Главниот обвинител на српското Специјално обвинителство за високотехнолошки криминал, Бранко Стаменковиќ, во врска со истрагата за лажни пријави за бомби во училишта низ Србија, рече дека досега се откриени повеќе малолетници од странство кои користеле различни програми за комуникација - од оние што се вградени во компјутерски игри, до оние што постојат независно и бараат посебна инсталација и поставување.

Во овој случај се користеше една таква програма „Discord“. Оваа програма е многу популарна кај играчите, особено затоа што комуникацијата преку неа е заштитена со индустрискиот стандард за крипто-заштита. Со тоа е отежнато следењето на таа комуникација, но не е невозможно, изјави Стаменковиќ за Политика.

Според него, во извршување на кривични дела на различни начини учествувале повеќе малолетници од странство.

Досега, според нашите сознанија, полицијата и обвинителствата на тие земји гонеле тројца малолетници, по еден во Чешка и БиХ, додека третата земја во моментов не можам да ја откријам од процедурални причини. Можам да кажам дека таа е земја од нашето опкружување, истакна Стаменковиќ.

Стаменковиќ објасни дека малолетниците се поврзале поради заеднички интерес во одредена видео игра што ја играат. Тој изјави дека истражните органи се особено загрижени поради тоа што децата на возраст од 12 до 14 години се гледаат како сторители на кривични дела.

Поради лажни пријави за експлозивни направи во училиштата во Србија, досега кривично се гонети седум лица - четири малолетни и тројца возрасни. Дополнително, поведена е постапка и против шест родители поради, според надлежното основно обвинителство, сомнение дека ги напуштиле децата поради грубо занемарување на образованието, пренесува Политика.

The post Заканите за бомби биле договарани од малолетници преку видео игри, откри српскиот обвинител appeared first on Република.

Црногорската полиција денеска соопшти дека зад заканувачки мејлови за поставени бомби во училиштата стои дете од Подгорица, поради што минатата недела три дена по ред немаше настава во училиштата во неколку градови во Црна Гора.

Полицијата кон средината и крајот на минатата недела ги лоцирала уредот и лицето за кое се сомничи дека испраќал заканувачки мејлови на имејл адресите на 19 училишта во Подгорица, Даниловград и Бар, а по претресот во станот утврдиле дека се работи за дете, се вели во соопштението.

Кај детето од Подгорица пронајдени се „доказ дека од својот мобилен телефон креирал и ги испраќал спорните мејлови“, соопшти полицијата.

Полицијата наведува дека чинот на малолетникот предизвикал паника, а полицијата поднела прекршочни пријави против родителите за запоставување на детето.

Поради паниката и нередот предизвикан од лицето кое испраќало мејлови со заканувачка содржина до воспитно-образовните институции, службеници на Полициската управа против двајцата родители на ова дете ќе поднесат пријави за запоставување на детето – прекршок од член 37 од Законот за заштита од семејно насилство, велат од полицијата.

Во периодот од 20 до 22 декември настава не се одржа во 19 основни училишта во Подгорица, Даниловград и Бар, поради заканувачки мејлови за поставени бомби.

Училиштата се евакуирани, а од претресот е откриено дека се работи за лажни пријави.

Од полицијата додаваат дека „сите свои капацитети ќе ги насочат првенствено на безбедноста на децата“ и апелираат до родителите „да посветат посебно внимание“ и да ги следат нивните активности на социјалните мрежи и употребата на дигиталната технологија, што „многу често може да се штетни како за поединци, така и за општеството во целина“.

The post Дете ги испраќало мејловите со закани за бомби по училиштата во Подгорица appeared first on Република.

Неколку институции во Берлин пријавија закани за бомби, по слични закани во повеќе училишта и медиумски организации во други делови на Германија претходно денеска и вчера.

Полицијата соопшти дека е закана стигнала и до централната железничка станица во Берлин.

Железничкиот оператор Дојче Бан добил заканувачки мејл во текот на ноќта, изјави денеска портпаролката на полицијата.

Полицијата потоа ги засили силите на главната станица и ја процени опасноста на ситуација. На крајот се утврди дека патниците не се во животна опасност, јави ДПА.

Полицијата соопшти дека телевизиската станица РТЛ и Вили Брант Хаус, седиштето на Социјалдемократската партија (СПД) на канцеларот Олаф Шолц, исто така добиле закани за бомби.

Била повикана Државната канцеларија за криминалистичка полиција. Портпаролката на полицијата не даде повеќе детали.
Вчера и денеска имаше закани против голем број училишта низ Германија, како и кон радио станиците и јавниот радиодифузен сервис ZDF. Во некои случаи, полицијата соопшти дека заканите ги упатила палестинската милитантна група Хамас.

The post Неколку институции, училишта и медиумски организации во Берлин пријавија закани за бомби appeared first on Република.

