Владата ќе прави анализа за цените на овошјето и зеленчукот и врз основа на тоа ќе донесе одлука дали ќе ја продолжи мерката со замрзнување, истакна денеска министерот за економија Крешник Бектеши.

Одговарајќи на новинарски прашња по настанот на кој се одбежела Светскиот ден на метрологијата – 20 мај, тој повтори дека кризата нема да биде на товар на граѓаните и оти Министерството за економија носи соодветни мерки за оние што не ги почитуваат одлуките.

Во однос на реакцијата на маркетите дека добавувачите не им доставуваат производите рече дека секој има право да го каже своето мислење, а институциите се тие што ќе реагираат.

Ние сме демократија. Секој има право да го искаже своето мислење, и маркетите, и институциите, и граѓаните, и Организациите за заштита на потрошувачите, а секако дека институциите имаат обврска да го заштитат тоа што е согласно законот. Ние имаме Закон за заштита на потрошувачи во нашата држава и имаме Закон за трговија. Кој не го применува тоа секако во правна држава треба надлежните институции да постапат и да ги преземат соодветните мерки. Убеден сум дека тоа и ќе го направат како што го направија и претходно - рече Бектеши.

The post Ќе се прави анализа, па ќе реши дали ќе има ново замрзнување на цените на овошјето и зеленчукот appeared first on Република.

Секое замрзнување на цените има позитивни и негативни консеквенци. Ако Владата смета дека треба да воведе ваква мерка, најубаво е и да објасни каква и е идејата и што сака да постигне, рече денеска претседателот на Сојузот на стопански комори (ССК), Трајан Ангелоски.

ССК, нагласи Ангелоски, преферира слободен пазар.

На 8 септември 1991 година граѓаните на државава гласаа за независност, за слободна економија, за слободен пазар. Слободниот пазар е одлика и придобивка на таа независност и ние генерално преферираме слободен економски пазар, но Владата има свој делокруг на делување и доколку така смета, најубаво треба да објасни каква и е идејата, што сака да постигне, дали е тоа од времен карактер, колку време би траело, изјави претседателот на Сојузот пред работната средба со главниот извршен директор на Македонска берза АД Иван Штериев.

На новинарско прашање како е можно килограм кромид да чини 90 денари, Ангелоски одговори дека причината е веројатно во големата побарувачка за сметка на понудата.

Имаме добиено десетина барања од европски компании за откуп на кромид од земјава. Дефинитивно постои недостиг на овој производ на европскиот пазар. Претпоставувам дека тоа е причината за вака високата цена. Живееме во реален свет. Ако има поголема побарувачка од понуда, секогаш цените растат - рече претседателот на ССК.

The post Ангелоски: Секое замрзнување на цените има последици, ние преферираме слободен пазар appeared first on Република.

Вицепремиерот за економски прашања Фатмир Битиќи не стравува дека по предвидениот период за замрзнати цени на дел од прехранбените производи ќе се врати, како што вели, старата практика на вештачко зголемување на цените. Доколку се случи тоа, порачува дека граѓаните ќе бидат згрижени и Владата нема да ги остави да ја плаќаат највисоката цена.

Во пазарна економија мора да се однесуваме пазарно. Веќе доаѓаат првите позитивни сигнали од компаниите дека сме тука за да ја надминеме заеднички кризата и не стравувам дека по периодот на замрзнување на цените ќе се врати старата практика на вештачко зголемување на цените на начин како што беше направено одреден временски период - изјави Битиќи, на новинарско прашање по посета на фабрика во Куманово.

Според Битиќи, на компаниите веќе им е сосема јасно дека мора да се однесуваат морално и етички во услови на криза.

Тоа што цело време повикувавме дека мора да има општествена одговорност, мора да има морално и етичко однесување на компаниите на пазарот, сметам дека веќе им е сосема јасно. Но, ако се случи спротивното, како Влада нема да оставиме граѓаните да ја плаќаат највисоката цена. Тие ќе бидат згрижени - рече вицепремиерот Битиќи.

