Портпаролот на кинеското министерство за надворешни работи, Жао Лиџијан, коментирајќи го шестиот пакет европски санкции против Русија, порача дека новите антируски санкции не ја ублажуваат ситуацијата во Украина.

Кинескиот дипломат додава дека Европа и целиот свет плаќаат висока цена поради санкциите.

Фактите докажуваат дека притисокот од санкциите не е вистинскиот начин за решавање на украинската криза. Големите и неселктивни санкции наметнати против Русија од некои земји не ја ублажија ситуацијата во Украина. Напротив, Европа и светот платија и плаќаат висока цена за нив - истакна дипломатот.

The post Кина: Санкциите не можат да ја решат украинската криза appeared first on Република.

Кина ги повика САД да ги укинат санкциите кон Русија со цел да се реши кризата во Украина.

Американските власти треба да ја покажат својата посветеност за решавање на кризата во Украина со укинување на санкциите воведени кон Русија - изјави портпаролот на кинеското Министерство за надворешни работи, Жао Лиџијан.

Тој порача дека претставниците на Белата куќа треба да престанат да и се закануваат на Москва и да помогнат во унапредувањето на руско-украинските мировни преговори.

Доколку САД се навистина искрено заинтересирани за решавање на украинската криза, треба да престанат да мавтаат со клубот за санкции. САД се обидуваат да извлечат корист од хаосот што го создаваат - нагласи Лиџијан, на брифинг.

Тој додаде дека санкциите нема да го вратат мирот и да обезбедат безбедност.

The post Кина ги критикува САД: Престанете да ѝ се заканувате на Русија ако сте заинтересирани за мир во Украина appeared first on Република.