Татко, мајка и две деца се пронајдени со смртоносни рани од огнено оружје неделата навечер во нивниот дом во Ромеовил, кај Чикаго, Илиноис.

Полицијата ги отркила телата откако член на семејството побарал „проверка на благосостојбата“ на семејството, бидејќи една од жртвите не се појавила на работа тој ден и не одговарала на повиците цел ден, рече заменик-началникот на полицискиот оддел во Ромеовил, Крис Бурн.

Не веруваме дека сторителот е меѓу жртвите во моментов, рече тој за време на прес-конференцијата во понеделникот, потенцирајќи дека не станува збор за убиство-самоубиство.

Во домот се пронајдени и три кучиња, исто така смртно застрелани.

Родителите се идентификувани како Алберто Ролон и Зоралда Бартоломеи, а Бурн одби да ги објави возраста и полот на двете деца-жртви, наведувајќи дека истрагата, која е во тек, е со „чувствителна“ природа.

The post Татко, мајка, две деца и три кучиња смртно застрелани во Чикаго, не е случај на убиство и самоубиство appeared first on Република.

Четири лица се убиени, а други четири се повредени во престрелка во Филаделфија. Напаѓачот е уапсен, објавија синоќа локалните медиуми, повикувајќи се на полицијата.

Портпаролот на полицискиот оддел во Филаделфија изјави дека има „повеќе жртви од огнено оружје“, но рече дека во овој момент нема дополнителни детали.

Синоќа пред 21 часот, 10 минути откако одекнаа истрели во градот, полицијата извести за апсење на осомничен маж кој носел балистички елек, додавајќи дека пронашла пушка и пиштол во блиската улица, пишува весникот „Филаделфија Инквајер“ („The Philadelphia Inquirer“).

Според извештаите на весникот и филијалата на филаделфиската телевизија WPVI, филијала на Еј-Би-Си Њуз (ABC News), двајца од застреланите биле малолетници, но не е јасно дали тие се меѓу загинатите.

Засега нема јасни детали за вооружениот напад. Медиумите јавија дека пукањето се случило во југозападниот дел на Филаделфија, во Кингсешинг.

Престрелката се случи еден ден откако две лица беа убиени, а 28 повредени за време на забава во соседството во Балтимор, Мериленд. Полицијата соопшти дека се уште трага по повеќе осомничени за пукањето.

The post Четворица убиени во пукотница во Филаделфија, напаѓачот уапсен appeared first on Република.

Две лица се повредени по пукотниците на наплатната станица во Желино кои се случиле вчера.

Како што било пријавено во СВР Тетово, околу 11 часот на наплатна станица Желино, Џ.А (40) од Тетово, по претходна расправија, со пиштол пукал кон А.К.(34) и неговиот брат А.К.(32), при што двајцата се здобиле со повреди.

А.К. и А.К. биле пренесени во Комплексот клиники „Мајка Тереза“ во Скопје за укажување лекарска помош.

Јавен обвинител и полициски службеници од СВР Тетово извршиле увид и се преземаат мерки за расчистување на случајот.

The post Сред бел ден се пукало на наплатна рампа Желино, две лица во болница appeared first on Република.

Во едно од кафулињата на централниот плоштад во атинското предградие Неа Смирни, во неделата вечерта, вооружен напаѓач застрелал двајца Албанци и ранил една жена.

Надзорните снимки објавени на YouTube го покажуваат моментот кога маскираниот вооружен напаѓач отворил оган кон жртвите.

Според локалните медиуми инцидентот се случил нешто по 21 часот и 30 минути.

Едниот од убиените починал на лице место, а другиот во болница, каде заедно со жената што седела на масата со нив биле однесени.

Се претпоставува дека случајот е поврзан со расправија за дрога.

Грчките медиуми, повикувајќи се на полициски извори, пренесуваат дека застреланиот 41-годишен Албанец бил поврзан со локалното криминално подземје во Атина. Другиот загинат и ранетата биле, исто така, гости во кафулето, според истите извори.

Информативниот портал Newsbomb.gr истакнува дека сите изјави од очевидците укажуваат на тоа дека станува збор за пресметка меѓу криминални групи. Според информациите на Newsbomb.gr, жртвата, која била од албанско потекло, била надвор од кафулето кога се појавил напаѓачот и пукал во него. Напаѓачот застрелал друг гостин во кафулето, како и жена, која изгледа не ги познавала двајцата Албанци, наведува порталот.

Од приложената снимка се потврдуваат извештаите на другите медиум кои се повикуваат на изјави на очевидци, дека маж облечен во црна облека со качулка отвора оган во кафулето а потоа бега.

По истрелите на плоштадот Неа Смирни, преполно со посетени локали и таверни во кои луѓето го следеле финалето на светското првенство во Карар завладеала паника и метеж, што го искористил напаѓачот да избега во непознат правец,

Атинската полиција набрзо по дојавата со часови го блокирала плоштадот и околните атински населби. Поведена е интензивна потрага по напаѓачот.

The post Двајца Албанци убиени во центарот на Атина appeared first on Република.