Пратеничката Жаклина Пешевска од ВМРО-ДПМНЕ се обрати во Собранието по повод Октомври – Меѓународниот месец на борбата против ракот на дојка, една од најчесто дијагностицираните болести кај жените, но и кај мажите иако во помал процент.

-Ова е болест која може да погоди секого од нас. Без оглед на возраста, општествениот статус или етничката припадност. Ракот на дојка е втор најчесто дијагностициран рак кај жените. Статистиките покажуваат дека честотата на болеста, во послениве 30 години расте на глобално ниво и тој пораст изнесува 3,1% годишно, а морталитетот варира. Истражувањата покажуваат дека 1 во 8 жени, во својот живот, ќе развијат рак на дојка, рече таа.

Пратеничката сподели статистика дека околу две третини се на возраст над 55 години, додека останатите се меѓу 35-54 години.

-На светско ниво, бројот на новодијагностицирани случаи достигнува 2,1 милион новодијагностицирани. Иако оваа болест е една од најсмртоносните видови на рак кај жените, оваа болест ги погодува и мажите со учество од 1-2%, истакна Пешевска нагласувајќи дека потребата за рана дијагностика беше нагласена како клучна за лекување на оваа болест.

Пратеничката истакна дека „самоконтролите и контролите во самите лекарски установи можат да ни го спасат животот, а животот не заслужува изговори“.

Нејзината пораката до присутните беше јасна: редовните лекарски контроли треба да станат дел од нашиот живот.

-Драги жени, драги сестри, драги мајки, најдете време да се грижите за себе, исто како за вашите сакани, и не заборавајте дека секој преглед е важен, рече пратеничката Пешевска.

The post Пешевска предупреди на опасноста од ракот на дојка: Најдете време да се грижите за себе, секој преглед е важен! appeared first on Република.

„После 8 години Македонија ќе добие влада избрана од народот. Времето на катастрофални политики погубни за Македонија и сите граѓани заврши“, истакна пратеничката од ВМРО-ДПМНЕ Жаклина Пешевска на денешната собраниска седница.

Таа продолжи и додаде:

„Поради урнисан здравствен систем основното човеково правило здравјето беше загрозено бидејќи мораше да се има пријател за основни работи. Така поминавме корона пандемија без вакцини и клексани со најголема смртност со тешки скандали на онкологија, хематологија, а сега и на хируршките клиники, а ветувавте бесплатно здравство. Ниту една учебна година не започна на време за потоа учениците да останат без учебници и да учат од слики на Вибер и покрај неуспешната дигитализација, а скапо платена, за ова одговорност ќе има. Ветувавте економски раст од 5%, а одвај постигнавте 1,6%. Животниот стандард на граѓаните никогаш не бил полош, тоа го потврди и Светска банка“, истакна Пешевска.

Таа потенцираше дека Македонија тонела во криминал и корупција.

„Македонија тонеше во криминал и корупција и тоа го нотираа извештаи, а тоа се извештаите на Европската Комисија, Стејт Департментот, Германската стопанска комора итн., граѓаните не беа задоволни во кој правец се движи државата и тоа го кажа и анкетата на ИРИ“ вели Пешевска.

Таа истакна дека ќе даде поддршка за оваа Влада затоа што верува во промени.

„Со изборот на оваа Влада се става крај на едно недемократско криминално и режимско владеење во Македонија. Големата разлика во гласови и огромната поддршка од народот е голема одговорност и немање простор за грешка, ние тоа го знаеме и умееме, јас лично ќе дадам поддршка на оваа Влада затоа што верувам во промени“, заклучи Пешевска.

The post Пешевска: Со изборот на оваа Влада се става крај на едно недемократско криминално и режимско владеење appeared first on Република.

Најавата за политичка криза од страна на ДУИ е поради тоа што тие не можат да се помират со фактот дека од викендов ќе се опозиција, истакна пратеничката од ВМРО-ДПМНЕ Жаклина Пешевска во гостување во „Само вистина” на Канал 5 Телевизија.

Албанците покажаа незадоволство од владеењето на ДУИ и всушност не се иселуваат само Македонци, туки и Тетово и Гостивар се празнат и тоа покажува дека не се задоволни од состојбата, политиките, економијата од било кој ресор од досегашната Влада, истакна Пешевска.

Во однос на одговорноста за криминал и корупција во државава, таа укажа дека кога некој би одговарал тогаш ќе се запраша некој дали ќе прави криминал.

Кога во државава еден, двајца криминалец би одговарале тогаш секој би се запрашал дали ќе биде криминалец. Не може на 21 година младич да поседува трговски центар за сметка на сите други 21 годишници кои немаат пари за студии и одат во странство за подобар животен стандард, рече Пешевска.

The post Не може на 21 година младич да поседува трговски центар за сметка на сите други 21 годишници кои немаат пари за студии appeared first on Република.

Турската кујна еедна од највусните во светот. Ги буди сите сетила и на оние што ја консумираат и на тие што ја подготвуваат. Толку слична на нашата, македонската, па можеби затоа нема јадење што не го приготвувале по дома и нашите баби и мајки.

Сарми, ќофтиња, тиквички, мусака,ориз, полнети пиперки,таратур, алва, баклаква... што ти душа сака.

Сево ова го имаше во турската резиденција во Скопје каде што сопругата на турскиот амбасадор, Нур Улсој, по повод Неделата на турската кујна, приреди ручек со концепт ,,Вкусовите на егејскиот дел на турската кујна".

Еден од специјалитетите на турската кујна е сарма од лозов лист. По тој повод беше организиран натпревар на подготовка на сарми од лозов лист во маслиново масло во кој гостите виткаа сарми, а жири од готвачи од најпознатите скопски хотели го оценуваа приготвеното.

Најдобра во виткањето сарми беше сопругата на амбасадорот на Кина, Зуан Шунг Јунг.

Во умешноста во виткатањето сарми се покажаа сопругата на амбададорот на Словенија, Елвира Златиќ,  сопругата на словачкиот амбасадор, Жанета Маркушова, како и Јоланта Гжелчик, сопруга на полскиот амбасадор.

Најбрза натпреварувачка во виткање сарми беше пратеничката Жаклина Пешевска, која дојде во друштво со Гордана Димитриеска-Кочоска и со сопругата на лидерот на ВМРО-ДПМНЕ Христијан Мицкоски, Рози Мицкоска.

The post Сопругите на амбасадорите виткаа сарми од лозов лист на гости во резиденцијата на Амбасадата на Турција appeared first on Република.

Ние – жените сме непоколебливо решителни кога треба да се надминат пречките, затоа што умееме да се прилагодиме, иновативни сме во сите животни ситуации, посветени и секогаш подготвени да се подобруваме самите себе, рече во своето видео обраќање претседателката на УЖ на ВМРО-ДПМНЕ, Жаклина Пешевска.

