Министерот за здравство д-р Илир Демири во порака по повод Светскиот ден на здравјето - 7 Април истакнува дека откако стапил на функцијата посветено се работи на зајакнување на здравствениот систем.

-Република Македонија е прва земја од Западен Балкан што официјално го усвои Националниот акциски план за здравствена безбедност, во соработка со Светската здравствена организација, што е важен чекор напред во зајакнување на нашата посветеност за заштита на здравјето и благосостојбата на нашите граѓани, наведува Демири.

Нагласува дека Министерството што го предводи е фокусирано на зајакнување на превенцијата и раното откривање на заболувањата, посочувајќи дека минатата година се воведени шест нови лекови за ретки болести и пациентите со цистична фиброза првпат примија лек.

-Инвестираме во нова медицинска опрема, со што двојно е зголемен буџетот за оваа намена, а исто така ги подобруваме и условите во јавно здравствените установи преку реконструкции. Продолжуваме посветено да работиме и во следниот период, со цел унапредување на условите за работа на здравствените работници во јавното здравство, како и во интерес на сите пациенти во државата. Нека ни е честит Светскиот ден на здравјето!, истакнува Демири во пораката

The post Демири: Го зајакнуваме здравствениот систем, вложуваме во нови лекови и опрема и во услови за работа на медицинскиот персонал appeared first on Република.

Ние ќе направиме се за да ја вратиме довербата во здравствениот систем, која очекувано е изгубена минатиот период, посебно заради се што се слуша во јавноста, истакна д-р Игор Николов, претседател на Комисијата за здравство на ВМРО-ДПМНЕ на дебата Здравствена платформа за иднина на тема „Концепт за здравство“ што се одржа во Штип.

Почетокот за ова ќе биде апликација на стручност,апликација на протоколи за лекување според кои секој пациент треба да биде соодветно насочен низ одредените нивоа на здравствениот систем.Треба да ја надградиме дигитализацијата што последниве години застана, треба да ги надградиме протоколите и следливоста.

Главниот проблем заради недовербата и во последниот скандал е дека некој одлучил да ја укине следливоста на третманот и тоа да биде индивидуално во зависност од тоа дали се допаѓате на некој или не.
Тие работи никогаш не смее да се повторат и верувам дека со воспоставување на вакви правила ќе почне враќањето на довербата во системот’, посочи д-р Николов одговарајќи на прашање како ќе се врати довербата на граѓаните во здравството, за да не се повторат случаи како тој на онкологија со лечењето со физиолошки раствор,добивањето несоодветна терапија и тн.

The post Д-р Николов: Ќе ја вратиме довербата во здравствениот систем appeared first on Република.

Ни се случи колапс на здравствениот систем, а тој систем е составен од три столба и тоа приматели на здравствени услуги тоа се осигурениците, даватели на здравствени услуги и здравствените работници и фондот за здравствено осигурување каде со парите на осигурениците ги покрива потребите а целиот систем, изјави Претседателот на комисијата за здравство при ВМРО-ДПМНЕ Игор Николов во гостување во Централниот Дневник на Телевизија Сител во „Тема на Денот“.

По две недели криење на состојбата разбравме дека има крах на здравствениот систем каде една трудница не може да добие лекови и таа треба да чека или потпишува формулари документи и потоа да праќа мејл во фондот па тој да врати и се вративме на рачно работење односно се вративме на пишување, изјави Николов.

Тој посочи дека како втора работа, не само една трудница, туку сите оние кои требаше да добијат боледување сите тие пациенти беа блокирани во целиот систем.

Николов додаде дека дополнително здравствените работници беа блокирани од целиот систем и со чиста совест тој може да каже дека ова беше работ на целосна блокада на здравствениот систем.

За тоа мора да постои одговорност, заради тоа што нервозата на пациентите не ја чувствуваат во фондот бидејќи таму видовме дека новинар тешко пристапува. Нервозата на пациентите е кога недостасува лек и осигурување а ја чувствуваме ние здравствените работници во амублантите, вели Николов.

Тој додаде дека вакво едно ноншалантно и бахато однесување со една потврда дека Директорот имал решение за одмор кој тој сам си го издава е навистина чудно и смешно.