Аеродромите во Бордо, Лион (Лион-Сент Егзипери и Лион Брон), Рен, Лил, Тулуз, Париз Бове, Ница, Стразбур, Бијариц, Пау и Нант се евакуирани утрово, откако полицијата соопшти дека добиле закани за бомби или сомнителни пакети. , објави весникот „Локал“.

Сите летови до и од погодените аеродроми се прекинати, некои се обновени, но патниците може да очекуваат доцнења од неколку часа.

Во меѓувреме беа објавени и првите видеа од патниците од аеродромот како бегаат на безбедно.

Портпаролот на француската воздухопловна управа DGAC ја потврди евакуацијата поради предупредувањата за бомби само во Лил, Лион, Тулуз и Бове, и не можеше веднаш да даде дополнителни детали.

Онлајн контролната табла на DGAC покажа значителни доцнења во Лил, Лион и Тулуз.

Во објава на сметката на платформата X на аеродромот во Ница се вели дека „поради сомнителен багаж… поставен е безбедносен периметар за да се овозможат вообичаените проверки“.

l’aéroport de toulouse évacué mais que se passe-t-il ? 🤨🤨 pic.twitter.com/SaqbyGrFLr

— L-A (@pyjamay_) October 18, 2023

A statement from #Lille Airport said: "Lille Airport is being evacuated following a bomb threat. State security services are on site."#France #airlines #avgeeks #IsraelAttack pic.twitter.com/md3zBXvk4Z

— 🇬🇭alsaeed🇸🇱 (@alimsaeed604) October 18, 2023

L'aéroport de Toulouse évacué après une alerte à la bombe #alertealabombe #Attentat #terrorism #Vigipirate pic.twitter.com/hJlC5o6ddT

— Erreur 404 (@Erreur455769746) October 18, 2023

The post 11 аеродроми во Франција евакуирани поради закани за бомби appeared first on Република.

Министерот за внатрешни работи Оливер Спасовски во однос на тоа до каде е истрагата за лажните дојави за бомби рече дека е важно да се напомене оти активното постапување на службите, МВР и АНБ за разузнавање и сите што работат за спречување на ваков вид кибер закани, успеале преку промената на протоколите да се прилагоди начинот на работење на службите во настанатата состојба.

Имавме протоколи и упатства коишто беа пишувани 90-те години на основа на тогашните можности и искуства, меѓутоа, на пример електронската дојава не беше воопшто дел од протоколот, туку едноставно само добивањето на информација. Сега протоколот е сообразен со новото време во којшто се земаат сите видови на можност на комуникација и притоа што е многу важно со овие протоколи се цени релевантноста на информацијата односно на веројатноста за евентуална закана. Имаме низок, среден и висок степен на ваква закана која што се оценува и на основа на тоа се постапува. Протоколите се создадени за да можеме да бидеме брзи и ефикасни и протоколите практично не се создадени за да ние скриеме некаква информација, туку едноставно да се постапува и за секое постапување да можеме да ја информираме јавноста, рече тој.

Тој потсети дека два дена по носењето на новите протоколи имавме дојави, првиот ден во три училишта, а следниот ден уште во едно училиште и тука, како што рече, запре целиот тој процес затоа што од една страна се интензивираа истрагите и дојдовме до резултати.

Тука се работи се уште на вештачење на материјали, бидејќи се навистина големи материјали што треба да бидат завршени со вештачење за да можеме да практично ги прибереме сите докази и за поднесување на кривични пријави. Јас тоа го очекувам во секое време и да можеме тој процес да го затвориме, така што тој дел од постапките којшто овозможи да се обезбедат релевантни докази коишто може да бидат ценети од страна на обвинителството понатаму и во судот се покренати постапки. Имаше сериозен проблем со користењето на т.н. ви-пи-ем адреси коишто создаваа потешкотии во прибирањето на доказите, меѓутоа како и да е, целосната состојба се стави под контрола и мислам дека на задоволството на сите нас и на граѓаните, и на учениците и на наставниот кадар имаме состојба во која што имаме стабилност и мир, пред се спокој на учениците и на наставниците, рече Спасовски во Штип.

The post Според новите протоколи за бомбите се оценува дали заканата има низок, среден и висок степен, на основа на тоа се постапува appeared first on Република.

