Испраќањето на војници на НАТО во Украина би било „исклучително опасно“, соопшти Кремљ, додавајќи дека Москва внимателно ја следи украинската петиција со која се повикува на таква интервенција. Во петицијата, објавена на веб-страницата на украинскиот претседател, се наведува дека Украина треба да побара од САД, Велика Британија и други земји да испратат војници во борбата против руската инвазија.

Режимот во Киев е прилично непредвидлив“, рече портпаролот на Кремљ, Дмитриј Песков.Неколку пати кажавме дека директната интервенција на воените трупи на земјите од НАТО во овој конфликт потенцијално претставува голема опасност и сметаме дека ова е исклучително сериозна провокација и, се разбира, внимателно следиме сè”, додаде Песков.

Засега не е познато дали петицијата ќе го собере потребниот број од 25.000 гласови, што ќе го обврзе претседателот Володимир Зеленски да одговори со одобрување или отфрлање. До среда наутро беа собрани 1594 гласови.Франција е подготвена да испрати војскаНАТО и’ помага на Украина со испраќање повеќе оружје, вклучувајќи тенкови и ракети со долг дострел, но воздржувајќи се од директна интервенција со војниците на теренот. И американскиот претседател Џо Бајден и рускиот претседател Владимир Путин предупредија дека тоа може да доведе до трета светска војна.Францускиот претседател Емануел Макрон смета дека прашањето за испраќање западни војници во Украина „легитимно“ би се поставило доколку Русија ги пробие украинските одбранбени линии и доколку Киев го побара тоа.Портпаролката на руското Министерство за надворешни работи, Марија Захарова, во средата изјави дека доколку Макрон испрати француски војници во Украина, тие ќе бидат легитимна цел на руската војска.„Ако Французите се појават во зоната на конфликтот, тие неизбежно ќе станат цел на руските вооружени сили“, рече Захарова.

The post Испраќањето на војници на НАТО во Украина би било „исклучително опасно“, соопшти Кремљ appeared first on Република.

Портпаролката на руското Министерство за надворешни работи, Марија Захарова денеска оцени дека „Мировната формула“ на украинскиот претседател Володимир Зеленски треба да се сведе на прекин на испораката на оружје од Запад за Киев.

Таа ја коментираше изјавата на високиот претставник на ЕУ за надворешна политика и безбедност, Жозеп Борел, дека „без испорака на оружје од Запад, Украина ќе капитулира за две недели“.

- Неверојатно признание! Еве ја целата „формула за мир“ за вас – крај на западното снабдување со оружје на режимот во Киев, напиша таа на Телеграм.

The post Захарова: „Мировната формула“ за Украина ќе успее доколку Западот престане да испорачува оружје appeared first on Република.

„Во никој случај ситуацијата не треба да се предизвикува да дојде до понатамошно влошување. Мора да се направи сè за Советот за безбедност на ОН да почне да функционира“, кажа Захарова.

Таа кажа дека не функционира не затоа што е застарен или затоа што Повелбата на ОН повеќе не е релевантна, туку затоа што постојат земји кои не дозволуваат нејзино користење.

„Што значи тоа? Тоа беше напад на конзуларен објект. Тоа е територија која го има целиот имунитет според Виенската конвенција“, истакна Захарова.

Политиката на Вашингтон доведе до актуелниот колапс на Блискиот Исток, каков што регионот не доживеал во поновата историја, истакна портпаролката на руската дипломатија.

„Се чини дека ова е уште една американска авантура која пропадна, како што пропадна таканаречениот проект „Украина“ во контекст на американското читање на иднината на оваа земја“, истакна Захарова.

The post Захарова: Советот за безбедност на ОН требаше да го осуди нападот на конзулатот во Сирија appeared first on Република.

Русија денеска изрази сомневање поради американските тврдења дека Исламската држава (ИД) е одговорна за нападот во концертна сала во близина на Москва, во кој загинаа 137 луѓе, а 182 се повредени.

Портпаролката на руското Министерство за надворешни работи, Марија Захарова ги доведе во прашање американските тврдења за одговорноста на споменатата џихадистичка група, која не толку одамна контролираше огромни области на Ирак и Сирија.

