На електронските адреси на 15 училишта во Скопје (13 средни и две основни) попладнево е упатена закана за поставена експлозивна направа, во дел од објектите веќе се завршени проверките и е утврдено дека станува збор за лажни пријави, информираат од Министерството за внатрешни работи.

Веднаш по добиените пријави до СВР Скопје, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите. Во дел од објектите се завршени проверките и утврдено дека станува збор за лажна пријава. Во останатите, проверките се во тек, наведуваат од МВР.

Како што најави претходно премиерот Димитар Ковачевски, денеска ќе се одржи координативен состанок на безбедносните служби, каде што ќе се разговара за состојбата со лажните дојави за бомби во изминатиот период.

The post Евакуирани 15 скопски училишта откако попладнево стигнаа нови закани со бомби appeared first on Република.

Српската полиција во соработка со Обвинителството за организиран криминал идентификуваа вкупно 19 електронски адреси – 18 адреси на ЏиМаил (Gmail) и една е-пошта на ПротонМаил (ProtonMail), од каде се испратени заканувачките пораки за поставени бомби на различни локации во Србија.

Утврдено е дека осум такви закани пристигнале од Полска, четири од Гамбија, по две од Иран и Нигерија и по една од Украина, Словенија и од Русија.

Припадниците на српската полиција идентификувале и лице, кое во текот на вчерашниот ден, телефонски упатило закани со иста содржина, јавија српските медиуми

The post Заканите за бомби во Србија доаѓале од Украина, Словенија, Полска и Русија appeared first on Република.