Заради тоа повикувам да си преземат одговорност надлежните бидејќи видовме дека Директорката и Директорот на Фондот немаат никакво основно елементарно чувство за пружање на здравствени услуги особено за итноста на здравствените услуги и тука би повикал не само тие да си поднесат оставка туку и тие што ги назначиле, а бидејќи немаме одговорен министер за здравство тоа треба да го преземат одговорните во Владата дури и премиерот Ковачевски, дециден е Николов.

The post Николов: По две недели криење разбравме дека има крах на здравствениот систем appeared first on Република.

Владата предводена од Димитар Ковачевски и неговиот тим ќе остане запаметена по крах на здравствениот систем, потенцира ВМРО-ДПМНЕ.

Здравствениот систем за прв пат во независна Македонија колабираше. Со ова за прв пат граѓаните останаа без лекови, не се исплаќаа средства за породилно, а здравствениот кадар остана без плата.

И додека има незпаметен одлив на медицински кадар од земјава и нема кој да ги лечи граѓаните, Ковачевски и низата на функционери во јавните здравствени установи не мрднаа со прст навреме да се исплатат платите, односно да се запази законскиот рок.

Од погрешните политики Ковачевски и неговиот тим, кој се грижат за само за лични и партиски интереси, граѓаните страдаат секојдневно или не можат да добијат основна здравствена услуга за која плаќаат цел живот.
Последиците од криминалните политики на лицата во власта предводена од СДС и ДУИ граѓаните ги чувствуваат секојдневно.Ковачевски и неговата екипа мора да заминат час поскоро!

The post Владата на Ковачевски ќе остане запаметена по крахот на здравствениот систем appeared first on Република.

Иако помина скоро недела дена од законскиот рок за исплата на плати здравствените работници се се уште без плати, велат во партиското соопштение од ВМРО-ДПМНЕ.

Во меѓувреме Фондот за здравство извести дека почнал да функционира системот, но делумно.

Неспособноста на надлежните од директори на јавните здравствени установи, преку директорите на Фондот за здравство па се до премиерот Ковачевски се гледа на дело.

Луѓето на СДС и ДУИ уште еднаш покажаа дека работат само за лични и партиски интереси.

Ниту еден функционер не мрда со прст за да се исплатат платите на здравствените работници.

Од нефункционирање на луѓето од СДС и ДУИ граѓаните се секојдневно оштетени и тоа сега им се ускратени и правата од областа на здравственото осигурување за кое плаќаат цел живот.

Неспособниот криминалец Ковачевски и неговата криминална екипа мора веднаш да заминат!, се вели во соопштението од ВМРО-ДПМНЕ.

The post ВМРО-ДПМНЕ: Здравството го крахираа, здравствените работници ги оставија без плати затоа неспособниот Ковачевски и неговата екипа мора да заминат веднаш appeared first on Република.

Здравствениот систем во Македонија е во целосен колапс. Пациенти бегаат од тестирање, а здравствените власти без протоколи за лечење од заразната болест „мајмунски сипаници“ Повторно како и со Ковид-19, здравствените власти доцнат со протоколите и начинот на лечење и изолација со оваа нова пандемија која масовно се шири низ Европа и светот - се наведува во соопштение на ВМРО-ДПМНЕ.

Од партијата прашуваат кој ќе понесеше одговорнот доколку пациентот кои одбиваше да биде тестиран, откако некако го пронајдоа, беше позитивен на оваа зараза?

Дали министерот или пак комисијата ќе одговараа доколку ова лице заразеше свои сограѓани со овие сипаници, бидејќи по кој знае пат ние не сме подготвени за справување со пандемии. Илјадници наши сограѓани починаа од Ковид-19 заради тоа што немавме навреме вакцини, немавме доволен капацитет во болниците за примање на пациенти, но оваа неодговорна власт не ја научи лекцијата од Ковид-19 пандемија. За тоа повторно прашуваме, кога министерот Беким Сали и комисијата за заразни болести ќе донесат протоколи за оваа нова пандемија со „мајмунски сипаници“? Дали повторно треба да ни се случи истото сценарио како со Ковид-19? Властите да престанат да бркаат тендери и да се богатат врз здравјето и животот на граѓаните. Веднаш треба да се преземат итни мерки за да не се повтори како првиот суспектен случај кој за среќа е негативен на оваа болест. Неодговорноста на здравствените власти мора да запре, пред да биде доцна - се додава во партиското соопштение.

The post ВМРО-ДПМНЕ: Потребни се итни протоколи од здравствените власти за мајмунските сипаници, за да не ни се повтори катастрофата со Ковид-19 appeared first on Република.

