Македонската полиција денеска фати двајца бегалци од затвор.

Полициски службеници од СВР Струмица-ОВР Радовиш го лишиле од слобода Ф.Ј.(28) од Радовиш, кој бил баран со потерница поради бегство од Затвор Куманово.

Ф.Ј. е осуден на затворска казна во траење од пет години и 10 месеци за сторени кривични дела „тешка кражба“, „загрозување на безбедноста во сообраќајот“ и „напад врз службено лице при вршење работи од безбедноста“, а имал за доиздржување две години, четири месеци и 22 дена. Лицето било спроведено во Казнено-поправната установа Затвор Куманово за доиздржување на казната.

Исто така, полициски службеници од СВР Струмица-ОВР Радовиш го лишиле од слобода Ф.Ш.(40) од село Зрновци, општина Зрновци, кој бил баран со потерница поради бегство од Затвор Куманово.

Ф.Ш. е осуден на затворска казна во траење од две години и пет месеци за сторено кривично дело „фалсификување исправа“, а имал за доиздржување шест месеци и 22 дена. Лицето било спроведено во Казнено-поправната установа Затвор Куманово за доиздржување на казната.

The post Фатени двајца бегалци од затвор appeared first on Република.

Во средата во 18.20 часот во СВР Скопје од КПУ Затвор-Идризово било пријавено дека околу 17.00 часот во канцеларија на полуотворено одделение во установата осудените лица В.К.(20) од Дебар, А.З.(21) од Скопје и А.А.(27) од с.Сарај,скопско, со тврди предмети искршиле дел од инвентарот.

Од МВР велат дека се работи на расчистување на случајот.

The post Затвореници дивееле и кршеле во канцеларија на „Идризово“ appeared first on Република.

Спроведувањето на реформите во затворскиот систем во Македонија било главна тема на средбата на премиерот Христијан Мицкоски со претседателот на Европскиот комитет за спречување на тортура и нехумано или понижувачко постапување или казнување (КПТ), Алан Мичел и заменик-гувернерот на Банката за развој на Советот на Европа (ЦЕБ), Томаш Бочек, соопшти Советот на Европа.

- Премиерот беше информиран за лошата состојба во затворот „Идризово“, каде условите за притвор и натаму се ужасни за стотици затвореници. Допрва треба да се решат прашањата нагласени во Извештајот на КПТ по посетата во октомври 2023 година во врска со овој и другите затвори во земјата, како што се недостигот на персонал, корупцијата, отсуството на какви било целни активности, лошата здравствена заштита и насилство, се нагласува во соопштението.

Според Советот на Европа, ваквите состојби во затворот не се нови предизвици, туку се показател за „неуспешен затворски систем кој се уште не инвестирал во професионален пристап на управување“.

Во соопштението се додава дека Мичел на средбата посочил оти македонските власти треба да продолжат со напорите за имплементација на Патоказот за реформи во затворите, подготвен од КПТ, додека Бочек ја истакнал важноста да се обезбеди дека заемот на Банката за реконструкција на затворот „Идризово“ е соодветно и експедитивно реализиран.

- И КПТ и ЦЕБ ја изразија својата посветеност да ги поддржат властите во нивните реформски напори. Како одговор, премиерот изјави дека неговата Влада ја препознава важноста на реформите во затворите како клучна компонента во системот на кривичната правда и дека земјата ќе се придржува до меѓународните обврски. Тој призна дека на затворскиот систем му се потребни поголеми инвестиции, се вели во соопштението.

Како што јави дописникот на МИА од Брисел, Советот на Европа посочува и дека во разговори со министерот за правда Игор Филков и со директорот на Управата за извршување на санкции Александар Пандов, претставниците на КПТ и ЦЕБ ја повториле потребата од „воспоставување јасни линии за известување и ефикасен надзор над управувањето во затворската служба“.

Претставниците на КПТ и ЦЕБ имале средба и со државната секретарка во Министерството за здравство, Блерта Рама, со која разговарале за потребата од подобрување на состојбата со обезбедувањето здравствена заштита во затворите.

- Обезбедувањето доволно здравствен персонал и здравствени простории соодветни за клиничките потреби, се предуслови за да се понуди еднаква грижа за лицата во затвор, посочува Советот на Европа.

По средбите, претседателот на КПТ, Мичел оцени дека затворите се сложени институции кои бараат управување од професионални менаџери и персонал.

