Доктор Жаклина Шопова на Фејсбук ги искоментира состојбите во Фондот за здравство.Таа вели дека иако зеле плата и денеска нема да пијат кафе туку ќе излезат на протест.

The post Д-р Шопова: Иако земавме плата нема да пиеме кафе, туку ќе излеземе на протест appeared first on Република.

Докторката од Инфективната клиника Жаклина Шопова ги повика сите кои не земале плата в понеделник на 20.2. да испијат кафе за време на паузата и да искажат револт што претпоставените ги дрѓат во неизвесност кога ќе им бидат исплатени парите.

Ги повикувам кои не земале плата: директори, професори, доктори, мед. и помошен персонал, синдикалци и несиндкалци... да се напиеме по едно кафе, може и од термос, еве во понеделник 20.02.2023 г (ја потенцирам датата, бидејќи никој досега не кажа кој понеделник) за време на пауза 10-10.30 ч. Во петокот директорите ни ветија плати, а администрацијата од клиниките по нивна наредба се растрча по нашите податоци да ги обработи и достави, па рекоа ако не стигнеле, најкасно ќе земеме во понеделник, но кој?
И ФЗО излезе со изјава дека од понеделник ќе има плати...но не кажа точно од кој понеделник ..од утре, од наредниот...или од мартовскиот понеделник‼️
Бесим пак не убедува дека ќе ги исплатат платите од Трезорот, ако ФЗО не ги исплати до понеделник, нешто и Ковачевски потспомна... но кој понеделник...и тој не ја кажа датата , а и од каде им се нашите податоци, или исплата од Трезор е возможна и без податоци!?
Па тогаш зошто чекаа, чекаат и ЌЕ чекаат‼️
Синдикатите и тие во понеделник ќе се состанат , и ќе повикаат на штрајк...дури и во вторник да сме земале плата во среда синдикатот штрајкува!?...а да повикаше и организираше штрјак малку порано, а не кога белите мантили почнаа да се раздвижуваат?!
Дали на директорите, на ФЗО, на Бесим, на Ковачевски и на сите останати кои од 10.02.2023г. кога не се исплати личниот доход во сектор здравство им станува јасно зошто покрај понеделник мора да има и дата и дека покрај денот кој ќе им го соопштите и на тие што се на било какво боледување, и ги чекаат парите многу им е битна датата, а не понеделникот‼️

The post Шопова: На тие што ги чекаат парите побитен им е датумот отколку понеделникот appeared first on Република.

Советничката во Советот на Град Скопје од редовите на ВМРО-ДПМНЕ, Жаклина Шопова на денешната седница за советнички прашања упати прашање до директорот на Градски паркинг – Скопје, Крсте Петревски прашувајќи го што планира да преземи за решавање на хаосот во паркиралиштето во кампусот клиники Мајка Тереза, каде што иако граѓаните но и вработените во кампусот плаќаат ревносно за искористената услуга, квалитетот кој го добиваат е многу лош, а не ретко се соочуваат автомобилите да му бидат блокирани и да не можат да излезат или пак истите да му бидат оштетени, а до сега никој за тоа не сносил одговорност.

Шопова исто така, го праша директорот каде завршуваат парите за наплата на паркинг услугата во клиничкиот центар, кога според информациите кои што таа ги има, договорот за стопанисување со тоа паркиралиште завршил на  деветти декември минатата година.

Истакна дека можеби има законски вакуум простор, па затоа го повика директорот да објасни.

Колку што јас имам информации, со оглед дека беа побарани документи за продолжување на месечните карти за вработените, договорот кој што ова претпријатие го има за стопанисување на паркингот во Клинички центар, имам информација дека истекол на 9.12.2022 година. Значи, поминати се два месеци, па ме интересира ако ние сите редовно ги плаќаме услугите на ова претпријатие, кој што за жал не ги добиваме, каде ни одат парите на сите нас, на граѓаните и на вработените? Можда постои некоја законска регулатива, па затоа би сакала директорот тоа да ни го каже и уште нешто, верувам дека како челник на институцијата имате некакви мерки кои би требало да ги преземете, истакна Шопова.