Министерот Оливер Спасовски гостувајќи во утринската програма на МТВ на прашање до каде е истрагата за лажните пријави за бомби во училиштата и други институции, истакна дека последната кривична пријава во врска со овие лажни пријави е поднесена на 22.03.2023, против еден малолетник, како и тоа дека практично е навлезено во една група лица коишто учествувале во испраќањето на лажните пријави.

https://republika.mk/vesti/crna-hronika/za-terorizam-ke-mu-se-sudi-na-15-godishnik-od-skopje-koj-isprati-dojavi-za-bomba/

Со преземање на низа активности во рамките на институциите не дозволивме ни во еден момент да се наруши безбедноста на институциите. Преку опсежните истраги што ги спроведовме лоциравме кластер на лица кои учествувале во тие лажни дојави, веќе се повикуваат на разговори во полициски станици, одземени се нивни телефони и продолжуваме кон обезбедување на сите докази, рече Спасовски.

Тој се осврна и на промената на протоколите за постапување при ваквите ситуации.

Протоколите беа променети заради нивната застареност и несоодветствувањето на новите прилики со денешните, наспроти времето кога се донесени. На пример, електронските дојави воопшто не беа опфатени со тие протоколи. Како држава ќе продолжиме интензивно да ја зајакнуваме својата сајбер безбедност, процес во кој влегуваат сите држави во регионот и пошироко, истакна министерот Спасовски.

The post По апсењето на малолетникот, Спасовски вели лоциран е кластер на лица поврзани со лажните пријави за бомби appeared first on Република.

Секторот за борба против тероризам, насилен екстремизам и радикализам при Одделот за сузбивање на организиран и сериозен криминал до Основно јавно обвинителство за гонење на организиран криминал и корупција поднесе кривична пријава против 15-годишник од Скопје, за сторено кривично дело „тероризам“, предвидено и казниво по член 394-б став 2 од Кривичен законик, информираат од МВР.

Пријавениот малолетник на 24 февруари годинава, користејќи го својот мобилен телефон креирало електронска адреса, и истиот ден, користејќи го својот лап-топ компјутер од својот дом испратило порака со заканувачка содржина на службената електронска адреса на едно средно училиште во Скопје, за која по извршени проверки било утврдено дека е лажна. Притоа, со цел да ги прикрие своите активности при испраќање на пораката малолетникот користел VPN апликација, известуваат од МВР.

По преземени мерки и активности од страна на Секторот за компјутерски криминал и дигитална форензика утврдена е користената IP адреса, чиј сопственик е таткото на малолетникот, а врз основа издадена наредба за претрес на дом од Основен кривичен суд Скопје, извршен е претрес во домот на родителот на малолетникот, од каде привремено се одземени мобилен телефон, сим картичка и лаптоп компјутер кои ги користело малолетното лице.

Од извршеното вештачење е утврдено дека истата електронска адреса е користена за да се испраќаат пораки со заканувачка содржина до неколку училишта на територијата на град Скопје од мобилен телефон и од лаптоп компјутер, во повеќе наврати, соопштуваат од полицијата.

На 3 март 2023, во присуство на негов родител, инспектор за малолетници и семејно насилство од СВР Скопје и адвокат, во полициска станица е извршен службен разговор со малолетникот, во текот на кој тој го појаснил начинот на извршување на кривичното дело.

The post За тероризам ќе му се суди на 15-годишник од Скопје кој испрати дојави за бомба appeared first on Република.

Има разлика меѓу хибридни закани и хибридни напади. Дојавите за бомби се закани, а кибернападите врз институциите како што е Фондот за здравство спаѓаат во хибридни напади.

Податоците во Фондот за здравство се заштитени и тука граѓаните не треба да се грижат. МВР информира детално кога има соодветни информации, вели министерот за внатрешни работи Оливер Спасовски во СТУДИО 10 на ТВ 24.

Полицијата ќе биде присутна во близина на училиштата, и тоа е дел од новото упатство за чиишто детали министерот Спасовски вели дека нема потреба да се објавуваат туку за тоа ќе бидат и се известени директорите на училиштата.

Наставата ќе се одвива непрекинато а постапувањата ќе бидат според фактичката состојба. Најважна е безбедноста и спокојството на граѓаните. МВР ќе го цени ризикот од дојавата, но во секој случај ќе постапи според заканата, појаснува Спасовски.

Според Спасовски, работата не е излезена од контрола туку „такви дојави има насекаде во светот по кои полицијата постапува“.

Ние работиме со Интерпол и Европол, вели Спасовски и додава дека сериозен провлем се ВПН адресите.

https://republika.mk/vesti/makedonija/spasovski-ip-adresite-za-lazhnite-dojavi-vodat-kon-iran-i-rusija/

Напредокот на техниката ги олеснува работите но и создава проблеми, вели Спасовски и уверува дека имаме меѓународна помош за справување со дојавите за бомби.

Од самиот старт МВР анализира неколку различни мотиви. Еден од нив е геостратешкиот, кој е многу веројатен затоа што дојавите за бомби се засилуваат зависно од состојбата на фронтот во Украина. Друг мотив е авантуристички и тука станува збор за малолетници, објаснува Спасовски.

https://republika.mk/vesti/makedonija/zakanuvachite-so-bombi-nema-da-se-gonat-za-terorizam/

Генерално се она што се случува во светот, од миграции до војни и кризи како економската, поттикнуваат хибридни напади, вели Спасовски.