Внимание – прашање за Белата куќа: Дали сте сигурни дека е Исламската држава. Можеби треба да размислите повторно“, рече Захарова.Покрај тоа, таа тврди дека САД ја шират верзијата на ИД како „ѓубриња“ за да ги заштитат своите „штитеници“ во Киев и потсети дека САД ги поддржувале „муџахедините“ во борбата против советските сили во 80-тите.

The post Захарова до САД: Дали сте сигурни дека е Исламската држава, можеби треба да размислите повторно appeared first on Република.

Русија соопшти дека поканата на папата Франциск за разговори со Москва за ставање крај на војната во Украина е барање до западните сојузници на Киев да се откажат од нивните амбиции да ја поразат Русија и да ја признаат грешката на Западот во украинската војна, објави денеска италијанската новинска агенција АНСА.

Папата неодамна изјави дека Украина ќе мора да има храброст за „бело знаме“ и да преговара за крај на војната со Русија, по почетокот на инвазијата пред две години во која загинаа десетици илјади луѓе.

Во интервјуто снимено минатиот месец за швајцарската телевизија РСИ, Франциск кажа што мисли за оние кои велат дека Украина треба да се откаже бидејќи не успеала да ги одбие руските сили и тие кои веруваат дека тоа ќе и даде легитимитет на посилната страна.

Новинарот во своето прашање го употреби терминот „бело знаме“. „Тоа е едно толкување, тоа е вистината“, рече тогаш Франциск, според извадоци од интервјуто што треба да се емитува на 20 март.

„Зборот „преговарање“ е храбар збор. Кога ќе видите дека сте поразени, дека работите не одат добро, треба да имате храброст да преговарате“, нагласи Франциск.

Портпаролката на руското Министерство за надворешни работи, Марија Захарова, коментира дека Западот ја користи Украина како инструмент на своите амбиции да ја ослабне Русија.

„Како што јас го гледам тоа, папата бара од Западот да ги остави настрана своите амбиции и да признае дека не е во право“, ја цитира АНСА изјавата на Захарова.

Што се однесува до Русија, продолжи таа, „никогаш не сме ги блокирале преговорите“. Во исто време, Захарова додаде дека ситуацијата во Украина е „без излез“. рп/Фото: МИА архива .

The post Захарова: Апелот на папата за украинската војна му беше упатен на Западот appeared first on Република.

Шефот на руската дипломатија Сергеј Лавров ќе има повеќе билатерални средби на маргините од Министерскиот совет на ОБСЕ во Скопје, а се предвидени и мултилатерални состаноци, соопшти денска портпаролката на МНР на Русија Марија Захарова.

Можам да потврдам дека има многу барања за билатерални средби. Ќе има и мултилатерални средби, во мултилатерални формати, информира Захарова на денешниот брифинг во Москва, пренува ТАСС.

Захарова не откри детали со кого се Лавров ќе се сретне во Скопје, но се пожали на опструкции од, како што наведува, САД и „колективниот Запад“ со цел да се спречи нормалното учество на Русија на форумот на ОБСЕ. Посочи и дека на неколку руски новинари им било онезвоможено да го следат учеството на руската делегација на настаните во Скопје.

The post Захарова: Лавров ќе има повеќе билатерални средби во Скопје appeared first on Република.

Русија денеска соопшти дека Украина користи австралиски дронови за да напаѓа цели на руска територија и оти Австралија се повеќе се вовлекува во конфликтот.

- Излезе дека австралиски беспилотни летала всушност се користат за напади врз цели во Русија, рече портпаролката на руското Министерство за надворешни работи, Марија Захарова.

Таа ова го кажа во одговор на новинарско прашање за информациите објавени минатата недела во „Сиднеј Морнинг Хералд“, според кои аеродромот во рускиот град Курск бил нападнат со австралиски дронови.

Захарова ја обвини австралиската Влада дека „со ентузијазам придонесува за антируската кампања диригирана од Вашингтон“, обидувајќи се на тој начин да ги скрие од јавното мислење „незавидните околности што укажуваат дека Австралија се повеќе е вовлечена во конфликтот во Украина“. јт/

The post Захарова: Украина ја напаѓа Русија со австралиски дронови appeared first on Република.

