Непознати сторители во текот на изминатиот викенд опожариле еден контејнер наменет за одлагање комунален отпад лоциран на главната улица во скопската општина Ѓорче Петров.

Опожарениот контејнер, како што денеска соопштија од ЈП Комунална хигиена-Скопје, бил со зафатнина од 3,2 м3 и бил целосно уништен и неупотреблив.

Од почетокот на годинава биле опожарени вкупно 19 пластични контејнери поставени на јавни површини. Со цел да не се наруши динамиката на одлагање, собирање и транспорт на комуналниот отпад, ЈП Комунална хигиена-Скопје во најкус можен рок сите опожарени садови има заменето со нови.

ЈП Комунална хигиена-Скопје апелира да престане уништувањето на садовите за одлагање отпад, за екипите на Претпријатието да можат навремено да ги извршуваат своите работни обврски на терен, согласно Оперативната програма за работа.

The post Опожарен контејнер во скопско Ѓорче Петров appeared first on Република.

Во текот на вчерашниот ден, од страна на непознати сторители е опожарен еден контејнер наменет за одлагање комунален отпад лоциран на улицата 11-ти Октомври во скопската општина Центар, во непосредна близина на ДХО „Даре Џамбаз“.

Како што соопшти Општина Центар, станува збор за пластичен контејнер со зафатнина од 3,2 кубни метри што како последица од опожарувањето е комплетно уништен и неупотреблив.

Екипите на ЈП Комунална хигиена-Скопје извршија целосно расчистување, како и рачно миење на микролокацијата и во текот на минатата ноќ го заменија опожарениот контејнер со нов сад за одлагање на отпадот. За случајот се известени и надлежните органи.

The post Запален контејнер во Центар appeared first on Република.