Поранешниот началник на српската полиција, Жарко Поповиќ, зборувајќи за случајот со убиството на Вања, истакна дека се направени огромен број пропусти во истрагата.

Поповиќ порача дека целиот случај се води на крајно непрофесионален начин и за тоа треба да се бара одговорност од министерот за внатрешни работи, Оливер Спасовски.

Поповиќ изјави дека, гледано како професионалец, имало многу нелогичности и објавување избрзани заклучоци, коишто потоа се покажале непроверени, па дури и неточни.

Како пример, Поповоќ наведува дека Спасовски веднаш изјави дека станува збор за киднапирање со цел барање за пари, но всушност немало никакво барање откуп, туку девојчето било киднапирано, однесено во шума и веднаш убиено.

Тој истакнува дека во случајот и кривичното дело недостасуваат главни елементи.

Немаме мотив, немаме средство на извршување на делото, нема извештај од судска медицина, дали имало сексуални активности, дали девојката била мачена пред да биде убиена. Тоа се може да се провери. Ништо од тоа го немаме, само дека е убиена со огнено оружје. Извештаите се прилично штури и тогаш тоа создава дополнителен сомнеж во јавноста.

 

Јас да сум претседател на владата на Македонија, овој министер за внатрешни работи би го сменил за две минути, тој не смее така да се однесува. Тој не смее да дава никакви изјави, тоа не е негова работа. Тука е надлежен државниот обвинител, затоа што тој е надлежен. Тој го држи предметот и тој треба да дава објаснувања, затоа што тој морал, заедно со полицијата да ги сослуѓа осомничените, тој ги сослушува во службени простории, тој присуствува на разговорите заедно со полицајците и со бранителите на тие што се уапсени. Веќе тука има доста процедурални грешки и нелогичности, анализира Поповиќ.

https://youtu.be/8uMNcGmIY6A?t=8

The post Екс началникот на српската полиција за случајот Вања: Јас да сум премиер веднаш би го разрешил Спасовски appeared first on Република.

Српскиот весник „Информер“ анализира дека Коста Кецмановиќ добро знаел што прави прави кога ги бирал жртвите.  Тој со задоволство го правел списокот и некои што се предомислил ги пречкртал.

Началникот за крвни деликтии Жарко Поповиќ вели дека не памети ниту еден ваков случај од неговата долгогодишна полициска кариера.

- Ова дете сигурно вежбало нелегално пукање на некое стрелиште. Малолетник може да не влезе во стрелиште, некој мора да го внесе нелегално. Ова момче се покажало како добар стрелец, а најстрашно е што бил ладнокрвен додека убивал.

Адвокатот Владимир Ѓукановиќ е убеден дека сигурно некој го обучувал.

- Од 15 куршуми, 13 биле погодени. Дете на таа возраст не знае што е пиштол и дојде целосно подготвено, со план. За чиста среќа, нема повеќе жртви - рече Ѓукановиќ.

The post Коста со задоволство го правел списокот на жртви appeared first on Република.

Српските експерти откриле дека постојат четири албански семејства кои го покриваат целиот европски пазар со наркотици. Во нив е влучена и Македонија од каде марихуаната оди за Европа.

- Има четири семејства кои го покриваат целиот европски континент со кокаин. Со кого се во дослух, не може да се каже, но ниту еден нарко картел не може да опстане без поддршка од одредени државни структури. Не знам дали се тоа безбедносни служби или луѓе од политиката, но ниту еден клан не може да опстане без тоа - додава Жарко  Поповиќ некогашен шеф на крвни деликти во Србија.

И Македонија е вклучена во шверцот

Што се однесува до патиштата за дрога, традиционално е хероинот да оди од Турција, марихуаната од плантажите во Албанија и Македонија, а кокаинот да оди во спротивна насока. А Белград има големо значење и влијание бидејќи е најголемиот град во регионот.  Тоа е центар на регионот, а исто така и на овој дел од Европа, најблиски поголеми градови се Будимпешта или Виена, а тоа јасно го покажува степенот на влијанието на Белград. Целата работа е таму - изјави Рајко Недиќ уредник во „Курир.рс“.

The post Четири албански семејства го покриваат шверцот со дрога во Европа, и Македонија е дел од рутата appeared first on Република.