Адвокатот Тони Менкиноски во интервјуто за „Република“ коментираше дека нема дилеми која беше намерата на власта доколку се донесеше Законот за амнестија.

https://www.youtube.com/watch?v=8rp05GWbOls&t=110s

Законот за амнестија беше избрзано решение.Тој следеше со проблеми во казнено-поправните установи.Тој закон сакаа да се донесе за да излезат многу луѓе од подземјето и да им помогнат за следните избори на сегашната политичка гарнитура.Не се прави тоа така.Тој казнен систем треба целосно да се преобработи во два аспекти.Првиот е прекршочниот во кој треба да се минимализираат казните кој треба и вториот е кривичниот во кој треба да се максимизираат.

The post Meнкиноски: Намерата на власта со Законот за амнестија беше да излезат луѓе од подзејмето за да и помогнат на власта за изборите appeared first on Република.

Министерот за правда, Кренар Лога синоќа за ТВ21 истакна една од причините што според него ги принудиле македонските пратеници да гласаат „против“ Законот за амнестија.

Иако одби да оцени зошто пратениците на СДСМ не го поддржале Законот, Лога подоцна посочи дека од коментарите на социјалните мрежи една од причините можеби била „големата горчина на Македонците“.

„Посакувам да го повикате премиерот и да го прашате, бидејќи тоа што се случи е многу болно за семејствата на затворениците. Имаше гнев кај Македонците дека многу Албанци ќе бидат амнестирани и македонските политичари да не гласаат за тоа“, рече вчера Лога.

The post Лога: Кај Македонците имаше гнев дека многу Албанци ќе беа ослободени со Законот за амнестија appeared first on Република.

Министерот за правда Кренар Лога не се откажува од намерата за носење на Законот за амнестија на затворениците. На следниот состанок на Владата во вторник, министерот Лога, најави дека ќе побара објаснување од министрите на СДСМ за гласањето против предлог-законот за амнестија.

Неговата најава, дадена во телевизиско гостување на Телма, следува откако во Собранието во четвртокот со 66 гласа против, тројца воздржани и 17 гласа „за“ не помина предлогот да се донесе законот за амнестија по скратена постапка, кој министерот за правда Кренар Лога го бранеше пред пратениците со пренатрупаност во затворите и со нехумани услови.

Во телевизиско гостување на Телма, тој изрази изненадување од одлуката на пратениците од СДСМ, иако претходно по гласањето во Собранието, кога не го криеше своето разочарување рече дека најверојатно тоа е одмазда зашто не гласал за измените на Кривичниот законик.

-Во Собрание гледам и пратеници од ВМРО ДПМНЕ, кои беа против измените на КЗ, како Милошоски и Јанушев, за утредента со адвокати да бараат нивните дела да застаруваат. За каков морал зборуваме тука ?! А од друга страна имам коалициски партнери пред себе кои имаат двајца екс генерални секретари кои ја издржуваат казната притвор и куќен притвор по хотели, или во „Систина“ или на Клинички. Кога имате од една страна такви привилегирани луѓе од моќни партии во државата., а од другата страна имате докази со слики и сите друг материјали“, вели Кренар Лога.

Како и да е министерот за правда сега очекува Законот за амнестија да биде донесен во Собранието во редовна постапка. Тој не прецизираше дали новиот предлог за редовна процедура за законот ќе биде доставен до Владата или преку пратеничката група во Собранието. На брифинг со новинарите, тој кажа дека е подготвен да прифати и амандмани како од СДСМ, така и од други пратенички групи , вклучително и од опозицијата,со цел законот да биде донесен.

Лога најави дека ќе испрати и писмо до претседателот Стево Пендаровски, во кое ќе побара да се свика седница на Советот за безбедност во врска со пренатрупаноста на затворите, оценувајќи дека таквата состојба може да предизвика поголеми проблеми.

Поради неносењето на законот за амнестија во Собранието минатата недела, Лога во својство на министер им се извини на семејствата на осудените лица за лажната надеж.

Инаку пред гласањето во Собранието, заменичката за правда Викторија Аврамовска-Мадиќ, од Охрид, индиректно кажа дека СДСМ е против законот на министерот Лога, кој пак премиерот Димитар Ковачевски најпрво го поддржуваше, но подоцна се огради поради сознанијата дека со него ќе се амнестираат и осуденици од „Монструм“.

По гласањето Пратеникот од СДСМ, Мартин Костовски, рече дека одредбите нема да ја решат пренатрупаноста во затворите, додавајќи дека одлуката за тоа дали ќе гласаат или не, ја носат врз основа на тоа какво решение се нуди со предлог законот.

Лога изјави дека со неизгласувањето на предлог-законот за амнестија не се загрозува парламентарното мнозинство. Засега, на добри понатамошни коалициски односи се надева и премиерот Димитар Ковачевски. Но, пратеникот на Алијанса за Албанците, Халил Снопче, изјави дека партиските органи сепак ќе разговараат за ова прашање и ќе размислат за понатамошното учество во Владата.

