Вчера околу 12.50 часот во СВР Струмица било пријавено дека на магистрален пат Струмица – Ново Село, делница помеѓу селата Босилово и Турново, патничко возило „фолксваген поло“ со струмички регистарски ознаки, управувано од 40-годишната В.Д.Т. од село Стиник, општина Ново Село, излетало од коловозот.

Од здобиените повреди починало бебе, кое било превезувано во возилото, а смрт констатирал лекар во Медицински центар Струмица. Со телесни повреди се здобиле В.Д.Т. и сопатничката С.Т.(49) од село Доброшинци, струмичко, соопшти МВР.

Увид на местото извршиле Јавен обвинител и екипа на СВР Струмица.

The post Загина бебе appeared first on Република.

Велешанец синоќа прегази 11-годишно девојче заедно со нејзината мајка и побегнал. 11-годишното девојче загинало, а неговата мајка е тешко повредена, јави локалниот портал Батали.нет. Возачот на бел „,мерцедес“ избегал од местото на несреќата.

Сообраќајката се случила во близина на училиштето „Васил Главинов“ во Велес, на пешачки премин, во близина на сендвичарницата Круг.

Неофицијално, на местото на несреќата пронајдени се регистарските таблички на возилото, а полицијата трага по сторителот на сообраќајната незгода.

Од Министерството за внатрешни работи се уште нема официјална потврда на настанот и повеќе информации се очекуваат во текот на денот.

The post Загина девојче на пешачки премин, мајката тешко повредена, возачот со „мерцедес“ избегал appeared first on Република.

Во тешката сообраќајна несреќа што попладнево се случи во центарот на Сомбор, Србија, загина осумгдишно дете.

Според информациите на српските медиуми, камион удрил во електричен велосипед на кој се превезувале мајка и дете. Полицискиот увид траел повеќе од два часа.

Жената е тешко повредена и завршила во болница, додека детето загинало на лице место.

The post Дете загина откако камион налета врз точакот на кој се возел со мајка му appeared first on Република.