Москва е алармирана од уште еден бран на ескалација на Косово. Претседателот на Србија, Александар Вучиќ навреме побара одржување седница на Советот за безбедност на Обединетите нации, соопшти денеска руското Министерство за надворешни работи.

Портпаролката на Министерството, Марија Захарова изјави дека „ситуацијата излегува од контрола, и дека постои директна закана за опстанокот на српскиот народ на Косово“.

„Секој чекор кон решение на Косово, како и дијалогот меѓу заинтересираните страни (Белград и Приштина), треба да се води во рамките на меѓународното право врз основа на Резолуцијата 1244 на Советот за безбедност на ОН“, рече Захарова.

The post Захарова: Ситуацијата на Косово е алармантна, Вучиќ навреме побара седница на Советот за безбедност на ОН appeared first on Република.

Портпаролката на руското Министерство за надворешни работи Марија Захарова денеска ја предупреди Молдавија да престане да спроведува политика која му одговара на Западот.

Таа ја повика Молдавија да следи политика што ќе биде во интерес на нејзините граѓани.

Таа на овој начин го коментираше повикот на властите во Кишињев Русија да го намали бројот на свои дипломатски претставници на територијата на Молдавија.

Русија денеска предупредува дека Москва и Кишињев претходно не постигнале никаков договор за тоа колку дипломати може да имаат двете земји една во друга и дека нивниот број зависи од моменталните услови и ситуацијата, како и од специфичните потреби на дипломатските претставништва, Захарова. наведено.

„Народите на Русија и Молдавија се поврзани со богата заедничка историја и култура, активна соработка во економската и хуманитарната сфера и блиски лични контакти меѓу луѓето. Повеќе од 200.000 руски граѓани живеат во Молдавија, а молдавската дијаспора во Русија брои околу половина милион луѓе. Руската страна е заинтересирана за проширување и зајакнување на овие врски со нашиот пријателски молдавски народ врз основа на принципот на меѓусебно почитување и немешање во внатрешните работи на другата страна. Врз основа на сето ова, ние веруваме дека сегашниот број на луѓе кои работат во руската амбасада во Кишињев е апсолутно оправдан“, прецизира Захарова.

Москва додава дека Кишињев со последните изјави покажува дека е заинтересиран да ги наруши односите со Русија, што предизвикува се поголемо незадоволство кај народот на Молдавија и предупредува дека Москва би можела да преземе слични мерки, кои не би одговарале на молдавската дијаспора на територијата на Русија.

The post Захарова ја предупреди Молдавија appeared first on Република.

Марија Захарова, портпаролка на руското Министерство за надворешни работи, на својот телеграм-канал, одговори на коментарите на украинскиот претседател Володимир Зеленски за забавувањето на западните санкции против Русија.

Таа го цитираше Зеленски кој вчера се пожали дека темпото на европските санкции против Русија се забавува, а Русија сè побрзо се приспособува на ограничувањата. Потоа таа додаде:

Западна Европа паѓа во рецесија и одамна ја изгуби навиката за преживување. Европа тоне, а Украина ја влече на дното.

„Блумберг“ вчера објави дека еврозоната може да избегне рецесија по неочекуваниот раст на БДП на крајот на 2022 година, и покрај двоцифрената инфлација и руската инвазија на Украина. Евростат објави дека во последниот квартал од минатата година бруто-домашниот производ пораснал за 0,1 отсто, иако економистите процениле пад од 0,1 отсто.

The post Захарова: ЕУ тоне во рецесија, а Украина ја влече на дното appeared first on Република.

Портпаролката на руското Министерство за надворешни работи, Марија Захарова се закани дека ќе се одмаздат за убиените руски војници.

Таа бара меѓународните организации да го осудат злосторот и да поведат истрага.  Захарова вели дека вмешаните ќе бидат идентификувани и дека нема да ја избегнат одмаздата.  Таа вели дека Западот ги игнорира овие злосторства на Киев, со што САД и Европа се соучесници.

На 18 ноември, на интернет е објавено видео, на кое, наводно, украински војници убиваат руски затвореници. Снимките најпрво се појавија на украинските Телеграмски канали, а потоа ги објави руската провоена јавност.

