Првата неврохируршка операција на Одделот за неврохирургија во Клиника „Жан Митрев“ е изведена со врвен неврохируршки микроскоп, единствен во државата. Неврохируршкиот тим предводен од проф. д-р Владимир Рендевски, заедно со д-р Михаил Таушанов и останатите членови на интердисциплинарната медицинска екипа, успешно изведоа операција на ‘рбетниот столб на пациентка со огромни болки во кичмата и неподвижна десна нога.

Со исклучителното ниво на визуелизација преку микроскопот чии оптички леќи ги пребојуваат туморите, беше обезбедена јасна дистинкција на болното од здравото ткиво, што овозможи искусниот тим со најмала инвазивност да ги отстранат сите тумори.

Микроскопот од брендот Цајс модел Киево 900, е единствен во државата од ваков вид и со ваква примена. Со неговите врвни перформанси се овозможува висок степен на визуелна прецизност при оперативни зафати од разни патологии од доменот на неврохирургијата вклучувајќи и васкуларни заболувања како аневризми и онколошки заболувања односно карциноми. Во иднина ќе биде користен за интракранијални и кичмени операции за кои досега пациентите заминуваа најчесто надвор од државата.

The post Изведена прва неврохируршка операција со микроскоп во Клиника „Жан Митрев“ appeared first on Република.

Во знак на одбележување на Светскиот ден на предвремено родени бебиња, помош и поддршка за малите херои и нивните семејства, Клиника Жан Митрев на 17 ноември се осветли во виолетова боја. Оваа година се одбележува под мотото „Мали дела, ГОЛЕМ ИМПАКТ: Непосреден контакт кожа на кожа за секое бебе, секаде“ што ја потенцира важноста од оваа техника која се покажува како ефективна, особено за предвреме родените бебиња.

Предвремено родените бебиња се најмали но истовремено и најголемите борци и затоа секој 17 ноември се одбележува со разни активности со цел да ја подигне свесноста за предвременото раѓање и предизвиците со кои се соочуваат децата и семејствата.

Предвременото раѓање е глобален проблем кој се јавува во сите држави на светот. А статистиката вели дека едно од 10 бебиња се раѓа предвреме. Според Светската здравствена организација за предвреме родени бебиња се сметаат оние кои се родени пред завршување на 37мата гестациска недела (ГН) од вкупно 40 на целосна бременост. Сите овие бебиња се изложени на ризик од различни здравствени компликации. Затоа на овој ден, се организираат различни активности, вклучувајќи кампањи, семинари и настани за поддршка. Крајната цел е да се создадат подобри услови за предвремено родените деца и да им се обезбеди правилен развој, а истовремено да се подигне свеста во јавноста за предизвиците и потребите на овие мали борци.

Одбележувањето на овој ден е важен чекор кон подобрување на животот на предвремено родените деца и нивните семејства, нудејќи им надеж и поддршка во нивниот пат кон здрав развој, раст и благосостојба. Затоа активностите поврзани со прематурните бебиња во Клиника Жан Митрев продолжуваат во текот на цел ноември.

Неодамна во Клиника Жан Митрев се отвори Центарот за мајка и бебе и досега, природно и со царски рез се родени 5 бебиња. Центарот за мајка и бебе, располага со најсовремената опрема од врвни светски производители и искусен медицински тим кои се на располагање во секое време за грижа за мајката и бебето во сите фази од бременоста и по неа.

The post Клиника Жан Митрев со виолетови светла го одбележа Денот на предвремено родени бебиња appeared first on Република.

И на денешното судење обвинителката Искра Хаџи Василева продолжи со веќе редовните навреди на одбраната истовремено барајќи од судот да воведе ред. На ова судијаката Лидија Петровска одговори дека токму заради неа не е можно да се воспостави ред во судницата, пишува „МКД.мк“.

И на ова рочиште обвинителката наведе дека било дозволено групно да се испитуваат сведоци. Ова, за познавачите на правото, е признание на сериозна повреда на Законот за кривичната постапка. Обвинителката изјави дека таа им укажувала на оштетените што реално можат да очекуваат како оштетно побарување.

Дали со тоа обвинителката признава дека уште пред да почне судењето таа знае каква пресуда ќе биде донесена и им кажува на оштетените што да очекуваат, прашуваат од одбраната.

Од одбраната во изјава за „МКД.мк“ велат дека се работи за „агресивно попречување на нашата работа да ја вршиме својата законска функција не само на денешното судење, туку и во сите претходни”.

The post Нови недоследности на обвинителката на рочиште во случајот против Жан Митрев appeared first on Република.

На вчерашното рочиште од судењето против Жан Митрев и неговата клиника за кривично дело измама, застапникот на обвинението Искра Хаџи Василева побара информација за тоа во кое својство едно од присутните лица е присутно на судењето. Таа проверила, гуглала, па дознала од која професија доаѓа. На ова нејзино барање судијката Лидија Петровска одговорила дека нема законска основа да се бара причината за нечие присуство кога судењето е јавно.

Зарем е забрането присуство на лица од одредена професија кога во судница може да присуствува секој полнолетен граѓанин. Јас не гледам причина да се утврдува зошто лицето е присутно”, се обрати судијката кон обвинителката.

На ова следеше и остра реакција од одбраната дека целта на ваквиот настап на обвинителката е заплашување на дел од јавноста и притисок за да се елиминира дел од јавноста.

И вчерашното рочиште помина во знакот на целосна конфузија на застапникот на обвинението. Судијката повеќе пати бараше од обвинителката прецизно да каже што точно предлага за натамошниот тек на постапката, а таа одговори дека судот треба да каже што е целисходно.

Судијката побара конкретен предлог, но на ова барање немаше одговор.

