Во теренската акција на ВМРО-ДПМНЕ „Заедно со народот“, која започна прд месец и половина, тимови од партијата посетиле 40.237 семејства и оствариле состаноци со поголем дел на ажурирани членови на ВМРО-ДПМНЕ.

Генералниот секретар на партијата Ѓорѓи Сајкоски денеска на прес-конференција информира дека акцијата била успешна и најави втора фаза, која ќе продолжи на терен, односно нова опсежна акција на мобилизација и теренско присуство, за што граѓаните ќе бидат дополнително известени.

Испративме порака дека заедно со народот мора да ги донесеме промените и дека исклучително важно е во периодот што следи секој поединец и индивидуа да се вклучи со свој придонес, да се чуе гласот на народот и потребата да се смени власта. Доаѓаме до точка кога се зависи од одлуката на народот.

Нам како партија не ни беа потребни црвени елеци за да не препознае народот, ниту пак се фалевме со фотографии како што тоа го правеше власта, ниту пак пренесувавме членови од едно на друго место за да нема празнини, ниту злоупотребувавме државни ресурсни и државни автомобили за да спроведеме партиска акција како што тоа го прави власта. Нам не ни требаше да кажуваме дека сме рамо до рамо, за да бидеме заедно со народот.

Одговорно и искрено им пристапивме на 40.237 семејства кои бараат промени, нова надеж и се борат за нова иднина.

Оваа успешна акција ја завршуваме повеќе од задоволни со точни пораки што е потребно и кои се реалните барања на народот.

Имаме одговори и решенија како треба да ги поправат работите. Оваа акција ќе има своја втора фаза која ќе продолжи систематски и активно на терен.

Заедно со народот, продолжуваме, рече Сајкоски.

The post Сајкоски најави нова опсежна акција на мобилизација и теренско присуство appeared first on Република.

Денес почнуваме со акцијата „Заедно со народот“, општинските комитети, градоначалниците, пратениците, месните комитети и членови на Извршниот комитет ќе бидат дел од многуте тимови на партијата низ целата земја, кои ќе ја отпочнат една од најголемите кампањи и теренски посети некогаш направени во Македонија, истакна Ѓорѓија Сајкоски, Генерален секретар на ВМРО-ДПМНЕ.

Неговиот Фејсбук статус го пренесуваме во продолжение:

Во првата фаза која ќе трае до 30 април тимовите на партијата ќе се сретнат со секој ажуриран член на ВМРО-ДПМНЕ. Во втората фаза на акцијата тимовите ќе направат посета и средба со секој наш подржувач и опозициски расположен гласач, а потоа и со голем број на граѓани кои сметаат дека државата се движи во погрешен правец.
Од посетите и средбите со граѓаните сакаме да го слушнеме мислењето на граѓаните, дел од нивните идеи и размислувања да ги вградиме во идните политики на ВМРО-ДПМНЕ.
Имајќи во предвид дека власта со своите постапки ги руинира институциите на државата за свои лични потреби, тие крадат, трошат без контрола, а народот осиромашува и чека момент да ја напушти државата. Ние мора заедно да се спротиставиме. Она што треба да биде услуги на институциите кон граѓаните често се под знак прашалник, граѓаните често не можат да ги добијат основните потреби.

Ние како ВМРО-ДПМНЕ свесни сме дека ова власт требаше да биде сменета вчера, но повикуваме да ни се приклучите денес за да може заедно да ја промени болната реалност и да почнеме да чекориме напред, потребни се промени, а за промените неопходни се граѓаните.

Затоа ја започнуваме оваа акција каде ќе разговараме со народот, ќе ги слушнеме нивните проблеми, нивните потреби.

Овие средби со граѓани ќе ги искористиме за да ги повикаме да се приклучат со нас и заедно до избори да делуваме се до финалниот пад на оваа ненародна власт. Секој еден поединец е важен и секој еден поединец ќе биде вклучен во битката за пад на оваа ненародна власт. Но ние и тимовите од терен ќе дадеме ветување дека заедно со граѓаните во иднина ќе ја градиме државата. Бидејќи власта ќе не остави во урнатини, обезвреднети институции, неплатени сметки, ќе не остави во хаос. Ова што се случува изминатите пет години треба да послужи како лош пример на власт кој не треба да се повтори, ова е скапо школо за сите граѓани.

Ние затоа ќе им укажеме на граѓаните дека не треба да се водат од невозможните работи кои им ги ветува власта и некои партии, бидејќи тогаш им даваме можност само на лажговците да успеат.

Затоа тимовите на ВМРО-ДПМНЕ ќе ги соберат сите предлози, идеи, размислувањата на граѓаните за иднината на Македонија и ќе ги преточиме во политики и акција за идно делување. Да работиме сите заедно за подобра Македонија.

The post ВМРО-ДПМНЕ ја почнува акцијата „Заедно со народот“ appeared first on Република.