Во продолжение во целост ви го пренесуваме нејзиното обраќање:

Солидарноста, отворениот дијалог, меѓусебната поддршка и соработка се одлични можности за да го промениме светот во кој живееме.

Мојата порака до секоја една жена е:

Пред да зачекорите кон животните цели, имајте на ум дека ќе наидете на многу пречки, проблеми и неуспеси.

Не застанувајте и не се откажувајте, туку на секој неуспех гледајте како на нова можност утре да бидете подобри.

Никогаш не се сомневајте во вашите способности!

Вие сте родени за да успеете, затоа што сте ЖЕНИ!

Следете го сопствениот инстинкт и чекорите храбро и одлучно кон промените.

Да го славиме секој наш успех, да си бидеме инспирација едни на други и заедно да ја градиме иднината во која еднаквоста и еднаквите можности ќе бидат реалност.

Среќен меѓународен ден на жените!

The post Пешевска за 8 Март со порака до жените: Не застанувајте и не се откажувајте appeared first on Република.

„Накратко сакам само да ги дообјаснам некој работи на колегата Џамбаски. Вчера очигледно не сте ме разбрале и тоа е доказ дека говориме на различен јазик и уште еднаш ќе ја дообјаснам поентата кога објаснував за состојбата со македонските клубови кои ги нема во Бугарија и бугарските клубови кои ги има во голем број во Македонија. Поентата беше голема, преку тие бројки и статистики што јас ги кажав всушност покажува колку во Бугарија нема демократија, а колку во Македонија има демократија и кога се жалевте дека е запален Бугарски клуб во Македонија ве молам да бидете до крај искрени, бидејќи има причина за тоа“, истакна пратеничката и претседателката на Унијата на жени на ВМРО-ДПМНЕ Жаклина Пешевска на седницата на мешовитиот парламентарен комитет во Европскиот парламент.

Пешевска додаде за тоа дека кога цел свет има расчистено со фашистичкото минато и го осуди фашизмот Бугарија се дрзна во поново време да отвори клубови со имиња на фашисти, блиски соработници на Хитлер. Борис Трети, Цар Фердинанд итн.

„Мислам дека покажавте како држава со тоа што нема ниту еден македонски клуб колку сте демократски во однос на оваа тема. Да говорите за говор на омраза кон жени нешто за што јас како претседателка на Унијата на жени во нашата партија многу пати сум осудувала или сум застанувала во одбрана дури и на жени од опонент партија, а да го применуваш е навистина контрадикторно, навистина треба добро да си ги прегледате снимките кога зборувате овдека и се обраќате“, вели Пешевска.

Пешевска на Џамбаски му посочи дека таа има пријатели од Бугарија кои не се однесуваат вака, напротив се однесуваат многу по европски од него и по пријателски.

За жал, вие сте срам не само за Бугарија, туку и лош пример за Европратеник, му порача таа на Џамбаски.

„Во излагањето на колегата Џамбаски имаше една констатација дека секоја земја кандидат мора да го почитува правото на самоопределување. Јас би дополнила дека секоја членка на ЕУ треба да го почитува правото на самоопределување. За жал во 21-от век во Бугарскиот парламент имате партија која носи име „Има таков народ“, таа партија сериозно работи на проектот нема таков народ, а се однесува на Македонците во Македонија. Според тој проект не постојат македонски народ, македонска нација, македонски јазик, посебно македонска историја и јас не би сакала како политичари оваа сесија да помине во историски лекции, мислам дека тоа и те како треба да е научена лекција дека треба да оставиме на историчарите“, посочи Пешевска.

Пешевска се осврна и за демократијата низ бројки и статистики.

„Во Македонија има отворено над 20 бугарски клубови, тоа значи дека Бугарите во Македонија имаат право на самоопределување и здружување нешто што го немаат Македонците во Бугарија, во Благоевград се отвори еден македонски клуб за личност што беше од двете страни општо прифатена за да следниот ден со одлука на Советот на Благоевград се укине и се затвори. Тоа говори за демократијата во двете држави“, изјави Пешевска.

Пешевска исто така запраша за тоа кога Бугарија како држава била поискрена кога влегувала во ЕУ и кога велела дека нема отворени билатерални прашања со ниту еден сосед или сега кога кажува дека има проблем со нивниот сосед?

„За говорот на омраза во двете држави исто се говори преку статистики и релевантни извештаи. За илустрација до комисијата за борба против дискриминација, заклучно со 11.3.2021 година поднесени се вкупно 34 поплаки за дискриминација и тоа 7 од физички лица Македонци со бугарска самосвест. 26 од  само едно исто здружение во 25 од  случаевите, замислете комисијата констатирала единствено говор на омраза против Бугарите на социјалните мрежи што укажува за обид за фингирање на наводен дискриминаторски однос кој не е однос на релевантните институции. Ниту од Владата ниту од Собрание, ниту на официјални државни институции нема говор на омраза што не е случај со Бугарија, од најголемиот авторитет во Бугарија од претседател на држава до парламент, Влада, пратеници, носење резолуции против македонскиот јазик итн имаше говор на омраза. Значи правото на здружување на Бугарите во Македонија е загарантирано и веќе го имаат. Почитувањето на Копенхашките критериуми јас ќе се повикам и на почитување на одлуките од Судот за човекови права во Стразбур и ве повикувам да ги почитувате и спроведете пресудите за македонското малцинство во Бугарија“, заклучи Пешевска.

The post Пешевска за Џамбаски: Вие сте срам не само за Бугарија, туку и лош пример за европратеник appeared first on Република.

Жените биле, се и ќе бидат еден од носечките столбови на ВМРО-ДПМНЕ. Секоја функција има почеток и крај. Се е менливо и минливо, само ВМРО е вечно, посочува Жаклина Пешевска, претседателка на Унија на жени на ВМРО-ДПМНЕ.

ВМРО-ДПМНЕ е сложно и обединето со цврст и јасен став за промени во Македонија кој ќе донесат подобро утре за нашиот народ.

Партијата помина години на тешка опозиција. Години во кои недолжни луѓе поминуваат во затвор.

Денес партијата е на вистинскиот пат со силна поддршка од македонскиот народ со над 40 градоначалници и најбројна пратеничка група во Собранието на Македонија.

Повикувам на единство, обединување и поддршка кон претседателот на ВМРО-ДПМНЕ, Христијан Мицкоски и целото раководство на партијата – истакна Пешевска.

The post Пешевска: Жените од ВМРО-ДПМНЕ со силна поддршка за Мицкоски appeared first on Република.

Партиите од власта со повикаа на еко директиви и подмукло ги протнаа членовите во Казнениот законик со кои се амнестира криминалот. Заштита на човекови права, владеење на право, реформа во јавна администрација е клучна за ЕУ, а што прави власта амнестира криминал, рече пратеничката Жаклина Пешевска и претседател на Унија на жени на ВМРО-ДПМНЕ на гостување во емисијата „За или против“ што се емитува на телевизија Алфа.

