На автопатот Велес - Скопје, вчера по 17 часот по патарината Отовица избувнал пожар на автомобил во движење. Како што информираа за МИА, од Територијалната противпожарна единица Велес тие биле повикани на интервенција во 17:05 часот и се упатиле веднаш со една пожарна и четири пожарникари и за кратко време го изгаснале возилото. Според нив, повредени немало.

Во Брза помош Велес, за МИА информираат дека тие не биле повикани.

The post Се запали автомобил на автопатот Велес – Скопје appeared first on Република.

Три возила се запалени рано утринава на улица Венјамин Мачуковски во Скопје. Нема повредени, соопшти Министерството за внатрешни работи.

Прво се запалил автомобил „рено меган” со скопски регистарски ознаки, сопственост на С.С.(34) од село Р`жаничино, скопско, а потоа биле зафатени и „пежо” со скопски регистарски ознаки, сопственост на Р.Џ.(33) и „мазда 3″со скопски регистарски ознаки, сопственост на А.Н.(40), двајцата од Скопје.

Од екипа на Бригадата за противпожарна заштита Скопје пожарот бил изгаснат, а повредени лица нема.

Извршен бил увид.

The post Утрово гореле три автомобили во Аеродром appeared first on Република.

Непознати сторители ноќеска го запалиле автомобилот на Драган Митковски - Книга, близок соработник на скопската градоначалничка Данела Арсовска и носител на изборната листа во втората изборна единица од Нова демократија, нејзината партија.

Од МВР потврдуваат дека ноќва било опожарено возило во Ѓорче Петров, а пожарот зафатил и други две возила.

На 09.08.2024 во 03.05 часот од Бригадата за противпожарна заштита – Скопје во СВР Скопје е пријавено дека на територија на Општина Ѓорче Петров било опожарено патничко моторно возило „мерцедес А класа“ со скопски регистерски таблички, сопственост на правно лице од Скопје. Од пожарот зафатени се и патничко моторно возило „‘хјундаи“ и „сузуки свифт“ во делот на браниците и ретровизор. Се преземаат мерки за расчистување на случајот, велат од МВР.

The post Запален „мерцедесот“ на блискиот соработник на Данела Арсовска – Драги Книга appeared first on Република.

Јавен обвинител од Основното јавно обвинителство Скопје и вешти лица од Одделот за форензички истраги на МВР извршија увид во Кисела Вода каде во текот на ноќта беше опожарен службен автомобил во сопственост на КПУ „Идризово“ – Скопје кој го користел директорот на установата.

Прибрани се траги од лице место кои ќе бидат предмет на вештачење со цел да се утврдат причините за опожарувањето. Обезбедени се снимки од видео надзор на околните објекти и се преземаат други дејствија, информираат од ЈОРМ.

https://republika.mk/vesti/crna-hronika/zapalen-avtomobilot-na-direktorot-na-zatvorot-idrizovo/

Во Полициската станица Кисела Вода во Скопје утрово, во 3.35 часот, било пријавено дека на подрачје на Кисела Вода било опожарено паркирано патничко возило „фолксваген пасат“ со скопски регистарски ознаки, сопственост на Казнено – поправната установа Затвор Идризово, кое било паркирано од З.Ј..

Како што информира МВР, од пожарот бил зафатен дел и од фасада на зграда и предмети на балкони на долните катови од зградата. Пожарот бил изгаснат од екипа на Бригадата за противпожарна заштита Скопје, а повредени лица нема.

The post Обвинителството испитува кој и зошто го запали автомобилот на директорот Јовановски appeared first on Република.

Ноќеска, по полноќ, бил запален службениот автомобил „пасат” на директорот на затворот „Идризово”, Зоран Јовановски. Инцидентот се случил на улицата „Михаил и Ефтихиј“, позади економското училиште, во скопската населба Кисела Вода.

Скопската пожарникарна бригада интервенирала и го локализирала пожарот, а повредени лица нема.

Пожарот бил пријавен во Полициската станица Кисела Вода во Скопје утрово, во 3.35 часот. Како што информира МВР, од пожарот бил зафатен дел и од фасада на зграда и предмети на балкони на долните катови од зградата.