Предлог-законот предвидува да бидат целосно ослободени од затворска казна 286 осуденици, а делумно да бидат амнестирани близу 1.000. Во моментот, 2114 осуденици издржуваат затворска казна, а 2813 треба да влезат во затвор.

The post Лога во вторник ќе бара отчет од СДСМ зошто не гласале за амнестијата appeared first on Република.

Откако мнозинството пратеници денеска гласаа против Законот за амнестија предложен од министерот за правда Кренар Лога, професорот Александар Спасеновски смета дека ова неизгласување на закон предложен од Влада, е знак дека има нестабилност во владеачката коалиција.

Тој во вечерашното гостување на Тв21 рече дека ваквите спротивставени ставови се доказ дека има нестабилност, но дека не е толку страшно затоа што доаѓа пред крај на мандатот на оваа Влада.

„Кога имаме ситуација како денеска кога Предлог-закон од влада не е изгласан во Собрание, покажува дека постои нестабилност или хетерогеност во политичките ставови од страна на политичката власт. Тоа е индикатор дека истоветноста на ставовите во однос на заложбите е нарушена, и тоа би можело да биде предмет на поголема дебата, и би претставувало поголем проблем, доколку стануваше збор на почетокот на мандатот на влада. Но, откако станува збор за крај, ова може да се толкува заземање на политички позиции, во пресрет на изборите“, рече Спасеновски.

The post Спасеновски: Неизгласувањето на Закон предложен од Влада може да е знак за нестабилност во владејачката коалиција appeared first on Република.

Откако денеска во Собранието на Македонија и со гласовите на пратеници од СДСМ не беше изгласана потребата од носење на Закон за амнестија, што беше предлог на министерот за правда Кренар Лога од Алијанса за Албанците, премиерот и лидер на СДСМ, Димитар Ковачевски изјави дека таквиот исход не треба да влијае врз стабилноста на владината коалиција. Секој пратеник има демократско право да гласа по свое убедување, рече Ковачевски.

„Владата донесе одлука и му се даде можност на министерот за правда да го образложи законот за амнестија пред пратениците, што беше направено во текот на денешниот ден. Но, пратениците во Собранието имаат суверено право да гласаат во свое име и во име на граѓаните во однос на законските решенија што се нудат. Сметам дека е запазена целата процедура и сето она што беше кажано и сметам дека ова не треба да влијае врз односите во коалицијата, со оглед на тоа дека секој можеше да го искористи своето демократско право да ги искаже своите аргументи, а оние кои што го имаат правото на глас да го искористат за гласање на парламентарната сесија“, рече Ковачевски.

Тој појасни дека уште кога бил предложен законот за амнестија постоеле различни ставови во однос на ефектите од него. Интенцијата на законот, нагласи, била да се растоварат затворите со оглед на нивната пополнетост и ставот на министерот за правда Кренар Лога беше дека тоа може да се направи со закон за амнестија. Ист таков закон за амнестија веќе е гласан во Собрание.

„Од друга страна постоеа аргументи кои го велеа спротивното, а тоа е дека претходниот закон не ги дал посакуваните ефекти со оглед на тоа дека најголемиот број на оние што биле амнестирани веднаш потоа биле сторители на исти кривични дела и биле повратници во затворите. И второ што на издржување на казна чекаат над 2.000 нови осуденици, што нема да доведе до растеретување на затворите и дополнително беа наведени како опции условниот отпуст, пробацијата и други мерки кои можат да се користат со цел растеретување на затворите од преголем број затвореници“, реќе премиерот.

Инаку, за потребата од носење на закон за амнестија по скратена постапка гласаа пратениците Албанци.

По гласањето министерот Лога рече дека од денеска Македонија е понеправедна држава од вчера.

„За жал јас ова го гледам како одмазда за неподдршката од моја страна и од мојата партија за измените на Кривичниот законик“, рече Лога.

The post Не треба да има грижи за владината коалиција, вели Ковачевски откако СДСМ ја урна амнестијата на Лога appeared first on Република.

Министерот за правда Кренар Лога вели дека не се откажува од законот за амнестија и оти повторно ќе го поднесе, но овој пат по редовна постапка.

-Денеска Македонија е понеправедна држава од вчера, за жал оваа неподдршка за предлог Законот за амнестија ја гледам како одмазда за измените на Кривичниот законик кон мене и мојата политичка партија, изјави Лога и изрази надеж дека пратениците биле „против“ поради скратената постапка.

Според Лога не постои никаква криза.