СДСМ и институциите што ги предводи во изминатите години значително го унапредија здравствениот систем, со вложување во човечкиот капитал, крупни капитални инвестиции во здравствените објекти и опрема, со воведување нови методи на лекување, истакна Ненад Коциќ пратеник на СДСМ.

„Зголемени се платите и коефициентите за дежурства на здравствените работници. Основната плата на лекарите специјалисти ја зголемивме за 40 отсто, на општите лекари за 25 отсто, на медицинските сестри помеѓу 20 и 23 отсто, а на здравствени соработници за 15 отсто. Некои типови на дежурства се зголемени за два до три пати. За првпат, оваа Влада ги плати приватните специјализанти за својот труд во висина од просечна плата на општ лекар. Дополнително им се плаќаат дежурства и здравстено осигурување.

Одобрени се 931 специјализација и 130 супспецијализации.

Покачени се капитациите за матичните лекари, стоматолози и гинеколози.

Паралелно со инвестициите во човечкиот капитал инвестираме во изградба и реновирање на болници и здравствени домови, вложуваме во нова опрема за дијагностика и лекување и нови возила.

Повеќе клиники и оддели во здравствените установи добија значително подобрени услови за работа.

Реновирани се хируршките сали и целата Клиника за ортопедија, хируршките сали на Клиниката за трауматологија, одделенијата на дигестивна хирургија, сите клиники во склоп на Интернистичкиот блок и тоа ОРЛ, Очно, Дерматовенерологија, Пулмологија, Неврологија, Гастроентрохепатологија, универзитетската клиника за хематологија, Клиниката за пластична и реконструктивна хирургија, одделот за интензивно лекување на Универзитетската клиника за неврохирургија.

Ова е само дел од капиталните инвестиции во здравството, и не застанануваме тука, продолжуваме со инвестициите во здравството кои се покажаа како витални, особено во екот на пандемијата со коронавирусот.

Во рамките на реформата на здравствениот систем ги укинавме квотите за лекови на рецепт. Турканиците во аптеките и кај матичните лекари на почетокот на секој месец и нервозата на граѓаните дали ќе стасаат до потребниот лек сега се минато.

За разлика од ВМРО-ДПМНЕ која 11 години го урнисуваше здравството заради остварување на лични бизнис интереси на поединци, градиме ефикасен, модерен систем на здравствена заштита.

И во иднина секоја година за 5 до 10 отсто ќе се зголемат платите во здравството, истовремено продолжуваат договорите за методологијата и висината на капитациониот бод на матичните лекари.

Продолжуваме со реализација на мерките што го унапредуваат здравствениот систем, обезбедуваат поголемa грижа за граѓаните и достоинствени услови за работа на здравствените работници“, истакна Коциќ.

The post СДСМ значително го унапреди здравствениот систем за само 4,5 години appeared first on Република.

Здравствениот систем е во целосен колапс, само за 24 часа изминатото деноноќие во Македонија 21 лице го загубија својот живот и нови 1.254 новозаразени граѓани од КОВИД- 19, велат од ВМРО-ДПМНЕ додавајќи дека додека здравствените власти преку социјалните мрежи се убедуваат кој да биде во нефункционалната Комисијата за заразни болести, секој ден имаме по илјадници новозаразени од КОВИД-19 и без никакви функционални мерки за спречување на ширењето на вирусот.

Без никакви мерки, граѓаните се препуштени сами на себе да се снаоѓаат како што умеат. Со денови се чека за тестирање од КОВИД-19, секој ден матичните лекари се жалат дека системот Мој термин паѓа и не можат да закажуваат прегледи за пациентите. И во целиот овој хаос, министерството за здравство, како и владата на пиунот Ковачевски, решија да започне второто полугодие во образовниот систем, изложувајќи ги децата на ризик од заразување со КОВИД- 19. Веднаш се потребни итни мерки за спречување на ширењето на новиот омикрон сој на КОВИД-19. Македонија се претвори во Вухан, само заради неспособноста како на претходниот министер за здравство Венко Филипче кој мислеше само на тендери и провизии, така и на новиот министер Беким Сали, велат од ВМРО-ДПМНЕ.

The post Нефункционални мерки, паднат систем Мој термин, стотици починати…- здравствениот систем предводен од Сали и Ковачевски e хаос appeared first on Република.