Четврти ден закани со бомби до училиштата во Софија и низ Бугарија. Повеќе од 45 нови закани, повторно испратени по електронска пошта, затворија училишта. Истрагата на полицијата чија цел е да се утврди каде се наоѓа испраќачот, продолжува. Директорите на локацијата одлучуваат дали часовите треба да продолжат, јавија бугарските медиуми.

Неколку училишта во Бургас го започнаа денот со мејлови за поставени експлозивни направи во зградите, поради што учениците беа евакуирани. Образовни институции во Пловдив, Стара Загора, Добрич, Јамбол и Софија, исто така, добија заканувачки пораки.

Не знаеме како да реагираме на такви сигнали. Дури и да не е конкретно хибридна војна, создавањето психоза исто така не е корисно за општеството и донекаде помага да се постигнат целите. Кај нас постои проблем - имаме стратешки рамковен Акт за антитероризам, но, за жал , немаме тактички дејствија, не знаеме што да правиме, изјави за бугарски медиуми експертот за национална безбедност Милен Иванов.

Националниот бугарски план за борба против тероризмот се очекува да биде ажуриран до 31 мај.

The post Нови закани за поставени бомби низ училишта во Бугарија appeared first on Република.

На електронските адреси на 19 училишта во Скопје попладнево е упатена закана за поставена експлозивна направа, информираат од Министерството за внатрешни работи за МИА.

Како што посочуваат, веднаш по добиените пријави, од полициски службеници се преземени мерки за безбедно евакуирање на објектите.

Во тек се антитерористички проверки и се преземаат мерки за расчистување на случаите.

The post Дојави за бомби во 19 училишта во Скопје, во тек проверки appeared first on Република.