-Тоа што го кажав и на почетокот, а тоа е дека продолжуваме понатаму. Значи денеска не се прифати предлогот за да биде по скратена  постапка. Така да, јас пак ќе ја повторам постапката, со редовна постапка. Ако сакаат де жаву, пак ќе ја имаат таа можност уште еднаш да гласаат за оваа работа. Ако се донесуваат преку ноќ закони за големи риби, тогаш јас имам кажано  од прв ден дека сум на страната на граѓаните. И така ќе постапам до крајниот ден кога ќе бидам јас на оваа позиција, порача министерот.

https://republika.mk/vesti/makedonija/kovachevski-ne-e-razocharan-shto-ne-pomina-zakonot-za-amnestija/

Додаде дека предлогот набрзо ќе биде вратен пред пратениците, бидејќи законот е изготвен, и дека нема ниту една забелешка врзана за законот. Додаде дека тој е во целосна комуникација со сите политички партии и оти четирите координатори на политичките партии немале ниту една забелешка врзана со закон. Лога нагласи дека Собранието предлогот не го прифатил од Владата, а не од министерот за правда.

The post Лога не се откажува од законот за амнестија, повторно ќе го поднесе по редовна постапка appeared first on Република.

Гласањето на законот за амнестија не треба да влијае врз односите во коалицијата со Алијанса за Албанците смета премиерот Димитар Ковачевски, откако денеска во Собранието не ја доби поддршката од пратениците да се донесе по скратена постапка.

Одговарајќи на новинарски прашања по отворањето на Првата конференција за патна инфраструктура, тој појасни дека е запазена целата процедура и оти секој можел да го искористи своето демократско право за гласање.

- Владата донесе одлука и му се даде можност на министерот за правда да го образложи законот за амнестија пред пратениците, што беше направено во текот на денешниот ден. Но, пратениците во Собранието имаат суверено право да гласаат во свое име и во име на граѓаните во однос на законските решенија што се нудат. Сметам дека е запазена целата процедура и сето она што беше кажано и сметам дека ова не треба да влијае врз односите во коалицијата, со оглед на тоа дека секој можеше да го искористи своето демократско право да ги искаже своите аргументи, а оние кои што го имаат правото на глас да го искористат за гласање на парламентарната сесија, рече Ковачевски.

Тој појасни дека уште кога бил предложен законот за амнестија постоеле различни ставови во однос на ефектите од него. Интенцијата на законот, нагласи, била да се растеретат затворите со оглед на нивната пополнетост и ставот на министерот за правда Кренар Лога беше дека тоа може да се направи со закон за амнестија. Ист таков закон за амнестија веќе е гласан во Собрание.

https://republika.mk/vesti/makedonija/pratenitsite-ne-go-poddrzhaa-predlog-zakonot-za-amnestija/

- Од друга страна постоеа аргументи кои го велеа спротивното, а тоа е дека претходниот закон не ги дал посакуваните ефекти со оглед на тоа дека најголемиот број на оние што биле амнестирани веднаш потоа биле сторители на исти кривични дела и биле повратници во затворите. И второ што на издржување на казна чекаат над 2.000 нови осуденици, што нема да доведе до растеретување на затворите и дополнително беа наведени како опции условниот отпуст, пробацијата и други мерки кои можат да се користат со цел растеретување на затворите од преголем број затвореници, истакна Ковачевски

The post Ковачевски не e разочаран што не помина законот за амнестија appeared first on Република.

Предлогот на Владата по скратена постапка да се донесе законот за амнестија не доби поддршка од Собранието кое денеска одлучуваше за потребата од негово носење во тек на утврдување на дневниот ред на 129 седница. „Против“ гласаа 66 пратеници, „за“ 17, а тројца „воздржани“.

Основната цел е алармантна состојба во затворите како што во условите така и со многу затвореници. Овие препораки и констатации се дадени од многу релевантни институции коишто ги напоменуваат условите во извештаите, рече во образложението министерот за правда Кренар Лога, кој е предлагач на законот.

Државата, наведе тој, може во определени мерки со закон против сторителите на кривични дела да не врши кривични прогон, а сега и затвореник може да се помилува или да му се намали казната. Казната е нешто што се извршило, амнестијата е едно нешто коешто ќе овозможи социјализација, рече Лога, напоменувајќи дека социјалните причини се многу важни за донесување на овој закон за амнестија.

Министерот за правда пред почетокот на седницата им подели на пратениците фотографии од состојбата во затворите.

Претходно, опозициската ВМРО-ДПМНЕ најави дека ќе го блокира носењето на законот со доставување голем број амандмани, а амандмани најави и СДСМ со цел да изземат од амнестирање осудените од предметот „Монструм“.

The post Пратениците не прифатија носење на Законот за амнестија по скратена постапка appeared first on Република.

Во вечерашната емисија „24 анализа“ на 24 ТВ гостуваше портпаролот на ВМРО-ДПМНЕ, Наум Стоилковски кој во однос на законот за амнестија кажа дека е ветување на власта во однос на ослободување на некои лица пред изборите, и посочи дека тие закони се пишуваат во партиските штабови по интерес и математики на власта во пресрет на изборите.

Законот за амнестија не е фактички она што сака Лога да го постигне и јасна е приказната како што Лога не застана зад кривичниот законик па беше поднесен само од заменичката Мадиќ така што сега таа не застанува зад предлог законското решение за амнестија што ќе го поднесе Лога тоа е една „какафонија“ што излегува од министерството за правда. Всушност тие предлози ако се сеќавате на реакцијата на Блупринт групата што ја напушти работаат во министерството за правда фактички се пишуваат закони во партиските штабови по интерес или некои математики во пресрет на изборите“ нагласи Стоилковски.