Според одбраната, ова е најдобар знак дека постапката во случајов е веќе пропадната, затоа што обвинителството е странка која треба да докажува основаност на обвинението. Но, во случајов со Жан Митрев токму од доказите на обвинението е очигледно дека случајот се води без основа и обвинението одамна требаше да биде повлечено, смета одбраната.

Интересно е и тоа што обвинителката упорно не ги повлекува, ниту пак ги презентира доказите од листата под точка 13, а бараше и повлекување на тројца од своите сведоци.

Можеби барањето на обвинителот да биде исклучен дел од јавноста е заради одбегнување пред јавноста да се открие пропаднатото обвинение и упорното неосновано водење на постапката против Жан Митрев и неговата клиника, коментираат од одбраната.

Наредното рочиште е закажано за 4 септември.

The post Обвинителката сака да има контрола и на тоа кој го следи судењето против Жан Митрев appeared first on Република.

Поради отсуство на сведоци, денешното рочиште за случајот против доктор Жан Митрев во Основниот кривичен суд во Скопје е одложено за 4 септември годинава.

Полицијата на двајца сведоци предложени од Обвинителството не можела да им достави покана на адресата на која живеат во Тетово и Гостивар, додека третиот сведок со поднесок до Судот побарал да се ослободи од сослушување од здравствени причини.

Јавниот обвинител, за економичност на постапката, даде предлог овие сведоци да бидат повлечени, но таквиот предлог не беше прифатен од одбраната, според која не биле исцрпени сите законски можности за нивно обезбедување и дека доколку не може да се обезбеди нивно присуство во судницата поради заминување во странство, дека тие може да бидат сослушани преку видео врска.

Во однос на барањето на третиот сведок за негово ослободување од сослушување, Судот посочи дека во доставеното известување биле содржани копии од здравствени белешки и побара тие да бидат доставени во оригинал.

Предметот се однесува на измама, односно, како што соопшти своевремено ЈО, прикривање на клучни факти во однос на хемофилтрацијата, метод за кој пациентите не биле јасно информирани за сите позитивни и негативни ефекти, со што тие биле доведени во заблуда, со цел противправно прибавување на имотна корист.

Предметот е оформен по допрен глас, откако се објави документарец во кој се тврди дека приватната болница „Жан Митрев“ им наплаќала на пациенти високи суми пари за хемофилитрација при лекување од Ковид-19, по што беше отворен и предметот во ОЈО Скопје.

Процесот го води судијката Лидија Петровска, а застапник на обвинението е обвинителката Искра Хаџи Василева.

Судскиот процес пред Основниот кривичен суд во Скопје започна во февруари лани, но поради истекот од 90 дена од последното одржано рочиште тој лани во ноември беше вратен од почеток. Процесот се наоѓа во фаза на доказна постапка, каде се изведуваат докази и се сослушуваат сведоци предложени од Јавното обвинителство.

The post Судењето за Жан Митрев одложено за 4 септември поради отсуство на сведоци appeared first on Република.

На денешното рочиште за случајот „Жан Митрев“, сведоците на обвинителството повторно дадоа искази целосно во корист на одбраната на д-р Жан Митрев. Сведокот на обвинителството кој што го развивал софтверот на Клиниката „Жан Митрев“ потврди дека станува збор за врвна дигитализација на највисоко ниво, најдобра во регионот и пошироко. Измени на податоци се речиси невозможни и самиот софтвер ги собира и ги генерира сите податоци.

Вториот сведок, единствен увозник на машините и филтрите за хемофилтрација во Македонија потврди дека во време на пандемијата производителот Baxter не можел да постигне да произведе филтри колку што била побарувачката и поради употреба на филтрите за хемофилтрацијата за ковид-19 ширум светот и заради последиците од ковид кај нефролошките пациенти. Во Македонија машините и филтрите за хемофилтрација, нагласи, дека се одобрени од надлежните органи од 2008 и 2009 година. Оxiris филтерот кој што е употребуван за хемофилтрација е одобрен од надлежните органи во Македонија уште во 2013 година, а пак во времето на пандемијата 2020 година е одобрен за увоз и регистриран како медицинско средство за хемофилтрација и при Ковид 19.

Лекарите од „Жан Митрев“ како експерти за хемофилтрација биле ангажирани од производителот Baxter во времето на ковид да ги обучуваат другите лекари од Македонија, Косово и Албанија. Со ваквото сведочење и овие два сведока на обвинителството како и сите досегашни без исклучок целосно го урнаа обвинението и зачудувачки е натамошното останување на обвинението против д-р Жан Митрев и против Клиниката „Жан Митрев“.
Повеќе правни експерти потврдуваат дека во системи во кои владее правото обвинението одамна требаше да биде повлечено. Но во македонското правосудство продолжува процес дури и со притисок врз судот како што денеска беше изјавено дека обвинителството има интерес судот брзо да го затвори предметот, па затоа обвинителката се откажала од свои три сведоци.

На денешното судење се случи и помалку комична сцена кога обвинителката запрашана од судот што е со точката 13 од нејзината листа на докази, изјави дека таа е после точката 12, па и покрај тоа што е напишана на Листата на докази нема да ги презентира, но нема ни да ги повлече тие докази. Чудната ситуација беше решена од судот така што одлуката што ќе се прави со точката 13 од Листата на докази на обвинителството ја одложи за следното рочиште.

The post Судење: Сведоците на јавното обвинителство и натаму во корист на одбраната на Жан Митрев appeared first on Република.

Револуционерната терапија со 100% кислород во хипербарна комора сега е достапна во Клиника Жан Митрев. Современиот третман со вдишување чист кислород при зголемен атмосферски притисок е препорачлив за зацелување и регенерација на организмот како и за постоперативно заздравување, подобрување на спортските перформанси, на когнитивните функции, намалување на динамиката на стареење и стимулирање на долговечноста, за енергија, виталност и релаксација.