Тој го повика Пазарниот инспекторат да ги провери информациите дали во Куманово и Кумановско се продава леб по замрзната цена од 33 денари но со помала грамажа од утврдената со одлуката на Владата.

Замрзнувањето на цената на лебот од 450 грама по 33 дена не е направено за да нанесе штета на производителите, туку да ги заштити потрошувачите, а секако во таа цена има одредена добивка. Ако има такви информации го повикувам Пазарниот инспекторат во Куманово и Кумановско да проверат дали навистина се продава леб по помала грамажа, а по цена од 33 денари - изјави Битиќи.

Секое замрзнување на цена, дали е на лебот, јајцата, тестенините… повтори вицепремиерот, не е на штета на компаниите.

Компаниите се згрижени, можеби нема да продаваат со такви маржи какви што би сакале, но секако имаат предвидена маржа во цената. Донесени се и ќе бидат донесени во интерес и за заштита на граѓаните - рече Битиќи.

Со одлуки на Владата, од 28 февруари е замрзната цената на белиот и полубелиот леб од 450 грама на 33 денари, од 16 март и цените на дел од млечните производи и тестенините каде намалувањето на цените изнесуваше 10 односно 15 отсто, а од вчера е замрзаната и цената на јајцата и на оризот на износот по кој се продаваа овие производи на 15 март. Замрзнатата цена за лебот, тестенините и на млечните производи важи до крајот на мај, а на јајцата и оризот до крајот на април.

Министерството за земјоделство веќе подготви анализа и за цените на овошјето и зеленчукот, а одлуката ќе ја носи Министерството за економија согласно со Законот за трговија.

Следните одлуки за нови прехранбени производи кај кои би се интервенирало со замрзнати цени, како што изјави денеска премиерот Димитар Ковачевски, зависи од анализата во Министерството за економија.

Доколку има производ што ги исполнува условите тогаш нормално Владата ќе донесе одлука, доколку нема, Владата нема да донесе одлука - рече Ковачевски.

Стопанските комори завчера и порачаа на Владата да престане со замрзнување на цените и да најде други механизми за помош на граѓаните како што се намалување на даноците и на ДДВ-то и да се интервенира преку државните резерви. Министерот за економија Крешник Бектеши, пак, посочи дека се отворени за сите конкретни но одржливи предлози.

The post Битиќи: Ако повторно има вештачко зголемување на цените нема да оставиме граѓаните да ја плаќаат највисоката цена appeared first on Република.

Од изршени над 250 надзори, Државниот пазарен инспекторат (ДПИ) утврди дека четири субјекти не ги почитувале последните одлуки на Владата за замрзнување на цените на одредени прехранбени производи.

Како што информира денеска директорот на Државниот пазарен инспекторат, Горан Трајковски, станува збор за економски субјект во Охрид, кој продавал леб по цена повисока од онаа утврдената во одлуката за замрзнување на цената на лебот до 33 денари, како и за три економски субјекти од Охрид, Битола и Кичево, кои не ја почитувале одлуката за намалување на цените на тестенините и млечните производи.

По стапување во сила на последната одлука, односно во последните два дена, се извршени над 250 надзори на цела територија. Од надзорите е констатирано дека одлуките се почитуваат, освен кај четири економски субјекти, за кои се изречени прекршочни платни налози во вредност од над 1 120 000 денари - изјави Трајковски.

Тој изрази уверување дека инспекторатот работи со својот полн капацитет и врши надзор на територија на цела држава.

Добро е што се донесоа ваквите одлуки затоа што тие се пред се за доброто на граѓаните, но трговците не треба да чекаат да се донесат одлуки, па да намалуваат цени, апелирам онаму каде што има можност да ги намалат цените и на другите производи кои се неопходни за граѓаните. Во време на криза потребна е солидарност, а не профитерство - рече тој.

Трајковски порача дека инспекторатот останува на терен да следи дали се постапува согласно Одлуките на Владата.

Неколку пати апелирав, ќе кажам и сега, да се усогласат цените со одлуките, затоа што секое прекршување на одлуките и законите ќе се казнува, а казните се високи. Дали станува збор за голем познат маркет или локален, тоа не игра никаква улога пред законот сите сме исти - подвлече Трајковски.