- Со цел ефикасно да се спречи лошото постапување, Македонија има должност да обезбеди сите лица во затворите да бидат третирани со достоинство и да им се обезбедат пристојни услови за живот, додаде Мичел.

Според Бочек, македонската Влада мора веднаш да преземе акција во согласност со препораките на КПТ и да се обврзе да го обезбеди својот дел од финансирањето за затворскиот проект или ризикува да ги загуби преостанатите 25 милиони евра од договорот за заем меѓу ЦЕБ и Владата за изградба на нови објекти во затворениот оддел и во истражниот затвор во „Идризово“.

- Банката има одлична соработка со македонските власти за низа социјални и образовни проекти и сака да продолжи да ги поддржува развојните предизвици во земјата каде што тоа е потребно, рече Бочек, додавајќи дека верува оти земјата нема да се доведе во состојба да ги изгуби преостанатите средства од заемот за обнова на „Идризово“.

Во соопштението се информира дека пред средбите со претставниците на македонските власти, одржани во вторникот, членовите на делегацијата на КПТ и ЦЕБ во понеделникот се сретнале и со шеф на Делегацијата на Европската Унија во земјава, Михалис Рокас со кого разговарале за „важноста на реформите во затворите, како клучен аспект на правосудниот систем“.

Инаку, покрај Мичел и Бочек во состав на делегацијата на Советот на Европа биле и членката на КПТ, Слава Новак, извршниот секретар на Комитетот, Хју Четвинд и претставникот на Секретаријатот на КПТ, Кристијан Лода, како и Сонај Канбер од ЦЕБ.

Посетата на делегацијата на Советот на Европа доаѓа по објавувањето на одговорот на македонските власти на наводите во Извештајот на КПТ.

The post Алан Мичел: Затворениците во Македонија мора да бидат третирани со достоинство и да имаат пристојни услови за живот appeared first on Република.

На 07.10.2024 во 15.50 часот во с.Врапчиште, Гостиварско, полициски службеници од Полициското одделение Галате го привеле Е.А.(32) од Врапчиште, кој бил баран по потерница врз основа на судска наредба за издржување на затворска казна. Тој бил предаден во Казнено – поправната установа Затвор Тетово за издржување на казната.

На 07.10.2024 во 13.00 часот на ул.„Прилепски бранители” во Прилеп, полициски службеници од ОВР Прилеп го лишиле од слобода П.Р.(34) од Прилеп, кој бил баран по потерница врз основа на наредба од Основен суд Прилеп за издржување на казна затвор. Лицето било спроведено во Казнено - поправната установа Затвор Битола за издржување на казната

The post Двајца осудени „заборавиле“ да се пријават во затвор appeared first on Република.

Македонскиот Раскољников што убиваше баби со секира, Николче Гигевски викан Кинезот што уби двајца сопружници во Драчево, бездомникот Дино Диневски што се моли Сандра да стане и да каже кој ја уби, се само тројца од 46 осудени убијци што лежат во Идризово. Деветмина од нив се терористи, осум од акцијата Диво насеље и Агим Исмаиловиќ, убиецот од крвавиот настан на Смилковското езеро. Согласно последните измени на Кривичниот законик доживотниот затвор може да биде заменет со 40 години затвор. Претходно, доживотната робија можеше да се замени со 20 години, а многу поодамна и со 15.

Но, дали македонскиот правосуден систем нуди ресоцијализација или Идризово постои заради нехумано казнување на свирепи убијци и терористи?

Адвокатот Еленко Миланов за ТВ Алфа вели дека ако некој го осудат за убиство што го сторил на 20 години, треба да се има во предвид дека во наредните децении тој можеби и сфатил што направил и се покајал, па затоа заслужува и ревидирање на казната.

Еден од случаите кои ги има застапувано Миланов е убиството на Сандра од Автокоманда што се случи во 2006 за кое доживотен затвор лежи бездомникот Дино Диневски. И по речиси 20 години од убиството, дел од јавноста се уште не е убедена дека Дино е силувачот и убиецот на Сандра. Миланов е убеден дека судот немал цврсти докази за да ја изрече највисоката санкција. Според неговото сеќавање најцврстиот доказ е климав бидејќи Дино не бил виден на местото на настанот на денот на убиството.