Според Пешевска има начин да се поправат состојбите во земјава, само треба чесен пристап и грижа за граѓаните. Таа се осврна на скандалите поврзани со Владата на СДСМ и ДУИ.

Кога гледав колку Бујар Османи е шокиран дека не знае кој ја финансира партијата и дека истата фирма и истите лица добиле и тендер, не знам кого повеќе да жалам дали него или Артан Груби кој вели дека нема сопствено возило, саркастично забележа Пешевска која укажа и на низата недоследности и во случајот со изградба на коридорите 8 и 10д.

Обвинителството отвори истражна постапка но нема никакво поместување, која е целта на изградбата кога пари веќе се одлеваат. Ова е еден лов во матно и ништо повеќе ништо нема транспарентно. Зборувам за постапките кои не биле по процедура во делот на коридорите 8 и 10д - кажа Пешевска.

Пешевска укажа дека процесот на рехабилитација на областите во државата ќе оди многу тешко.

Законите мора да се спроведуваат, а кај нас само цвета криминал. Конкретно за случајот Онкологија во 2017 година имало като систем за контрола на лекарствата за онколошки болни, а го заклучиле во подрум. Како мирно спијат луѓето кои го препродавале лекарствата. За оваа криминална бизнис мрежа говорат многу институции и извештаи. Овој случај мора да има разрешница - рече Пешевска.

The post Пешевска: За криминалната бизнис мрежа на Онкологија говорат многу институции и извештаи, затоа мора да има реална разрешница appeared first on Република.

Оваа власт со бројните афери и скандали кои ги креира, и освен криминал се фаќа единствено за уставни измени наместо да се грижат за граѓаните, рече пратеничката Жаклина Пешевска и претседател на Унија на жени на ВМРО-ДПМНЕ на гостување во емисјата „За или против“ што се емитува на телевизија Алфа.

Пешевска укажа дека уставните измени се затворено прашање за пратеничката група на ВМРО-ДПМНЕ.

Тие се затворена тема за нас, ние ниту сме биле дел од било какви разговори, ниту сме информирани, ниту некој воопшто не слушнал што сме зборувале на темите во врска со договарањето со Бугарија и Грција. Дополнително дали воопшто е направена анализа кој користи говор на омраза, има брутален говор кон Македонија, но нашата Влада не реагира - рече Пешевска.

Таа укажа дека е јасно кој и во која земја има демократија или не.

Зарем демократија е непочитување на пресудите од Судот за човекови права во Стразбур. Има пресуди во корист на македонското малцинство во Бугарија, но официјална Софија не ги почитува - кажа Пешевска.

Пратеничката укажа дека не гласала ниту за уставните промени по Преспанскиот договор, нема да гласа ни сега.

Ниту ме барале, ниту ќе ме бараат да разговараат со мене, јас го поминав процесот и со уставните измени претходно и не гласав. Нема да гласам сега ниту било кој од пратеничката група. Знаат и во власта дека немаат пратеници тие се во тешка политичка криза, и нека го гледаат тоа, а не прстот да го вперуваат кон нас - укажа Пешевска.

Според пратеничката корупцијата е многу поголем проблем. Потребно е додава таа, да се почитуваат начелата како владеење на право, демократија и слично.

Ние немаме датум за преговори со ЕУ зошто нема владеење на право, власта само го штити криминалот - заклучи Пешевска.

Пешевска се осврна и на измените на Кривичниот законик.

Јасно укажаа европските претставници дека измените на КЗ не се и не произлегуваат од делот на усогласување со европското  законодавство. Власта го искинаа од злоупотреба еврпското знаменце - рече Пешевска.

The post Пешевска: Власта го искина од злоупотреба европското знаменце при носење на закони appeared first on Република.

Ние мораме да имаме во предвид сите пресуди од судот за човекови права во Стразбур, ние мора да имаме во предвид дека немаат право на здружување преку организирање во клубови, немаат право на учество на избори, немаат право на употреба на мајчин јазик. Значи ние сето тоа треба да погазиме со тоа што малцинствата ги тргна власта скроз со потпишување на Преспанскиот договор и Договорот за добрососедство“, истакна Жаклина Пешевска, пратеничка од редовите на ВМРО-ДПМНЕ во гостување во „Топ тема“ на Телма телевизија говорејќи за македонското малцинство во Бугарија.

Пешевска додаде дека поради сервилноста на власта Македонија дојде во ситуација во којашто е денес.

Кога Владата помалку би крадела тогаш побрзо Македонија би почнала преговори со ЕУ. Ние треба да работиме Европа да ја донесеме дома. Значи македонските граѓани не само што се уморни од чекање, македонските граѓани се уморни и од нефункционалноста на институциите“, нагласи пратеничката.

Пешевска праша дали Македонија со власта и со нејзините големи одлуки има функционално здравство или треба милион ургенции за еден обичен преглед, дали учениците добија подобро образование без учебници?.

Македонските граѓани без разлика на ентитетот на кој припаѓаат сакаат подобра економија“, нагласи Пешевска.

The post Пешевска: Кога Владата помалку би крадела тогаш Македонија побрзо би почнала преговори со ЕУ appeared first on Република.

Претседателката на Унијата на жени на ВМРО-ДПМНЕ, Жаклина Пешевска, се обрати на годишната конференција на организацијата.

Обраќањето на Пешевска го пренесуваме во целост.

„На самиот почеток дозволете ми со еден длабок наклон да ги поздравам членките на Унијата на жени – синоним за макотрпна работа и посветеност на идеалите, да им се поклонам на моите лавици без кои Унијата на жени немаше да биде ова што е – НАЈМОЌНАТА ПОЛИТИЧКА ЖЕНСКА ОРГАНИЗАЦИЈА ВО РЕПУБЛИКА МАКЕДОНИЈА!

Да сте ми живи и здрави и ви благодарам што постоите.

Токму овие жени се реализатори на околу 2.000 активности годишно, насекаде низ Македонија, активности со кои третираат различни целни групи, маргинализирани групи, трибини со актуелни теми, хуманитарни акции итн.

25 години Унијата на жени е столбот и стожерот на партијата.

Нашата сила е во упорноста и неуморноста, во истрајноста и посветеноста, во нашите заеднички заложби за подобро утре на нашите деца и најмногу во нашата цврста одлучност за промени.

Ги повикувам сите жени во Македонија, заедно да се потсетиме на битките што ни претходеа, а кој ќе ги вткаеме во битките кои ни следуваат. Затоа што борбата за жената, борбата за Македонија е борба која трае.

Да се обединиме и да сплотиме за се што ни е исто и заеднички и храбро да чекориме кон нашата цел – НОВА – ПОДОБРА ИДНИНА.

Силата од минатото нека биде наш патоказ кон иднината!