Стоилковски кажа и дека законот за амнестија е ветување на власта во однос на ослободување на некои лица пред изборите.

„Ќе прашам каква врска има тоа со условите во затворите, дали во законот за амнестија има дел што опфаќа ресоцијализација, дали ќе има намалување на агресија, криминал и се што е дел од она што се луѓето во затвор, дали можеби Лога ќе им обезбеди работа и егзистенција за да не се вратат во затворот? Не, станува збор за апсолутно популистичка мерка она што им било наводно ветувано пред изборите во однос на ослободување во извесни случаи и да можат сега да го реализираат на овој начин“ посочи Стоилковски.

The post Стоилковски: Законот за амнестија е ветување на власта за ослободување на некои лица пред изборите appeared first on Република.

„Предлог законот за амнестија ние кажавме дека и тоа што го најавивме како можен бојкот на Собранието, не е одлука но сега за сега најава доколку овој предлог закон се стави во процедура со европско знаменце. Штом нема да се носи со европско знаменце иако оваа власт не знае што прави бидејќи сме имале вакви слични ситуации. Ако се сеќавате на измени на законот за игри на среќа и лотарии прво влезе без европско знаменце во Собранието, а тоа беше пред отприлика година дена за сега да гледаме дека влегува со европско знаменце“, истакна Антонијо Милошоски, пратеник и член на ИК на ВМРО-ДПМНЕ во емисијата „Трилинг“ на 24 телевизија.

Милошоски додаде дека власта некогаш знае одредени закони да ги повлече откако ќе види дека нема простор за нивно поминување и да ги запечати со европско знаменце за да ја скрати дискусијата и можноста законскиот текст да биде корегиран.

„Доколку овој закон за амнестија не се носи со европско знаменце тогаш ние ќе бидеме присутни и ќе го блокираме законот со долги дискусии, со многубројни амандмани“, заклучи Милошоски.

„Зошто сметаме дека овој закон не треба да се донесе? Затоа што се работи за еден закон кој што го руши начелото на правда и ги наградува оние кои што биле санкционирани од правосудниот систем и мислиме дека тоа наградување е селективно направено во комуникација помеѓу двете партии би рекол Алијанса на Албанците и ДУИ. Кои што од политички опоненти станаа сега политички сојузници. И сметаме дека амнестирањето на нарко дилери, на луѓе кои што извршувале насилство, разбојништво или некои биле помагатели како на случајот кај Смилковското езеро при убиството на петте недолжни граѓани навистина не треба да биде дел од законскиот систем на Македонија. И за тоа сметаме дека треба да се попречи“, заклучи Милошоски.

Тој рече дека ВМРО-ДПМНЕ тоа што го има како сознание е тоа што ДУИ и Алијанса на Албанците знаат точно кој ќе биде ослободен и тие луѓе планираат да ги искористат во изборната кампања за време на парламентарните и претседателски избори следната година.

Милошоски посочи дека смета дека законот за амнестија нема за цел хумана мисија на условно кажано ресоцијализација или растоварување на затворските установи туку дека има политичка мисија каде што политичката елита на Алијанса на Албанците и ДУИ се договара со подземјето во Република Македонија за да си завршат едни на други услуга.

The post Милошоски: Законот за амнестија нема хумана цел туку политичка, затоа ВМРО-ДПМНЕ ќе го блокира appeared first on Република.

Претседателот на ВМРО-ДПМНЕ Христијан Мицкоски го повтори партискиот став во однос на Законот за амнестија дека треба да се повлече од собраниска процедура.

Нашиот став е јасен, познат, условите се тие. Тој закон треба да се повлече. Вака како што се борат да ги амнестираат криминалците, наркодилери, насилници, изнудувачи итн., помагатели во оној случај грозоморен „Монструм“, да се бореа за државата немаше да бидеме последни според стандардот и први по инфлацијата, но за жал, оваа Влада ги интересира се само не народот и државата. Но, повторно ќе кажам е што добрата вест е дека ова ќе трае уште неколку месеци, веќе не се години, месеци се во прашање, недели се во прашање, а потоа треба да се свесни дека ќе има одговорност. Треба да се соочат со одговорност, рече Мицкоски на новинарско прашање по посетата на Општина Кисела Вода.

Претходно тој изјави дека ВМРО-ДПМНЕ ќе го блокира Законот за амнестија кој е во процедура по скратена постапка, а доколку се случи власта да го стави со европско знаме најави дека ВМРО-ДПМНЕ ќе го напушти Собранието.

Не го коментира Предлог законот за помилување, што го достави до Владата Министерството за правда, посочувајчи дека „не го виделе“, а во однос на предлог законот за игри на среќа кој е во собраниска процедура смета дека е злоупотребено европското знаменце и очекува реакција од претставниците од ЕУ и САД.