Се преземаат мерки за расчистување на случајот, велат од МВР.

Ова не е првпат да се врши притисок преку вандализам на вработени лица во затворот.

Повеќе фото на „Фактор“

The post Запален автомобилот на директорот на затворот „Идризово“ appeared first on Република.

Резултат на кавгата меѓу двајца Индијци е уништено Ламборџини.

На видео објавено на социјалните мрежи се гледа Ламборџини Галјардо целосно зафатено во пламен. Пожарот бил подметнат среде бел ден, а како што информираат од полицијата, дошло до расправија меѓу двајца дилери на половни автомобили.

https://twitter.com/jsuryareddy/status/1779810984456294426?ref_src=twsrc%5Etfw%7Ctwcamp%5Etweetembed%7Ctwterm%5E1779810984456294426%7Ctwgr%5Eaf7e1729a15ac39d6fb6cf3e9b78baaa6d7a259e%7Ctwcon%5Es1_&ref_url=https%3A%2F%2Fkanal5.com.mk%2Fdvajca-indijci-se-skaraa-pa-edniot-mu-go-zapalil-lambordjinito-na-kolegata-video%2Fa635912

Немилиот настан се случил во градот Хајдерабад во Индија, недолго по расправијата меѓу двајца продавачи на автомобили. Кавгата, наводно, настанала поради несогласувањата околу провизијата во некои претходни препродажби на автомобили, во кои предност добил  сопственикот на запаленото Ламборџини.

Тој изјавил дека се сретнал со другиот продавач, кој по расправија му го запалил автомобилот среде бел ден.

The post Индиец му го запалил Ламборџинито на колегата оти се скарале за провизија appeared first on Република.

Во текот на вчерашниот ден во Прилеп намерно е опожарен приватниот автомобил на основната јавна обвинителка на Основното јавно обвинителство Прилеп Марјана Илиеска, соопштија од Основното јавно обвинителство.

Од таму посочуваат дека веднаш по настанот извршен е увид на лице место, обезбедени се траги и докази и се преземаат дејствија за откривање на сторител на кривичното дело.

Според првичните сознанија на ОЈО, засега непознати сторители насилно влегле во гаражата во која бил паркиран автомобилот, го полеале со запалливо средство и го запалиле, предизвикувајќи материјална штета.

Од Јавното обвинителство и од Здружението на јавни обвинители велат дека силно го осудуваат ваквиот напад и обид за заплашување на раководител на основно јавно обвинителство со проширена надлежност.

The post Ѝ влегле во гаража: Намерно запален автомобилот на обвинителката Марјана Илиеска appeared first on Република.

Семејство од Србија доживеало незгода на автопатот додека се враќало дома од одмор во Грција, кога нивниот автомобил се запалил.

Приказната за солидарноста и помошта при несреќната околност, семејството ја сподели на социјалните мрежи.

како што пишуваат на социјалните мрежи, Македонци и Грци се нашле на местото на настанот и им помогнале да го изгаснат опожареното возило.

Семејството јавно изразува благодарност до овие храбри луѓе.

Почит за нашите пријатели на автопатот, Македонци и Грци се здружија да ни го изгаснат автомобилот што се запали на враќање од море“, порачаа од семејството.

The post Македонци и Грци гаселе запален автомобил на српски туристи во Грција appeared first on Република.

Денеска во 09:30 часот изгоре автомобил на патот меѓу селата Муртино и Сачево, кај Струмица.

Според информацијата од ТППЕ Струмица, во гаснењето на автомобилот учествувале едно против пожарно возило и тројца пожарникари.

Пожарот бил во разгорена фаза при што било спречено негово натамошно ширење, но причинета е значителна материјална штета.

Според првичните сознанија пожарот настанал од самозапалување на автомобилот.

The post Изгоре автомобил кај Струмица appeared first on Република.

Тешка сообраќајна несреќа во кое животот го загуби едно лице се случи рано утрово кај Битола.

Од МВР известуваат дека во 05.08 часот во СВР Битола било пријавено дека на патот Прилеп–Ресен, од крстосница за с.Кукуречани до место викано „Билбил Камен“, се случила сообраќајна несреќа помеѓу товарно возило „сканиа“ со прилколка со штипски регистарски ознаки, управувано од Б.М.(44) и патничко возило „опел корса“ со битолски регистарски ознаки.