Автентичноста на видеата од независни извори не е потврдена. Нејасно е и кога се направени. Украинскиот опозициски блогер Анатолиј Шариј, говорејќи од проруска позиција, тврди дека тој објавил еден од записите во неговиот затворен канал „пред неколку дена“. На едно од видеата, група воени лица, веројатно во униформа на руските вооружени сили, е заробена во дворот на станбена зграда, потоа се појавува човек со оружје, се слушаат истрели, а видеото нагло се прекинува.

Украина не го коментираше случајот.

The post Захарова побара меѓународните организации да поведат истрага за убиените руски затвореници appeared first on Република.

Портпаролката на Министерството за надворешни работи на Русија, Марија Захарова, праша дали полските власти ќе се извинат за антируската хистерија што следеше по падот на ракетата на полска територија.

– Претседателот на Полска рече дека падот на ракетата е „несреќен случај“. Дури вчера ја слушавме хистеријата на полските функционери и политичари. Дали полските институции кои си дозволија антируски испади и кои го повикаа рускиот амбасадор во Варшава, Сергеј Андреев, на полноќ ќе се извинат? – напиша Захарова на Телеграм.

Вечерта на 15 ноември полските медиуми објавија дека две ракети паднале на територијата на Полска во близина на границата со Украина.

Во инцидентот загинаа две лица.

После тоа, ноќта на 16 ноември, рускиот амбасадор во Варшава, Сергеј Андреев, итно бил повикан во Министерството за надворешни работи на Полска.

Како што беше соопштено, рускиот амбасадор бил примен од полскиот министер за надворешни работи Збигњев Рау и по тој повод „се одржал многу краток разговор“.

Портпаролот на Кремљ, Дмитриј Песков, претходно изјави дека официјални лица на голем број западни земји, вклучително и Полска, реагирале хистерично на ракетниот инцидент без вистински информации за настанот, посочувајќи дека тоа е уште една жестока русофобна реакција.

Претседателот на Полска Анджеј Дуда изјави денеска дека постои голема веројатност ракетата што паднала на територијата на Полска да припаѓа на силите за воздушна одбрана на Украина.

The post Захарова ги праша Полјаците: Нема да се извините за антируската хистерија? appeared first on Република.

Марија Захарова – портпаролката на Министерството за надворешни работи на Русија, денеска го повика Западот да го искористи своето влијание за да ја одврати Украина од плановите за употреба на т.н. валкана бомба.

Го повикуваме Западот да влијае на неговите украински штитеници да го напуштат овој многу опасен и ризичен потфат. И не само овој, туку и сите оние зафати, активности и дејствија што може да се наречат нуклеарна уцена, бидејќи сето тоа води до неповратни последици и можна масовна смрт на невини цивили“ – рече Захарова на прес-конференција.

Таа оцени дека Киев користи „нуклеарна уцена“ за да добие поголема воена и финансиска помош од Западот, пренесува Захарова.

Сосема е можно режимот во Киев да ја искористи оваа нуклеарна уцена за да обезбеди поголема финансиска и воена помош од Западот“, рече Захарова, пренесува „Танјуг“.

Таа смета и дека оваа помош не е помош за народот, ниту пак служи за одбрана на Украина, туку на претставниците на режимот бидејќи, како што вели, голем дел од овие средства веднаш одат на нивните приватни сметки.

The post Захарова: Западот да го одврати Киев од опасните потфати appeared first on Република.

Руското министерство за надворешни работи соопшти дека пукнатините на гасоводот Северен тек, поради кои гасот истекува на бреговите на Данска и Шведска, се појавиле во област која е „целосно под контрола“ на американските разузнавачки агенции.

Се огласи и портпаролката на министерството за надворешни работи, Марија, која за прорежимска ТВ програма изјави дека „Вашингтон има целосна контрола“ врз водите околу Данска и Шведска, каде се воочени четири места од каде истекува гас од Северен тек 1 и Северен тек 2 во Балтичкото Море меѓу Русија и Германија.

Ова се случи во трговските и економските зони на Данска и Шведска, рече Захарова во четвртокот во интервју за каналот Соловјев Лајв.