При третманот во хипербарната комора пациентот вдишува 100% кислород при зголемен атмосферски притисок и на тој начин природно се забрзува времето на закрепнување и обновување на организмот. Постапката со хипербарната кислородна терапија се одвива со помош на ороназална маска преку која се доставува кислород до секоја клетка од телото.

Третманот во хипербарната комора е природен метод кој има улога во подобрување на физичките и когнитивните перформанси и се поврзува со повеќе болести и здравствени состојби. Во нормални услови, клетките апсорбираат само 25% кислород, а внатре во хипербарната комора, притисокот го принудува кислородот во белите дробови, крвотокот и клетките, да ги зголеми стапките на апсорпција во клетките. На сите ткива им треба идеално снабдување со кислород за правилно функционирање. Повреденото ткиво бара повеќе кислород за да се обнови и регенерира, така што хипербаричната кислородна терапија ќе го зголеми количеството кислород што го носи крвта за да ги врати потребните нивоа на гасови во крвта и да ја обнови функцијата на ткивата“, вели д-р Александра Лазаревска.

Хипербарната терапија може да се користи како единствен третман или во комбинација со други медицински конвенционални или алтернативни начини на лекување. Позитивните ефекти од ваква кислородна терапија се видливи при повеќе здравствени состојби и болести како аутизам, при трауматски повреди на мозокот, мозочни удари, невролошки пореметувања, спортски повреди на коските и мускулите, по оперативни зафати, во пластичнатахирургија, за смирување на воспаленија, дијабетес, церебрална парализа, антиејџинг, канцер, итн.

Со зголеменото снабдување на клетките со кислород се подобрува енергетското ниво, се смируваат воспалителните процеси, се зголемува клеточниот метаболизам и се подобрува имуниот систем.

The post Во Клиниката „Жан Митрев“ поставена хипербарна комора appeared first on Република.

Одбраната на Жан Митрев на последното судско рочиште најави дека ќе се жали во Судот за човекови права во Стразбур откако Основниот суд во Скопје не дозволи одлука за прекршување на пресумпција на невиност со соопштението на Јавното обвинителство за случајот Жан Митрев. Првично беше поднесено барање за повреда на чл. 2 став 1 и 2 од Законот за кривична постапка и чл. 6 став 2 од Конвенцијата за заштита на човековите права, како основни елементи за заштита на правото за фер и непристрасно судење и заштита на пресумпцијата на невиност дека никој не смее, ниту суд, ниту државен орган особено Јавно обвинителство да прејудицира вина.

Обвинителството со објавување на соопштението директно ја повреди пресумпцијата на невиност на обвинетиот. Во повеќе наврати во содржината на соопштението е нагласено дека обвинетиот за д-р Митрев и клиниката лажно ги презентирале фактите во однос на употребата на хемофилтрација, дека за тоа обвинителството презентирало силни докази и дека обвинителството е уверено дека Судот врз тие докази ќе донесе одлука. Со тоа категорично се рефлектира мислењето на јавниот обвинител дека обвинетите го сториле кривичното дело пред тоа да биде утврдено со правосилна пресуда согласно закон.

Одбраната во своето излагање потенцираше дека согласно практиката на Судот во Стразбур, со ваков тип соопштение се прејудицира оцената на фактите од надлежниот судски орган и се охрабрува јавноста да верува дека обвинетиот е виновен пред тоа да биде докажано согласно законот.

Врз таа основа одбраната побара Судот да ја утврди повредата на пресумпцијата на невиност сос воја одлука, но со оглед дека беше одбиено да се донесе таква одлука, одбраната најави продолжување на постапката пред Стразбур.

Инаку обвинителката изјави дека соопштението го пишувале службите, а пак барањето на одбраната е губење време.

По ова продолжи сведочењето на двајца сведоци.

Едната од сведоците чиј татко бил донесен во Клиниката Жан Митрев со сатурација 45% од Клиниката за очни болести, објасни дека никогаш не се видела со Жан Митреви не разговарала со него, но мислела дека со хемофилтрација ќе го спаси татко ѝ. Верувала во методата, а информацијата ја добила од јавноста, од луѓе, од медиуми, но ни еден не бил доктор во Клиника Жан Митрев.

Вториот сведок го однела својот татко во Клиника Жан Митрев зашто сметала дека таму ќе добие најдобра грижа. Како што посочи одбраната во вкрстеното испрашување,нејзината мајка и сестра испраќале пораки со благодарност до докторскиот тим, затоа што лавовски се бореле, внимавале на пациентот, па дури и му пуштале музика. Таа објасни дека никогаш не разговарала со доктор Митрев, но дека нема да се смири додека тој не биде обвинет за виновен.

The post Одбраната на Жан Митрев ќе се жали во Стразбур поради нарушена пресумпција на невиност appeared first on Република.

„Ватерло за обвинителството во случајот против Жан Митрев! Главниот сведок на обвинителството (доктор од друга клиника) сведочеше практично во прилог одбраната“, пишува во статус професорот по кривично право Гордан Калајџиев давајќи осврт на вчерашното рочиште во процесот против д-р Жан Митрев.

