Шеесет и петгодишен жител на село Младо Нагоричане починал откако бил прегазен од приколка која ја превезувал со товарно моторно возило, соопшти денеска СВР Куманово.

Несреќата се случила вчера, околу 11 часот на крстосницата од улицата „Ѓорче Петров“ и крак од оваа улица во кумановската населба „Перо Чичо“.

Л.Д.(65) од с. Младо Нагоричане, општина Старо Нагоричане, бил удрен од приколка и починал на местото. Тој со товарно возило влекач „ман“ со приколка со кумановски регистарски ознаки превезувал работна машина багер. На местото на настанот го запрел возилото и со сопатникот Љ.Б.(37) од село Бразда, започнале со истоварање на работната машина од приколката. Откако Љ.Б. влегол во багерот, Л.Д. останал надвор од возилото да му дава насоки да го спушти од приколката. Притоа, приколката се придвижила, при што влекачот удрил во паркирано патничко возило „форд“ со кумановски регистарски ознаки, управувано од И.В.(47) од Куманово, кој се здобил со повреди, констатирани во болницата во Куманово. Во обид да го запре возилото, Л.Д. бил прегазен од приколката и од здобиените повреди починал на местото, информираа од полицијата.

Лекар од Итна медицинска помош констатирал смрт, а увид извршиле јавен обвинител, екипа од СВР Куманово и трудов инспектор.

The post Во работна несреќа загина маж, тешко повреден и случаен минувач appeared first on Република.

Ноќва во Полициското одделение Шуто Оризари, чувар на објект во изградба на подрачјето на Шуто Оризари пријавил дека во 19.40 часот на градилиштето го пронашол паднат Р.А.(52) од Скопје, кој вршел контрола на материјалите.

Повредениот бил пренесен во Комплексот клиники „Мајка Тереза“, каде што подоцна починал.

Увид на местото извршиле екипа на СВР Скопје и трудов инспектор, а по наредба на јавен обвинител телото на починатиот било предадено на обдукција.

The post Загина работник на скопско градилиште appeared first on Република.

На 29 февруари во 23.05 часот во СВР Скопје, од Градската општа болница „8 Септември“ било пријавено дека околу 12.00 часот кај нив со тешки телесни повреди бил донесен Ч.В.(63) од Куманово, кој во 22.00 часот починал.

Според пријавеното, тој се здобил со повредите при извршување на градежни работи на подрачјето на Чаир.

По наредба на јавен обвинител телото на починатиот било предадено на обдукција.

Од МВР велат дека се работи на расчистување на случајот.

The post Загинал работник на градилиште во Чаир appeared first on Република.

Утрово во 09.15 часот во СВР Скопје, од Градска општа болница „Св.Наум Охридски“ било пријавено дека кај нив со тешки телесни повреди бил донесен И.С.(25) од с.Сингелиќ, скопско, кој набргу починал.

Според пријавеното, тој се здобил со повредите при извршување работни задачи за приватна фирма, на објект во изградба на подрачјето на Центар.

Од МВР велат дека увид е извршен, а известени се трудова инспекција и јавен обвинител, по чија наредба телото е предадено за обдукција.

The post Млад работник утрово загина на градилиште во Центар appeared first on Република.

Лани на работно место загинале 17 лица, информираше вчера Весна Томовска, директорката на Државниот инспекторат за труд (ДИТ), на брифинг со новинарите. Таа кажа и дека имало 12 случаи на колективна повреда на работа.

Бројот на несреќи при работа со смртни последици во 2023 е покачен во споредба со оној во 2022 година, кога на работа загинале 12 лица. Но, Томовска потенцира дека во 2019, 2020 и 2021 година, бројот на загинати лица бил 17, односно ист како и лани.

„Бројот на колективни повреди во 2022 година бил 15, што е повисок од бројот на повреди во 2023 година. Ова зголемување на бројката на несреќи со смртни последици е резултат на тоа што сè уште треба да се работи на подигнување на свеста кај работниците за носењето на личната заштитна опрема, посебно кога станува збор за ризичните дејности, односно градежништво, каде што најчесто се случуваат несреќите со смртна последица“, изјави директорката на ДИТ.

Според неа, треба да се обрне внимание на почитувањето и на спроведувањето на мерките за безбедност и здравје при работа од страна на работодавците.

The post За 40% зголемен бројот на загинати лица на работно место во 2023 година appeared first on Република.

Вчера починал жител на охридското село Лескоец кој паднал додека извршувал градежни работи на куќа.

Вчера во 10.38 часот, во СВР Охрид пријавено е дека, 59-годишниот И.Х. од охридското село Лескоец, кој изведувал градежни работи на куќа во охридското село Рамне, паднал и починал, информираат од СВР Охрид.

Увид на местото на несреќата извршија полициски екипи, а по наредба на јавен обвинител, телото на починатиот е пренесено во одделот за судска медицина при Општата болница во Битола каде, е извршена обдукција, додаваат СВР Охрид.

The post Загина работник по пад од скеле appeared first on Република.

Вработен во „Макстил“ утрото загинал на работното место, соопшти компанијата. Почната е истрага за причините за несреќата.

Денеска во утринските часови се случи несреќа во производствениот погон на „Макстил“ каде животот го загуби наш вработен. Веднаш беа алармирани сите надлежни служби кои направија записник од настанот и е започната истрага за причините за несреќата, соопшти „Макстил“.

Од компанијата наведуваат и дека ги отстапува сите свои човечки и материјални ресурси за помош во истрагата за откривање на причините за несреќата.

Нашите мисли и целосна поддршка се со семејството на нашиот колега, се додава во соопштението од компанијата.

The post Вработен во „Макстил“ загинал на работното место appeared first on Република.

Во ОВР Крива Паланка вчера во 10.49 часот било пријавено дека во село Тлминци, кривопаланечко, додека бил на работно место во приватна фирма, врз вработениот М.М.(22) од село Цветово, скопско, паднал тврд предмет, при што тој починал.

Екипа на Итна медицинска помош констатирала смрт, а увид извршиле јавен обвинител, екипа на ОВР Крива Паланка и трудов инспектор.

The post Загинало 22-годишно момче, тврд предмет паднал врз него на работното место appeared first on Република.

На 21 јануари во 08.30 часот во Полициската станица Аеродром било пријавено дека на објект во изградба на ул.„Фрањо Клуз“ во Скопје починал еден работник.

Полициски службеници од полициската станица излегле на местото и било констатирано дека И.П.(55) од Република Турција паднал додека извршувал градежни работи на објектот, по што починал на местото.

Лекар од Итна медицинска помош констатирал смрт, а по наредба на Јавен обвинител телото на починатиот било дадено на обдукција.

The post Работник загина по пад од градежен објект во Аеродром appeared first on Република.