Сите ние како жени, сме одговорни за верата, љубовта, вистината и за се она што е морален код во домот, во семејството, традицијата и посебно во поуката на нашите рожби – нашите деца.

Нашите деца растат со приказните од своите баби, кои се пренесуваат од колено на колено и така стануваат неизбришлив дел од нашата колективна меморија.

Почитувани присутни,

Ве повикувам токму ние да бидеме примерот по кој ќе чекорат идните генерации, како што наш пример се: Лидија Македонката, Злата Мегленска, Параскева, Марија, Велика, Мирка Гинова, Румена Војвода, Неда и уште многу жени низ историјата кои биле пример за борба и непокор!

Во секоја од нас живее по една Марија, од секоја од нас зборува една Неда!

Како земја со тешко минато, сме биле сведоци на фактот дека жените биле честопати обезправени, но никогаш обезхрабрени!

Македонската жена е пример за истрајна природа која верува и опстојува, наспроти сите предизвици. Нежна, но нескршлива. Навидум споредна, а сепак движечка сила во сите процеси. Поради својата интуиција, борбен инстикт, посветеност, темелност и одлучност да успее.

Од досегашното искуство, од сето она што се случува околу нас, не сум сигурна дека секој верува, но сигурна сум дека сите ние, заедно ќе продолжиме да настојуваме да ни веруваат. И заедно ќе го дочекаме тој час, затоа што знаеме, умееме и заслужуваме!

Ова не е тврдење кое се темели на пуста желба или неоправдана амбиција. Ова тврдење е плод на макотрпна работа, надминати препреки, храбро соочени предизвици, издвојувани победи и креирани решренија. И сето ова со многу жртвување од Вашето слободно време, од времето кое треба да го поминете со Вашите семејства и ЗАТОА ВЕ ПОЧИТУВАМ БЕЗКРАЈНО, БИДЕЈЌИ ВИЕ СТЕ ЈАС, А ЈАС СУМ ВИЕ!

И дозволете ми да кажам дека и покрај се, воопшто не било лесно да се докаже дека жената му дава сила на општеството! Но денес имамe повеќе можности од порано токму поради борбата на претходните генерации на жени, на кои сме им благодарни. Покрај тоа што денес жената е модерна, образована и вклучена во општеството, но не доволно бидејќи се соочуваме со стереотипи, кои не се менуваат брзо. Стереотипите се менуваат уште во воспитувањето на нашите деца, дека нема поделба на машки и женски работи во домот. Потоа жената, како и сите други во општеството мора да има сигурна здравствена заштита, бидејќи таа е значајна за нашиот пород, во никој случај жената не смее да стравува дали на породување ќе изгуби органи или живот. Ни треба образовен систем подеднакво достапен за сите, а не образование без книги! Понатаму, социјална правда за жените преку еднакви плати за иста работа и поголема вклученост на жените на пазарот на трудот!

Така би постигнале економско зајакнување на жените во општеството и еднаков пристап до ресурси. Инвестирањето во жените е гаранција за напредна економија, демократија и благосостојба во секое семејство, во секое општество.

Сите овие чекори кои ги набројав се патот до постигнување на родова рамноправност, нешто што е наша дамнешна заложба. Никако несакам да се разбере ова како борба против мажите, туку како борба заедно со мажите, бидејќи проблемите на жените се и проблеми на мажите и само заедно може да ги победиме. Ние сме еднакви по устав, еднакви во популација и треба да уживаме исти права. Затоа наша заложба, како жени во политиката е еднаква застапеност на пратеничките и советничките листи помеѓу мажите и жените.

Сакам со особено задоволство да споделам дека по локалните избори во 2021 година имаме најголем број на жени претседателки на Советите во општините, односно најголема бројка во историјата на Република Македонија. Благодарение на поддршката која жените во партијата ја имаат од претседателот на ВМРО-ДПМНЕ проф. др. Христијан Мицкоски и соработката со претседателите на општинските комитети на партијата. Но, морам да искажам разочарување за бројот на министерки во Владата, за бројот на градоначалнички, но и тоа што досега во државата не сме имале жена премиерка, ниту жена претседателка на државата, иако ВМРО-ДПМНЕ на претседателските избори во 2019 година за првпат ја искажа својата најсилна поддршка кон жените со номинацијата на професорката Гордана Силјановска Давкова за кандидат за претседателка на Македонија.

Би сакала родовата рамнопраност да дојде сама по себе како нешто природно, а не наметнато, но живееме во општество во кое се задолжителни квоти во изборниот законик, кои иако се навредливи сепак благодарение на нив сме застапени на листите.

Остануваме цврсто на својата улога на претставник на македонските жени, македонските мајки и сестри.

Во исто време, ги поттикнуваме и охрабруваме македонските жени јасно да ја видат својата улога во општеството. Улога на модерна жена, но и чувар на семејните вредности и традиции, улога на добар претприемач но и добра мајка, жена и сопруга, жена која е посветена на кариерата, но и жена која не го заборава семејството. А токму семејството е основниот столб на секое општество и мотив за секоја една од нас.

Почитувани пријатели,

Како во минатото, така и во иднина, Унијата на жени на ВМРО-ДПМНЕ ќе продолжи да биде значаен сегмент кои ги обединува сите жени со цел да се сочуваат македонските семејни вредности за кои ние самите сме одговорни и кои имаме обврска да ги пренесеме на нашите деца, затоа што еден ден, токму нашите деца ќе продолжат да се грижат за тоа огнот во македонското огниште никогаш да не згасне.

Унијата на жени е еден од најмоќните фактори во борбата против половата дискриминација, насилството врз жената, слободата на жената и воопшто правата на жената. Повеќе жени – значат повеќе решени проблеми, повеќе жени – значат поголеми успеси, а политиката во која се вклучени повеќе жени – значи подобра политика.

Продолжуваме да бидеме активен чинител во придвижувањето на Македонија кон Европската унија и запазувањето на европските вредности.

Во исто време, Унијата на жени како дел од Европската народна партија, целосно ја поддржува и се заложува на имплементација на резолуцијата женски визии за Европа, односно унапредување на политичката еманципација на жените и промовирање на важни прашања поврзани со жените како што се: родовата еднаквост на пазарот на трудот и женското претприемништво, фокус на улогата на жените во промовирањето на слободата, правдата, човековите права и демократијата.

И сосема на крајот, сакам накратко да се остврнам на актуелната состојба во Република Македонија.

Имаме огромна задолженост на земјата која вртоглаво се зголемува, а нашата Влада не прави ништо за да го заштити трудот и производството, туку целиот товар на сите видови кризи што секојдневно ги создава го става на грбот на работниците, земјоделците, невработените, пензионерите, ранливите категории, а најмногу на нас – жените!