При несреќата, патничкото возило се запалило, а телото на возачот било опожарено, соопшти МВР.

Увид извршила екипа од СВР Битола.

The post Возач загина и изгоре на место: МВР со детали за стравичната несреќа кај Битола appeared first on Република.

Уште едно возило на командир во затворот во Идризово било запалено, овојпат во село Кадино.

На 16.07.2023 во 03.25 часот во СВР Скопје било пријавено дека во дворот на Б.Л.(48) од с.Кадино, општина Илинден, настанал пожар во неговото патничко моторно возило „фиат 500“ со скопски регистарски ознаки. Сопственикот сам го изгаснал пожарот, а повредени лица нема, велат од МВР.

Според „Фактор“ станува збор за возило на командир на смена, кому на16 јуни 2022 година веќе му беше запалено едно возило.

За една година беа запалени пет приватни автомобили и два на полицајци кои работат во затворите во земјата. Досега не е решен ниту еден од случаите, а неофицијално има запален автомобил кој не бил пријавен, а се молчело и за продавница во Маџари.

The post Запален уште еден автомобил на чувар во „Идризово“ appeared first on Република.

На 05.05.2023 во 05.00 часот во Полициската станица Гази Баба било пријавено дека на ул.„Спиро Црне“ било опожарено патничко возило „мерцедес“ со скопски регистарски ознаки, сопственост на Е.Т. од Скопје.

Пожарот бил изгаснат, а повредени лица нема. Увид бил извршен.

The post Запален „Мерцедес“ во Гази Баба appeared first on Република.

Автомобилот кој вечерва гореше на булеварот „Кочо Рацин“ во близина на ОУ „Димитар Миладинов“ и зградата на Црвен крст во центарот на Скопје, се запалил во возење.

Како што соопштуваат од МВР, во 18.45 часот Г. Д. (28) од с.Ростуше пријавил дека на бул. „Кочо Рацин“ додека го управувал неговото возило „даеву ланос“ почнало да чади од хаубата и да избива пламен при што е изгорен делот кај моторот и шал таблата.

https://republika.mk/vesti/crna-hronika/petmina-pozharnikari-go-gasnele-pozharot-kaj-tsrven-krst/

Како што претходно вечерва од Територијалната противпожарна бригада на Град Скопје информираа за МИА, нивна екипа од пет пожарникари и едно противпожарно возило интервенирала околу 19 часот и пожарот бил изгаснат. Причинета е материјална штета, а информации за повредени нема.

На само стотина метри од овој пожар пред неколку дена експлодираше автомобил во движење. Тогаш целосно изгоре „опел“, кој се запалил во движење, а за среќа возачот не бил повреден.

https://republika.mk/vesti/skopje/ministerkata-petrovska-svedok-na-eksplozijata-vo-tsentarot-na-skopje/

The post Автомобилот сам му се запалил на млад ростушанец appeared first on Република.

Автомобил се запали вечерва на булевар „Кочо Рацин“ во близина на ОУ „Димитар Миладинов“ и зградата на Црвен крст во центарот на Скопје.

Од Територијалната противпожарна бригада на Град Скопје за МИА информираа дека нивна екипа од пет пожарникари и едно противпожарно возило интервенирала околу 19 часот и пожарот бил изгаснат.

Причинета е материјална штета, а информации за повредени нема.

Возилото што вечерва се запали е на истата локација каде што и во неделата беше опожарен еден автомобил „опел астра“. И тогаш беше предизвикана само материјална штета, без повредени лица.

The post Петмина пожарникари го гаснеле пожарот кај Црвен крст appeared first on Република.

Автомобил се запали попладнево во центарот на Скопје, во близина на зградата на Црвен Крст, на бул.„Кочо Рацин“. Очевидци велат дека густ чад излегувал од хаубата на возилото со гостиварски регистерски таблички.

Според првичните инфромации, никој не е повреден.