Сведоци сме изминативе денови со кои луѓе се уортачиле во овој бизнис. Јавноста е сведок со кои луѓе се уортачиле во овој бизнис, така што единствено европско за нив во случајов и проамеричко е тоа што ги предаваат националните интереси на македонскиот народ и Македонија. Но, кога станува збор за бизнис, за коцкање и слично тогаш немаат проблем да се уортачат со луѓе коишто се на црната листа на САД и да си тераат бизнис. Така што, ценам дека злоупотребата на европското знаме уште еднаш треба да биде коментирана од европски претставници иако и од нив не очекувам премногу, вели Мицкоски според кого единствен фактор на влијание врз власта се токму претставниците на меѓународната заедница.

Прашан за став во однос на очекувањата идната година платите на функционерите да се зголемат за дополнителни 400 евра поради зголемената просечна плата која се исплаќа во текот на годината, Мицкоски рече дека „идната година ќе има нова влада предводена од ВМРО-ДПМНЕ која ќе донесе нов правилник на исплата на плати и нивелирање на коефициентите и нова методологија“.

The post Мицкоски: Законот за амнестија треба да се повлече appeared first on Република.

Измените на Законот за помилување дојдоа од правните недоумици и турбуленциите и настојувањето на претседателот Стево Пендаровски да ја пропише постапката, во која ќе се изземе од дискреционо одлучување за тоа кого ќе помилува и за кого ќе издаде амнестија. Новото законско решение ги носи тие можности за исклучување на можноста за аболиција за луѓе кои се во судска или правосилна постапка. Тоа е прилично добро решение ако се има во предвид дека во минатото, ова право било критикувано за својата употреба - вели професорката и поранешна министерка Фросина Ременски во емисијата „Студио 10“.

Во врска со предвидената амнестија, професорката вели дека е дискутабилно бидејќи се дебатира и оспорува од политички аспект. Таа прашува чија волја е ова – дали на сите партии или само на владеачката партија.

Сум била дел од парламентарен состав кој што гласал закони за амнестија. Ниту една амнестија не може да биде праведна во целост или во целост да биде дискриминирачка. Секогаш таа линија меѓу помилувањето и милоста на државата кон одредени лица и немилоста кон друга е дискутабилна од аспект на либералните теории за човекови права и слободи. Недоволно е премерен моментот кога се предлага и ќе се гласа законот. Малку време се потроши од функционерите за да биде аргументирана целта за барањето на овие измени. Амнестија немало еднаш и нема ни да има. Политичарите мораат да им објаснат на граѓаите зошто ова се прави - оценува Ременски.

Според неа, амнестијата во ваков момент со недоволно јасни ставови кого се помилува, нема да донесе очекувани резултати, бидејќи во рамки на законот се исклучени осудените за настаните од „27 април“ и се заговара амандманска интервенција за двајцата осуденици за процесот „Монструм“.

The post Ременски: Амнестијата нема да донесе очекувани резултати appeared first on Република.

Американската амбасадорка Анџела Агелер во врска со предложенииот закон за амнестија денеска изјави дека за САД и Американската амбасада е важно ваквите процеси да се одвиваат транспарентно и да бидат легални.

Таа одговарајќи на новинарско прашање при посетата на селото Радово по повод пуштање во употреба на предучилишен едукативен центар во Босилево, преку програма на УСАИД, нагласи дека е запознаена оти законот е влезен во собраниска процедура, но дека не е ја знае неговата содржина и додаде дека е важно политичките лидери да ја запознаат јавноста со потребата од негово носење.

Граѓаните во земјата треба да разберат што се случува и зошто тоа се случува и нивните избрани лидери да комуницираат со нив зошто тоа е важно. Ова не е прв закон за амнестија, секако нема да биде последен и ние одблизу го следиме процесот за да го видиме крајниот резултат, рече Агелер.

Кабинетот на претседателот на Парламентот вчера информира дека законот веќе е доставен до пратениците и е предложен да се носи по скратена постапка.

Премиерот Димитар Ковачевски вчера дециден дека законот не е правен за личности, туку за дела од помал обем со намера за релаксирање на пренатрупаните капацитети, а од опозицијата остануваат на ставот дека со законот се опфатени „озлогласени криминалци“.

The post Агелер за законот за амнестија: Важно е ваквите процеси да бидат транспарентни и легални appeared first on Република.

Али Ахмети, лидерот на ДУИ,  разговарал со премиерот Димитар Ковачевски за законско решение кое ќе ги вклучи сите категории кои настрадаа во вооружениот конфликт во 2001 година.

Ова во интервју за ТВ Алсат го откри поранешниот заменик-претседател на Парламентот од редовите на ДУИ, Рафиз Алити.

Според Алити договорот меѓу двајцата лидери на политички партии покрај борците на УЧК вклучувал амнестија и за други категории како лица вклучени во случајот со Куманово, случајот со Порој и други.