Наводно измамените никогаш воопшто не се сретнале со “измамникот” д-р Жан Митрев. Од самиот почеток на судењето не ми беше јасно како без вештачење ЈО ќе докаже дека методата на хемофилтрација била помалку ефикасна од она што докторот не им го ни’ ветувал туку го објаснувал на ТВ. Клучниот “доказ” на Јо сега е квазивештачењето на комисијата на Мин. за здравство кое процесно и не може да биде доказ затоа што е мислење кое нема да може да се тестира пред судот што ЗКП изречно го забранува. Се ла ви“, заклучува професорот. На вчерашното рочиште доктор Љупчо Стојковски – искусен нефролог и единствен лекар кој во приватната болница Аџибадем Систина применувал хемофилтрација сведочеше „Ние користевме хемофилтрација за лечење на пациенти во време на КОВИД кризата. Хемофилтрацијата е одамна познат метод, што се користи во медицината, кој што од нефрологијата се пренесе на сите водечки одделенија за интензивно лекување во земјата. „Главен параметар за што порано вклучување на хемофилтрацијата е клиничката слика на пациентот. Се реагира во рана фаза да не се влоши сликата”, објасни докторот. Во приватната болница каде работел ја користел методата на 32 пациенти каде се извршени 48 хемофилтрации. Кај дел од пациентите помогна и истите се спасија, а кај дел за жал не помогна. На прашањето дали е запознаен со сите објави на неговата болница, каде што даваа изјави поврзани со хемофилтрацијата, тој рече дека ги знае сите објави кои се објавени од страна на другата приватна болница во која што работел и дека се сложува и со изјавата на д-р. Каламарас дека хемофилтрацијата е врвна метода за лечење на КОВИД пациенти.

The post Професор Калајџиев: Ватерло за обвинителството во случајот против Жан Митрев! appeared first on Република.

Рочиштето за „Жан Митрев“ насрочено за 4 септeмври се отповикува бидејќи обвинетиот Жан Митрев е спречен да присуствува на рочиштето поради здравствени причини, информираат од Основен кривичен суд - Скопје.

- Заради интерес на медиумите и невладините организации кои ја следат главната расправа за предметот со К.бр. 349/23 поврзан со ПЗУ Клиничка болница „Жан Митрев“ насрочена за 04.09.2023 година, ја информираме јавноста дека расправата се отповикува со оглед да до судот е доставен поднесок со прилог медицинска документација дека обвинетиот Ж.М. е објективно спречен да присуствува на рочиштето поради здравствени причини, стои во соопштението од Кривичен суд.

Како што дополнуваат, расправата ќе продолжи на следниот, веќе насрочен термин, на 2 октомври 2023 година во 12 часот.

Судењето требаше да продолжи со испитување на сведоци на предлог на обвинителството.

Предметот е оформен по допрен глас, откако минатата година се објави документарец во кој се тврди дека приватната болница „Жан Митрев“ им наплаќала на пациенти високи суми пари за хемофилитрација при лекување од Ковид-19, по што беше отворен и предметот во ОЈО Скопје.

Како што информираа од ОЈО - Скопје за овој предмет, не станува збор за „измама на пациенти“, односно совесноста и несовесноста на лекувањето не е предмет на ова кривично дело, туку за класична измама, односно прикривање на клучни факти во однос на хемофилтрацијата, метод за кој пациентите не биле јасно информирани за сите негови позитивни и негативни ефекти, со што тие биле доведени во заблуда, а со цел противправно прибавување на имотна корист.

Процесот го води судијката Лидија Петровска, а застапник на обвинението е обвинителката Искра Хаџи Василева.

The post Одложено судењето за Жан Митрев поради здравствени причини appeared first on Република.

Апсолутно не се чувствувам виновен за делото кое ми се става на товар, изјави обвинетиот Жан Митрев кој се товари за продолжено кривично дело „измама“.

Покрај Митрев, дека не се чувствува виновно за истото кривично дело, на денешното рочиште во Основниот кривичен суд Скопје се изјасни и застапничката на правното лице, која рече дека во целост го одбива обвинителниот акт.

Во воведниот говор на обвинителството, обвинителката Искра Хаџи Василева денеска истакна дека обвинителството ќе докаже надвор од разумното сомневање дека е сторено кривичното дело за кое постои обвинението.

Постои обвинение за сериозно кривично дело, а со неговото дејствие има последици и правното лице. Тоа се фактите и не можете да ги извртите наспроти логиката. Обвинетиот сторил измама со умисла и ова обвинителство ќе го докаже тоа надвор од разумното сомневање, рече обвинителката.

Воведниот говор на одбраната ќе се одржи на следното рочиште, кое е закажано на 15 јуни.

Претходно, одбраната на Жан Митрев и на денешното рочиште побара одложување на судењето поради тоа што, според нив, од листата на докази на Јавниот обвинител недостасуваат 48 медицински досиеја за пациенти. Јавната обвинителка, Искра Хаџи Василева, во врска со ова барање посочи дека е, како што рече, „сосема неоправдано“, бидејќи, според неа „одбраната не само што ги знае туку ги има тие докази бидејќи таа ги доставила до обвинителство“. Судот потоа донесе решение да не се одложи главната расправа од причина што доказите се доставени до одбраната во текот на постапката, односно во текот на истрагата.

Основното јавно обвинителство – Скопје поднесе обвинителен акт против доктор Жан Митрев, како физичко лице и Обвинителен предлог против неговата болница, како правно лице, за продолжено кривично дело „измама“ од член 247 од Кривичниот законик.

Предметот е оформен по допрен глас, откако ИРЛ минатата година го објави документарец „Нечиста крв“, во кој обелодени дека приватната болница „Жан Митрев“ им наплаќала на пациенти високи суми на пари за хемофилитрација при лекување од Ковид-19, по што беше отворен и предметот во ОЈО Скопје.

Како што информираа од ОЈО Скопје за овој предмет, не станува збор за „измама на пациенти“, односно совесноста и несовесноста на лекувањето не е предмет на ова кривично дело, туку за класична измама, односно прикривање на клучни факти во однос на хемофилтрацијата, метод за кој пациентите не биле јасно информирани за сите негови позитивни и негативни ефекти, со што тие биле доведени во заблуда, а со цел противправно прибавување на имотна корист.

Процесот го води судијката Лидија Петровска, а застапник на обвинението е обвинителката Искра Хаџи Василева.

The post Жан Митрев не се чувствува виновен за „измама“, обвинителството тврди дека ќе ја докаже вината appeared first on Република.

