Комисијата за доделување на наградите на Македонската асоцијација на издавачи за периодот меѓу два саема, по разгледувањето на апликациите и на примероците од книгите доставени од издавачите, на состанокот на 29.4.2022 г. ги донесе следните:
Одлуки за доделување на наградите на МАИ меѓу двата саема во септември 2021 и мај 2022 година

1. ПРИЗНАНИЕ ЗА НАЈДОБРА ЕДИЦИЈА

Основен критериум е уредничкиот пристап и унифицираноста на едицијата, но и естетиката; издавачот приложува образложение за уредничкиот пристап и за концептот на едицијата.
1. место: едицијата „Целокупното творештво за возрасни на Оливера Николова“ („Арс ламина “)
2. место: едицијата „Штици“ („Гаврош“)
3. место: едицијата „Безвременски“ („Три“)

2. ПРИЗНАНИЕ ЗА НАЈДОБРО ЛИКОВНО-ГРАФИЧКИ УРЕДЕНО ИЗДАНИЕ

Награда за оригинален дизајн на корица и/или внатрешно уредување.
1. место: „Бамбино“ со приказна и текст на Ника Гавровска и дизајн на Никола Радуловиќ („Гаврош“)
2. место: „Збор по збор“ од Ника Гавровска (идеја, концепт и графичко уредување) и Наташа Андонова (илустрации) („Гаврош“)
3. место: „Волшебното патување на Простор и Време“ – автор Мирко Трајановски, илустратор Кристијан Јованоски („Софија“ – Богданци)

3. ПРИЗНАНИЕ ЗА
НАЈДОБРА КНИГА ЗА ДЕЦА

Оригинални илустрирани книги за деца (сликовници) или адаптации. Во случај на аплицирање со адаптација, видлива е заслугата на издавачот за нејзиниот краен изглед и содржината.
1. место: „Пет приказни од целиот свет“ од Живко Грозданоски, со илустрации на Хари Дудески („Чудна шума“)
2. место: „Ши, ѕифри, копчи“ од Владимир Лукаш, со илустрации на Наталија Лукомска („Арс ламина“)
3. место: „Мистериозниот остров“ од Бистра Георгиева, со илустрации на Наталија Лукомска („Три“)

4. ПРИЗНАНИЕ ЗА АВТОР НА ГОДИНАТА

Критериуми кои се земаат предвид при доделувањето на наградата се:
- популарноста и влијателноста на авторот во културно-општествената средина и неговиот придонес во афирмација на книжевноста во и надвор од државата
- број на странски преводи на дело/дела од авторот во периодот меѓу двата саема;
- успесите од продажбата (број на продадени примероци).
Награден: Владимир Јанковски

5. ПРИЗНАНИЕ ЗА НАЈКРЕАТИВНО ИЗДАНИЕ

Во оваа категорија влегуваат оригиналните детски интерактивни книги, боенки за возрасни, како и останати нестандардни изданија. Притоа, се оценува иновативниот пристап и уникатноста на изданието во рамки на нашето издаваштво.
1. место: „Во главата пишувам расказ“ од Елизабета Баковска и Сашо Димоски (самостојно издание)
2. место: Боенки „Finger print art“ („Арс ламина“)
3. место: „Игра со придавки“ – од Оливија Георгиевска, со илустрации на Јована Велинова-Трајанова („Арс ламина“)

6. ПРИЗНАНИЕ ЗА ПОТТИКНУВАЊЕ НА ОПШТЕСТВЕНА ОДГОВОРНОСТ

Издавачот треба да приложи проект или листа на проекти за корпоративна општествена одговорност со опис на проектите и резултатите што се постигнати со нив.
1. место: проектот „Сликовницата на Халки“ од издавачот „Софија“ – Богданци

7. СПЕЦИЈАЛНО ПРИЗНАНИЕ ЗА ПРОМОТОР НА ЧИТАЧКАТА КУЛТУРА

Комисијата ќе избере поединец – новинар, критичар, блогер, инфлуенсер на социјални мрежи – или организација – издавач, библиотека или друга организација – кои во периодот меѓу двата саеми се истакнале со својот труд во промоција на читачката култура; издавачите можат да дадат и свои предлози
1. место: Фестивал „Bookstar“

8. ПРИЗНАНИЕ ЗА ИНОВАТИВНОСТ

Издавачот треба да приложи објаснување за имплементација на иновативно решение, нова и уникатна практика во работењето или примена на напредна технологија.
Комисијата реши да не додели награди во оваа категорија.

Комисија:
Весна Дамчевска, новинарка за култура
Сашо Димоски, книжевник и театролог
Никола Војнов, графички дизајнер

The post Доделени наградите на Македонската асоцијација на издавачи за периодот меѓу два саема appeared first on Република.