Освен замрзнатите цени на лебот, тестенините и млечните производи, се очекува од идната недела да се направат анализи со што ќе се утврди дали ќе бидат замрзнати цените и на шеќерот, јајцата и оризот.

The post Си терале по свое: Четири маркети не ги почитувале владините одлуки за замрзнување на цените appeared first on Република.

Очекуваме солидарност од сите стопанственици во нашата држава за кризата да не биде на грбот на граѓаните, изјави за МИА министерот за економија Крешник Бектеши, во пресрет на утрешното стапување во сила на замрзнатите цени на дел од тестенините и млечните производи.

Министерството за економија прави дополнителни анализи на податоците за евентуално проширување на одлуката на Владата за замрзнување на цените. Сите одлуки, како што вели Бектеши, се носат заедно со здруженијата и коморите.

Согласно со одлуките што беа донесени минатата недела од утре ќе бидат замрзнати цените на тестенините и на дел од млечните производи. Цените на тестенините (макарони и шпагети) на полиците во маркетите ќе бидат пониски за 15 проценти, а на млечните производи (кравјо млеко 2,8 проценти,3,2 проценти, 3,5 проценти, како и јогурт, кисело млеко, павлака, кравјо и мешано бело сирење и кравји кашкавал) ќе бидат пониски за 10 проценти.

Дополнително, Министерството за економија прави анализи за проширување на одлуката за замрзнување на цените на другите основни производи кои беа опфатени во Одлуката за замрзнување на маржата, односно за јајцата од кокошка, македонски ориз, бел шеќер. Штом ќе бидат готови анализите на податоците за овие производи ќе донесеме одлука дали мерката за замрзнување на цените ќе се прошири и кај нив. Сите одлуки ги носиме заедно со здруженијата и коморите. Очекуваме солидарност од сите стопанственици во нашата држава за кризата да не биде на грбот на граѓаните - изјави Бектеши.

Тој и претходно порача дека очекува сите компании опфатени со замрзнувањето на цените на тестенините и млечните производи да ја почитуваат одлуката и да ги поевтинат производите како што е предвидено и најави дека во спротивно ќе следат нови одлуки. Направени се, како што рече, прецизни анализи и простор за намалување на цените има, без компаниите да бидат во загуба.

Државниот пазарен инспекторат (ДПИ) најави дека ќе биде на терен веднаш по стапувањето во сила на одлуките на Владата. Казните за непочитување на одлуките изнесуваат од 800 до 10.000 евра, во зависност од големината и видот на економскиот оператор.

На 28-ми минатиот месец Владата ја замрзна и цената на белиот и полубелиот леб на 33 денари.

The post Се прават анализи за евентуално проширување на листата за замрзнување на цените appeared first on Република.

Постојат зеленчуци кои никогаш не треба да ги замрзнувате поради големата количина на вода што ја содржат, забележуваат нутриционистите. Како што истакнуваат, не може сите производи да се чуваат на температури под нулата. Составот на некои намирници се менува во замрзнувачот, па „зелените“ престануваат да бидат извор на витамини и антиоксиданси.

Не се препорачува замрзнување зелен зеленчук и зачини. На овој начин се уништува нивниот хлорофил, се губат витамините и антиоксидантните својства на храната. Остануваат само влакна, велат нутриционистите.

Замрзнувањето, а потоа и одмрзнувањето може негативно да влијае на хранливата вредност на зеленчукот богат со вода.

Никогаш не треба да замрзнувате зеленчук богат со вода – краставици, домати, тиквички. Тие ќе бидат како гума – по одмрзнувањето ќе ја изгубат структурата и еластичноста.

Исто така, протеинските производи можат да ги променат своите својства дури и при ниски температури.

За време на замрзнувањето се кршат протеинските врски, доаѓа до денатурација на протеините. Никогаш не треба да замрзнувате ферментирани млечни производи, бидејќи по одмрзнувањето ќе добиете неквалитетна храна, како кефир со траги од сурутка.

Студот ја намалува активноста на полинезаситените масни киселини.