После 6 години власт, веќе на сите ни е јасно дека оваа Влада нема намера да се грижи за обичните граѓани. Имаме Власт која незнае што е реформа, власт која не умее да работи, а уште помалку да покаже резултати.

Заборавивме дека постои економија, незнаеме што се инвестиции, владеењето на правото и правната држава станаа мисловна именка, образованието ни е пред колапс, здравството ни е болно, инфраструктурата е катастрофална, администрацијата заборавена. патриотите се во затвор, а криминалците се на слобода и ја водат државата!

Македонија секојдневно ни тоне, буквално на секое поле!

Затоа, почитувани мои лавици, Ве повикувам на единство, Ве повикувам на борба против оваа одродена власт, Ве повикувам заедно да ја градиме нашата европска иднина, со чиста мисла, искрено и достоинствено да се вклучиме во сите процеси за вистинска и коренита обнова на Република Македонија.

Да ставиме крај на тиранијата на мнозинството, да се избориме за Влада која ќе ги слуша проблемите и ќе нуди решенија, а на чело на државата да ставиме човек на кој сите му веруваат и човек кој покажа како се испорачуваат резултати.

Тоа е претседателот на ВМРО-ДПМНЕ проф. др. Христијан Мицкоски!

Сега е моментот кога мора да се обединиме во идејата за заедничка иднина!

Идејата е доволно силна, а мотивот доволно голем да си ја сочуваме татковината!

Ве повикувам да бидеме предводници на промените кои следуваат, затоа што сме одлучни за промени!

Да живее Унијата на жени на ВМРО-ДПМНЕ!

Да ни е вечна и вековита Република Македонија!“

The post Пешевска: Да се сочуваат македонските семејни вредности за кои сме одговорни и кои имаме обврска да ги пренесеме на нашите деца appeared first on Република.

Претседателот на ВМРО-ДПМНЕ, Христијан Мицкоски, порачува дека пред партијата е победа на следните претседателски и парламентарни избори, но оти е потребно самообединување, како и голем одѕив и масовна поддршка.

Од нас ќе зависи колку таа ќе биде голема и силна, затоа што нас ни треба голема и силна победа за да не биде ВМРО-ДПМНЕ и Македонија предмет на уцени. Да може ВМРО-ДПМНЕ заедно со граѓаните да ја води просперитетна, силна, стабилна и економски развиена Македонија. Затоа ни е потребно обединување, изјави Мицкоски, во обраќање на годишната конференција на Унијата на жени на ВМРО-ДПМНЕ.

На присутните, тој им порача дека најважно од се е да се излезат на избори,да се вклучат во политиката затоа што само така од внатре ќе ги менуваат работите.

Одѕивот мора да биде голем, а разликата да биде што поголема и јасна. Седењето дома и прифаќањето на тезата сите се исти или нека излезат другите јасно едека ќе се смени валсти. со што им го ублажувате поразот. Важно е да излезете на избори и одѕивот да биде голем за да ја испратиме ДУИ во опозиција, а политичките криминалци да одговараат, да го поразиме поголемиот брат од истата оваа коалиција која толку многу ја криминализира Македонија веќе 20 години по ред, изјави Мицкоски.

Тој повторно го повика премиерот Димитар Ковачевски на тв дуел за Договорот со „Бехтел и Енка“, оценувајќи дека е чиста хипокризија ставањето европско знаменце на законите за изградбата на коридорите.

Според Мицкоски, Ковачевски бега од народот за избори и од соочување со него затоа што, како што рече, нема одговори за тоа дека како премиер доброволно прифати работниците од својата држава да работат повеќе часови за да се полнат џебовите на надзорот, се согласил легалните и дивите објекти подеднакво да се обештетуваат, законите од правниот систем по кој тој работи да се суспендираат, плаќа стотици милиони евра за аванси и пенали на приватна компанија која ја договори без тендер и во четири очи.

Нека не се плаши од соочување, порано или подоцна ќе се случи тоа. Еве ќе му дадам уште една можност, уште една предност, на таа дебата нека го донесе и вистинскиот премиер Али Ахмети, и било кој министер кој смета дека му е потребен. Јас сам ќе дојдам, тој ако му е страв сам, нека дојде со цела влада. Но, важно е да дојде на дебата за да види народот кој што крие и кој е во право..., истакна Мицкоски.

Според него, „хаосот кој го има во секој сегмент од општеството се пресликува и во областа на заштитата на правата на жените.

На политичката сцена во Македонија се потребни многу повеќе храбри, мотивирани и општествено освестени жени. Само активното учество во креирањето на политиките за развој и просперитет на Македонија е најдобриот одговор на пасивноста која го одзема она што ни е најважно, правото да се слуша нашиот глас, порача Мицкоски.

Тој истакна дека погрешен правец што го трасира владата е следењето на лажен мејнстрим кој ни го продава пакувајќи го како некаква реформа во подобрувањето на правата на жената при што всушност станува нејзин најголем негатор, истовремено подривајќи ги основите на кои се гради нашето општество, а тоа е семејството.

Ќе стават во учебниците фотографија или некаков натпис од кој треба да учат најмладите за истополов брак, притоа образложувајќи дека тоа е новото нормално. Кога немаат суштина ќе се занимаваат со лоша пропаганда. За да го одвлечат вниманието од секојдневните кражби и порази кои ги нижат, а притоа подривајќи ги темелите на нашето опстојување како општество. Веднаш лепат неоправдана етикета дека противењето е чиста заостанатост и ретроградност, што воопшто не е така. ВМРО-ДПМНЕ држи до своите конзервативни вредности, затоа што идеологијата е таа која ги составува темелите кои се отпорот против сите потреси и бури. За ВМРО-ДПМНЕ семејството како заедница на еден маж и една жена кои споделуваат грижа за децата е природна форма на заедница. Не постои вистинска алтернатива на семејството. Во семејството се очовечува детето. Семејството има исклучително важна функција во општеството, рече Мицкоски.

На конференцијата се обрати  и претседателката на Унија на жени на ВМРО-ДПМНЕ, Жаклина Пешевска, која порача дека Унијата ќе продолжи да биде значаен сегмент кој ги обединува сите жени за да се сочуваат македонските семејни вредности за кои, потенцираше, сме одговорни и имаме обврска да ги пренесеме на нашите деца.

Ги поттикнуваме и охрабруваме македонските жени јасно да ја видат својата улога во општеството. Улога на модерна жена, но и чувар на семејните вредности и традиции, улога на добар претприемач но и добра мајка, жена и сопруга, жена која е посветена на кариерата, но и жена која не го заборава семејството. А токму семејството е основниот столб на секое општество и мотив за секоја една од нас, истакна Пешевска.

The post Мицкоски: Неопходно е обединување за силна победа за да не бидеме предмет на уцени appeared first on Република.

Жаклина Пешевска од ВМРО-ДПМНЕ, преку статус на Фејсбук вели дека и на неа и ставиле лисици на рацете пред нејзините деца.