Тој додава дека пред неколку месеци претседателот на ДУИ го отворил ова прашање со премиерот Ковачевски и со поранешниот генерал Ангелов и изразил подготвеност да се донесе закон бидејќи тоа би било полезно за сите граѓани независно кој на чија страна бил или кого поддржувал во 2001 година.

Ковачевски претходно ги негираше ваквите тврдења. ДУИ и нејзиниот шеф Али Ахмети од крајот на војната повеќепати ветуваа правно решение за статусот на УЧК, но ова прашање остана нерешено и 22 години по конфликтот

The post Рафиз Алити: Kовачевски и Ахмети разговараа за закон за амнестија за „Диво Насеље“ и воениот конфликт appeared first on Република.

Христијан Мицкоски, претседател на ВМРО-ДПМНЕ на почетокот на кампањата „Важно е! Од тебе зависат промените“ од Охрид запрашан дали министерот за внатрешни работи Оливер Спасовски прави театар или вистинско изразување за незадоволството со тоа што кажа дека не го поддржува Закон за амнестија рече дека Спасовски има две опција.

-Спасовски има две опции. Едната опција е ако не се согласува да ја напушти владата, рече Мицкоски.

Според Мицкоски, втората опција која ја има Спасовски е да молчи и да прифати дека тие кои што се опфатени со овој закон се озлогласени криминалци, луѓе кои што тргувале со недозволени супстанци или познати како нарко дилери, переле пари, вршеле изнуда, правеле насилство и така натаму.

-Втората опција е да престане да прави театар и да молчи и да прифати дека тие кои што се опфатени со овој закон се озлогласени криминалци, луѓе кои што тргувале со недозволени супстанци или познати како нарко дилери, переле пари, вршеле изнуда, правеле насилство и така натаму. И тие треба да добијат намалени затворски казни или дел од нив да добијат и целосна амнестија, за да потоа се најдат повторно на улиците и да повторно прават проблеми и го тероризираат чесниот граѓанин во Македонија, додаде Мицкоски.

The post Мицкоски: Ако Спасовски не се согласува со Законот за амнестија, тогаш нека ја напушти владата веднаш appeared first on Република.

Предлог-законот за амнестија е испратен во собраниска процедура без европско знаменце и не е правен за личности, туку за дела од помал обем, со намера за релаксирање на пренатрупаните капацитети во затворот Идризово и во другите сместувачки објекти во рамките на Управата за извршување на санкции, порача денеска премиерот Димитар Ковачевски.

Законот беше изработуван неколку месеци од страна на Министерството за правда и откако беше изработен беше испратен до сите пратенички групи во Собранието, вклучително и до пратеничката група на ВМРО-ДПМНЕ и затоа не е точно дека не го виделе законот. Диверзитетот на различни мислења кои постојат за законот се добри и можат да се земат различни аспекти во однос на ефектите на законот - рече Ковачевски во одговор на прашање при денешната посета на ЈУДГ ОЦ „13 Ноември“ објект „Парк“ во општина Центар по повод „Недела на детето“ заедно со министерката за труд и социјална политика Јованка Тренчевска.

За законот, како што кажа, има различни мислења од кои дел се водат од хумани, а дел од рационални причини.

Ист ваков закон се донесе во 2018 година и тогаш сите го поддржаа. Сега предложениот закон е дури и порестриктивен. Бројот на места во затворите е околу 2.113 колку што во моментов има лица во затвори. На издржување на казна чекаат уште 2.200 лица што значи дека во моментов се потребни 4.000 места за да се сместат сите кои чекаат за издржување на казн - рече Ковачевски и додаде дека најголемиот центар за сместување во државата со сите хотелски места има токму капацитет од 4.000 места.

Сите тие, да ги направите објекти за осуденици, посочи, за една недела повторно ќе фалат места.

Затоа дел од пратениците и министрите со кои сум разговарал велат дека треба да има стратешки пристап кој според мене треба да се состои од три дела. Првиот дел е инвестирање во нови објекти за што владата преку ЕБОР има обезбедено 24 милиони евра за изградба на нов објект во рамки на затворот Идризово со сместувачки капацитет од 900 места и за реновирање на постојниот затворски капацитет. Второ е користењето на пробацијата која беше воведена во 2017 година кога четири лица беа предмет на пробација, а денеска се 450, бидејќи веќе се отворени такви центри со вработени стручни лица во Скопје, Куманово, Тетово, Прилеп, Битола, Струмица. Третиот е воведување на електронски алки за оние кои може да издржуваат казна во домашни услови - рече Ковачевски и посочи дека веќе се набавени електронски алки и наскоро таква постапка треба да се спроведе во пракса.

Новиот закон за амнестија, како што кажа, не е правен за личности, туку е правен за дела од помал обем кои се наведени во законското решение.

