Во денешното обраќање на Бојан Јовановски тој се осврнува и на односот кој го имале со сега покојниот Жарко Луковски и на неговата комуникација со Зоран Заев. Боки тврди дека тој лично го споил Заев со Луковски  и оти  изработиле милионски проекти.

Во „скриншотовите“ што ги објави Јовановски се гледа комуникацијата на Заев со Луковски и како поранешниот премиер го советува да видат со Рашковски.

Во друга порака Луковски му потврдува на Заев дека се виделе со Рашковски и оти „споделиле компетно идентични мислења“

 Нели Жарко Луковски беше режимски директор од времето на Груевски и кум на Мијалков… еееххх друже Зоки со ова се гледа целата твоја фасада, политичко манипулирање и жонглирање. Пред гласачите рушеше режим, а во кабинетот се полнеше со пари!!!-пишува Јовановски.

Боки ја достави и целата комуникација со покониот Луковски.

The post Заев му договарал на Луковски средба со Рашковски appeared first on Република.

Бојан Јовановски испрати писмо до Зоран Заев, Љубомир Јовевски, Вилма Русковска, Љупчо Николовски, Оливер Спасовски.Повод за обраќањето е  е изјавата на обвинителката  Русковска дека и се заканувале со ликвидација доколку не ги гони Заев и неговиот брат Вице.

Вилма од нашево правосудство и јавно обвинителски систем ти направи Боливуд со ефтини приказни и сценарија!!!- започнува Боки.

Тој и посочува на Русковска дека е  должна согласно закон да постапи и да ги гони  Заеви, без никој да ти се заканува, доколку постапуваше по закон и доколку и ти самата не си вплеткана во сите незаконски дејанија на споменатите!!!

Како второ, фолираш, бидејќи однапред сакаш да се извадиш дека нема да ги гониш со флоскулата дека немаш докази против браќата Заеви, но за да ја разобличам таа твоја флоскула еве јас сега пред целата јавност ќе прикажам комуникации кои укажуваат за незаконските и криминални дејствија на истите, а во што јавноста ќе увиди на кој начин постапуваш, односно непостапуваш и како сокриваш криминал, што би значело според Кривичниот Законик на Република Македонија дека ти си соизвршител или помагач во сторените кривични дела!!!

И како трето, Вилмич верувај ми дека никој за тебе не би валкал раце, не вредиш за некој да одговара како за убиство на човек!!!-им се обраќа Боки на Рускоска.

Така да, драга Вилмич не се плаши никој нема да те ликвидира!!! Ти самата ќе се ликвидираш со твоето незаконско и криминално постапување од позиција на моќ, како што ти реков твоето место е загарантирано овде од каде што го пишувам ова писмо, во затворот Идризово, инаку тука не е лошо, можеш да запознаеш и добри луѓе, неправедно и невино осудени од таквите правосудни “професионалци” како тебе!!! Може да се стекнат и пријатели, поискрени и почесни од оние фејк интерес пријатели какви сум ги имал јас!!! Околу ликвидација да ти го објаснам и следново, госпоѓо обвинителке Русковска ти си потребна жива, за да одговараш и да платиш на овоземскиот свет за цело нанесено зло на безброј семејства кои се жртви на твојата пакост, незнаење и луцидност!!!
Мојот совет до тебе како познаници од минатото, биди спокојна и подготвувај одбрана со некои од твоите омилени адвокати (особено со еден од нив) ако до тогаш и тие не те фрлат како употребена прљава и измастена крпа за кујна!!!!

Тој има  прашање и до обвинителите Русковска и  Јовевски

Не ви е ли срам до толку ниско да паднете со такви ефтни изјави дека некој ви се заканувал и дека вие не се плашите?!? Јас ве разбирам дека мора да ја оправдате вашата неспособност, селективност и полтронизам, но очекував малку повеќе стил и умешност согласно функциите кои демек ги извршувате.... грозно и трагично, вие сте златна малина за лоша режија, сценарио и глума!

Господине обвинител Јовевски, наместо да се бламирате на овој начин пред пензија (иако веќе требаше да бидете заминат во пензија, но мора да ја доизработите зададената агенда) погледнете во ова писмо пред што се замижала и не постапила согласно предвидените законски должности вашата “турнеа” колешка со која си се прошетавте до Бугарија, малку парадиравте по автопатот каде што се случи големата сообраќајна несреќа, додека Македонија тагуваше за изгубените животи на нашите сограѓани!!!
Обвинителски блам тандем, тоа сте вие, за жал! Сепак, обвинител Јовевски со оној барем мал процент на личен и професионален интегритет прочитајте го писмово, погледнете ги фактите и самиот одлучете дали ќе бидете и вие соучесник, ако веќе и не сте ?!?!

