Јавното претпријатие „Комунална хигиена“ - Скопје апелира граѓаните внимателно да ракуваат со садовите наменети за одлагање на отпадот, за екипите на претпријатието да можат навремено да ги извршуваат своите работни обврски на терен, согласно оперативната програма за работа.

Секое оштетување на контејнерите значително ја нарушува динамиката на одлагањето, собирањето и транспортот на комуналниот отпад во градот Скопје. Во текот на изминатиот викенд, од страна на непознати сторители, беа опожарени три сада наменети за одлагање комунален отпад на улицата „Јуриј Гагарин“ во скопската општина Карпош. Станува збор за пластични контејнери со зафатнина од 3,2 кубни метри, од коишто едниот е сосема уништен и неупотреблив, додека останатите два сада претрпеле значителни оштетувања од пожарот, се наведува во денешното соопштение на претпријатието.

Се додава дека екипите на претпријатието извршиле целосно расчистување и го замениле комплетно опожарениот контејнер со нов сад за одлагање на отпадот, додека останатите два контејнера биле сервисирани.

The post Запалени три контејнери во Козле appeared first on Република.

Поради невнимание во Градскиот трговски центар во Скопје околу 18 часот се запалиле контејнери, а по интервенција на пожарникарите, пожарот е ставен под контрола.

Командирот на скопската Бригада за противпожарна заштита Звонко Томески, за МИА информира, дека повредени нема, а на терен биле испратени четири противпожарни возила, бидејќи пријавата била непрецизна.

Пријавата беше непрецизна од граѓанин што видел, затоа што не знаевме за што станува збор испративме повеќе возила, бидејќи станува збор за прометен објект, изјави Томески.

The post Запалени контејнери направија паника во ГТЦ appeared first on Република.

Во текот на изминатите два дена, непознати сторители опожариле три сада наменети за одлагање комунален отпад на главната улица во скопската општина Ѓорче Петров.

Еден од контејнерите бил лоциран спроти Европската очна клиника, додека останатите два контејнера се опожарени во непосредна близина на Геријатриската болница. Екипите на ЈП Комунална хигиена-Скопје извршија целосно расчистување на микролокациите и поставија нови садови.

Опожарувањето на контејнерите значително ја нарушува динамиката на одлагањето, собирањето и транспортот на комуналниот отпад во градот Скопје. Апелираме да престане уништувањето на садовите наменети за одлагање на отпадот, за екипите на ЈП Комунална хигиена-Скопје да можат навремено да ги извршуваат своите работни обврски на терен, согласно Оперативната програма за работа. Сите случаи на опожарување на контејнерите се пријавени до надлежните органи од страна на Претпријатието и очекуваме да бидат преземени соодветни мерки за изнаоѓање и санкционирање на сторителите, вели директорката на ЈП Комунална хигиена-Скопје, Косана Николиќ Мазнева.

The post Запалени контејнери во Ѓорче Петров appeared first on Република.

Во текот на изминатиот викенд беа опожарени осум садови за одлагање на комунален отпад поставени на јавните површини во Скопје, соопштуваат од Град Скопје.

Од непознати сторители се запалени три контејнери со зафатнина 3,2м3 кои се наоѓаат на бул.„Крсте Мисирков“ во близина на Бит пазар, а покрај опожарените контејнери кај Бит пазар, целосно изгореа и четири контејнери, додека еден е изгорен и во Дебар Маало.

Со ваквото несовесно постапување од страна на граѓаните се загрозува животната средина, но исто така се причинува и голема значителна финансиска штета на ЈП Комунална Хигиена. Апелираме на совесно одлагање на отпадот и искоренување на лошите навики за намерно опожарување на садовите за одлагање комунален отпад, велат од Град Скопје.

Опожарените контејнери се заменети со нови, се со цел зачувување на животната средина и одржување на јавната хигиена на високо ниво.

The post Гореше и сред Дебар маало: Само викендов запалени 8 контејнери appeared first on Република.

Во текот на изминатиов викенд непознати сторители опожариле три сада за одлагање отпад лоцирани на булеварот „Крсте Мисирков“ во близина на Бит Пазар, соопштуваат од Град Скопје, додавајќи дека опожарените контејнери со зафатнина од 3,2 м3 се целосно уништени и неупотребливи.

Од почетокот на годинава се вкупно опожарени девет пластични контејнери поставени на јавни површини.
Опожарените садови се заменети со нови и не беше нарушена динамиката на одлагање, собирање и транспорт на комуналниот отпад.
Сите случаи на опожарување на контејнерите се пријавени до надлежните органи и се очекува да бидат преземени соодветни мерки за да се пронајдат и санкционираат сторителите, велат од Градот.

Градот Скопје и ЈП Комунална хигиена апелираат до сите граѓани да ги чуваат и да не ги оштетуваат садовите за одлагање отпад поставени на јавните површини за да се овозможи ефикасно одлагање на комуналниот отпад и да се одржува јавната хигиена.

Садовите за отпад се набавуваат со средства од граѓаните, а со нивното оштетување се нанесува голема финансиска штета. Поради тоа, ги охрабруваме граѓаните да го пријават секој случај на вандализам врз контејнерите и врз другата урбана опрема за да се одржува комуналниот ред во градот, а јавните површини да бидат уредени и чисти, порачаа од Град Скопје.

The post Град Скопје и ЈП Комунална хигиена со апел да престане палењето и уништувањето на контејнерите низ скопските улици appeared first on Република.

Во текот на изминатиов викенд, непознати сторители опожариле три сада за одлагање отпад лоцирани на булеварот Крсте Мисирков, во близина на Бит Пазар. Опожарените контејнери беа со зафатнина од 3,2м³ и сите се целосно уништени и неупотребливи.

Од почетокот на годинава беа опожарени вкупно девет пластични контејнери поставени на јавни површини. Со цел да не се наруши динамиката на одлагање, собирање и транспорт на комуналниот отпад,  ЈП Комунална хигиена-Скопје во најкус можен рок сите опожарени садови ги замени со нови.

ЈП Комунална хигиена-Скопје апелира да престане уништувањето на садовите за одлагање отпад, за екипите на Претпријатието да можат навремено да ги извршуваат своите работни обврски на терен, согласно Оперативната програма за работа.

Сите случаи на опожарување на контејнерите се пријавени до надлежните органи и се очекува да бидат преземени соодветни мерки за да се пронајдат и санкционираат сторителите.

The post Контејнерите на Бит пазар во пламен appeared first on Република.