Освен неколкумина терористи во најозогласеното оддлено во Идризово викано деветто крило лежат осуденици за свирепи убиства на своите сопруги, мајки и убијци од користољубие. Меѓу нив единствена жена е Блерта Поцеста, иселеничката од Италија која во семејната куќа во Дебар ги уби родителите и 14 годишната сестра. Медиумите пишуваа за мотивите на Блерта. Според едни, Поцеста си го убила семејството поради пари, а за други, бидејќи родителите не ја пуштиле да се венча со Италијанец.

Сите овие имаат право на преиначување на казната доживотен затвор откако одлежале или ќе одлежат најмалку 15 години.

Извор: ТВ Алфа

The post Убиства, силувања, тероризам: Во Македонија има 46 осуденици кои отслужуваат доживотен затвор appeared first on Република.

СВР Струмица до Основното јавно обвинителство Струмица поднесе кривична приjава против 40-годишниот Борче Цветков од Струмица, актуелен пратеник во собранието на РМ, поради постоење основи на сомнение за сторено кривично дело „злоупотреба на службена положба и овластување“ по член 353 од Кривичниот законик, соопшти денеска МВР.

Како што објаснуваат, пријавениот, во својство на поранешен вршител на должноста директор на Казнено – поправната установа Затвор Струмица", во текот на 2021, 2022 и 2023 година на затворските полицајци им наредувал и им се заканувал, надвор од законските прописи, да ги ослободуваат од затвор осудените лица Л.К., Ѓ.В. и Г.Т..

Имено, тројцата осуденици користеле погодности кои не ги следувале и не биле присутни во Затвор Струмица и по еден месец, а во евидентната книга, по наредба од пријавениот, било заведувано дека осудените лица биле присутни во затворот. Во книгата за влез и излез од затворот, осудените лица не биле секогаш заведувани и по наредба на пријавениот се вршело бришење со коректор во книгата на други заведени осудени лица, а на нивно место се пишувал Л.К.. Исто така, Л.К. се водел во затворот иако во моментот бил надвор од државата, открива МВР.

The post Директорот Борче Цветков, со мобинг наредувал да се пуштаат затвореници на слобода кога и да им текне appeared first on Република.

Повеќе од 30 затвореници по грешка се ослободени од затвор во Велика Британија како дел од владиниот план за растеретување на затворите.
Извор од Министерството за правда изјави дека на 10 септември по грешка биле пуштени 37 лица, бидејќи нивните прекршоци биле погрешно евидентирани, јави Скај њуз.

Петмина затвореници се уште не се вратени во затвор, но повеќето се вратени во притвор.

Околу 1.700 затвореници беа ослободени од затворите низ Англија и Велс на 10 септември во обид да се олесни пренатрупаноста на затворите, а речиси исто толку ќе бидат ослободени во октомври.

The post Повеќе од 30 затвореници по грешка ослободени од затвор во Велика Британија appeared first on Република.

На 07.08.2024 во СВР Скопје било пријавено дека околу 14.30 часот во Казнено – поправната установа Затвор Скопје, осудениците А.Ц.(23) и Ј.Ц.(25), двајцата од Скопје, биле физички нападнати од неколку други осуденици кои употребиле метални, дрвени и остри предмети.

А.Ц. и Ј.Ц. се здобиле со тешки телесни повреди и биле пренесени во Комплексот клиники „Мајка Тереза“ за укажување помош. Се преземаат мерки за расчистување на случајот.

The post Со метални шипки, палки и бодежи група затвореници нападнале двајца скопјани во затворот „Шутка“, со тешки повреди завршиле на Клинички appeared first on Република.

Директорот на Управата за извршување санкции, Александар Пандов вчера извршил контрола во затворот „Скопје“ во Шутка, каде констатирал дека 10 лица не биле во собите, а едно било во бегство. Пандов не сака да коментира за „Скопје1“ и посочува дека во понеделник ќе одржи и прва прес-конференција. Според информации на „Скопје1“, сите десет лица за кратко време се појавиле, но и иако првично не биле најдени, не им се одземени привилегиите кои ги уживаат и се со истиот третман.

Директорот на затворот, Филип Андов посочува дека е на одмор и дека за состојбата бил запознаен од командирот. Тој посочува дека има забелешка зошто ако немало 10 лица, само еден е пријавен во полиција за по него да се трага.