Боки во писмото говори и за односот со Заев и Русковска.

Аналогно на содржината од претходните две отворени писма упатени до Заев и Русковска го упатувам ова отворено писмо до погоре наведените лица и до челата општа и стручна јавност, со цел за прикажување и обелоденување на сите незаконски и негативни, а во иштовреме и несанкционирани дејствија шторени од страна на споменатите и други!
Напоменувам дека сите наводи во ова писание ги темелам од лични сознанија, сведоштва и податоци кои се наоѓаат во мојот телефон и истите претставуваат апсолутна материјална вистина, за оние кои сакаат да ја видат а надлежните да ја процесираат после сето опишано и изнесено во ова отворено четиво!

Во смисла на зајакнување на веродостојноста и кредибилноста на содржината на изнесеното, во прилог на ова отворено писмо ќе објавам материјални докази од остварени комуникации од мојот телефон. Бидејќи одредени навивачки и платени структури после двете објавени писма ја доведуваа во прашање вистинитоста на моите наводи и велеа дека не ја пишувам вистината па еве денеска платениците ќе останат без плата, а вистината ќе добие светлост на денот, бидејќи со изнесување на денешните докази, платениците ќе мораат да си го голтнат јазикот, посочените да одговараат, а надлежните да делуваат или пак и тие еден ден да одговараат заедно со посочените!!!

Боки го потсети Заев и за скапото летување во Франција.

И јас бев друже Зоки на скапо летување пред да ме уапсите, па во таа смисла сакам да ви кажам дека во случајности не верувам, а во карма да!!!

Зоране Заев, ако мислите дека ќе се спасите со молчење и игнорирање на поставените прашања и тези од писмото кое што ви го упатив, ве уверувам дека се лажете!!! Спроведената цензура во медиумите под ваша контрола, кои не смееја ни збор да пренесат од отворените писма, зборува за вашето присутно влијание и владеење и покрај театарската оставка!!!

Вие Зоране Заев, позади себе оставивте општествена, социјална и правна ерозија и катастрофа, оставивте целосно девастиран систем во кој сеуште вашите послушници владеат и пустошат, а вие како демек сте се повлекле, ма немојте ве молам! Еден пример од повеќето, вашиот омилен министер за корупција сега повторно се врати да биде министер за земјоделие, небаре нема постручен од него, а и во матните криминални зделки верувам и дека нема, одлично си парирате. “Сличан се сличном радује”! А зошто баш Љупчо Николовски повторно се врати како министер во земјоделие сега ќе им стане јасно на сите и ве молам после ова нема бегање, после ова мора да следи одговорност веднаш!!!

Во контекст на ова, го прашувам Љупчо Николовски екс и актуелен министер за земјоделие да одговори :

Љупчо, колку во вашиот прв министерски мандат имате трансформирано државно земјоделско земјиште во државно градежно земјиште, колку законски процедури имате прекршено кои морале да бидат спроведени, за чии потреби и интереси и за колкави пари ја имате разработено оваа криминална шема заедно со Заев, брат му Вице и уште неколку пајташи на кланот Заеви и на крајот колку пари искеширавте сите заедно од погореопишаното???

За нештата да станат појасни и за да се види кој ја зборува вистината, а кој панично бега од истата повелете!

Првиот земјоделец по заевистичкиот модел вака работел, работи и ќе работи се додека не одговара заедно со неговиот ментор и идол за сите криминали, ова е само еден мал пример, но и повеќе од доволен да се отворат многу прашања и да се превземаат истражни дејствија!!!

Во Господине Зоране Заев во писмото кое ви го упатив наведов дека јас лично сум ве споил со сега покојниот Жарко Луковски и наведов дека изработивте милионски проекти и дека наплативте милионски провизии во име на коруптивни награди за вас и вашиот Рашковски кои вие лично му го делегиравте на Луковски!!! Ќе се види дека и други ваши соработници го барале Луковски, но вие му велите најдобро со Рашковски!!!
Меѓудругото денеска ќе се види кој тргувал со СЈО и на кого му се жалел Луковски за истрага во СЈО, на мене или на тебе Зоране Заев?!?!?