The post Наставата ќе се одвива непрекинато, МВР ќе го проценува ризикот и ќе постапува според заканата appeared first on Република.

Ова е еден интензивен хибриден напад што ни се случува низ целата територија на земјата, при што беа зафатени околу 120 објекти, не само училиштата. Безбедносните служби активно работеа, безбедноста не беше загрозена, но мораше да се постапува според упатствата, вели министерот за внатрешни работи Оливер Спасовски.

Спасовски во гостувањето на Телевизија 24, рече дека интензивно се работи на откривање на сторителите, посочувајќи дека од 19 октомври па се до денеска со опфатени повеќе од 520 објекти со лажните дојави.

Неколку случаи беа разрешени. Сега имаме една изолирана група и се работи на случајот. Не станува збор за закани кои се случуваат само во нашата земја туку со истото се соочуваат и земјите од регионот. Во последните денови мејловите се испратени од адреси во Иран и Русија, а уплатите на ВПН услугите се со криптовалути што го отежнува пронаоѓањето, вели Спасовски.

Спасовски вели дека во еден дел станува збор за алгоритам и тоа се оние напади кои стасуваат од надвор. Дојавите од Македонија главно се од малолетници, но за тоа нема сега да се споделуваат информации со јавноста. Групата се истражува за да се обезбедат доказите.

https://republika.mk/vesti/makedonija/zakanuvachite-so-bombi-nema-da-se-gonat-za-terorizam/

Тој додава дека новото упатство прави проценка на ризик, па оттука и отсега па натаму ќе се преземаат мерки, но без да се нарушува образовниот процес во училиштата.

Спасовски, посочи дека е направен оперативен тим од различни институции кои учествуваат со свои експерти и бараат соодветни решенија за да се најде поинаков пристап кон електронските закани, исто така, нагласувајќи дека е донесено ново успатство за постапување и од петокот училиштата функционираат според тоа упатство.

The post Спасовски: ИП-адресите за лажните дојави водат кон Иран и Русија appeared first on Република.

Истрагите кои Обвинителството ги oтворило против три лица, кои во морето на закани за бомби и самите решиле испратат заканувачки мејл или повик, не се водат под кривичното дело „тероризам“.

Според истражувањето на КОД, обвинителството сите три случаи уште ги нема завршено, а истрагите наместо за тероризам ги води за друго кривично дело.

Еден случај е отфрлен поради недостаток на докази иако МВР во пријавата наведе дека осомничениот сам го признал делото.

https://youtube.com/watch?v=ABuT0c5j2aI&feature=shares

The post Заканувачите со бомби нема да се гонат за тероризам? appeared first on Република.

Додека ги чека новите рочишта и пресудата во предметот „Софтвери“ во кој е првообвинет, поранешниот генерален секретар на Владата, Драги Рашковски, постојано ѝ се обраќа на јавноста со јавни писма за актуелните случувања во Македонија. Во последното, тој нуди неколку идеи како да се реши проблемот со постојаните дојави за бомби кои со месеци пристигнуваат на адресите на училиштата и институциите, но како што вели - ќе се соочиме и со друг проблем.

Ви го пренесуваме неговиот текст во

Можеби е комплетно погрешна перцепијата дека позади дојавите за бомби стои некои човек, група или организација. Многу поверојатно е дека е тоа алгоритам (компјутерски код - софтвер) кој „излегол од контрола”. Во таков случај не може да бараме човек, не може да бараме компјутер, не може да бараме IP адреса. Треба да бараме алгоритам (софтвер).

За да биде посликовито одјаснето. Кога се појави корона вирусот, таргет беше да се лоцира изворот на истиот. Па се отиде до тоа да се наведува и името и презимето на „човекот кој го изеде лилјакот”. Кога вирусот се рашири, веќе не беше важно „кој е првиот, туку како да не станеме следниот”. Колку и да сакаме да персонализираме испраќач на дојавите за бомби сепак поизвесно е дека е тоа компјутерски генериран алгоритам кој „кружи”.

Имаме ли досега поставено „генетика” на алгоритмот? Не треба да бараме профил на личност, туку генетика на алгоритмот. Како тој ги определува школите? Како знае кога е распуст, кога има часови?

Уште една паралела со корона вирусот. Лекувањето од корона на почетокот одеше отежнато од причина што не се знаеше точно на што вирусот реагира. Времето покажа дека многу терапии, како инванзивната филтрација со респиратори е погрешна. Така и со дојавите на бомби. Ги предизвикал ли до сега некој овие мејлови?