Одбраната на Жан Митрев на денешното рочиште побара одложување на судењето поради тоа што не им биле доставени сите докази од листата докази од јавното обвинителство и побара дополнителен рок од 20 работни денови за да извршат увид во доказите и 10 работни денови за подготвување на одбраната.

Одбраната мора да ги добие сите докази што се наоѓаат на листата на Јавното обвинителство, во иста форма како што ги доставил јавниот обвинител, побара еден од бранителите, дополнувајќи дека одбраната бара да ѝ се овозможи, како што рече, „елементарното право за подготовка на одбраната со одложување на ова рочиште“.

По долга дискусија, јавниот обвинител не го оспори барањето, а судот го прифати барањето и следното рочиште го насрочи за 13 јуни.

The post Судењето на Жан Митрев одложено за 13 јуни appeared first on Република.

Во Кривичниот основен суд во Скопје денеска треба да почне судењето на кардиохирургот Жан Митрев и неговата приватна болница.

Основното јавно обвинителство – Скопје поднесе обвинителен акт против доктор Жан Митрев, како физичко лице и Обвинителен предлог против неговата болница, како правно лице, за продолжено кривично дело „измама“ од член 247 од Кривичниот законик.

Советот за оценка на обвинителниот акт на 13 февруари го одобри во целост обвинението и за денеска го закжа првото рочиште.

Како што информираа од ОЈО Скопје за овој предмет, не станува збор за „измама на пациенти“, односно совесноста и несовесноста на лекувањето не е предмет на ова кривично дело, туку за класична измама, односно прикривање на клучни факти во однос на хемофилтрацијата, метод за кој пациентите не биле јасно информирани за сите негови позитивни и негативни ефекти, со што тие биле доведени во заблуда, а со цел противправно прибавување на имотна корист.
Во текот на постапката, како што информирааат од ОЈО Скопје, јавниот обвинител обезбедил докази за поткрепа на основаните сомненија дека обвинетиот, во периодот од јуни 2020 година до јуни 2022 година, со намера за правното лице – приватна здравствена установа да прибави значителна противправна имотна корист, со прикривање факти ги довел во заблуда оштетените пациенти лекувани во болницата од Ковид – 19, кај кои е извршена хемофилтрација и членови на нивните семејства, со што ги навел секој од нив да стори штета на својот имот во различни износи, а во вкупен износ од 97.461.600 денари или 1,57 милиони евра.

Обвинетиот на пациентите и во јавноста прикажувал дека методот хемофилтрација е одобрен да се применува и е ефикасен за лекување од Ковид-19, притоа користејќи ги приликите на здравствената криза предизвикана од пандемијата.

Тој се повикувал на документ издаден од Американската управа за храна и лекови во април 2020 година, со кој на компанијата „Бакстер“ и било издадено овластување за вонредна употреба на Оксирис сетот (Oxiris Set Device), како медицинско средство со кое се спроведува постапката за хемофилтрација кај пациенти со потврден коронавирус, на возраст од 18 години или повеќе кои се на интезивна нега со потврдена или итна респираторна слабост и потреба за прочистување на крвта. Меѓутоа, можноста за употреба на методот кај пациенти заболени од Ковид-19 тој не смеел да ја промовира, истовремено прикривајќи го фактот дека методот не е одобрен во третманот на оваа болест, ниту од издавачот, ниту во нашата земја, како и дека овластувањето за медицинското средство е издадено само во вонредна постапка поради пандемијата, со дефинирани критериуми и опсег на примена. Исто така, покрај потенцијалниот бенефит, третманот имал и сериозни потенцијални ризици за кои пациентот морал да биде запознаен, па средството не смеело да се прикажува како безбедно или ефикасно во третманот или превенцијата од Ковид-19.

На овој начин обвинетиот кај секој од оштетените создал лажна претстава и заблуда, па најголем дел од нив при приемот на конкретен пациент во болницата, однапред уплаќале средства за по два циклуси на хемофилтрација како дел од болнички пакети, без да им биде објаснет овoj метод и потенцијалните ризици од него и без да се прибави соодветна согласност за примената на таква процедура кај пациентите, што е спротивно на условите утврдени во овластувањето и на здравствените прописи и стандарди, се наведува во соопштението од ОЈО Скопје.

Жан Митрев уверува дека е невин и тврди дека не бил измамен ниту еден пациент.

Предметот е оформен по допрен глас, откако ИРЛ минатата година го објави документарец „Нечиста крв“, во кој обелодени дека приватната болница „Жан Митрев“ им наплаќала на пациенти високи суми на пари за хемофилитрација при лечење од Ковид -19, по по што беше отворен и предметот во ОЈО Скопје.

The post Во Кривичниот суд почнува судењето на кардиохирургот Жан Митрев и неговата болница appeared first on Република.

Д-р Жан Митрев испрати писмо до претставници на Хелсиншкиот Комитет во Македонија со барање да реагираат на прекршувањето на основното право да ја информира јавноста поврзано со случајот против него и клиниката „Жан Митрев“. Во писмото Митрев ги повикува да го следат случај и во судница и да реагираат, бидејќи, како што потенцира, ова не е само случај за наводно кривично дело, туку е случај на непочитување на човековите права.

Изминатиот период лично јас сум на удар во јавноста, а секако и на низа пишувања посебно на порталот ДоказМ.мк за што имам веќе доставено кривична пријава. Се прекршува моето право на одговор бидејќи секој обид да контактирам со новинар завршува со осудување на истиот во јавност, а со оглед на тоа што мојата битка започна со новинарски текст единствен начин да се „одбранам“ покрај судницата се разбира е и јавноста што се информира од медиумите, пишува во писмото од д-р Митрев.

Во писмото тој се повикува на човековите права кои се загарантирани со Уставот и каде правото на јавно искажан збор е загарантирано.