Имам забелешка. Како недостасуваат 10 лица, а само еден е пријавен во полиција? Известен сум од командирот дека од Управата биле на проверка, каде по завршувањето, директорот не успеал да ги забележи во собите овие десет лица и се појавиле отпосле. Моето прашање е, ако десет лица биле во бегство или 11, зошто не се пријавени или нема постапка? И зошто нема постапка за сите останати 10 лица, за да се префрлат во приемно одделение, да им се одземат сите права? Дотолку повеќе, што, по сознанија, денеска пак можат да ја напуштат институцијата. Ако има за сите службени белешки, ова е тежок престап и треба да се обезбедат луѓето во приемно одделение додека не се заврши постапката за сите лица, ако како што тврди тој, затворениците не се најдени во своите соби, вели Андов.

Пандов не сака да коментира за „Скопје1“, но за други медиуми посочил дека затворениците биле повикани да се вратат по телефон.

Извор: Скопје1

The post Изброени десет, пријавен еден избеган од затворот во Шутка: Клинч меѓу Андов и Пандов appeared first on Република.

Повеќе од 2,7 илјади осудени лица влегле во служба во вооружените сили на Украина, а по ослободувањето од затвор се распоредени во јуришни бригади. Ова го пренесува Вашингтон пост повикувајќи се на Министерството за правда на Украина.

Весникот забележува дека во блиска иднина се планира регрутирање на уште четири илјади затвореници.

За таа цел, украинскиот претседател Болодимир Зеленски потпиша нов закон со кој се дозволува условно ослободување на осудените за помали кривични дела, со цел нивна мобилизација и испраќање во борбената зона.

The post Украина зема илјадници осуденици од затвор и ги праќа на фронтот appeared first on Република.

Руските безбедносни сили влегоа во притворниот центар на југот на Русија и ликвидираа шест затвореници кои ги држеа двајцата затворски чувари како заложници, објавија руските медиуми, пренесе Бета.

Шест затвореници кои земаа двајца чувари како заложници во притворниот центар во градот Ростов на Дон се „ликвидирани“, објавија руските медиуми.

Заложниците во притворот во Ростов на Дон се неповредени“, соопшти Федералната затворска служба на Русија.

Претходно беше објавено дека шестмината затвореници имале гумени палки, ножеви и секири, а меѓу нив има и обвинети за врски со групата Исламска држава.

The post Затворениците кои држеа затворски чувари како заложници во градот Ростов се убиени appeared first on Република.

Иран и Шведска ја завршија размената на затвореници, соопшти владата на Оман, која посредуваше во процесот, јави ДПА.

Граѓаните од двете земји денеска се пренесени во Мускат, главниот град на малата држава на Персискиот Залив.

Шведскиот премиер Улф Кристерсон потврди дека двајца шведски државјани се вратиле дома.

Според информациите од Техеран, Хамид Н., кој беше осуден на доживотен затвор во Шведска за масовни егзекуции на политички затвореници во Иран на крајот на 1980-тите, е ослободен. Иранецот (63) беше осуден во Стокхолм во јули 2022 година.

Вработениот во ЕУ, Јохан Флодерус и Саид Асиси, кои беа осудени на пет години затвор во Иран, се ослободени од Техеран, рече Кристерсон.

Најмалку уште еден шведски државјанин, лекарот Ахмад Реса Џалали, сè уште е во ирански затвор.

Односите меѓу Шведска и Иран неодамна беа значително заладени поради дипломатските случаи. Во мај минатата година Техеран погуби шведско-ирански дисидент кој беше обвинет за терористички активности. Критичарите постојано го обвинуваа Иран дека се обидува да го ослободи Хамид Н. затворајќи шведски граѓани.

The post Иран и Шведска извршија размена на затвореници appeared first on Република.

Поради спроведување мобилизација на обвинети лица, во Украина е суспендирано разгледувањето на речиси 11.000 кривични предмети.

Како што објави „НЛГмедиа“, затворските казни биле укинати не само за одговорните за фатални несреќи или поткуп, туку и за силувачите на деца и соучесниците во нарачани убијци.

Според новинарите кои ги прегледале судските документи, 25 отсто од обвинетите за кривични дела веќе имаат добиено воен статус.

Во 95% од случаите, судовите ја прекинувале постапката за кривично гонење по извршената мобилизација на обвинетите. Во текстот се појаснува и дека судските одлуки во вакви случаи не подлежат на жалба.

The post Во Украина се врши мобилизација на обвинети криминалци, прекинати се повеќе од 11.000 судски постапки appeared first on Република.

Палестинската група Хамас соопшти дека ќе прифати договор за размена на затвореници само ако Израел се согласи на целосен прекин на огнот и влез на хуманитарна помош во Појасот Газа.