И на крајот нели Жарко Луковски беше режимски директор од времето на Груевски и кум на Мијалков... еееххх друже Зоки со ова се гледа целата твоја фасада, политичко манипулирање и жонглирање. Пред гласачите рушеше режим, а во кабинетот се полнеше со пари!!!

Боки ја достави и целата комуникација со покониот Луковски.

Овие комуникации и многу други индиции и докази беа пред очите на Русковска уште во летото 2019 кога ме лишеше од слобода за да прикрие туѓи криминали!!! Овие објавени материјали од мојот телефон ги добив по законски пат за време на истрагата за “Рекет”.

Тој и постави неколку прашања на Русковска.

1. Госпоѓо Русковска одговорете:
не дали, туку зошто не превземавте никакво службено дејствие, истражна постапка, против Николовски, Заев, Вице Заев и други лица?!?!? (Вилмич ги знаеш ти и сите други многу добро, доволно глумеше правдољубивост)

2. Госпоѓо Русковска дали ќе може да одговорите зошто имате дадено налог да бидат бришени податоци од мојот телефон со ваква слична содржина?!?

3. Госпоѓо Русковска, одговорете јасно и гласно зошто сте ги копирале податоците од мојот телефон на USB пред да бидат избришани за официјалната законска употреба и противзаконски сте ги земале кај себе за ваши потреби?!?!

4. Госпоѓо обвинителке Русковска кого се уценувавте со податоците од мојот телефон и што се испазаривте со Заев?!?!? Што добивте вие обвинтелска амебо со тоа што криминалците ги амнестиравте од прогон, а мене ме осудивте и извршивте незапаметена тортура врз мене?!?!? (за која тортура ви тврдам дека ќе одговарате, кога тогаш!!!!!)

5. Обвинителке Русковска во врска со Камчев и случајот Рекет ќе мора да одговорите зошто не го побаравте телефонот на Зоран Заев да го вештачите кои патем тој го промени веднаш после моето апсење?!?! Срам ве било, вие сте најдевијантата појава која е синоним за брука и професионален одрон во историјата на јавно обвинителскиот систем во Република Македонија !!!!

А, да Вилма наскоро ќе излезе и доказ какви верзии си пишувала за обвинението за предметот 27ми април и какви корекции си правела за време на истрагата, доказ за селективно и паушално обвинување на лица во тој предмет. (твојот заменик обвинител ми ги испраќаше овие информации за предметот 27ми и се грозеше од твојата работа)

Господине обвинител Јовевски и сега што правиме, ќе глумиме правна држава, ќе постапите согласно закон или пак и вие ќе се приклучите кон обвинителскиот одрон на вашата омилена подредена Русковска???

Боки има прашање и за министерот Спасовски.

Оливер ти знаеше се, баш се!!! Да те потсетам дека со тебе најмногу сум комуницирал на апликацијата what’s app, па еве и тебе да те прашам дали ќе превземеш службени дејствија или и ти ќе потврдиш дека си соизвршител во криминалите на кланот Заеви!!!

Мене ме осудивте за трговија со влијание и перење пари, мене ме најдовте....
Но ви кажав и пак ќе ви кажам не ви се плашам. Јас сум еден, а вие политичко, правосудна криминална багро сте многу и одам со вас до крај, се додека не си го добиете она што го заслужувате, а тоа е соодветна кривична одговорност и санкција за сето сторено!!!

Никогаш повеќе немојте да ја доведување во прашање веродостојноста на моите писанија и тврдења, јас ја говорам вистината и стојам позади написаното, во таа смисла барам одново фер, независно и непристрасно судење и утврдување на вистинската фактичка состојба !!!
Ова е само почеток, јавноста заслужува да ја дознае вистината!!!
Ценам дека сега е и повеќе од јасно заради што не ми беше дозволено вештачење и анализа на мојот телефон!!!

Институционално барам да продолжам со поднесување на кривични пријави на записник пред надлежниот обвинител на кој веќе му се обратив по писмен пат и побарав термин, очекувам дека ќе се одважи на моето барање час поскоро!!!

Во име на императивната заложба за владеење на правото и јакнење на правната држава, борбата против криминалот и корупцијата апелирам до сите претставници на дипломатските и конзуларните претставништва во нашата држава за нивни ангажман и помош при расветлување на овие правно криминални дејствија опишани во ова отворено писмо.

Рекет не е завршен, тек започнува, во име на правдата и правната држава!-завршува Боки во писмото.

The post Боки им пиша од затвор на Заев и Русковска: Вилмич, ти си должна согласно закон да ги гониш припадниците на кланот Заеви appeared first on Република.