Јас сум човек што имам дадено Хипократова заклетва и таа ме води во секојдневната работа, чист сум пред себе и пред моите постапки затоа што знам дека вистината е на моја страна. Но, ве молам за постапување по случаите каде се врши притисок врз мене и моите вработени за да може секој од нас да се растерети од бремето на притисок. Ние згрижуваме илјадници пациенти и ништо не смее да ѝ наштети на професијата и на здравјето на граѓаните, потенцира Митрев.

За потребата од вакво обраќање тој во писмото се навраќа и на случајот со сопственикот на порталот „ДоказМ“, кој добивал информации од истражителката за случајот и ги објавувал на неговиот портал.

Бевме сведоци дека истражителка заедно со Марјан Стаменковски од „ДоказМ“, воделе организирана хајка против мене каде допрва ќе се види кој се бил вклучен. Организираниот напад и заканите не треба да бидат дел од нашето секојдневие. Вие како Хелсиншки комитет самите го знаете тоа. Затоа ве повикувам да реагирате и да го следите мојот случај и во судница, бидејќи ова не е само случај за наводно кривично дело, туку е случај на непочитување на човековите права, го завршува писмото Митрев.

The post Против мене се води организирана хајка, вели Жан Митрев во писмото до Хелсиншкиот комитет appeared first on Република.

Одбраната на клиниката „Жан Митрев“ реагира на последната изјава на шефот на Основното јавно обвинителство, Гаврил Бубевски каде лицитира со нови бројки на пријавени за случајот поврзан со Клиниката.

„Презумцијата на невиност во случајот со д-р Жан Митрев и Клиниката треба да биде сериозно почитувана од страна на обвинителството. Начинот и леснотијата со која Бубевски дава изјави и интервјуа во медиумите и подкастите, што може да биде само во сферата на претпоставки, но никако и тоа дека тој е „сигурен дека има повеќе пријавени за оштета“, повторно ЈО укажува на контрадикторности и излегува од ингеренциите.

На суд ќе треба да ја докажете вината којашто самите знаете дека ја нема, обвинителе. Подобро на јавноста уште сега да и кажете како тоа материјали и информации од обвинителството за случајот против Клиниката Жан Митрев се објавувале кај Марјан Стаменковски ДОКАЗМ, иако веќе и официјално соопштивте дека ваш истражител го снабдувал Стаменковски со информации.

Обвинителството целиот процес го води со намера да наштети, а не со намера да докаже вина, затоа што и самите знаат дека вина не постои.

За сите наводи во обвинителниот акт има јасен одговор од Клиниката што ќе биде презентиран на Суд. А Обвинителството ќе треба да докаже нешто што не постои што ќе биде вистински предизвик за нив. Со нетрпение го чекаме на првото соочување на Суд“, додаваат оттаму.

The post Адвокатскиот тим на „Жан Митрев“: Обвинителе Бубевски полека! appeared first on Република.

Клиниката Жан Митрев најави и веќе ја поднесе Кривичната пријава против, Марјан Стаменковски сопственик на порталот ДоказМ, информираат од клиниката.

Оттаму информираат:

Истовремено сметаме дека структурата на организираната група која стои позади хајката којашто веќе седум месеци трае против Клиниката Жан Митрев излегува на виделина и јавно прашуваме:

Дали кај материјалот пронајден кај Марјан Стаменковски се наоѓаат индиции за поврзаност меѓу познат скопски бизнисмен сопственик на приватна болница, чиј вработен јавно ги малтретираше вработените во нашата клиника.

Дали истражителката која го снабдувала Марјан Стаменковски со информации за истрагата против Жан Митрев работела по насоки на бизнисменот?

Дали обвинителката Искра Хаџи Василева ги инструирала поранешните пациенти во предистражна постапка и ги наведувала?

Апелираме за објавување на доказите поврзани со случајот на клиниката Жан Митрев каде јасно се гледа корелацијата на Стаменковски со истражители кои директно имале влијание и информации за целиот случај и постапките. Во правна држава не смее да се дозволат влијанија од надвор и да се диктираат процеси во рамките на обвинителството и судството, што повеќе од очигледно било случај за истрагата поврзана со нашата Клиника.

Со оглед на штетата нанесена на Клиниката Жан Митрев, правниот тим бара од ОЈО да се приклучи кон кривичниот прогон.

Со дел од насловите како „Жан Митрев полудел“, „Митрев криминалец“, „Народот сака доктор Митрев да виси“, „Сашка гази го убиецот Митрев“, и дел од навредите како „Митрев – Менгеле“, „бесилка за доктор Митрев“, „Митрев монструм“, Марјан Стаменовски направил кривично дело ширење на расистички и ксенофобичен материјал по пат на компјутерски систем.

Стаменковски со интензивното обавување на наведените статии, во период од јули 2022 година до 22.01.2023 година, со умисла извршил повеќе временски поврзани дејствија што претставуваат повеќекратно остварување на исто дело со што се нанесуваат штети не само врз доктор Жан Митрев туку и на вработените во самата Клиничка болница Жан Митрев. Во кусиот временски период беа објавени повеќе од 21 натпис каде дел имаа порака – „Доктор Јозеф Менгеле (ангел на смртта) = Жан Митрев Хипокрит (доктор наречен смрт)!!! Фала му на господ бог што постои Сашка Цветковска и ИРЛ“, „Жан Митрев е монструм!!! Убиец!!! Треба некој да го сопре неговиот вампиризам!!!“

Очекуваме брз и транспарентен расплет на случајот и нападите против Клиниката Жан Митрев, велат од клиниката.

The post Клиника Жан Митрев: ЈО да се произнесе дали постои релација меѓу истражителката и Марјан Стаменковски appeared first on Република.

Советот за оценка на обвинителниот акт го одобри во целост обвинението против кардиохирургот, Жан Митрев и неговата приватна болница и првото судско рочиште го закажа на 28 февруари.

