По најавениот протест на вработените за здравството, Здравствен дом Скопје презема мерки.

Надлежните уплашени од протестот и масовност на истиот издадоа наредба за двојна евиденција. Или секој вработен освен електронски кога пристигнал на работа и кога заминал, ќе мора да стави и потпис и во тетратка.

Вработените кои сакаат да останат анонимни коментираат кратко дека ситуацијата е исклучително лоша од секој аспект и додаваат дека овој чекор е резултат само на најавениот протест.

The post Власта се исплаши од белите мантили, по најавениот протест за утре бара двојна евиденција за присуство на работа appeared first on Република.

Во раните утрински часови денеска е срушен здравствен објект Студеничани, објект во рамки на Здравствен дом Скопје, алармираат од ВМРО-ДПМНЕ, од каде споделуваат и фотографии од местото на настанот.

Вакви случаи се недозволиви!
Бараме надлежните веднаш да го расчистат случајот.
Бараме Владата на СДСМ и ДУИ веднаш да реагира и случајот да биде расчистен, велат од Комисијата за здравство на ВМРО-ДПМНЕ.

The post Некој го сруши Здравствениот дом во Студеничани appeared first on Република.

Прашуваме кој го контролира и кој ќе го санкционира неговото ненавремено извршување на работни обврски?

Ниските примања ,лошите услови за работа и мобингот се главни причини за одлевање на стручниот медицински кадар а токму ова е резултат на лошата кадрова политика на ресорот предводен од Меџити кој додека ја замајува јавноста дека ќе ги разрешува економските директори, а во меѓувреме назначува партиски кадри во клучни установи за кои јавноста нема ниту основна информација кои се тие лица.

The post Комисија за здравство на ВМРО-ДПМНЕ: Зошто доцнат платите на вработените во Здравствен дом Скопје? appeared first on Република.

Објавен е оглас со којшто во Здравствен дом - Скопје наскоро ќе бидат вработени околу 40 здравствени работници, кадар што ќе биде ангажиран во Брзата помош и превентивните пунктови, најави директорот на оваа здравствена установа, Виктор Исјановски.

При денешната посета на новата амбуланта во општина Бутел Исјановски соопшти дека огласот е објавен во весниците „Слободен печат“ и „Коха“ и ќе трае пет работни дена.

Ќе бидат примени 22 општи лекари, четворица специјалисти, потоа дефектолози, логопеди, психолози. Бројката е околу 40 и нешто вработувања во Здравствен дом – Скопје и ќе гледаме со тој кадар да се надополни во Брза помош и во превентивните пунктови каде што најмногу ни се потребни, изјави Исјановски, споделувајќи информација и дека добиле допис од Министерството за здравство дека ќе добијат седум нови санитетски возила за Брза помош за Град Скопје.

The post Здравствен дом – Скопје објави оглас за 40 вработувања appeared first on Република.

Вработените од Здравствен дом Скопје останаа без здравствено осигурување, реагираат од Комисијата за здравство на ВМРО-ДПМНЕ. Според нивните информации станува збор за околу 1400 вработени: доктори, медицински сестри и помошен технички персонал.

Без здравствено осигурување се сите вработени во Здравствен дом Скопје меѓу кои доктори, медицински сестри и сиот персонал од оваа ЈЗУ и станува збор за околу 1400 вработени. Ова е уште еден показател за нула грижата кон хероите на здравствениот систем кои иако плаќаат здравствено осигурување сега остануваат без истото, a ова e законско загарантирано право. Одговорност за оваа негрижа бараме од двајцата директори на ЗД Скопје“, пишува на постот на фејсбук страната на Комисијата.

Медицинските лица коментираат дека ова е недозволиво во ситуација на одлив на медицинскиот кадар од земјава.

Во рамки на Здравствениот дом Скопје се поликлините Бит Пазар, Идадија, Драчево, Шуто Оризари, Ченто, Букурешт, Јане Сандански, Чаир, Ѓорче Петров, и Итната медицинска помош.

The post Вработените од Здравтвен дом Скопје останаа без здравствено осигурување appeared first on Република.

Јавната здравствена установа „Здравствен дом Скопје“ најавува протест за достоинствена плата на 1 мај. Синдикалната организација на ЈЗУ „Здравствен дом Скопје“ , Самостојниот синдикат за здравство, фармација и социјална работа и Сојузот на синдикати на Македонија го повикаа членството на 1 мај да излезе на протест.

„Повик до сите колеги и колешки од сите останати здравствени установи да ни се придружат на големиот синдикален протест за исполнување на барањата поднесени од ССМ и Самостојниот синдикат за здравство, фармација и социјална работа до надлежното Министерство. Овој пат заборавете на излети и скари, имаме побитни работи за решавање на нашата егзистенција. Немојте за еден ден да ги ризикувате останатите денови и можности за покачување на платите кои се енормно ниски поради големите поскапувања. Размислете убаво дали треба да излеземе сите заедно компактни и сплотени и да се избориме за нашите права или ќе одите по излети, на скари и пијанки“, стои во повикот.

Синдикатите повикуваат на компактност, единственост и лично присуство за остварување на барањата наместо да се чека некој друг да ја заврши работата за потоа да се негодува и да се демонстрира незадоволство.

Протестот ќе се одржи вo недела на Први мај. Собирот ќе биде во 12.00 часот пред Сојузот на синдикати на Македонија проти големиот паркинг кај Градскиот трговски центар.

Сојузот на синдикати на Македонија пред три дена ги повика на протест на Први мај, Денот на трудот, сите работници за усогласување на платите со минималната плата.

The post За први мај: „Здравствен дом Скопје“ повикува на штрајк за достоинствена плата appeared first on Република.