Центарот за управување со кризи (ЦУК) попладнево информира дека планинар кој паднал во провалија се здобил со тешки повреди на главата, тим „тигри“ го извлекле од местото на несреќата, со хеликоптер бил пренесен до ГОБ “8-ми Септември” каде е констатирана смрт.

Денеска околу 12.30 часот на бројот за итни повици 112 во ЦУК вознемирен планинар пријавил дека едно лице од седумчлената планинарска група паднало во провалија длабока педесетина метри.

При падот се здобило со сериозни повреди на главата, крвари од главата и е во несвесна состојба.

Несреќата се случила на територијата на Општина Маврово-Ростуше, пред изворот на Тресонечка Река во близина на месноста „Раскрсницата“. Теренот е непристапен за возила поради што Итната медицинска помош не била во можност да се упати кон местото на настанот.

Од страна на ЦУК веднаш е упатено барање за ангажман на хеликоптер на МВР, а од нивна страна дополнително е ангажиран тим од Специјалната антитерористичка единица (САЕ) „Тигар“, за извлекување на настраданото лице, качување во хеликоптер како и транспорт до болница.

Повреденото лице кое не давало знаци на живот, во многу тешки услови за лебдење на хеликоптерот, со силен ветер, високи дрвја и стрмни падини на местото на несреќата, со придружба на специјалец од “САЕ Тигар”, е качено во полицискиот хеликоптер и пренесено до ГОБ “8-ми Септември” во Скопје, каде од страна на докторите е констатирана смрт, информираат од ЦУК.

The post Загина планинар, паднал во провалија, го извлекле „тигрите“ и со хеликоптер бил пренесен во ГОБ „8 Септември“ appeared first on Република.

Рускиот генерал Владимир Завадски загинал во експлозија на мина во Украина, објавија медиумите повикувајќи се на извори блиски до Кремљ.

Генерал-мајор Завадски (45) беше заменик командант на 14. армиски корпус.

Руското Министерство за одбрана не излезе со соопштение за ова.

Се верува дека најмалку шест руски генерали загинале од почетокот на инвазијата на Москва на Украина во февруари 2022 година.

The post Руски генерал загина во експлозија на мина во Украина appeared first on Република.

Илегален мигрант загина денеска во сообраќајна несреќа на автопатот „Тракија“ во Бугарија, во областа Чирпана, јавија бугарските медиуми.

Според првичните информации едно машко лице загинало на местото на несреќата, додека повредените се префрлени во болниците во Чипран и Стара Загора.

Во минибусот патувале 46 мигранти од кои 32 се повредени.

Како што јави БТВ, во минибусот патувале мигранти од Авганистан. Полицијата уапси еден човек за кој има сомнение дека е организатор на илегалното префрлување мигранти.

The post Мигрант загина во сообраќајна несреќа во Бугарија, 32 се повредени appeared first on Република.

Денеска околу 13.40 часот во с. Новоселани се случила сообраќајна несреќа  помеѓу патничко возило „опел астра“, управувано од В.Р. (18) с. Заполжани, кој го напуштил местото, но набрзо бил пронајден и приведен, и мотоцикл „шинерај“, управуван 14-годишник од истото село, и двете со прилепски регистарски ознаки.

Од здобиените повреди на местото на несреќата починал мотоциклистот.

Лекар констатирал смрт, а увид извршила увидна екипа од ОВР Прилеп.

The post Загина 14-годишен мотоциклист, во сообраќајката учествувал и 18-годишне возач, кој побегнал appeared first on Република.

Со мотор загина 67-годишен маж од кочанското село Чифлик.

Според информациите, утрово во 05,30 часот во СВР Штип е пријавено дека на патот од с.Чифлик кон манастир „Св.Богородица“ моторцикл „томос“, управуван од Б.С.(67) од с.Чифлик, кочанско излетал надвор од патот. Во несреќата на место на настанот починал Б.С.

Од екипа од итна медицинска помош констатирана е смрт. Увид на местото на настанот извршила екипа од Полициска станица Кочани.

The post Загина 67-годишен чифлижанец, итал на „томос“ кон манастирот Богородица appeared first on Република.

Дваесет и еден платеник од Македонија е убиен од почетокот на „специјалната воена операција“ во Украина, покажуваат податоците од Министерството за одбрана на Русија објавени на редовниот брифинг со новинарите утрово.

Од 24 февруари, кога почнаа нападите од Русија, во Украина се регистрирани 79 наемници од Македонија, од кои 19 во меѓувреме ја напуштиле земјата, а во моментов има уште 39, покажува деталната табела по држави објавена од Министерството.

Според неа, во досегашните речиси четири месеци во Украина дошле за да војуваат 6.956 платеници од странство, од кои животот го загубиле 1956, заминале 1.779, а останале 3.221.

Рекордер по бројот на наемници е Полска со 1.831, од кои 378 загинале, 272 ја напуштиле земјата, а 1.181 и понатаму војуваат во Украина, тврди руското Министерство за одбрана.

The post 21 платеник од Македонија загинал во Украина? appeared first on Република.