-Советот за оценка на обвинителен акт, постапувајќи во оценка на обвинението против едно физичко лице и Приватна здравствена установа, а поврзано со соопштението на ОЈО Скопје: https://jorm.gov.mk/podneseno-obvinenie-za-izmama-vo-privatna-zdravstvena-ustanova/ ценејќи ги сите приложени факти и аргументи на странките донесе решени со кое актот го одобри во целост. По одобрениот обвинител акт, оформен е кривично правен предмет со К.бр. 349/23 кој согласно АКМИС системот е распределен кај судија на понатамошно постапување и насрочен е термин за главна расправа на 28.02.2023 година во 09:30 за што ќе бидат испратени покани до странките, се наведува во соопштението од Основниот кривичен суд Скопје.
Основното јавно обвинителство – Скопје на 10 јануари поднесе обвинителен акт против доктор Жан Митрев, како физичко лице и Обвинителен предлог против неговата болница, како правно лице, за продолжено кривично дело „измама“ од член 247 од Кривичниот законик. За ова кривично дело „измама“ предвидената казна затвор е од една до 10 години.

Како што посочија тогаш од ОЈО Скопје, не станува збор за „измама на пациенти“, односно совесноста и несовесноста на лекувањето не е предмет на ова кривично дело, туку за класична измама, односно прикривање на клучни факти во однос на хемофилтрацијата, метод за кој пациентите не биле јасно информирани за сите негови позитивни и негативни ефекти, со што тие биле доведени во заблуда, а со цел противправно прибавување на имотна корист.

Во текот на постапката, како што информирааат од ОЈО Скопје, јавниот обвинител обезбедил докази за поткрепа на основаните сомненија дека обвинетиот, во периодот од јуни 2020 година до јуни 2022 година, со намера за правното лице – приватна здравствена установа да прибави значителна противправна имотна корист, со прикривање факти ги довел во заблуда оштетените пациенти лекувани во болницата од Ковид – 19, кај кои е извршена хемофилтрација и членови на нивните семејства, со што ги навел секој од нив да стори штета на својот имот во различни износи, а во вкупен износ од 97.461.600 денари или 1,57 милиони евра.

Обвинетиот на пациентите и во јавноста прикажувал дека методот хемофилтрација е одобрен да се применува и е ефикасен за лекување од Ковид-19, притоа користејќи ги приликите на здравствената криза предизвикана од пандемијата.

Тој се повикувал на документ издаден од Американската управа за храна и лекови во април 2020 година, со кој на компанијата „Бакстер“ и било издадено овластување за вонредна употреба на Оксирис сетот (Oxiris Set Device), како медицинско средство со кое се спроведува постапката за хемофилтрација кај пациенти со потврден коронавирус, на возраст од 18 години или повеќе кои се на интезивна нега со потврдена или итна респираторна слабост и потреба за прочистување на крвта. Меѓутоа, можноста за употреба на методот кај пациенти заболени од Ковид-19 тој не смеел да ја промовира, истовремено прикривајќи го фактот дека методот не е одобрен во третманот на оваа болест, ниту од издавачот, ниту во нашата земја, како и дека овластувањето за медицинското средство е издадено само во вонредна постапка поради пандемијата, со дефинирани критериуми и опсег на примена. Исто така, покрај потенцијалниот бенефит, третманот имал и сериозни потенцијални ризици за кои пациентот морал да биде запознаен, па средството не смеело да се прикажува како безбедно или ефикасно во третманот или превенцијата од Ковид-19.

На овој начин обвинетиот кај секој од оштетените создал лажна претстава и заблуда, па најголем дел од нив при приемот на конкретен пациент во болницата, однапред уплаќале средства за по два циклуси на хемофилтрација како дел од болнички пакети, без да им биде објаснет овoj метод и потенцијалните ризици од него и без да се прибави соодветна согласност за примената на таква процедура кај пациентите, што е спротивно на условите утврдени во овластувањето и на здравствените прописи и стандарди, се наведува во соопштението од ОЈО Скопје.

Жан Митрев уверува дека е невин и тврди дека не бил измамен ниту еден пациент.

Предметот е оформен по допрен глас, откако ИРЛ минатата година го објави документарец „Нечиста крв“, во кој обелодени дека приватната болница „Жан Митрев“ им наплаќала на пациенти високи суми на пари за хемофилитрација при лечење од Ковид -19, по по што беше отворен и предметот во ОЈО Скопје.

The post На 28 февруари почнува судењето на Жан Митрев, Кривичен го прифати обвиненинието appeared first on Република.

Д-р Жан Митрев испрати писмо до претседателот на Здружението на новинари на Македонија, Младен Чадиковски во кое го повикува за поголема заштита на новинарите кои се ставени на јавен линч поради објавување информации за случајот за Клиниката „Жан Митрев“ и за докторот. Митрев, елаборирајќи го односот од страна на ИРЛ кон сите медиуми и новинари што ќе објават информација или интервју со него, посочува на непостоење на елементарното право на слобода на говор и мислење а со тоа и нарушување на Кодексот на новинари со постојани напади на независно изнесените факти и страната на Клиниката „Жан Митрев“.

Сведоци сте дека секој обид да ја прикажам мојата страна на приказната во јавност наоѓа на напади кон мене и новинарите кои ме интервјуираат или ја пренесуваат веста. Сакам да ви поставам прашање според кој етички новинарски кодекс јас не смеам да ја кажам својата страна и според која колегијалност секој новинар што ќе разговара со мене треба да се стави на јавен линч. Дали новинарите на ИРЛ се и истражители, и адвокати, и обвинители, и судии? Дали според некој кодекс нивниот збор треба да е последен и дали јас како личност немам право да комуницирам со новинари? Не го разбирам јас овој концепт на новинарство кога некој не смее да каже нешто. Нели сите сме за почитување на јавно искажаниот став без разлика каков е и за слобода на говорот. Зарем мене треба таа слобода да ми биде одземена бидејќи некој сака да ме прикаже во светло кое не е вистината. Дали јас не треба да се обидам да ја прикажам вистината? Ве прашувам Вас бидејќи најлошо е некој да се обиде да се замолчи, а во исто време да се линчува јавно без никаква причина, пишува во писмото д-р Митрев.

