Смртноста од ковид-19 е намалена за 45,6 отсто во однос на минатата недела, a заразеноста со болеста опадна за 39,5 проценти, покажува последниот извештај на Инстутотот за јавно здравје (ИЗЈ) кој се однесува за периодот од 21 до 27 февруари.

Извештајот покажува дека се регистрирани 3.702 нови позитивни случаи од 34 градови во државата, со намалување од 39,5% во однос на минатата недела. Процентот на позитивност се движи од 13,1% до 24,2%, просечно 18,6%.

Според неделниот извештај на ИЈЗ тестирани се вкупно 19.217 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 17,9% во однос на минатата недела.

Најголем дел од регистрираните случаи се од Скопје (53,3%), а највисока неделна инциденца е регистрирана во Кавадарци – 394,1/100.000, Скопје – 311,4/100.000 и Гевгелија – 285,3/100.000.

Процентот на позитивност се движи од 13,1% до 24,2%, просечно 18,6%. Регистрирани се заболени лица во сите возрасни групи. Најзастапена е возрасната група на лица на возраст над 60г (25,7%). Најмал број е регистриран кај возрасната група од 0-9 години (5,2%).

Во однос на претходната недела, се забележи намалување на бројот на заболени кај сите возрасни групи, со најзабележително намалување од 43,6% во возрасната група од 10-19 години и 43,5% кај лицата на возраст од 50-59 години.

Согласно новиот алгоритам за оздравување во текот на минатата недела со статус „оздравени“ се стекнале 6.094 лица во хоспитализирани услови или на домашно лекување. Во текот на минатата недела вкупно се пријавени 543 реинфекции,од кои една е втора реинфекција, со намалување за 37,2% во однос на претходната недела. Пријавени се 68 смртни случаи во 19 градови во текот на изминатата недела, за 45,6% помалку во однос на претходната недела. Најголем дел од нив се од Скопје (27). Во однос на возраста, најголем број (92,6%) од починатите припаѓаат на возрасната група над 60 години, а регистрирани се починати лица и кај возрасната група од 50-59 години (2) и 40-49 години (3).

На 17 февруари во Македонија започна вакцинацијата против ковид-19. Заклучно со 28.02.2022, вакцинирани се вкупно 870.405 лица со барем една доза на вакцина против ковид-19 во државата и странство. Комплетно вакцинирани (со две дози) се вкупно 849.727 лица, а со трета доза се вакцинирани 142.201 лица.

The post Смртноста од ковид-19 е намалена за 45,6 отсто во однос на минатата недела, заразеноста опадна за 39,5 проценти appeared first on Република.

Шведска ќе воведе дополнителни мерки за сузбивање на зголемениот број случаи на Ковид-19 и зголемен притисок врз здравствениот систем, изјави денеска шведската премиерка Магдалена Андерсон.

Ситуацијата несомнено е влошена. Нивото на зараза во Шведска е на историски високо ниво – изјави Андерсон на прес-конференција, пренесува Ројтерс.

Новите мерки вклучуваат работа од дома каде што е можно, ограничено работно време за барови и ресторани и ограничен број луѓе на јавни настани.

The post Шведска воведува нови мерки, заразеноста со ковид-19 е највисока од почетокот на пандемијата appeared first on Република.