Тоа се земји кои се целосно под контрола на американските разузнавачки служби, додаде таа.

The post Захарова: Северен тек е саботиран на место контролирано од американското разузнавање appeared first on Република.

Москва и Киев продолжуваат да се обвинуваат меѓусебно за гранатирање на нуклеарната централа Запорожје, па портпаролката на Министерството за надворешни работи на Русија, Марија Захарова изјави дека Киев ја држи цела Европа во заложништво со гранатирање на нуклеарната централа, јавуваат агенциите.

Убиствата зад аголот и под превезот на ноќта се карактеристичниот modus operandi, да не речам суштината, на поддржувачите на идеологијата на Бандер, позната уште од Големата патриотска војна“, посочила Захарова, пренесе ТАС С.

Според нејзините зборови, тие сега ги избрале не само народот на Русија и Украина за своја цел, туку ја земаат цела Европа како заложник и очигледно не им е непознато да ја „запалат“ во корист на нивните нацистички идоли.

Захарова рекла и дека ситуацијата околу нуклеарната централа Запорожје секој ден станува сè поопасна поради акциите на украинските вооружени сили.

Таа посочила дека МААЕ редовно испраќа информации од терен и ги разоткрива криминалните дејствија на украинската армија.

Постојаниот претставник на Русија во меѓународните организации во Виена, Михаил Улјанов, претходно изјавил дека Русија е подготвена да му помогне на раководството на МААЕ во организирањето на посетата на нуклеарната централа во Запорожје, пренесе РИА Новости.

Претходно денеска украинскиот амбасадор во МААЕ, Евгениј Цимбаљук, изјавил дека руските сили сакаат да предизвикаат недостиг на струја во јужна Украина со гранатирање на нејзиниот нуклеарен комплекс во Запорожје и ја повикал меѓународна мисија да ја обиколи постројката во Запорожје овој месец.

„Ќе ги искористиме сите можни канали на дипломатијата за да ги приближиме МААЕ и ОН во спроведувањето на оваа мисија“, изјавил Цимбаљук за новинарите во Виена.

The post Захарова: Киев ја држи цела Европа во заложништво appeared first on Република.

Министерството за надворешни работи и Министерството за одбрана излегоа со заедничко соопштение по реакцијата на портпаролката на Кремљ, Марија Захарова, за испораката на тенкови Т-72 како воена помош за Украина. Од двете министерства велат дека тоа е помош со која ќе и се помогне на Украина да го сочува својот територијален интегритет.

Република Македонија е суверена држава која одлуките ги носи самостојно водејќи се од принципите на почитување на меѓународното право, Повелбата на ООН, принципите и заложбите на ОБСЕ за заштита на европската безбедносна архитектура и глобалната стабилност.

Македонија уште од самиот почеток ја осуди воената интервенција во Украина и застана во поддршка на територијалниот интегритет, суверенитет и независнот на Украина, а пред се во поддршка на мирот, човековите права и меѓунаордниот поредок заснован на правила. Имено, досега, Владата на Република Македонија донесе неколку Одлуки за воено – техничка помош со кои и помагаме на Украина во одбрана на својот територијален интегритет кој е загрозен од воената интервенција.

Република Македонија како членка на најмоќниот воено – политички сојуз – НАТО Алијансата, одлучно стои зад позицијата и решителноста на Алијансата да биде гарант на мирот и безбедноста на своите земји – членки и да ги штити вредностите, слободата и безбедноста на сегашните и идните генерации, гласи соопштението на МНР и МО испратено до медиумите.

The post Заедничко соопштение на МНР и МО по реакцијата на Захарова: Tоа е помош за Украина да го сочува својот територијален интегритет appeared first on Република.

Министерката за надворешни работи на БиХ Бисера Турковиќ остро ги осуди обидите на Русија да го минимизира геноцидот во Сребреница и со тоа да ги негира воените злосторства извршени од руските сили во украинскиот град Буча.

Портпаролката на руското Министерство за надворешни работи, Марија Захарова, во објава на Фејсбук ги отфрли наводите дека руската војска извршила масовни убиства на украински цивили во Буча, опишувајќи ги наводите на Москва како „режирана продукција во Сребреница“.