Со целосно разбирање за новинарската професија и истражувачкото новинарство, како што вели д-р Митрев тој отворено го поздравува секој чекор на истражувачко новинарство, но „вистинско и со јасно претставување на двете страни“. Тој во писмото до претседателот на ЗНМ, ја објаснува својата позиција во која се наоѓа и причините што доведоа до тоа.

Се соочувам со можеби најтешката криза што ја имам лично и мојата Клиника поради натписите во ИРЛ каде бев обвинет дека правам експерименти врз пациенти, дека не сум доктор, дека „заработувам“ на здравјето на луѓето. Употребени беа квалификации како „убиец“, „д-р Менгеле“ и слични зборови на омраза со кои неосновано ме етикетира во нешто што јас не сум. Работам во оваа држава со децении, се обидувам да направам најдобро што можам и искрено се обидувам да бидам максимално толерантен на сите напади. Особено бидејќи станува збор за човечки животи. Со вашиот претставник имавме комуникација кога се снимаше интервјуто на ИРЛ каде сакав само да се заштитам од вадење од контекст на моите одговори што и самиот сте свесен се случува понекогаш во некој новинарски прилог, некогаш поради временското ограничување, некогаш поради немарност. Со ИРЛ бевме договорени да се објави целосното интервју по емисијата на каналот YouTube што истото не беше испочитувано. Не барав многу од нив за да не добијам ништо, вели тој.

Д-р Митрев во писмото уште потенцира дека заради разбирање на сензитивноста на новинарската работа, ја повлече тужбата за ИРЛ, но истовремено не разбира како овој личен чин е негативен.

Не разбирам зошто додека трае процесот не смеам да се појавам во јавност? Па јас сум обвинет, не сум осуден. Дали ме осудија вашите колеги пред судот? Дали ми го одземаат зборот што имам право да го кажам? Вас ве молам за разбирање на ситуацијата во којашто се наоѓам. Не сакам да креирам дополнителни проблеми, но не сакам да останам нем за да задоволам нечии задни намери. Ќе продолжам да работам, да се борам да ја докажам вистината и Ве молам да ги заштитите Вашите колеги кои се ставени на јавен линч поради мене, го завршува писмото д-р Митрев.

The post Д-р Митрев до претседателот на ЗНМ: Зошто не смеам да ја кажам својата страна и зошто секој новинар што разговара со мене треба да биде ставен на јавен линч? appeared first on Република.

„Одговорно тврдам дека секој еден пациент во ковид центарот на нашата клиника беше третиран согласно состојбата и пропишаните индикациски подрачја за примена на хемофилтрација“, вели д-р Митрев во интервјуто дадено за порталот мкд.мк.

Во одговор на прашањето за употребата на методот на хемофилтрација во лечењето на пациенти со Ковид 19, докторот објаснува:

„Знам дека колегите мои кои ги прават во моментов анализите на случувањата кај нас, се врвни професионалци кои знаат дека нема никакво медицинско потрфлање во постапката. И, ако веќе се става под прашање употребата на хемофилтрација, не беше само нашата болница која ја употребуваше. Сега гледаме низ друга призма на работите. Сетете се како беше за време на ковид-19 пандемијата. Луѓето беа во паника, безнадежни, нѐ молеа за слободен кревет, кој некогаш го немавме. Се умираше насекаде по болниците. Секојдневно се објавуваа статистиките на починати пациенти. Беше страшно. Но оваа метода се користи и ќе се користи и понатаму за многу тешко болни. Затоа што нема друга можност кај пациенти на кои акутно ќе им откаже функцијата на бубрезите, пациенти со тешки пневмонии и сепси од најразличен причинител, бидејќи со оваа постапка се заменува бубрежната функција и со помош на оваа терапија се врши отстранување на сите токсични материи од крвта на човековиот организам“, објаснува д-р Митрев.

The post Д-р Митрев: Секој пациент во нашата клиника беше третиран согласно состојбата и пропишаните индикации appeared first on Република.

Истражната постапка за сторена измама во болницата Жан Митрев во ОЈО Скопје е во тек и се прибираат материјални докази - сослушување на оштетени и измамени лица и се очекува да заврши во следните два- три месеци.

Како што информира на брифинг во ОЈО Скопје, досега се сослушани околу 80 проценти од лицата кои се измамени и тоа во следниот период ќе биде завршено.

Во однос на безбедносните мерки против обвинетиот, од ОЈО Скопје велат дека има одземени патни исправи и депонирана гаранција од еден милион евра пред Судот дека нема да бега до завршување на постапката.

Сега за сега со овие мерки сметаме дека тоа е доволно за да се обезбеди присуство на обвинетиот - посочуваат од ОЈО Скопје.

На 12 август Обвинителството отвори истрага во која сопственикот на болницата доктор Жан Митрев е осомничен за измама на пациенти, откако по емитувањето на документарниот филм „Нечиста крв“ на ИРЛ, на 18 јули, оформи предмет по допрен глас за да го испита начинот на лекување на пациентите во приватната болница „Жан Митрев“ во периодот на пандемијата со корона вирусот од 2020 до 2022 година.

Осомничениот, во периодот од април 2020 година до 2022 година, со намера за правно лице – приватна здравствена установа да прибави противправна имотна корист, со лажно прикажување факти, ги довел во заблуда пациентите лекувани од КОВИД 19 со методот на хемофилтрација -  соопштија тогаш од Јавното обвинителство.

The post Истрагата за сторена измама во болницата Жан Митрев треба да заврши во следните два-три месеци appeared first on Република.