Во законот многу јасно е прецизирано кои дела не можат да бидат амнестирани. Со оглед на чувствителноста на одредени случаи кои се случиле во минатото во државата пратеничката група на СДСМ ќе поднесе амандман. Диверзитетот на различни мислења по овој закон покажува дека можат да се земат различни аспекти за неговото функционирање и низ демократска процедура да се дојде до решение кое ќе биде прифатливо за сите политички партии и за јавноста. Може да се дојде и до решени кое нема да биде прифатливо, бидејќи има најава од ВМРО-ДПМНЕ дека нема да го поддржат - прецизира Ковачевски.

Финалната форма на законското решение, како и дали ќе се донесе, посочи, ќе зависи од начинот на кој ќе биде образложено во Собранието од министерот за правда и од различните мислења, идеи и искуства од претходно донесениот ист закон во 2018 година.

Таквиот процес ќе ги соочи аргументите кои ги имаат различните политички партии, па и различни експерти и функционери во рамки на одредена политичка партија - рече Ковачевски.

The post Ковачевски: Предлог-законот за амнестија не е правен за личности appeared first on Република.

Владата го испратила Законот за амнестија до Собранието, информираат од Кабинетот на претседателот на Парламентот.

Законот е предложен да се носи по скратена постапка, а тој веќе е доставен до пратениците од страна на претседателот на Собранието Талат Џафери.

ВМРО-ДПМНЕ најави дека ќе поднесе амадмани против овој закон.

The post Законот за амнестија нема да биде со европско знаменце, ама ќе оди по скратена постапка appeared first on Република.

Да бидам директен, ова е директен дил помеѓу политичката партија која што се продаде за за две куќи во Тафталиџе и криминалците во Македонија. Арбен Таравари и другар му Меџити, кој стана министер за здравство, заедно со другиот пријател Лога којшто е повеќе пријател на Зијадин Села, имаат договор со крими-светот во државава надевајќи се дека така ќе добијат гласови. Тоа е најочајната работа што можат да ја направат, а всушност карактерот си го покажаа со тоа што се продадоа за две куќи во Тафталиџе, вели потпретседателот на ВМРО-ДПМНЕ, Александар Николоски.

Тој додаде дека овој потфат доаѓа како резултат на тоа што во последно време благодарение на меѓународните истраги, кој ја опфаќаа и Македонија, се случија акции за спречување на меѓународни ланци за трговија со кокаин и сега целта на овој закон е луѓето опфатени во тие акции да се ослободат.

„Не може криминалци да се ослободуваат. Таму веќе имаат детални списоци кој треба да излезе и зашто треба да излезе. Една од основните грижи, сериозен ќе бидам за ова, иако иронично ќе звучи, е тоа што цената на кокаинот на улиците во македонските градови е поскапена затоа што имаше акции во изминатиов период пред се предизвикани од потребата меѓународни ланци за трговија со кокаин да се пресечат и дел од тие луѓе се во затвори со далеку пониски казни од тоа што реално, по мене , следува за трговија со наркотици, но со ова тие луѓе ќе излезат или да се блиску до излегување со цел дистрибутивната мрежа на кокаин низ државата, а и транспортната нагоре кон Север и надолу кон Југ оснажи и да може да се спушти цената на кокаинот, потенцираше Николоски.

Тој уште еднаш ја потврди и решителноста на ВМРО-ДПМНЕ да не дозволи овој штетен закон да помине во Собранието на Република Македонија.

„Најавивме излегување од Собранието доколку власта реши законот за амнестија, но гледам удрија рикверц и решија да не го пуштат со европско знаменце. Барем така најавија но сеуште не е стигнато до Собранието, така што чекаме да видиме во каква процедура ќе го пуштат. Ако го пуштат со европско знаменце излегуваме од Собрание, а ако го пуштат во редовна процедура тогаш ќе го блокираме. Така што тој закон нема да помине како и да е“, заклучи Николоски.

The post Николоски: Законот за амнестија е очаен дил на партијата што се продаде за две куќи во Тафталиџе appeared first on Република.

Министерот за внатрешни работи Оливер Спасовски денеска го повтори својот став дека со законскиот текст за амнестија нема да се постигнат ефекти.

-Јас искажав мој став и кажав дека тоа е мој став. Цврсто стојам на тој став дека со законскиот текст не се постигнуваат ефекти и дека треба да се размислува стратешки во правец на создавање на услови за да може тие оние кои се на издржување казни, да ги издржуваат казните, а не преку амнестии да ослободуваме простор во казнено-поправни установи, рече Спасовски, одговарајќи на новинарски прашања по првиот академски час на Факултетот за безбедност во Идризово.

Прашан каков е ставот на владејачката партија по однос на ова законско решение, кажа дека  политичките ставови за ова законско решение „ќе ги артикулираат пратениците во Собранието“.

Спасовски во саботата кажа дека е непотребно носење на законот за амнестија и оти неговата примена нема да ја промени состојбата со пренатрупаноста во затворите. Според него, амнестираните, многу често по излегувањето од затвор, ги повторуваат делата.

The post Спасовски останува на ставот дека не треба да има Закон за амнестија appeared first on Република.

