Во врска со реакцијата на специјализанти и млади лекари, поврзана со исплатата на плати и дежураства, ЈЗУ Универзитетска клиника за детски болести - Скопје информира дека по добиената согласност од Фондот за здравствено осигурување, од 26 јануари, направени се пресметки за исплата на плати за овој месец, како и за декември и по истите ќе биде постапено во целост, се наведува во пишаната изјава на в.д. медицинскиот директор, проф. д-р Стојка Нацева Фуштиќ.

https://republika.mk/vesti/makedonija/ke-ja-zavrshevme-rabota-i-bez-nas-samo-se-zhalite-spetsijalizantite-od-detska-klinika-alarmiraat-za-ignorantskiot-odnos-i-neisplakaneto/

- По однос на исплата на надоместоци за дежурства за осми и деветти месец лани, извршена е исплата, а за месеците 10, 11, 12, како и за први годинава, ќе биде извршена исплата по добиена согласност од ФЗОМ. ЈЗУ Универзитетска клиника за детски болести - Скопје ги поддржува приватните специјализанти во обавување на својата специјализација, но исплатата на плати и надоместоци од плати, може да се врши исклучиво согласно Законот за здравствена заштита, а по добиена согласност од ФЗОМ, се додава во изјавата.

The post Платите и дежурствата на специјализантите и младите лекари се исплаќаат по добиена согласност од Фондот appeared first on Република.

До Здружението на Лекари специјализанти пристигнал допис од групата на приватни специјализанти при Клиниката за Детски Болести - Скопје.

Истиот ви го пренесуваме во целост:

ИЗВЕСТУВАЊЕ

Од приватните специјализанти при УК за Детски болести.

Ве известуваме дека денес (15.02.2023 година) во обид да го искажеме нашето незадоволство преку бојкот на нашата работно-едукативна позиција при УК за Детски болести и бојкот на нашата работа за време на дежурства, поради неподмирени обврски од страна на УК за Детски болести спрема нас, во смисла на неисплатен месечен надомест (плата) за месец Декември 2022 година и неисплатени дежурства од месец Август 2022 година навака, од клиниката ни посочија дека "кога тие биле специјализанти работеле за без пари, дека ќе ја завршеле работата и без нас, дека е неприфатливо нашето однесување" и воедно ни се закануваат дека доколку не се појавиме на работа утре (16.02.2023 година) ќе бидат прекинати нашите специјализации и дека ќе биде објавен нов конкурс за специјализанти.

Ве информираме и дека денес, претставници на приватните специјализанти остварија средба во пријатна и конструктивна атмосфера со одговорната професорка за специјализантите, која ни го пренесе ставот на Клиниката и катедрата за Педијатрија. За утре е побарано од нас средба со шефот на катедра и Директорката.

Воедно Ве известуваме дека сме во постојан конфликт и недоразбирање со вработените во административната служба при УК за Детски болести секогаш кога треба да се исплатат финански средства за нас специјализантите, по било кој основ, чија што игнорантност кон нас е еднаква на терор.

Ве известуваме и бараме како наши официјални претставници да покажете незадоволство од ваквото неправедно и деградирачко однесување кон нас во врска со најновите збиднувања од една врвна институција.

Со почит,
Приватни специјализанти при УК за Детски болести.

ЗЛС најостро го осудува ваквото однесување кон приватните специјализанти при ЈЗУ УК за Детски Болести. Само за потсетување, ова е најдефицитарниот тип на специјалисти во нашата земја. Дали е ова стратегијата да ги задржиме педијатрите во Македонија? Апелираме до сите надлежни институции промптно да ја регулираат исплатата на задоцнетите надоместоци!, велат од Здружението на Лекари специјализанти.

The post „Ќе ја завршевме работа и без вас, само се жалите“: Специјализантите од Детска клиника алармираат за игнорантскиот однос и неисплаќањето appeared first on Република.