„Чистата совест е најважното нешто во човечкиот живот.

За жал пратениците од СДСМ денес ја пропуштија шансата барем малку да си ја исчистат совеста.

Шестта година по ред неправедно осудени луѓе, лежат во затвор. Веќе шест години мајки плачат по своите чеда, а деца плачат по своите родители.

Јас најдобро знам како е децата да плачат, бидејќи и мене тоа срамно утро за правниот систем ми ставија лисици на рацете и ме земаа од домот во 05:00 часот наутро, пред очите на моите деца, недозволувајќи ми да се поздравам со нив.

Зборуваат за помирување во општеството, а среќни ги прави тоа што некој на правдина е во затвор. Се преставуваат за големи визионери кон иднината, а забораваат дека години пред ние да бидеме пратеници, беше донесена аместија за многу потешки дела.

Денот поминат неправедно во затвор е цела вечност, робувате бидејќи ја сакате Македонија. Вие сте луѓето херои на денешнината. Неправдата боли и пече…“, стои во нејзиниот пост на Фејсбук.

The post Пешевска: И мене ми ставија лисици на рацете пред моите деца – неправдата боли и пече appeared first on Република.

„Во Буџетите за минатите години не се предвидуваа поголеми инвестиции за дигитализација и дигиталната трансформација на Република Македонија. За тоа што овие беа ветувања токму во програмата на СДСМ. Односно во програмата на Владата за периодот 2020-2024 е предвидено формирање на дигитална агенција со посебен закон кој ќе ги дигитализира државните институции. Тоа беше предвидено во изборната програма на СДСМ, но ветувањето не е реализирано. Понатаму, требаше да има средства за модернизирање на ИТ системот на Фондот за здравство, кој што на сите ни е познато дека во моментот е хакиран, поради неспособна власт, но и не се даваа средства за дигитализација и доусовршување, доунапредување за подобри здравствени услуги“, истакна Жаклина Пешевска, пратеничка од редовите на ВМРО-ДПМНЕ на собраниската седница.

Пешевска ја потсети власта дека имаа кампањи за членство во ЕУ и бесплатни здравствени услуги низ цела Европа. Но, македонските граѓаните со оваа власт немаат основни здравствени услуги во Македонија, а не пак во Европа.

„Наместо фрлените над 100.000 евра за т.н. фамозна стратегија за Е-здравство, кое патем никаде го нема. Средствата се лесно проверливи преку отворените податоци на Министерството за финансии, кои средства се исплаќаа на име на договори на дела помеѓу партиски послушници на СДСМ и ДУИ. Од толку големи планови во здравството стигнавме до колабрирано здравство, во кое не можат вработените да земат плата“, нагласи пратеничката.

Таа посочи дека нема плати за здравствените работници, нема исплата на породилно отсуство, нема лекови, нема систем за заштита на граѓаните.

The post Пешевска: Од толку големи планови во здравството стигнавме вработените да не можат да земат плата appeared first on Република.

Унијата на жени на ВМРО-ДПМНЕ дава безрезервна поддршка на протестот пред министерството за внатрешни работи организиран од страна на женските организации, а кои со право реагираат на НЕ постапувањето на полициските службеници во случаи на сексуално насилство и вознемирување, како што е последниот случај со дивиот таксист и младата студентка. Насилникот пред очи им избега, а го гонат за недолично однесување!?

Во државата закони имаме, но никој не ги почитува!

Унијата на жени на ВМРО-ДПМНЕ изразува  огромна загриженост за овој случај и за сите останати случаи кои се заглавени низ ходниците на институциите, а жртвите се оставени сами на себе, небезбедни и малтретирани, не само од насилниците, туку и од полицијата.

Јавноста знае дека жртвите чекаат со месеци за да социјалните служби предложат привремени мерки на заштита! Какво е ова изживување врз жените?

https://republika.mk/vesti/makedonija/po-napadite-vrz-zheni-niz-skopje-preku-sotsijalnite-mrezhi-najaven-e-protest-pred-mvr/

Во оваа држава нема кој да ги заштити, па затоа се немоќни и обесхрабрени да пријават насилство!

Очигледно министерот за внатрешни работи Оливер Спасовски и министерката за труд и социјална политика Јована Тренчевска не ја разбираат одговорноста која ја имаат, па затоа веднаш да си поднесат оставки заради не професионалноста, не етичкото и неажурното постапување на институциите со кои раководат!

Исто така, ги повикуваме инспекциските служби на Град Скопје да се фатат за работа затоа што им цути бизнисот со дивите таксисти низ главниот град!

Унијата на жени на ВМРО-ДПМНЕ застанува до секоја жена и нема да дозволи ваков игнорантски однос на власта на штета на жените!

The post Пешевска: УЖ на ВМРО-ДПМНЕ дава безрезервна поддршка на женските организации за протестот пред МВР appeared first on Република.

Ветувавте живот за сите, се сеќавате на ова лого, со ова лого ветувавте, а што донесовте во 21 век дозволивте да почине човек затоа што не набавивте лек. Вие сте луѓето на чија совест ќе биде животот на починатиот со цистична фиброза. Која нечовечност, насмеани, дотерани, а народот трпи за леб. Предлагате реконструкција на Влада, а вие сте за разрешување од прв до последен. Ако вие сте припадници на буржоазијата и ги водите бизнисите со струја, народот трпи. И од ЕУ интеграцијата нема ништо, иако устите ви беа полни со евроинтеграции, а доживеавте да има најголем евроскептицизам, рече пратеничката Жаклина Пешевска од ВМРО-ДПМНЕ на денешната собраниска дебата за разрешување на членови на Владата.

Пешевска посочи дека ова е разрешување на министерот за здравство, Беким Сали, а не слушнавме ништо за состојбите во здравството.

Не слушнавме ни за модуларната во Тетово. Вие се плашите да одите на избори, работите на агенда на туѓа држава, вие ова не го понудивте на граѓаните, рече Пешевска.

По една година од формирање на Владата која ја предводи Димитар Ковачевски има трагедија за онаа во Тетово, во Бугарија, рече Пешевска, но заклучи таа дека немаме никаква одговорност. Пешевска укажа дека криминал е второ име на оваа Влада.

The post Пешевска: Која нечовечност, насмеани, дотерани, а народот трпи за леб appeared first on Република.

На денешната собраниска седница за поставување пратенички прашања пратеничката од редовите на ВМРО-ДПМНЕ упати три пратенички прашања до Министерот за образование и наука Јетон Шаќири. Првото прашање е кога ќе има точно учебници за сите ученици? Второто прашање е дали конечно ќе има одговорност за грешките во учебниците тргнувајќи од вас како најодговорен за образованието и третото прашање е за почитувањето на договорот кој вие сте го договориле со Синдикатот за образованието за усогласување на платите во основното и средното образование преку потпишани колективни договори во Септември минатата година и дали ќе го реализирате ветувањето и договореното што сте го дале за плаќање на остатокот од 3,4% во месецов кој веќе измина?