Претседателот на ВМРО-ДПМНЕ Христијан Мицкоски денеска изјави дека доколку законот за амнестија се носи по скатена постапка и со злоупотреба на европско знаменце, ќе побара од највисоките тела на партијата поддршка за одлуката пратениците на ВМРО-ДПМНЕ и коалицијата да ја напуштат работата на Парламентот.

ВМРО-ДПМНЕ нема да го поддржи Законот за амнестија и за него бидејќи нема европско знаменце ќе мора да се дисктутира по стандардна процедура и тогаш отворено кажуваме дека ќе го блокираме. А, ако решат да ги злоупотребат своите овластувања, како што тоа го направиле многу пати досега и повторно злоупотребат скратена процедура и европско знаменце, тогаш ќе побарам од ИК и ЦК на партијата поддршка за одлуката пратениците на ВМРО ДПМНЕ и коалицијата да ја напуштат работата на Парламентот, порача денеска од Струмица Мицкоски.

Во обраќањето на Втората годишна конференција на Унија на ветерани на партијата насловена „Традиција која обврзува за иднина која доаѓа“ тој рече дека сега пред избори власта со Законот за амнестија прави сценарио за слобода на голем број криминалци кои ќе им помогнеле во изборната кампања.

Ковачевски плаќа висока цена за својата коалиција и силно го деградира нашето општество каде принципот на неказнивост стапува на сила. Криминалците не се плашат од одговорност, затоа што самата Влада продуцира неодговорност. Од друга страна, со мирна совест излегуваат и си велат дека следеле европски практики. Никаде во Европа нема терористи да ви убијат пет луѓе, од кои четири деца како што е случајот со Смилковското Езеро и сега нивните џелати ќе ги пуштат на слобода со законот за амнестија, рече Мицкоски.

Оддавајќи им почит на секој член на Унијата на ветерани на ВМРО - ДПМНЕ, рече дека партијата има бурна историја полна со емоции, различни гледишта и дека произлегувале партии и фракции во минатото, но сите подоцна се враќале и повика на обединување.

Луѓето од власта се свесни дека ќе им се случи народ и ќе им се случи тежок пораз и единствено им преостанаа византиските игри. Па, така пред некој ден се состанале Ковачевски, Зечевиќ, Заев и Спасовски. Се состанале за да прикажат дека се единствени и сплотени. Од тоа што се прави ја покажува, всушност, спротивната теза дека се длабоко поделени и раскарани. И добро е што се сретнале затоа што така пропадна уште една теза на одредени кругови на власта, па и на оние нивни лакеи во опозицијата дека имало каква било тајна коалиција меѓу ВМРО - ДПМНЕ и Заев, посочи Мицкоски.

Додаде дека упатува порака до Меѓународната заедница за да види што прави оваа Влада, бидејќи државата не постои само за едно прашање-уставните измени, додека многу други теми и прашања важни за народот поминуваат без коментар од нејзината страна.

Многу е ова важно затоа што многумина во македонското општество ова го потценуваат и многумина денеска се обидуваат да ни кажат дека ако не го прифатите диктатот во кој не сме ни биле учесници, тогаш за нас нема Европа. Навистина жалам што повторно по којзнае кој пат Европа е доведена во заблуда од страна на криминални политичари во Македонија и на Балканот исполнувајќи ги бугарските интереси за жал е заложник на руската политика на Балканот. Македонија и ВМРО-ДПМНЕ отсекогаш во историјата биле и се стремеле и имале прозападна ориентација. Немало дилема од самото формирање до ден денешен, потенцираше Мицкоски.

Според него, ВМРО-ДПМНЕ, која е наследник на историското ВМРО, е пред прагот повторно да го обедини македонскиот народ и граѓаните во Македонија на следните парламентарни избори за историска рекордна победа.

Имајќи го сето ова предвид мојата порака денеска од овде е не за диктати кои се носат помеѓу корумпирани политичари и тесна група на луѓе. ВМРО-ДПМНЕ било, е и ќе остане прозападна политичка партија. ВМРО-ДПМНЕ не е ниту пробугарско, просрпско, прогрчко, ВМРО-ДПМНЕ е демократска партија за македонско национално единство и е промакедонско, било и ќе биде. А мојата порака до меѓународната заедница е да не дозволите уште еднаш да бидете заложници на руските интереси удоволувајќи и на Бугарија за повторно да се обиде да го асимилира Македонецот. ВМРО-ДПМНЕ додека јас сум претседател и додека сум, жив нема никогаш да поддржи ваков бугарски диктат како што сега е ставен во парламентот, подвлече лидерот на ВМРО ДПМНЕ.

На годинашната конференција на Унија на ветерани на партијата се обратија и претседавачот Мане Јаковлевски и генералниот секретар Сашо Дранго, кои ја искажаа поддршката на претседателот Мицкоски и раководството на партијата.

The post Mицкоски: Ако се обидат да го донесат Законот за амнестија со европско знаменце, пратениците ќе го напуштат Парламентот appeared first on Република.