Во рамки на официјалната посета на Црна Гора, претседателот Стево Пендаровски  оствари средба со црногорскиот премиер Здравко Кривокапиќ, на која беа разменети мислења за севкупните билатерални односи меѓу Република Македонија и Црна Гора.

-Притоа беше оценето дека тие се традиционално партнерски и пријателски, без отворени прашања.
На средбата беше истакнато дека двете држави, како сојузници во НАТО споделуваат исти вредности и даваат придонес во унапредувањето на регионалната соработка. Исто така, двете држави споделуваат идентична надворешно-политичка цел – членство во Европската Унија, соопшти Кабинетот на Пендаровски.

Претседателот Пендаровски и премиерот Кривокапиќ, се додава во соопштението, разменија мислења за случувањата и состојбите во поширокиот регион, во контекст на руската агресија врз Украина

The post Средба на Пендаровски со црногорскиот премиер во оставка appeared first on Република.

Црногорскиот премиер во заминување Здравко Кривокапиќ на владината седница одржана на 2 февруари изјави дека не е обврзан со „правната категорија“ за техничка влада и дека неговиот кабинет ќе продолжи да носи одлуки во полн капацитет се додека не се избере нова влада, пишува весникот Побједа.

Извор на весникот наведува дека Кривокапиќ истакнал дека Владата е во полн мандат додека не се избере нова.

Седницата на Владата на Црна Гора на 2 февруари ја напуштија веднаш по отворањето вицепремиерот Дритан Абазовиќ и министерот за надворешни работи Ѓорѓе Радуловиќ, а правните експерти и опозицијата го предупредија Кривокапиќ да не носи важни одлуки во техничкиот мандат на Владата, наведува Побједа.

На 4 февруари, Собранието на Црна Гора и изгласа недоверба на Владата на Кривокапиќ со гласовите на 43 пратеници на опозицијата и владејачката коалиција „Црно на бело“ (Граѓанско движење УРА и ЦИВИС)

The post Немало техничка влада: Црногорскиот премиер и разрешен ќе носи одлуки appeared first on Република.

Пратениците во црногорскиот Парламент вечерва и изгласаа недоверба на Владата на премиерот Здравко Кривокапиќ, на предлог на коалицијата „Црно на бело“ предводена од Дритан Абазовиќ.

За недоверба на Владата гласаа 40 пратеници на опозицијата и четворица пратеници на коалицијата Црно на бело, а 11 беа против. Во црногорскиот Парламент, кој има 81 пратеник, гласаа само 55.

На гласањето не присуствуваа пратениците на Демократскиот фронт, Социјалистичката народна партија и Движењето за промени. На изборите на 30 август Кривокапиќ ја предводеше листата која ги собра тие три партии.

Пратеникот Милош Конатар во завршниот збор во име на предлагачот изјави дека „денеска не се случува никаква апокалипса“.

– Се изборивме промената на власта да биде нормална работа. Секоја следна влада треба да учи од грешките на оваа, истакна Конатар.

Тој додаде дека е важно граѓаните да знаат дека ДПС нема да се врати на власт и оти, како што рече, тоа е манипулација.

Владата на премиерот Здравко Кривокапиќ беше формирана пред точно една година и два месеци, на 4 декември 2020 година

The post Скандалите и пресудија: Падна Владата на Црна Гора на чело со Кривокапиќ appeared first on Република.

Црногорскиот премиер Здравко Кривокапиќ денеска ја прекинал посетата на својот министер за надворешни работи Ѓорѓе Радуловиќ на Македонија бидејќи тој застанал на страната на коалициониот партнер кој повеќе не ја поддржува владата на Кривокапиќ.

Претходно, Радуловиќ застанал на страната на вицепремиерот Дритан Абазовиќ, чија партија Обединета реформска акција (УРА) одлучила да ја негира довербата на владата.

Шефот на црногорската дипломатија требало да се сретне со македонскиот државен врв во Скопје, но сите средби се откажани и тој морал да се врати од Скопје во Подгорица. Медиумите јавуваат дека Радуловиќ им се извинила на домаќините и ја оценил одлуката на премиерот како лична, непримерна и непрофесионална.

Вчера Кривокапиќ го обвинил Радуловиќ дека интензивно ја промовира малцинската влада за време на неговите дипломатски состаноци од септември минатата година. Денеска премиерот отпуштил и неколку владини функционери блиски до Абазовиќ.

На 4 февруари пратениците ќе ѝ изгласаат недоверба на владата на иницијатива на УРА на Абазаовиќ, опозициската Социјалдемократска партија (СДП), Социјалдемократите (СД), Бошњачката партија (БС), Албанската листа и Албанската коалиција, Либералната партија (ЛП) и некои пратеници од Демократската партија на социјалистите (ДПС) на претседателот на Црна Гора Мило Ѓукановиќ.

The post Премиерот на Црна Гора го вратил шефот на дипломатијата од посетата на Македонија appeared first on Република.