МВР мора да излезе со базична информација за Вања, толку колку што може да ја информираат јавноста, без да наштетат на истрагата. Вака, оставена е можноста секакви будали да шират дезинформации и стравови за Вања и нејзиното исчезнување, вели директорката на Институтот за комуникациски студии Жанета Трајковска.

https://republika.mk/vesti/makedonija/se-somnevam-deka-e-kidnapirana-gospod-da-mi-prosti-ako-gresham-veli-majkata-na-vana/

Исто така, МВР МОРА да излезе и да информира што прави за да ја зголеми безбедноста на скопските улици, посебно околу училиштата и да ги смири родителите кои секое утро ги пуштаат децата да одат на училиште и да поминат 300 метри сами - тоа што пред некој ден личише за сигурно и безбедно, а сега предизвикува страв и постојан трепет кај секој што има во своето потесно или пошироко семејство малолетни деца, вели таа во својата фејсбук објава.

Алармира дека граѓаните во овој дел на Центар се во постојан страв, а хоророт продолжува.

Јавноста мора да е информирана и да биде колку толку смирена дека безбедноста на скопските улици е подигната барем за еден степен. Она што се случуваше низ Дебар Маало, продолжува да се случува и за жал не гледаме разлика. Самитот помина, а нам на обичните граѓани ни остана горчливиот вкус на страв, несигурност и постојана мисла за Вања и желба дека ќе биде најдена што побрзо и овој хорор наскоро ќе заврши, вели Трајковска.

The post Трајковска: МВР мора да излезе со базична информација за Вања, без да наштетат на истрагата appeared first on Република.

Ќе ни ја објасни некој македонската еднострана изјава за јазикот што денеска беше доставена во Брисел?!, пишува во својот статус на Фејсбук, Жанета Трајковска.
Сфативме дека не е лекторирана и дека е пишувана од чиновник во Владата, оти според начинот на кој е напишана, термините што се користат, незнаењето правопис и кога се користи голема буква, овој текст не го видел македонист, не го видел лектор, не го видел ниту некој со базично знаење правопис и македонски јазик.
Јас вака ја читам, ве молам поправете ме:
- Македонија доброволно го ограничува постоењето на македонскиот јазик на територија на сегашната држава, игнорирајќи ја историјата на Македонија и поделбата на три дела, како и македонскиот народ што живее во Грција, Бугарија, Албанија...
- Македонија доброволно укажува дека јазикот постои само од 1945 година кога е кодифициран, што не е целосно точно (процесот е почнат на првото заседание на АСНОМ на 2 август, кога македонскиот јазик е прогласен за службен јазик во Македонија), а во текстот никаде не е споменат процесот на создавање на македонскиот јазик пред неговата кодификација, небаре не постоел, освен општи флоскули... Ама нашите баби и дедовци зборувале што?! Како се појавил одеднаш во 1945 година македонскиот јазик? Да не го измислиле партизаните и Коминтерната??
Многу би сакала стручна - вистински стручна дебата на македонисти и авторот на оваа изјава. Би сакала да ни се објасни позицијата на македонската еднострана изјава и нејзините последици, бугарската еднострана изјава, нивната меѓусебна корелација и што е тоа што ние сме потврдиле, односно сме се согласиле да потврдиме и да игнорираме со ова парче хартија.
Мерси!, пишува Трајковска.

The post Ќе ни ја објасни некој македонската еднострана изјава за јазикот што денеска беше доставена во Брисел?! appeared first on Република.

Чекај, чекај, по потпишувањето нема ни денеска да го објавите?! Па јас сум ви дала и повеќе образ од што имате, сум ве преценила брее, јас мислев барем ќе се обидете да не зафарбате со објавување 5 минути пред потпишување, па преку рент-а-новинар и рент-а експерт ќе не „информиравте“ дека тоа што сме дознале истовремено со потпишувањето е големо достигнување и развој на демократијата во Македонија, реагира на Фејбук, Жанета Трајковска.

„Прво во ЕУ пред министрите, па после пред своите граѓани? Какво демократско достигнување е ова, ма браво! Морам да ги прашам овие релативизаторите што елитистички се смеат на тоа дека си загрижени за државата, ова сериозно нормално ви звучи?! Или пак ќе си поќутите“, вели директорката на Институтот за комуникациски студии.

Таа дава предлог и да не се објавува протоколот, иронично порачувајќи дека ние ние што да знаеме, што пишува во него.

„Нека знаат во ЕУ и Генчовска, а нас на рати ќе ни го кажувате што треба да направиме, што има да знаеме како не сецкате! Ќути, бутај, може Македонецот да издржи сè. Нe бе дечки, не може сè. И сами ќе си го видите тоа. Каков крај“, вели Трајковска потсетувајќи на денешната изјава на министерката за надворешни работи на Бугарија Теодора Генчовска.

Еве ви ја Генчовска – ви прави прц на брифинг – честитајте  си! Со фуснота! Бугарија не отстапува во однос на ставот за официјалниот јазик на Република Македонија. Целосно ја почитуваме одлуката на Народното собрание, според која Бугарија не го признава овој јазик. Во контекст на преостанатите 26 земји-членки, сепак, тие имаат свои позиции и ние никако не можеме да ги обврземе да го прифатат нашиот став. Но, бугарската позиција е загарантирана во целата преговарачка рамка“.

https://republika.mk/vesti/makedonija/bugarija-ne-otstapuva-vo-odnos-na-stavot-za-oficijalniot-jazik-na-c-makedonija-bugarskata-pozicija-e-zagarantirana-vo-celata-pregovarachka-ramka/

The post Трајковска: Ќути, бутај, може Македонецот да издржи сè: Нe бе, дечки, не може сè и сами ќе си го видите тоа. Каков крај! appeared first on Република.