кризата одговорно постапува и носи одлуки за да ги заштити граѓаните. Сите мерки кои ги носиме имаат една цел, одржување и зголемување на домашното производство на стратешки култури. Обезбедивме 400 милиони денари Интервентен фонд како директна помош на земјоделците. Сега секој земјоделец добиварекордна поддршка и субвенција. Со овие мерки земјоделците добиваат 40% дополнителна помош за набавка на вештачко ѓубриво за пченка и пченица, како и 2.500 денари по хектар за сочоглед и јачмен. Дополнително со скоро 100 евра од хектар, ги мотивираме земјоделците да го зголемат приносот за стратешките култури. Распишавме  наменски јавен оглас и на располагање ставаме дополнителни 5.722 хектари слободно земјоделско земјиште за обработка со стратешки култури во 14 региони низ државата, каде овие култури успеваат, рече министерот Николовски.

Генералниот директор на „Прехранбена индустрија Кристал 1924 АД Велес“ Горан Лазов подвлече дека ќе има и доволно количини масло за јадење во маркетите. Граѓаните не треба да стравуваат, ниту да купуваат повеќе за да трупаат залихи.

Не очекувам поскапувања. По празникот цената ќе се стабилизира и маркетите ќе бидат полни со масло за јадење. Нема потреба граѓаните да прават залиха, ќе има доволно зејтин на пазарт кажа Лазов.

The post Бектеши: Има доволна залиха на зејтин за граѓаните и суровина за преработувачките капацитети appeared first on Република.

Цената на зејтинот ќе биде меѓу 2,20 – 2,40 евра или максимум 2,50 евра и ова цена ќе се задржи, особено по празниците. Ќе има и доволно количини масло за јадење во маркетите. Граѓаните не треба да стравуваат, ниту да купуваат повеќе за да трупаат залихи, рече денеска генералниот директор на фабриката „Благој Ѓорев“ во Велес, Горан Лазов

Не очекувам поскапувања. По празникот цената ќе се стабилизира и маркетите ќе бидат полни со масло за јадење. Нема потреба граѓаните да прават залиха, ќе има доволно зејтин на пазарот, истакна Лазов по средбата со министрите за економија и за земјоделство, Крешник Бектеши и Љупчо Николовски кои ја посетија фабриката.

Според Лазов, во Бугарија цената на зејтинот е 180 денари или шест лева, а во Грција околу четири евра.

Одговорајќи на новинарски прашања, директорот нагласи дека има и доволно суровина. Во континуитет се вршат набавки од Бугарија.

Лазов изрази надеж дека на македонските земјоделски површини сончогледот повторно ќе се врати.

Порано произведувавме околу 40 000 тони сончоглед, а лани откупивме помалку од 4 000 тони. Тоа е само 10 отсто од она што сме го имале како држава, подвлече Лазов. ад/мч/

Годишно капацитетот на фабриката „Благој Ѓорев“ е 40 000 тони сончоглед, а може да се складираат 16 000 тони сурово масло.

Ако се зголемат површините, ќе го откупиме целото производство, нема да оставиме ниту едно зрно неоткупено, истакна директорот.

Претходно, министрите уверија дека зејтин има, како и суровина.

The post Од утре и задутре зејтин ќе има во сите маркети, цената ќе биде стабилна и ќе достигне максимум 2,5 евра appeared first on Република.

Кончено стигнаа првите количини зејтин од Србија. 48 илјади шишиња попладнево биле царинети, а уште толку се очекува да стигнат во текот на утрешниот ден. Останатите најавени количини до 2 милиони литри, се договорени, но рокот и начинот на испорака дополнително ќе се прецизира.

Но, се уште oстанува забраната за извоз на нерафинирано масло од Србија, иако дел од домашните производители веќе имаат склучено договори со српските фирми. Властите во земјава велат дека се во постојана комиуникација со нивните српски колеги, не прецизираат кога ќе заврши забраната, но велат очекуваат тоа да се случи нaскоро. Во меѓувреме, домашните производители суровина набавуват од други држави, по поскапи цени, и предупредуваат дека заради тоа можно е поскапување и цената во малопродажба.

The post Стигнаа првите шишиња зејтин од Србија appeared first on Република.

Министерот за земјоделство, шумарство и водостопанство Љупчо Николовски соопшти дека денеска се испорачани првите количини зејтин од Србија кои утре веќе треба да се најдат во маркетите.

Тој уште еднаш апелира граѓаните да не се грижат и да не трупаат залихи, зашто масло, како што рече, има. Не се увезува само од Србија, туку и од Русија, Украина и Бугарија.

Гарантираме дека има доволно количини. Имаме зголемено домашно производство и денеска имаме увоз и од Русија, Украина и Бугарија, и на масло за јадење и на нерафинирано масло така што воопшто нема потреба од никаква паника и од зголемување на домашните залихи. Ја сфаќаме загриженоста, но максимално се работи на обезбедување доволно количини, потенцира Николовски.

Одговорајќи на новинарски прашања, министерот повтори и дека доколку има потреба, покрај предвидените два милиона литри, ќе се бара увоз на дополнителни количини масло за јадење од Србија.

Постојано сме во контакт со српските власти. Ако бидат потребни дополнителни количини, очекуваме српската Влада тоа да го одобри. Очекуваме и тргање на забраната за нерафинирано масло, подвлече Николовски.

Според него, динамиката на увоз зависи од договорот на трговските партнери.

The post Николовски: Зејтин има, испорачани првите количини од Србија, се увезува и од Русија, Украина и Бугарија appeared first on Република.

Денеска би требало да почне организацијата за товарење и испорака на српски зејтин во земјава, информираат за МИА од Министерството за земјоделство, шумарство и водостопанство.

Србија во петокот ја донесе одлуката за извоз на масло за јадење во Северна Македонија. Како што соопшти тогаш министерот за земјоделство, шумарство и водостопанство Љупчо Николовски се работи за два милиони литри зејтин.

Според него, овие количини се за потребите од еден месец, но доколку се процени дека има потреба, можно е да се реализира дополнителен увоз.

Можно е доколку има потреба да се донесе одлука за увоз на дополнителни количини. Состојбите се следат, а комуникацијата со српските власти е континуирана, рече министерот.

The post МЗШВ: Денеска би требало да почне испорака на српски зејтин во земјава appeared first on Република.