На пример:
Со креирање на неколку веб страни на училишта, кои училишта вистински не постојат, но се доволно автентични за да „алгоритмот загризе”. Нешто како лажна рипка за ловење на риби, или како што во спортот го одомаќинивме терминот „лажен цепелин”. Па доколку стаса маил и на фиктивното училиште, веќе сме почнале да навлегуваме во генезата на проблемот.

Ова е само почетна идеја. Има многу „итроштини” за тоа како да дојдете до некои сознанија. Несомнена е заложбата и брзата интервенција на припадниците на МВР, кои верувам дека и се преморени од овие активности кои доведуваат до слабеење на безбедносниот систем, но решението можеби треба да го бараме во римската максима !Vis kon vi repulit” или „Силата со сила се победува”, односно македонската „Од што е болката, од тоа е лекот”. Како што врвни научници создадоа векцина за корона вирусот, така постојат и врвни информатиари...

Она што треба да не плаши е што ако секој од нас, преку својот смарт уред почне да станува испраќач на вакви дојави без да знае? Нешто слично како во време на корона кризата кога многу од нас немаа симптоми на корона, а сепак пренесуваа. Наеднаш би можело да се доведеме во ситуација на тотално лудило. Нашиот телефон да биде регистриран како испраќач, а ние за тоа воопшто да не сме свесни. Што тогаш? Ќе ги наполниме притворите како што ги наполнивме болниците?
Тука доаѓаме до друг момент кој мора да го превенираме. Правна подготовка на обвинителствата за едно вакво сценарио. Како што билниците се спремаат за бранови на корона.

Затоа што не може на обвинител од видот на Ивана Трајчева, која гони организиран криминал да и објасните што е тоа алгоритам кога неколку рочишта по ред го убедува судот дека PDF документ е исто што и форензичка копија? Тоа е исто како да убедувате некој дека лист хартија е исто што и книгата Ана Каренина.

Не може со таков обвинител кој доставува докази креирани на компјутер кој ги носи неговите иницијали и институцијата во која работи (името на компјутерот е ojo gokk IT) кои ги пишувал во Microsoft Word и сакал да се „попрофесионали” па ги прикачил на веб сајт www.ilovepdf.com за да ги конвертира во pdf… од таков обвинител да очекувате декаквалитетно ќе се бори против сајбер криминал.

Има во обвинителството многу стручни обвинители. Мора да се направи посебен оддел од нив кои ќе се занимаваат со оваа проблематика. Зашто на крајот на денот, ти се тие кои можат и смеат да поведат кривична постапка за ваков тип на криминал. Има такви обвинители затоа што сум сретнал и запознал.

Но, не може да се повикуваме на НАТО безбедносни процедури кога имате во судска постапка извештај од полициски службеник Наде Карева Глигоровска која во рамки на ОЈО ГОКК прекршиле 10тина НАТО процедури за дигитална форензика.

Компјутерските вируси, како и билолошките, ги напаѓаат сите, но слабите организми немаат одбранбен механизам за тоа и потклекнуваат. За разлика од биолошките, копјутерските вируси се многу повештачкоинтелигентни. Тие знаат да ја оценат техничката спремност, но и правната спремност на една држава за да се одбрани од нив.

Со www.iLovePDF.com не се заплашува алгоритам?

The post Рашковски нуди идеи како да се лоцираат заканите, но вели џабе со обвинители кои не знаат ни што е PDF appeared first on Република.

Министерството за внатреши работи и Бирото за јавна безбедност денеска во Владата на координативен состанок го презентираа новото упатство за постапките и мерките што ги презема МВР по добиена информација, сознание или дојава за терористички загрозувања и по основ на упатството разработен е план за мерки и активности за спроведување. Дополнително, се работи и на упатство со мерки од страна МОН до директорите на сите училишта кои ќе имаат обврска да ги применуваат.

На состанокот на кој присуствуваа премиерот Димитар Ковачевски, министерот за внатрешни работи Оливер Спасовски, министерот за образование и наука Јетон Шаќири, директорот на Бирото за јавна безбедност Сашо Тасевски беше нагласено и дека МВР обезбедува и постојани полициски патроли за обезбедување на училиштата.

Дополнително, како што соопшти владината прес-служба, мерките и активностите кои Министерството за образование и наука веќе ги презема за справување со хибридните закани се надополнуваат со безбедносно јакнење на училиштата со кои се гарантира сигурноста и безбедноста на учениците и наставниот кадар во самите училишта.

Комплементарно на упатството кое МВР го има разработено, се работи и на упатство со мерки од страна МОН до сите директори на сите училишта, кои ќе имаат обврска да го применат со цел јакнење на безбедноста на учениците и наставниот кадар и непречено одвивање на наставниот процес. Мерките за јакнење на безбедноста на училиштата и наставниот процес ќе бидат детално образложени на директорите на училиштата во следните неколку денови, а благовремено ќе бидат известени и родителите како и јавноста, наведуваат од Владата.