Враќањето на (израелските) окупациски затвореници има три цени. Првата е олеснување на враќањето на нашиот народ во нормален живот. Второто е крај на агресијата, а третото е вистинска размена на затвореници во која би биле ослободени нашите 10.000 затвореници во израелските затвори, изјави Халил ал Хаја, член на политичкото биро на групата, во интервју за катарската „Ал Џезира ТВ“.

Тој рече дека Израел, кој е обвинет за геноцид, одбива да се повлече од Газа и не дозволува раселените Палестинци да се вратат во своите домови.

Израелскиот премиер Бенјамин Нетанјаху го опиша како „заблуда“ предлогот на Хамас за прекин на огнот и размена на затвореници .

The post Хамас: Нема договор за размена на затвореници со Израел без целосен прекин на огнот appeared first on Република.

По мигрантите, Италија планира да ги донесе затворениците во Албанија. Станува збор за договор како оној со Обединетото кралство, каде осудениците Албанци во Британија ќе ја издржуваат казната во албанските затвори, јавија албанските медиуми.

Веста ја соопштил шефот на Одделот за затворска управа, Џовани Русо, во Комисијата за правда, додека зборувал за пренатрупаноста на затворите во Италија.

По цена од 34 евра дневно за секој затвореник Албанец во британските затвори, Обединетото Кралство потпиша договор со Албанија за издржување на казната во нивната земја. Ние одлучивме да го направиме истиот договор со некои модификации: да не испраќаме пари во Албанија, туку да нудиме услуги од типот на казнено-поправен дом, рекол тој.

https://republika.mk/vesti/balkan/samo-neka-se-vratat-vo-albanija-britanija-im-dava-po-1-500-funti-na-albanski-zatvorenitsi/

Според него, во италијанските затвори во моментов има 60.814 затвореници, со зголемување од околу 400 затвореници секој месец. Од вкупниот број, над две илјади се албански државјани.

Инаку, со договорот што на 6 ноември минатата година во Рим го потпишаа премиерите Еди Рама и Џорџа Мелони, во Албанија ќе се градат два прифатни центри во околијата Лежа, едниот во пристанишниот град Шнѓин и вториот во Ѓадр, поранешна, сега напуштена воена база. Годишно ќе се прифаќаат по три илјади миграти.

https://republika.mk/vesti/balkan/megu-migrantite-shto-ke-gi-pribira-albanija-mozhe-da-ima-i-chlenovi-na-isis-predupreduva-ekspert-za-bezbednost/

Италијанскот Пратенички дом го одобри предлог-законот за ратификација на договорот меѓу Италија и Албанија и се очекува да го одобри Сенатот.

Во Албанија се очекува ратификација на договорот од страна на законодавниот дом, откако Уставниот суд одлучи дека е во согласност со Уставот

The post И Италија сака да ги испрати дома затворениците со албанско државјанство appeared first on Република.

Израел преку Соединетите Американски Држави му предложил на посредникот Катар нов договор за размена на затвореници, наведе израелскиот Канал 13, пренесе „Ал Џезира“.

Договорот најпрво ќе му овозможи на Израел да ги повлече своите војници од густо населените области на Појасот Газа и да дозволи многу поголема помош да влезе во енклавата, објавија државните медиуми.

Во втората фаза, Хамас ќе ги ослободи израелските затвореници, вклучително и жените војници, и ќе ги предаде телата на мртвите Израелци, додека Израел дополнително ќе се повлече во областите за кои ќе се преговара со посредство на Катар и САД.

Медиумите јавуваат дека Хамас „досега го отфрлал овој предлог“ бидејќи не повикува на целосен прекин на огнот додека се разменуваат заложниците.

The post Израел понудил нов договор за размена на затвореници appeared first on Република.

Албанската влада го донесе Предлог- законот за амнестија, со кој придобивка ќе имаат 570 осуденици.

Исто така, согласно Предлог-законот, престанува кривичното гонење за најголем дел од кривичните прекршоци за кои е предвидена казна затвор до две години.

Според предлог-законот, затворските ќелии ќе ги напуштат мажите кои се осудени на казна затвор до три години и жените кои се осудени на затвор до четири години, за казни кои биле изречени пред 30 јуни годинава.

- Слободата си ја враќаат и мажите, на кои од денот на стапување во сила на законот им остануваат три години затвор, како и жените, на кои им остануваат четири години затвор. Амнестијата ќе биде за жени над 50 години, мажи над 65 години и малолетници, наведуваат албанските медиуми.