Додаде дека со оглед на тоа дека претходниот директор имаше план да се поставување на паркомати, кои што на новото раководство им требаше два месеци, на веќе обезбедена локација и прилагодена за паркоматите, да ги монтирате за да може наплатниот, така што барем колку толку да се регулира, прашувајќи дали вие имаат воопшто некакви мерки кои планираат да ги спроведат, кога ќе ги спроведат за да можеме сите ние корисниците на ова паркиралиште да се чувствуваме комотни, а не секојдневно со страв и со немир да влегуваат и излегуваат?

Второто прашање, рече Шопова се однесува на директорката на Јавното претпријатие Лајка и повторно прашањето е лоцирано за клиничкиот кампус Мајка Тереза во однос на бездомните кучиња пред инфективна клиника кои може да ги нападнат пациентите, но и придружбата кои доаѓаат да искористат здравствена услуга, како и персоналот кој работи на клиниката.

Јас знам дека имаме проблеми со бездомните кучиња на територија на Град Скопје, но, што конкретно се планира со кучињата кои што се лоцирани пред Инфективната клиника, каде што пациенти доаѓаат каснати од кучиња да добијат здравствена помош, здравствен преглед, а при тоа се нападнати од кучињата кои што се лоцирани на самата амбуланта, каде што можат да се нападнат и пациентите или придружбата, а некогаш се случува и медицинскиот кадар додека е на дежурство да ја напушти својата клиника и да оди до друга клиника за да заврши обврска, истакна Шопова.

The post Шопова: Каде завршуваат парите од паркингот на Клинички ако договорот за стопанисување завршил на 9 декември? appeared first on Република.

Доктор Жаклина Шопова на Фејсбук коментира дека вработените во здравство не ги добија своите лични доходи ...а беа херои,
Таа нагласува дека на болните не им се исплатуваат боледувања како и на тие што се на породилно, ниту пак има  рефундирање на средствата потрошени за лекови !

Синдикатот кој треба да ги штити работниците, во овој момент дава само совети да се поднесат тужби, поединечни или колективни преку Синдикатот!...
Ако причината е хакиран систем на ФЗО, каде се наоѓаат личните податоци на сите граѓани кои користат здравствени услуги, на сите вработени во здравствен сектор, има ли некој да го даде одговорот што се превзема и кога ќе се реши проблемот!?

Покрај сите досегашни недостатоци во здравството со оваа Влада , се наметнуваат и повторуваат многу прашања, нагласува докторката.

Дали ова е начинот да го спречиме одливот на медицинскиот персонал!?
Дали на болните им помагаме да се изборат со болеста без и така намалените л.доходи заради боледувањето!?
Дали на овој начин ќе го зголемиме нискиот наталитет!?
..

The post Д-р Шопова: Вработените во здравство не ги добија своите лични доходи appeared first on Република.

Жаклина Шопова, советничка во Советот на Град Скопје од ВМРО-ДПМНЕ на денешната седница на советот го образложи амандманот поднесен од советничката група на ВМРО-ДПМНЕ и коалицијата Обнова за Македонија за финансиска помош во вредност од 25 милиони денари за подмирување на дел од потрошената електрична енергија на социјално загрозени лица.

Имено, во услови на енормни поскапувања кога цените на сите основни продукти секојдневно се зголемуваат, бројот на граѓаните за кои овие продукти всушност стануваат луксуз, енормно расте. Од друга страна самата економска и енергетска криза бројот на социјално загрозени граѓани генерално во државата, па и во Град Скопје расте. Со оглед на тоа што граѓаните секогаш биле и ќе бидат приорите на ВМРО-ДПМНЕ и коалицијата Обнова за Македонија советничката група на ВМРО-ДПМНЕ и коалицијата го поднесе овој амандман се со цел да им се пружи финансиска помош во подмирување на дел од потрошената електрична енергија за која се најавува како што знаеме ново поскапување веднаш после Новогодишните празници - изјави Шопова.