The post Постојани полициски патроли во училиштата, јасни насоки за директорите – утврден план за постапување по добиена закана за бомба appeared first on Република.

И во текот на вчерашниот ден повеќе средни и основни училишта во Скопје добија дојави за бомби, за кои МВР подоцна соопшти дека по извршените проверки сите биле лажни. Министерот за образование и наука Јетон Шаќири изјави дека очекува Владата во најбрз можен рок да ги дискутира новите проблеми кои произлегоа од дојавите за бомби. Министерот за внатрешни работи Оливер Спасовски, пак, рече дека интензивно работат со МОН и веќе се направени одредени усогласувања, бидејќи, како што посочи, сите треба заеднички да постапуваат за да се дојде до решение во кое учениците ќе бидат безбедни и безбедно ќе се одвива наставниот процес.

https://republika.mk/vesti/makedonija/jalova-e-istragata-na-spasovski-politsaets-vleze-vo-uchilnitsata-i-ni-reche-ajde-odime-bomba/

Шаќири кажа дека во средата најголем број училишта што добиле заканувачки пораки за поставени бомби, некои од нив првпат добиле дојава и не биле подготвени да ја спроведат препораката од МОН за онлајн-настава.

https://republika.mk/vesti/makedonija/ako-i-edno-dete-ne-mozhe-da-ja-sledi-nastavata-onlajn-togash-toa-ne-e-nachin-roditelite-na-malite-detsa-ne-go-prifakaat-predlogot-na-mon/

Рече дека очекува во најбрз можен рок Владата да ги дискутира сите проблеми што произлегоа - во целодневната настава, проблемите што ги имаат родителите  што се вработени за да може, како што рече, да се најде нов предлог за решение по препорака на надлежни институции, со оглед на тоа што се зголемува бројот на училишта што добиваат дојави, а таргет сега се и основците покрај средношколците.  Рече и дека ќе се анализира ситуацијата, ќе се земат искуствата од други земји и ќе се разгледува електронската комуникација.

Дали се размислува сите средни училишта да преминат на онлајн-настава, тој одговори дека „не е лесна  одлука“ дали тоа да биде за средните во Скопје или во цела држава.

https://republika.mk/vesti/makedonija/ne-e-lesno-da-se-donese-odluka-za-tselosna-onlajn-nastava-reche-ministerot-shakiri-po-zakanite-za-postaveni-bombi-vo-uchilishtata/

На прашање дека само државните, а не и приватните училишта добиваат дојави за бомби, Шаќири одговори  дека и тој се прашува зошто „вакви лоши намери“ има само за државни установи.

https://republika.mk/vesti/makedonija/shakiri-i-jas-se-prashuvam-zoshto-nema-dojavi-za-bombi-vo-privatnite-uchilishta/

Министерството за образование и МВР веќе направиле одредени усогласувања за заеднички да постапуваат за да се дојде до решение во кое учениците ќе бидат безбедни и безбедно ќе се одвива наставниот процес, изјави синоќа министерот за внатрешни работи Оливер Спасовски во врска со дојавите за бомби во училиштата.

https://republika.mk/vesti/makedonija/spasovski-za-od-utre-imame-novi-nasoki-po-dojava-za-bomba-ke-ima-poinakvi-aktivnosti/

Тој додаде дека МВР патролно веќе ги обезбедува сите училишта 24 часа, но согласно новиот акт, веднаш по дојавата за бомба ќе треба да се преземат одредени мерки, и како што рече, од тоа нема да има отстапки.

Како што посочи, се бараат и решенија за решавања на целата состојба поврзана со дојавите за бомби, и напомена дека она што вчера е донесено како акт, ќе биде дел од решението на процесот.

https://republika.mk/vesti/makedonija/nitu-edno-privatno-uchilishte-ne-dobilo-mejl-so-bomba-mvr-tvrdi-deka-zakani-imalo-vo-albanskite-shkoli/

The post Бомби има, решение нема: Децата по улици наместо во училници appeared first on Република.

Интензивно работиме со Министерството за образование и наука (МОН) и веќе се направени одредени усогласувања. Ќе почне и комуникацијата меѓу нашите Сектори за внатрешни работи и образовните институции, заради тоа што сите треба заеднички да постапуваме за да дојдеме до решение во кое учениците ќе бидат безбедни и безбедно ќе се одвива наставниот процес, изјави вечерва министерот за внатрешни работи Оливер Спасовски во врска со дојавите за бомби во училиштата.

