Детето (3), кое утрово беше застрелано во Грција, починало и покрај напорите на лекарите. Смртта била констатирана набргу по пристигнувањето во болница.

Престрелката во која учествувале повеќе лица се случила утрово во Маркопулос.

Според неофицијални информации, во престрелката учествувале патници од два автомобила. Наводно еден од автомобилите застанал до друго возило, во кое имало и дете, и од засега непозната причина почнале да пукаат. Најмалку еден куршум завршил во детето.

Полициски извор изјави дека на местото на злосторството биле пронајдени повеќе од 20 патрони.

Детето добило прострелна рана во главата, а неговите роднини бргу го однеле тешко рането во најблискиот здравствен дом. Оттаму детето со возило на брзата помош било префрлено во детската болница.

По приемот, детето не давало знаци за живот.

The post Почина тригодишното дете што беше застрелано во Грција appeared first on Република.

Тригодишно дете се бори за живот во Грција, откако било застрелано во главта. Овој инцидент се случил во Маркопулос, град во јужна Атика во близина на главниот град Атина. Првите сознанија од истрагата укажуваат на тоа дека детето било застрелано случајно.

Пукањето се случило утрово, а детето со повреда на главата било примено во Здравствениот дом во Маркопули, а потоа пренесено во друга болница.

Детето е во тешка состојба. Според неофицијалните информации, дошло до престрелка меѓу патници на два автомобили, по што куршум испукан од еден од автомобилите завршил во главата на детето.

The post Трагедија во Грција: Тригодишно дете застрелано во глава! appeared first on Република.

Филип Ј. (19) од Белград, е тешко ранет во жестока пресметка што се случила рано утринава на „Лабудово Брдо“ во белградска Раковица и итно бил пренесен во Ургентниот центар каде што лекарите се борат за неговиот живот.

Тој седел во автомобил со девојка, а напаѓачот му пришол и го застрелал во градите и стомакот. Крвавиот настан се случил нешто пред 3 часот на улицата 11-та Краина дивизија, а младиот човек во бесознание со тешки повреди веднаш бил пренесен во Ургентниот центар каде бил опериран.

Како што пишуваат српските медиуми, полицијата интензивно работи на откривање и пронаоѓање на напаѓачот.

Според неофицијални информации, Филип во моментот на пукањето бил со девојка (18) во автомобил „форд“, а веднаш пред пукањето излегол од возилото. Потоа најверојатно се обидел да побегне и повторно влегол во автомобилот, каде повторно бил застрелан. За среќа девојката која била со него не е повредена.

The post Застрелано 19-годишно момче во Белград appeared first on Република.

Полицаецот, кој е обвинет дека смртно застрела 16-годишен Ром за време на полициска потера во Солун, денеска беше ослободен и забранет му е излез од земјата, јави дописничката на МИА од Атина.

Полицаецот досега беше во домашен притвор, по несогласувањето меѓу истражниот судија и обвинителот по првото сослушување, додека момчето беше сè уште живо, во однос на тоа дали да биде притворен, а Кривичниот суд во Солун денеска одлучи обвинетиот да биде ослободен.

Инцидентот се случи на 5 декември, а осум дена подоцна 16-годишниот им подлегна на сериозните повреди, па така во следниот период одново ќе се разгледа случајот со оглед на тоа дека полицаецот, сега веќе се товари за ново дело убиство.

На 5 декември кусо по полноќ момчето застанало на бензинска станица, наполнило бензин, побегнало без да плати и веднаш била информирана полицијата, по што полицајци со мотори го бркале возилото управувано од 16-годишниот, кој откако не одговорил на барањата да застане, според медиумите, бил застрелан во пределот на главата од еден од полицајците.

Во коматозна состојба, со рана во пределот на главата од огнено оружје, момчето било примено во болница во Солун, веднаш било оперирано и пренесено на интензивна нега, но осум дена подоцна, на 13 декември им подлегна на повредите.

Полицаецот, кој пукаше во момчето пред десет дена, додека момчето се уште беше живо, беше изведен пред истражен судија во Солун и според грчките медиуми, рекол дека дејствувал во самоодбрана, поради опасноста во која биле неговите колеги кога малолетниот возач се обидел да ги удри со својот автомобил,а во однос на истрелите посочил дека нишанел ниско кон гумите, а не кон возачот.

Тогаш, поради несогласувањата меѓу истражниот судија и обвинителот му беше одредена мерка домашен притвор, а денеска беше ослободен.

The post Ослободен полицаецот кој застрела 16-годишик кој избегал без да плати од бензиска во Солун appeared first on Република.