Шопова ги повика и останатите советнички групи да го поддржат амандманот, укажувајќи дека ова нема да направи дис баланс на планираните приходи и расходи во вкупниот буџет на Град Скопје.

Поднесувањето на амандманот во суштина барам да биде подржан од сите вас како би можело да се спроведе и одлуката за парична помош за социјално загрозени лица погодени од енергетската и финансиска криза на граѓаните од Град Скопје за намирување на нивните сметки за струја, која на 20тата седница на советот на Град Скопје во согласност со градоначалничката беше донесена. Имено со овој амандман се предвидува 25 милиони денари да бидат прераспределени од програма Е0-општинска администрација, под програма 42, стоки и услуги, ставка 426 други тековни расходи, да бидат прераспределени во програмата В2- домови за стари, под програма 46 субвенции и трансфери ставка 464 разни трансфери. Со предложениот амандман нема да се направи дис баланс на планираните приходи и расходи во вкупниот буџет на Град Скопје - вели Шопова.

The post Шопова до советниците: Подржете го амандманот на ВМРО-ДПМНЕ и коалицијата за подмирување на сметките за струја на социјално загрозени лица во вредност од 25 милиони денари appeared first on Република.

Да се пријавите дека од здравствени причини не сте во состојба да присуствувате на седница, а наредниот ден во добра општа физичка состојба (за психичка ќе треба допилнително да се докаже) се појавувате на телевизија и мудро ги избегнувате одговорите на поставените прашања... не преостанува ништо друго туку да помислите дека денот ви бил потребен за една добра подготовка за тв настан во кој сите се виновни, а вие сте жртвата на која некој и се заканувал, коментира Жаклина Шопова, советник во Советот на Град Скопје, за интервјуто на скопската градоначалничка Данела Арсовска.

Па сега јавноста, сигурно ќе ве сожалува, а вие повторно ќе ја оставите таа јавност без одговори за хаосот во градот, за раскопаните улуци, за јавниот превоз, за тоа колку потрошивте за новогодишните украси,...и за многу , многу други прашања, не само што ви ги постави водителот, туку и на советниците кои постојано ве прашуваат.
Зад сите ваши вообичаени изрази на чесност, институционално и системско решавање на проблемите , да не се крие можеби нешто друго...како на пример свој политички маркетинг или можеби грешам!?
...и јас ќе се послужам со вашите зборови:
"Да оставиме времето да ни го покаже тоа".
Но мора да се потсетите дека граѓаните се тие кои го имаат последниот збор!, порача Шопова.

The post Oд „здравствени причини“ не присуствувате на седница, а наредниот ден се појавувате на телевизија… appeared first on Република.

Жаклина Шопова, советник во Советот на Град Скопје на денешната седница потенцираше дека со амандманот кој што го предлага советничката група на ВМРО-ДПМНЕ ќе се обезбедуваат средства за реконструкција на улицата „Христо Татарчев“ каде што ќе се опфати коловоз, пешачки патеки и фекална канализација, бидејќи и во самата програма за Модерно Скопје е предвидена реконструкција на истата.

Ние советниците во разговор со граѓаните кои што живеат на улица Христо Татарчев истовремено консултирајќи се со стручните служби, а со оглед дека градот Скопје има своја програма односно градоначалникот раководејќи се и од таа програма каде што е наведено на страна 36 дека улица Христо Татарчев ќе биде реконструирана комплетно и тоа од Мечкаров до улица Драчевска, од Маркова река до бензинската на Макпетрол и тоа ќе имаме реконструкција на атмосферската канализација, велосипедска и пешачка патека, ние го предложивме овој амандман.

Во однос на укажувањата дека советничката група на ВМРО-ДПМНЕ предлага амандмани пред истек на фискалната година, Шопова посочи дека во буџетот на градот има 50 милиони денари неискористени средства за зеленило па праша дали истите би се искористиле со оглед дека во декември месец не може да се прават дополнителни зелени површини.