Ние, но и граѓаните доаѓаме до еден заклучок дека има целосна неподготвеност од страна на Владата на СДСМ и ДУИ кога во прашање е образованието и образовниот систем и тоа се провлекува во континуитет 5 години без разлика колку министри се сменија во ова Министерство за образование и наука и наука како образованието да е далеку од низата приоритети на оваа Влада и тој е факт кој го гледаме преку низата протести кои се случуваа и преку сите предизвици но и последици со кои немате стратегија и концепт за како да се справите, рече Пешевска.

Пешевска посочи дека една учебна година откако е оваа на власт не е почната без проблеми.

Која учебна година почнува со доцнење, која нема свидителство , која пак нема учебници, укинување на предмети итн. И сето тоа се одрази на образовниот процес. Целосната неподготвеност беше покажана на стартот на учебната година во минатата година кога немаше учебници и свидителства, рече Пешевска.

Таа кажа дека во 2022 година наместо нови учебници, Министерството за образование и наука платило 530 илјади евра за привремени материјали за учење, односно една компилација се направила од минатогодишните и дел од новите учебници, но од тие ново компонирани материјали немало за сите.

За жал следеа и грешките во учебниците со Историја и Географија, па така Монт Еверест стана повисок од 20 илјади метри, Македонија според учебникот се граничи на исток со Албанија, на Запад со Бугарија. За сето тоа имаше низа дебатни емисии низа гостувања ваши и од министерството за образование но за жал за цел изминат период ние не видовме одговорност, ниту повлекување на учебниците, немаше одговорност ниту од ваша страна како предводник за целата област образование, ниту за авторите, ниту за националната комисија, ниту за бирото за развој, ниту рецензентите, вели Пешевска.

Пешевска заклучи дека со сето ова ќе има долгорочни последици по образованието. Ќе имаме делумно писмени или неписмени генерации на деца кои ќе бидат неконкурентни на пазарот на трудот. Значи ќе имаме држава во изумирање бидејќи немаме доволно квалификувани работници нешто што со веќе се соочуваме.

https://youtu.be/a769-X97wes

The post Пешевска до Шаќири: Кога точно ќе има учебници за сите ученици и дали конечно ќе има одговорност за грешките во учебниците тргнувајќи вас како најодговорен? appeared first on Република.

Обвинувањата на градоначланичката на Скопје, Данела Арсовска, дека претседателот на ВМРО-ДПМНЕ, Христијан Мицкоски, ја навредувал и и се заканувал, предизвикуваат голем револт кај женските припаднички на партијата.

Тие, гневни поради ваквите, како што истакнуваат, лажни обвинувања на Арсовска, јавно реагираат истакнувајќи дека Мицкоски секогаш покажувал дека и по карактер не е човек којшто би се заканувал некому, а истовремено зборуваат за случаи на некоректниот однос на Арсовска во нивната меѓусебна комуникација.

Една од тие што се одлучија за јавна рекација е претседателка на Унијата на жени на ВМРО-ДПМНЕ, Жаклина Пешевска, која обелоденува дека порталот Инфомакс, кој важи за близок до Данела Арсовска, и поставил прашање за официјален коментар за наводните закани на Мицкоски кон Арсовска, но откако одговорила дека таквите наводи се лажни, нејзиниот одговор воопшто не бил објавен.

Во текот на вчерашниот ден добив прашање од Инфомакс и Александра Петровска.
Прашањето беше:

„Почитувана, како претседателка на УЖ на ВМРО-ДПМНЕ, како ги коментирате изјавите на градоначалничката Арсовска дека добивала закани од Христијан Мицкоски. Дали осудувате вакво насилство и дали доколку се докаже дека е вистина ќе побарате извинување од Мицкоски?
Со почит,
Александра Петровска, Инфомакс“.

 

Чекав 24 часа да го објават одговорот, тој не беше објавен. Иако се согласи да го објават во целост.Во прилог одговорот кој го дадов:

 

Одговор на вашето прашање, воедно би замолила, во име на професионалното известување и вашата декларативна заложба информациите да се без цензура, истиот да биде пренесен во целост:

...

 

Како жена која што ја предводи најголемата политички организирана структура на жени во Македонија можам да кажам дека изнесените тврдења за некакви закани се комплетна лага и измислица. Впрочем претседателот Мицкоски секогаш давал огромна поддршка во борбата за правата на жената, а како човек кој има лично искуство од тимската работа во партијата и директна соработка со Претседателот на партијата можам да посведочам дека тоа што го соопшти Арсовска не е дел од неговата култура, ниту пак е карактерна особина на претседателот Мицкоски, нешто што пак не можам да го кажам за г-ѓата Данела Арсовска.

 

Ќе потсетам дека таа впрочем освен од раководните органи на партијата, имаше огромна поддршка и од мене лично и од целата Унија на жени на ВМРО ДПМНЕ. Јас лично бев вклучена во борбата против говорот на омраза кој беше насочен кон г-ѓата Арсовска во изборната кампања, а таа денес очигледно ја превзема палката и ударното место во сеење на лаги и говор на омраза, нешто против што се боревме.

 

Секој ден станува појасно која е суштината на средбите на Арсовска со Ковачевски, и создавањето на димна завеса за сите скандали на власта. Жалам што Арсовска ја превзема таа улога која и ја додели власта, и ќе и препорачам помалку да служи за туѓи интереси и да не биде водена од тендер политиката, и повеќе да е фокусирана кон решавањето на проблемите на скопјани.

 

Самото количество на лаги отвора и сомнеж за деловна неспособност во раководењето на градот, нешто за што треба да се позанимава и самиот систем на државата.Плус со глумењето жртва во политиката ги дискриминира и иритира сите оние жени кои биле навистина жртви во политиката, наведува Пешевска.

Свое јавно обраќање има и портпаролката на Марија Митева, која истакнува дека додека Арсовска ја имала поддршката од сите членови на ВМРО-ДПМНЕ, тогаш таа немала никаква забелешка за односот, но кога и било посочено дека нејзиното работење ќе треба да донесе промени, работа и резултати во градот, тоа изостанало, а Арсовска почнала да се жали за некоректен однос кон неа.

Кога конкретно, ЛИЧНО И ДИРЕКТНО ја добиваше поддршката, кога конкретно, лично и директно ја бараше поддршката тогаш приказната беше поинаква. Кога конкретно, ЛИЧНО И ДИРЕКТНО ти беше посочено дека ќе требаат промени, работа и резултати, беше сигурна дека менаџер како тебе не ни знае поинаку.

 

Е сега, конкретно, ЛИЧНО И ДИРЕКТНО кога ги нема резултатите, поддршката лажно ја претвори во наводни закани. Со насмевка на лице презентираш скандалозни наводи, мора да признаеме ако не во работа, барем во манипулација си неприкосновена.