Дополнително се предлага мажите да имаат една година намалена казна и една и пол година за жените и малолетниците, кои немаат корист од амнестија како другите.

- Од амнестијата строго се исклучени лицата кои издржуваат казна за семејно насилство, организиран криминал, трговија со голема количина дрога или злоупотреба на службената положба и корупција, односно се предмет на Специјалното обвинителство против организиран криминал и корупција, СПАК, рече министерот за правда, Улси Мања.

Предлог-законот го подготвила работна група предводена од Мања, по тримесечни консултации со домашни и експерти од ЕУ и со генералната управа на затворите.

Тој треба да биде изгласан во Парламентот овој месец.

Во Албанија последната амнестија беше во 2020 година, кога беа опфатени 170 затвореници.

The post Албанија ќе амнестира околу 570 осуденици appeared first on Република.

Осуденици од Казнено-поправната установа „Идризово“ бараат средба со Народниот правобранител и со Хелсиншкиот комитет, а во спротивно од утре најавуваат штрајк со глад.

Од управата на „К.П.У. „Идризово“ потврдуваат дека до нив е стигнато писмо со најава за штрајк со глад. Во писмото се наведува дека штрајкот е поради осудениците кои беа повредени викендов при претрес во полуотвореното одделение.

Ние осудениците од Н.П.О-одд при К.П.У. „Идризово“ ве известуваме дека од утре, 31 октомври, стапуваме во штрајк со глад поради тешко повредените осуденици на кои не им се укажува лекарска заштита иако се со тешки телесни повреди како последица од полициската акција, се наведува во писмото.

https://republika.mk/vesti/crna-hronika/ne-prashuvaat-koj-si-shto-si-pochnuvaat-vednash-so-kotek-zatvorenitsi-od-idrizovo-tvrdat-deka-bile-pretepani-od-politsijata/

Министерството за внатрешнби работи викендов соопшти дека при претрес во полуотвореното одделение во „Идризово“ се повредени 10 полицајци при судир со група затвореници кои пружила отпор. При претресот, пронајдени се 63 мобилни телефони, 82 ножа, 4 шила, 71 полнач за телефон и дрога.

The post Затвореници од „Идризово“ од утре ќе штрајкуваат со глад, тврдат дека не им се помага на тешко повредените во акцијата appeared first on Република.

Затвoреници од затворот „Идризово“ сведочат дека завршиле со скршеници откако биле нападнати и претепани од полицијата.

Според „Телма“, дел од затворениците со кои контактирале, тврдат дека биле малтретирани.

The post „Не прашуваат кој си што си, почнуваат веднаш со ќoтек“: Затвореници од „Идризово“ тврдат дека биле претепани од полицијата appeared first on Република.

Полициски службеници од Оперативен тим потраги при СВР Скопје и од Единицата за интервентна полиција при СВР Скопје денеска околу 16.45 часот ги лишиле од слобода И.Ј.(36), Е.Д.(36) и М.Р.(37), сите од скопското село Студеничани.

Министерството за внатрешни работи информира дека околу 9 часот денеска тие побегнале од Казнено-поправната установа Затвор „Идризово“ каде што биле на издржување казна затвор.

По преземени мерки и активности, тројцата биле забележани во село Долно Лисиче со патничко возило „фолксваген голф“ со скопски регистарски ознаки. Не застанале на знак за запирање даден од полициските службеници и продолжиле со движење кон село Јурумлери, но набргу биле пресретнати и лишени од слобода. Притоа, кај И.Ј. и Е.Д. биле пронајдени и одземени два ножа, соопшти МВР.

И.Ј. бил осуден на вкупна казна затвор затвор од 11 години за сторени кривични дела по член 215, член 418-б и член 144 од Кривичниот законик, а имал за доиздржување пет години и три месеци.

Е.Д. бил осуден на казна затвор од седум години за сторено кривично дело по член 215 од Кривичниот законик, а имал за доиздржување 18 месеци од казната.

М.Р бил осуден на казна затвор од осум години и три месеци за сторени кривични дела по член 215 и член 418-б од Кривичниот законик, а имал за доиздржување три години од казната.

Тие ќе бидат спроведени во казнено-поправната установа за доиздржување на казната.

The post Тројца затвореници избегале од КПД „Идризово“ appeared first on Република.