За временската рамка јас тука би дала едно образложение, по однос на средства има во буџетот неискористени 50 милиони денари за зеленило па би сакала да знам дали овие средства до крајот на годината ќе се искористат кога во декември не знам какво зеленило ние би можеле да им приуштиме на граѓаните на Скопје. Затоа ние и го предложивме овој амандман, ќе гласаме за овој амандман и сметам дека треба и останатите советници да гласаат за овој амандман, вели таа.

Но, градоначалничката на Град Скопје Данела Арсовска и советничката група на СДСМ и коалицијата го одбија амандманот за итна реконстуркција на улицата Христо Татарчев.

The post Жаклина Шопова од ВМРО ДПМНЕ предложи амандман за итна реконструкција на улицата „Христо Татарчев“, Арсовска и СДСМ го одбија appeared first on Република.

Новата в.д. директорка на Државниот санитарен и здравствен инспекторат (ДСЗИ) Рената Младеновска доаѓа на оваа позиција од Центарот за јавно здравје (ЦЈЗ) – Скопје. Таму, според биографијата што ја споделија од Владата, таа има повеќегодишно искуство како специјалист по хигиена и здравствена екологија во Одделението за хигиена со здравствена екологија.

„Младеновска воедно е асистент на Медицинскиот факултет при Универзитетот ’Свети Кирил и Методиј‘ каде што е и докторанд. Таа има специјализација по хигиена со здравствена екологија на Катедрата по хигиена со здравствена екологија при Медицинскиот факултет, и завршени постдипломски студии за здравствен менаџмент“, велат од Владата.
Оттаму додаваат дека новата директорка на ДСЗИ е и авторка на повеќе публикации и презентации од областа на јавното здравје и безбедност на храна, како и менаџмент во здравството.

„Во соработка со повеќе меѓународни институции е и активен учесник на повеќе конгреси, обуки и симпозиуми врзани со јавно-здравствена проблематика како и HACCP контролен систем за безбедност во храна“, соопштија од Владата.

Доктор Жаклина Шопова од Клиниката за инфективни болести, пак, смета дека Младеновска е нов директор со „непозната заднина“.

Ново име, нов директор, а позадина непозната!
👉 родители познати активисти на СДС, „препорака“ од Филипче која се реализира експресно и „новото име“ е поставена прво за раководител на секторот за хигиена и здравствена екологија во Центарот за јавно здравје во Скопје, со само 2 год. работно искуство!?
👉 способноста да се земаат дополнителни дневници за нереализирани прекувремени часови, и разрешување од раководител на сектор, се патоказ кон повисока функција!?
Дали можеби немање на соодветен кадар во СДС, е причина некој да се поставува над законите па може така да се однесува: разрешува една директорка која троши државни пари и се назначува друга која изнашла друг начин да троши државни пари!?
Одговор???...
сигурно НЕМА, но #одговорност мора да има, вели Шопова.

The post Шопова: Ќерка на активисти на СДС, препорака на Филипче – ете толку е ново „новото име“ на чело на ДСЗИ appeared first on Република.

Жаклина Шопова ја критикува акцијата на новиот министер за здравство Беким Сали кој сака да ја зголеми имунизацијата во момент кога поголем дел од граѓаните се природно имунизирани.

Јас само можам да приметам дека со целата оваа кампања во дадениов момент всушност се намалува интересот на населението за вакцинација, се зголемува револтот кон сите превземени мерки....но затоа има само ЕДНА позитивна страна, која произлезе од одлуката за намалување на изолацијата : бројот на оздравени во системот на мој термин се зголемува

The post Шопова: Се намалува интересот на населението за вакцинација а се зголемува револтот appeared first on Република.

Жаклина Шопова реагира што новиот претседател на Комисијата за заразни болести д-р Петличковски е имунолог наместо инфектолог или епидемиолог.

Зошто сите инфектолози и епидемиолози , посебно новите членови кои се номинирани не му го посочиле тоа на новиот Министер за здравство!-прашува Шопова

The post Шопова прашува: Зошто на чело на Комисијата за заразни болести се назначува имунолог? appeared first on Република.