Стотици патници останаа заробени на крстаречкиот брод „Викинг Орион“ во близина на австралискиот брег, откако на неговиот труп беа пронајдени потенцијално штетни микроорганизми, поради што му беше забрането да се приклучува, јавува Би-Би-Си.

На бродот за крстарење, наводно, му била одбиена дозвола да се закотви во Аделаида, откако властите откриле „биофул“ – акумулација на микроорганизми, растенија, алги или мали животни.

Австралиските соопштија рекоа дека трупот на бродот мора да се исчисти пред да влезе во земјата, бидејќи може да внесе инвазивни видови во живеалиште што не е нивна природна средина.

Бродот, наводно, не добил дозвола да се закотви ниту во Крајстчерч, Данедин и Хобарт во Нов Зеланд.

Еден патник на Твитер објави дека на крузерот имало повеќе од 800 луѓе и дека многу од нив се вознемирени и лути поради негрижата на компанијата.

Бродот, кој има 14 ката и може да превезува 930 луѓе, изграден во 2018 година, се вели дека се закотвил на околу 27 километри од брегот, додека чистењето е во тек.

The post Крузер со стотина патници не може да се закотви поради штетни микроорганизми appeared first on Република.

77 рудари се заробени во рудник за јаглен во областа Доњецк во источна Украина поради континуирано бомбардирање, јавува руската новинска агенција РИА.

Рударите останале заробени под земја по прекинот на електричната енергија во рудникот Засјадко.

Како резултат на гранатирањето (на украинските сили) беше исклучена струјата во рудникот Засјадко во Доњецк, 77 рудари останаа под земја, соопшти РИА.

Во меѓувреме, Британското Министерство за одбрана во денешното соопштение рече дека Русија најверојатно ги регрупирала трупите за да напредуваат јужно од источниот украински град Изиум во последните 48 часа.

Неговата цел била да навлезе подлабоко во регионот Доњецк и да го опкружи Северодонецк, соопштија од Британското Министерсвто за одбрана.

The post 77 рудари се заробени во рудник во Украина appeared first on Република.

Двајца поранешни американски војници биле заробени за време на борбите со руските сили во Украина, објави британски „Телеграф“. Ова е првпат американски борци да бидат заробени во Украина од почетокот на војната.

Александер Друеке (39) и Енди Хајн (27) биле заробени за време на жестока битка во близина на Харков минатата недела, велат нивни соборци.

За потсетување, судот на проруската Доњецка Народна Република неодамна осуди на смрт двајца Британци и еден Мароканец заробени во Мариупол.

„Телеграф“ пишува дека заробувањето на двајцата Американци во Украина ќе биде дипломатски чувствително прашање, затоа што Кремљ би можел да се обиде да го искористи овој настан како доказ дека Америка е директно вклучена во војната. Рускиот претседател, Владимир Путин, најверојатно ќе побара големи отстапки за да ги ослободи, пишува британскиот весник.

Еден соборец на двајцата заробени Американци, кој разговарал со „Телеграф“ под услов да остане анонимен, рекол дека тие биле заробени откако налетале на голема руска единица минатиот четврток.

Бевме на мисија и одеднаш настана вистинска лудница. Имавме неточни информации. Ни кажаа дека градот е чист, а се покажа дека Русите веќе напаѓаат. Тие дојдоа по патот со два тенка Т-72, повеќе оклопни возила и околу 100 војници. Сè што ние имавме таму беше нашата единица од околу десетина луѓе.

 

Зазедовме одбранбена позиција, а Друеке и Хајн истрелаа ракета кон руско возило и го уништија. Ова, за жал, го привлече вниманието на еден од руските тенкови, кој испука граната во нивна насока - посочил соборецот на заробените Американци.

Набргу потоа, тенкот бил онеспособен од противтенковска мина оставена од украинските борци на патот. Сепак, двајцата Американци потоа исчезнале и се верува дека се заробени од руски војници.

Се сомневаме дека биле онесвестени или од противтенковската мина или од истрелот упатен од тенкот во нивна насока. Подоцна неколку пати ги баравме, но не ги најдовме - изјавил нивниот соборец.

„Потоа подигнавме и дронови, но не најдовме ништо. Ако беа погодени од тенковската граната, ќе најдевме остатоци од нивните тела или опрема“, додал тој.

Сомнежите на Украинците подоцна беа потврдени кога на руски канал на „Телеграм“ се појави порака дека двајца Американци се заробени во близина на Харков.

„Би било преголема коинциденција тоа да беше случајно. Тие беа единствените Американци во оваа област“, ​​вели нивниот соборец.

The post Руските сили првпат заробиле двајца американски борци во Украина appeared first on Република.