Прашан за тоа дали размислува да се воведе 24 часовно обезбедување во училиштата, Спасовски информираше дека денеска е донесен посебен акт во делот на тероризмот, поради тоа што претходниот е застарен, и согласно овој акт од утре ќе се почне со нови активности. Како што рече, веќе се донесени одредени насоки за утрешниот ден.

Тој додаде дека МВР патролно веќе ги обезбедува сите училишта 24 часа, но согласно новиот акт, веднаш по дојавата за бомба ќе треба да се преземат одредени мерки, и како што рече, од тоа нема да има отстапки.

Ова не е активност со која може да се справи само МВР. Ова е активност со која треба да се справат сите институции и затоа се формираше работен тим во рамките на Владата, во кој влегуваат институциите - Агенцијата за национална безбедност, Агенцијата за разузнавање, Агенцијата за електронски комуникации и секој има свои активности кои треба да бидат преземени во овој дел. Ние во овој период работевме интензивно и денеска донесовме посебно упатство, односно посебен акт, што е во согласност со приликите кои се сега, заради тоа што имаше упатство кое беше застарено во делот на тероризмот. Согласно тоа упатство ќе започнеме нови активности, изјави Спасовски при посетата на полициските службеници кои се дел од сообраќајната патрола на булеварот „Босна и Херцеговина“ во Скопје, во одговор на новинарско прашање.

Како што посочи, се бараат и решенија за решавања на целата состојба поврзана со дојавите за бомби, и напомена дека она што денеска е донесено како акт, ќе биде дел од решението на процесот.

Во овој процес треба да учествуваат сите институции. Ние писмено се обративме до одредени институции со прашање кои мерки ги имаат преземено од она што е во делот на нивната надлежност. Очекуваме дека ќе дадат одговори. Доколку има институции кои не преземале одредени активности од своја надлежност а биле должни да ги преземат, ќе го известиме и Јавното обвинителство. Оваа битка е битка на секој еден во институциите и сите заедно мора да работиме, заради тоа што ако станува збор за терористичка закана, тогаш сите треба да бидеме во борбата против теротизмот. За нас, безбедноста на учениците и на наставниот кадар е на прво место, потенцираше Спасовски.

The post Спасовски: За од утре имаме нови насоки, по дојава за бомба ќе има поинакви активности appeared first on Република.

Претседателот на Заедница на единиците на локалната самоуправа на Македонија (ЗЕЛС), Орце Ѓорѓиевски упати апел до надлежните институции за сериозност и професионално делување во однос на лажните дојави за бомби во училиштата. Според Ѓорѓиевски, поради неможноста да се најдат испраќачите, кај граѓаните сериозно е нарушено чувството на безбедност и доверба во системот.

Од името на ЗЕЛС, сакам да апелирам и да го повикувам МВР, како надлежна институција да преземе сериозни чекори за пронаоѓање на испраќачите на електронските пораки за поставени бомби низ училиштата во Скопје и другите градови за да можат учениците што поскоро непречено да следат настава. Апел и до МОН бидејќи системот за онлајн настава не функционира во повеќето од училиштата, па заобиколните решенија за одвивање на образовниот процес не се возможни. Општините не можат да ја спроведуваат оваа доверена надлежност и не можат да им помогнат на родителите кои огорчени се обраќаат во единиците на локалната самоуправа, нагласи Ѓорѓиевски.

Тој го повика и Министерството за образование и наука да најде начин наставата да продолжи и да се зафати сериозно со овој проблем, бидејќи како што рече, системот за онлајн настава не функционираше вчера, а не функционира ниту денес за некои училишта.

The post МВР да ги пронајде заканувачите, а МОН да си го среди системот за онлајн настава кој не работи, повика ЗЕЛС appeared first on Република.

Од Министерството за внатрешни работи потврдуваат дека заклучно денес, нема пристигнато ниту една пријава за дојава за бомба во приватно училиште во Македонија. За ова денеска коментираше и министерот за образование и наука, Јетон Шаќири.

И јас се прашувам неколку пати зошто само во државните училишта. Не сакам да кажам да има дојави за бомби и во приватните училишта, туку би сакал да кажам да нема дојави и во државните училишта, рече тој одговарајќи на новинарски прашања.

Во јавноста се коментира дека досега немало закана ни во училишта каде има доминантно албански ученици, но од МВР тврдат дека ова не е точно.

Пријави за поставени бомби пристигнуваат во многу училишта без разлика на јазикот на кој се одржува наставата, велат за „Република“ оттаму.

Сепак, на прашањата во кои училишта досега пристигнала по барем една дојава и кои се училиштата во Скопје кои досега не биле под закани, не добивме одговор.

Од МВР велат само дека од 19.10.2022 до 27.02.2023 за вкупно 765 локации добиле пријави за закани за поставени бомби, од кои повеќето се во училишта, а дел се во државни институции, трговски центри и други објекти.