Апсолутно е неприфатливо и историски фалсификат што некои функционери на Руската Федерација долго време ги негираа во јавни настапи судски докажаните и меѓународно признати факти за геноцидот во Сребреница, рече Турковиќ.

Таа додаде дека осудата е пропагандна злоупотреба на најлошото злосторство на европско тло од Втората светска војна, кога повеќе од 8.000 Бошњаци од Сребреница беа убиени од војската и полицијата на босанските Срби во јули 1995 година.

Турковиќ потсети дека Русија е исто така членка на Советот за безбедност на ОН, кој го основа Меѓународниот кривичен трибунал за поранешна Југославија (МКТЈ) во 1993 година и со бројни пресуди потврди дека е извршен геноцид во Сребреница.

Референцата на Захарова всушност се однесуваше на американскиот претседател Џо Бајден поради неговата изјава дека доказите во Буча потврдуваат дека рускиот претседател Владимир Путин е воен злосторник и дека овие злосторства треба да се истражат.

Одлична идеја, да почнеме со бомбардирањето на Југославија и окупацијата на Ирак. Можам да ги додадам и директорите на продукцијата во Сребреница, напиша Захарова.

Таа ја додаде трговијата со човечки органи на Косово и нуклеарното бомбардирање на Јапонија пред крајот на Втората светска војна на нејзиниот список на наводни американски злосторства.

The post Турковиќ ги осуди обидите на Русија за минимизирње на геноцидот во Сребреница нарекувајќи го режирана продукција appeared first on Република.

Реагирајќи на барањето на американскиот претседател Џо Бајден да се изведе претседателот на Руската Федерација, Владимир Путин пред лицето на правдата за воените злосторства во Украина, портпаролката на руското Министерство за надворешни работи Марија Захарова на апликацијата Телеграм напиша дека „повикот на Бајден за судење за воени злосторства е одлична идеја“.

Одлична идеја, нека почнат со бомбардирањето на Југославија и окупирањето на Ирак. Сè уште може да се најдат главните режисери на тоа што се случи во Сребреница, напиша Захарова, со очигледна алузија дека во Сребреница не се случил геноцид, иако има судски пресуди кои недвосмислено го утврдиле тоа.

И, се разбира, во Косово постоеше трговија со органи под маската на американски официјални лица. Штом ќе завршат со тоа, веднаш можат да започнат и со процесот на нуклеарно бомбардирање на Јапонија, додаде Захарова, а на крајот напиша „Run, Forest, run“ на англиски јазик, алудирајќи на сцената од оскаровскиот филм „Форест Гамп“.

The post Со бомбардирањето на Југославија и окупирањето на Ирак нека почне судењето за воени злосторства, порача Захарова appeared first on Република.

Портпаролката на руското Министерство за надворешни работи, Марија Захарова денеска ја обвини Полска дека ги спречува  бегалци од Украина  да пристигнат во Русија.

Варшава прави сè што е во нејзина моќ да ги спречи луѓето од Украина, кои сега се во Полска и сакаат да дојдат во Русија … Полска само ги засилува нивните страдања, наведе Захарова.

The post Захарова: Полска не им дозволува на бегалците од Украина да пристигнат во Русија appeared first on Република.

Марија Захарова изјави дека се лага наводите на „Билд“ дека шефот на руската дипломатија Сергеј Лавров се вратил во Москва на половина пат до Пекинг.

Германскиот весник „Билд“ пласира лажни вести, пишувајќи дека „Лавров синоќа долета за Пекинг, но претседателот му нареди на министерот да се врати“, напиша на телеграм портпаролката на руското Министерство за надворешни работи.

Како што објасни таа, во написот се тврди и дека авионот со Лавров наводно го прелетал Новосибирск и слетал на аеродромот Внуково.

Лавров во Министерството работеше до доцна синоќа, а рано утринава почна да се подготвува за преговори со колегите од Блискиот Исток во Москва, додаде Захарова.

The post Захарова го демантира „Билд“: Лавров во Министерството работеше до доцна синоќа, а рано утринава почна да се подготвува за преговори со колегите од Блискиот Исток во Москва appeared first on Република.