 

Не жена, ниеден човек не треба да се служи со вакви манипулации и спокојно да продолжува да ја ужива власта.

 

Но, времето на валкани лаги ќе го претвориме во време на чиста вистина!, коментира Митева.

Членот на ИК на ВМРО-ДПМНЕ, Маја Кадиевска Војновиќ, пак, истакнува дека не е љубител да коментира на политички теми затоа што смета дека во време на економски колапс на државата нема место за дневна политика, но дека неправедните и невистините обвинувања на Арсовска, како што вели, ја извадиле од кожа.

Изјавата на градоначалничката Данела се коси со карактерот и културата на претседателот Мицкоски. Тоа не е Христијан Мицкоски. Однесувањето, зборувањето и мислењето на претседателот Мицкоски се на највисоко ниво и создаваат високо ниво на внатрепартиска демократија која е столб за развој на една партија и држава. Самиот факт што успеа да ја консолидира партијата кога беше најтешко и да ја направи победничка на последните локални избори покажува дека го имаме вистинскиот лидер.

 

Доста ни е од политичари кои само омаловажуваат и навредуваат. Ние треба да станеме европска и цивилизирана Македонија! За тоа се бориме..., порачува Кадиевска Војновиќ.

Од своја страна, потпретседателката на ВМРО-ДПМНЕ, Гордана Димитриеска Кочоска, истакнува дека лажните обвинувања што Данела Арсовска ги изнесе за Мицкоски, се ссамо обид на една незрела политичарка да се истакне и да го сврти вниманието од хаосот што го продуцира.

https://republika.mk/vesti/makedonija/dimitrieska-kochoska-nezreli-politichari-poradi-haosot-koj-go-produciraat-imaat-zelba-da-se-istaknat-izmisluvajkji-lagi-za-mickoski/

The post Лажните обвинувања на Арсовска за наводните закани на Мицкоски предизвикуваат реакции на жените од ВМРО-ДПМНЕ appeared first on Република.

Претседателката на Унијата на жени на ВМРО-ДПМНЕ Жаклина Пешевска го искористи Фејсбук просторот да го објави јавно својот одговор на прашањата поставени од Инфомакс и новинарката Александра Петровска откако порталот не ги објавил одговорите на поставените прашања.

Новинарката Петровска од Пешевска побарала коментар на изјавите на градоначалничката Данела Арсовска дека добивала закани од претседателот на партијата Христијан Мицкоски.

Во текот на вчерашниот ден добив прашање од Инфомакс и Александра Петровска.
Прашањето беше:
"Почитувана, како претседателка на УЖ на ВМРО-ДПМНЕ, како ги коментирате изјавите на градоначалничката Арсовска дека добивала закани од Христијан Мицкоски. Дали осудувате вакво насилство и дали доколку се докаже дека е вистина ќе побарате извинување од Мицкоски?
До почит,
Александра Петровска, Инфомакс."
Чекав 24 часа да го објават одговорот, тој не беше објавен. Иако се согласи да го објават во целост. Во прилог одговорот кој го дадов:
Одговор на вашето прашање, воедно би замолила, во име на професионалното известување и вашата декларативна заложба информациите да се без цензура, истиот да биде пренесен во целост:
...
Како жена која што ја предводи најголемата политички организирана структура на жени во Македонија можам да кажам дека изнесените тврдења за некакви закани се комплетна лага и измислица. Впрочем претседателот Мицкоски секогаш давал огромна поддршка во борбата за правата на жената, а како човек кој има лично искуство од тимската работа во партијата и директна соработка со Претседателот на партијата можам да посведочам дека тоа што го соопшти Арсовска не е дел од неговата култура, ниту пак е карактерна особина на претседателот Мицкоски, нешто што пак не можам да го кажам за г-ѓата Данела Арсовска. Ќе потсетам дека таа впрочем освен од раководните органи на партијата, имаше огромна поддршка и од мене лично и од целата Унија на жени на ВМРО ДПМНЕ. Јас лично бев вклучена во борбата против говорот на омраза кој беше насочен кон г-ѓата Арсовска во изборната кампања, а таа денес очигледно ја превзема палката и ударното место во сеење на лаги и говор на омраза, нешто против што се боревме. Секој ден станува појасно која е суштината на средбите на Арсовска со Ковачевски, и создавањето на димна завеса за сите скандали на власта. Жалам што Арсовска ја превзема таа улога која и ја додели власта, и ќе и препорачам помалку да служи за туѓи интереси и да не биде водена од тендер политиката, и повеќе да е фокусирана кон решавањето на проблемите на скопјани. Самото количество на лаги отвора и сомнеж за деловна неспособност во раководењето на градот, нешто за што треба да се позанимава и самиот систем на државата.Плус со глумењето жртва во политиката ги дискриминира и иритира сите оние жени кои биле навистина жртви во политиката.
#НовинарствоБезЦензура

The post Пешевска: Не е во културата на Мицкоски да се заканува, што не можам да го кажам и за Арсовска appeared first on Република.

Ние како ВМРО-ДПМНЕ сме кажале јасен став за уставните промени и нема да ги поддржиме истите. До сега се што зборува Владата е дефокус, тие се спин мајстори. Разговори со пратеници од нашата пратеничка група нема ниту ќе го поддржиме промена на Устав, рече Жаклина Пешевска, пратеник и претседателка на Унија на жени на ВМРО-ДПМНЕ на гостување во мисјата Само вистина што се емитува на телевизија Канал 5.

Според неа владеачката колиција е влезена во политичка криза.

Прво нека си ја решат состојбата во својата пратеничка група, па потоа нека гледаат за други. Македонија е обврзана да ги внесе Бугарите во Устав затоа што имаме Влада без кичма, а нашите квазиполитичари си ја погазија и резолуцијата за црвени линии гласана во Собрание, укажа Пешевска.

Пратеничката дополнително укажа дека ВМРО-ДПМНЕ воопшто не била вклучена во разговорите за вака клучни и стратешки теми.

Власта покажа сервилност кон сите, притоа не ги интересираат воопшто граѓаните. Во Закон за здруженија и фондации да не поднесевме ние измени што треба да исполнуваат здруженијата кои се регистѕрираат како бугарските, на власта немаше да и текне, рече Пешевска.

Пешевска го праша Горан Сугаревски од СДСМ кој беше дел од дебатата во емисијата дали воопшто е признаено македонското малцинство во Бугарија.

„Дали со Договорот во Бугарија го поништивте малцинството наше во Бугарија“, го праша Пешевска, Сугаревски од СДСМ укажувајќи дека уништија се што е македонско.

The post Пешевска: СДСМ не е начисто колкумина од нивната пратеничка група ќе гласаат за промена на Уставот appeared first on Република.