На само стотина метри од овој пожар пред неколку дена експлодираше автомобил во движење. Тогаш целосно изгоре „опел“, кој се запалил во движење, а за среќа возачот не бил повреден.

https://republika.mk/vesti/skopje/ministerkata-petrovska-svedok-na-eksplozijata-vo-tsentarot-na-skopje/

The post Повторно гори автомобил во Центар, пред некој ден на истото место експлодираше возило appeared first on Република.

Автомобил гори на булеварот Кочо Рацин во Скопје. Во моментов во пламен е целото возило кое стои во непосредна близина на ОУ Димитар Миладинов (Поранешно Браќа Рибар).

Сѐ уште нема информации за евентуално повредени лица во пожарот кој го зафатил возилото.

Според првичните информации се работи за автомобил со скопски регистарски таблички.

The post Гори автомобил во Центар appeared first on Република.

Американскиот телевизиски водител и комичар Џеј Лено се здобил со тешки изгореници на лицето откако се запалил еден од неговите автомобили.

Тој е згрижен во болницата за пластична хирургија „Грошман брн центар“ во Лос Анџелес. Според наводите, левата страна од лицето му е изгорена, но окото и увото не се сериозно зафатени.

Лено во објава потоа нагласи дека има сериозни изгореници по запален бензин. – „Добро сум. Ми требаат само една до две недели да застанам на нозе“, наведе тој.

Џеј Лено (72) поседува колекција од 286 возила – околу 100 автомобили и мотоцикли. Тој беше еден од најгледаните ТВ-водители во САД, со своето вечерно „Тунајт шоу“ (The Tonight Show). По напуштањето на шоуто во 2009 година, тој почна со своја сопствена програма „Гаража“ (Jay Leno’s Garage) на „Си-ен-би-си“ во 2015., а водител е и на „You Bet Your Life“ од 2021 година.

The post Џеј Лено тешко повреден откако се запалил еден од неговите автомобили appeared first on Република.

Вечерва околу 19.00 часот се запалил автомобил на патниот правец Охрид - Кичево, објави „Охридњуз“.

Според информациите, возачот успеал навреме да избега од возилото кое изгоре во пожарот.

На местото на инцидентот интервенирала и противпожарна екипа, пишува „Охрид њуз“.

https://youtu.be/lHzNJ8juXDU

The post Се запали автомобил на патот Охрид – Кичево appeared first on Република.

Началникот на Генералштабот на Армијата, генерал-потполковник Васко Ѓурчиновски, кој учествуваше на 25-тата конференција на началници на Генералштабови на армиите од земјите членки на САД-Јадранската повелба, при враќањето во текот на вчерашниот ден низ Косово имаше помала сообраќајна незгода со појава на оган на автомобилот со кој се превезувал, информираше началникот на Канцеларијата за односи со јавност и портпарол на Генералштабот, полковник Тони Јаневски.

„Во тек на движењето по автопатот помеѓу Коморане и Приштина во доцните попладневни часови, на автомобилот ненадејно избива оган кај моторниот дел при што благодарејќи на брзата интервенција на возачот и обезбедувањето, пожарот е изгаснат за многу кратко време. Генералот Ѓурчиновски заедно со членовите на делегацијата и обезбедувањето го продолжиле патувањето со останатите возила и се вратени дома. Возилото кое веднаш по првиот знак на палење безбедно е тргнато од сообраќај, а по гасењето е транспортирано во Република Македонија“, се вели во соопштението.

The post Се запалил автомобилот на генералот Ѓурчиновски на автопатот кај Приштина appeared first on Република.

Кумановските пожарникари интервенирале на три пожари во текот на изминатото деноноќие, информираше денеска Регионалниот центар за управување со кризи Куманово.

Ноќeска од 02:55 до 03:55 часот пожарникарите гаснеле автомобил на улицата „Никола Карев“. Во село Брзак синоќа горело стрниште и сува трева на приближно два хектари. Пожарникарите го гаселе од 19:55 до 22:05 часот.

Вчера во попладневните часови горела сува трева на локалитетот „Менкова Колиба“. Од 17:25 до 18:05 часот пожарот се гасел со едно противпожарно возило и четворица пожарникари, соопштија од Регионалниот центар за управување со кризи

The post Запален авомобил во Куманово appeared first on Република.