Самите истраги се исклучително комплексни, поврзани со меѓународна размена на информации и поддршка како и со барања за мeѓународна правна помош. Притоа, вклучени се сите институции во државата од безбедносниот сектор, како и од земјите членки на ЕУ и НАТО, Интерпол, Европол, сите партнерски организации и со сите расположливи капацитети се преземаат мерки за расчистување на случаите. По добиената пријава, полициските службеници во најкраток можен рок пристигнуваат на пријавената локација. Времетраењето на проверките зависи од големината и комплексноста на објектот кој се проверува, како и од други фактори. Кога има пријави од повеќе училишта во исто време, се врши безбедносна проценка и согласно тоа се изготвува план по кој редослед ќе се вршат проверките. По добиено известување дека постои пријава за поставена експлозивна направа, веднаш се врши евакуација на објектите, се обезбедува безбедносен периметар, се настапува со проверка на блиската околина на објектите, проверка со користење на службени кучиња специјализирани за откривање на експлозиви на околината и на внатрешноста на објектите. Сите понатамошни постапки се спроведуваат согласно утврден протокол за Антитерористичка проверка, смируваат од МВР.

The post Ниту едно приватно училиште не добило мејл со бомба, МВР тврди дека закани имало во албанските школи appeared first on Република.

Денеска до 10.00 часот во МВР било пријавено дека на електронските адреси на 21 средно и 18 основни училишта во Скопје е упатена закана за поставена експлозивна направа.

Како што потврдија од МВР за МИА, веднаш по добиените пријави, полициски службеници презедоа мерки за безбедно евакуирање на објектите и во тек се антитерористички проверки, а се преземаат и мерки за расчистување на случаите.

The post Нов ден, нови дојави во 39 скопски училишта appeared first on Република.

Градоначалникот на Гази Баба, Бобан Стефковски информираше дека и денеска се пристигнати дојави за поставени бомби во ООУ „Наум Наумовски Борче“, ООУ „Стив Наумов“ и ООУ „Наум Охридски“. Додаде дека од училиштата се превземени мерките согласно утврдените протоколи и учениците се евакуирани од училишните згради и се наоѓаат на безбедно.

Во општина Гази Баба на 16.12.2022 година за првпат пристигна дојава за бомба во училиште, денес сме 23.02.2023 година. Недозволиво е за државата неколку месеци во континуитет да пристигнуваат вакви дојави, а притоа да не можат да се откријат сторителите.
До мене пристигнуваат реакциите на родителите кои со право прашуваат: Дали ова е доказ дека целосно е дерогиран безбедносниот систем на Република Македонија? Или пак се работи за неспособност и непрофесионалност на вршителите на јавните функции?
Ова повеќе не може и не смее да се толерира! Барам превземање на итни и енергични активности и мерки од страна на надлежните институции со цел оваа појава да запре!, пишува Стефковски.

The post Стефковски: Родителите со право ме прашуваат дали ова е доказ дека целосно е дерогиран безбедносниот систем appeared first on Република.

Во 32 училишта во Скопје и едно во Прилеп денеска се упатени дојави за бомби. Пријавите се пристигнати на електронските адреси на училиштата.

Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите, велат од МВР.

Вчера дојави за бомби освен во училишта имаше и во институции, хотели, згради и трговски центри во Скопје.

The post Нови евакуации на училиштата и утрово appeared first on Република.

Покрај на адресите на повеќе институции, судови, музеи, трговски центи и објекти во Скопје, меѓу кои и на претседателската вила на Водно, утрово, стигнале закани за подметнати експлозивни направи и до 11 скопски училишта. Како што потврди Министерството за внатрешни работи за МИА, во тек се антитерористички проверки.

Денеска (21.02.2023) е пријавено дека преку електронските адреси е упатена закана за поставена експлозивна направа до Музеј на град Скопје, Природонаучен музеј, Археолошки музеј, Музеј на ММБ, Спомен куќа на Мајка Тереза, ГТЦ, Ист гејт мол, ТЦ Бисер, Флатирон, Џевахир, Управен суд, Куќа на Претседателот-Вила Водно, х. Мериот, х. Александар Палас, СЦ Борис Трајковски, Железничка станица Скопје и ФФМ. Исто така добиена е пријава за упатена закана и од 11 училишта во Скопје. Веднаш по добиените пријави, од полициски службеници се преземени мерки и во тек се антитерористички проверки и се преземаат мерки за расчистување на случаите, наведуваат од МВР.

Вчера, како што информира МВР, дојави за поставени експлозовни направи пристигнаа на електронските адреси на 10 училишта и аеродромот во Скопје, како и кај четири во Прилеп, за кои по спроведените антитерористички проверки е утврдено дека станува збор за лажни пријави.

The post Дојави за бомби и во 11 училишта во Скопје appeared first on Република.