Полинезаситените масни киселини во бадемите, кикириките и лешниците ја губат својата активност кога ќе се замрзнат. Односно, мешавината од јаткасти плодови по замрзнувањето нема да има восочна хранлива вредност, ниту ист квалитет.

Исто така, меѓу намирниците кои не треба да се замрзнуваат, нутриционистите ги споменуваат сирењето и бананите.

The post Исто како да сте изеле ѓубре: Храна која не треба да се замрзнува appeared first on Република.

Вицепремиерот за економски прашања Фатмир Битиќи денеска најави дека ако е потребно ќе ги замрзнат цените на одредени производи, како и дека ќе креираат мерки за помош на најранливите категории граѓани и по март следната година кога истекуваат постојните.

Иако се залагам за целосно либерализирана пазарна економија, ако е потребно ќе ги замрзнеме цените бидејќи граѓани заслужуваат да се однесуваме етички во овие моменти солидарно кон заедничкото справување со кризата, рече Битиќи, одговарајќи на новинарско прашање во врска со зголемувањата на цените на храната и на електричната енергија.

Вицепремиерот истакна дека тоа што се обиделе да ги намалат сите импути кои дефинираат цена на краен производ во прехранбениот сектор и во енергетиката, веќе ги дава резултатите.

Веќе се даваат првите резултати на враќање на одредено ниво на цени на основните прехранбени производи. Лично не сум задоволен од брзината на која рагираат сите, сметам дека можеа солидарно побргу тоа да го направат зашто во криза сите се погодени и сметам дека затоа целосно поддржувам воведување нов данок за екстра добивка бидејќи тоа е еден начин како кон одредени структури треба соодветно да се однесуваме. И наредната година ќе биде период на криза, рече Битиќи на прес-конференција во Владата.

Околку енергетската енергија, тој смета дека успеал да осигураат и да не дозволат зголемувањата да бидат енормни до ниво на пазарни цени.

Ме радува тоа што ЕСМ гарантира дека следната година производството на струја не само што ќе биде зголемено туку ќе се врати во најдобрите години од пред 20 години можеби кога тоа не се случило некогаш во нашата држава и сето тоа во кризна година и затоа мислам дека секое едно поместување на цените и еден посто некогаш за одедени категории на граѓани боли, за најранливите ќе креираме мерки за да им помогнеме да се справат. Активни се мерките кои ги воведовме. Ќе продолжиме и од март кога истекуваат, да креираме нови мерки за најмалку да го осетат најранливите категории граѓани евентуалното зголемување на цени, додаде Битиќи.

The post Битиќи: Ако е потребно ќе ги замрзнеме цените appeared first on Република.

50-километарката трка во машката конкуренција во крос-кантри скијање на овогодинешната Олимпијада во Пекинг беше скратена на 30 километри, но тоа не помогна многу на Финецот Реми Линдхолм, на кого му требаше топлач на крајот на трката за да одмрзне еден особено чувствителен дел од телото, пишува „Њујорк пост“. Линдхолм ја мина патеката за помалку од еден час и 16 минути, борејќи се со многу силен и студен ветер, поради што неговиот пенис се замрзна по вторпат. Сличен „инцидент“ доживеал пред само неколку месеци во Рука, Финска.

Можете да погодите кој дел од телото беше малку замрзнат кога завршив… ова беше еден од најлошите натпревари на кои сум бил, изјави тој за финските медиуми, додавајќи дека било гола борба само да се помине.

Линдхолм објасни дека користел топлинско пакување за да се обиде да го одмрзне пенисот откако трката заврши.

Кога деловите од телото почнаа да се загреваат по финишот, болката беше неподнослива, додаде тој.

Бидејќи организаторите беа загрижени дека ќе има смрзнатини кај скијачите на трката, таа беше одложена за еден час и скратена за 20 километри. Тенките костуми и долните слоеви што ги носеа тркачите, како и наслагите за покривање на лицата и ушите, беа мала заштита.

The post На Олимпиец му замрзна пенисот после крос-кантри трка, му се случува вторпат appeared first on Република.