Хрватаската заедница инсистира да биде дел од преамбулата на Уставот на Македонија како и застапена на раководните места на државно и локално ниво. Поздравена е стратегијата “Едно општество за сите“ и развивањето на Македонија како граѓанска држава. Се поздрави и дебатата во општеството за подобрување на изборниот законик со цел подобра претставеност на помалубројните заедници. Нотирано е дека од суштинско значење е функционирањето на правната држава, почитувањето на Уставот и законите како и функционалноста на институциите, а дополнително се поздравуваат демократските процеси и евроатланските интеграции на сите држави од Западен Балкан. Различноста е повеќе димензионална, па се зборуваше и за правата на жените, младите и лицата со попреченост.

Заедницата на Хрвати во Македонија денеска организираше регионална конференција „Претставеност на помалкубројните заедници на државно и локално ниво”, како дел од проектот „Зачувување на културата на Хрватската заедница и останатите помалкубројни заедници во РСМ”, поддржан од Агенцијата за остварување на правата на заедниците.

Поздравни обраѓања имаа Роберет Алаѓозовски, национален координатор за интеркултурализам и едно општество, Нивес Тигањ, амбасадорка на Хрватска во Македонија, Еран Куртиш, директор на Агенцијата за остварување на правата на заедниците и Невенка Костовска, претседателка на Заедницата на Хрвати во Македонија.

Во работниот дел на конференцијата свое излагање имаа: Џабир Доко, заменик министер во Министерството за политички систем односи помеѓу заедниците , Дуда Баље, пратеник во Парламентот на Косово, Алмир Велији, заменик министер за Регионален развој на Косово, Мирза Хајдиновиќ, секретар на Бошњачкиот национален совет во Србија, Санела Шкријељ, пратеничка во македонското Собрание, Иван Брадиќ, претставник на Хрватскиот светски конгрес од Германија и Жарко Камчев, претставник на Заедницата на Хрвати во Македонија. Модератор на регионалната коференција беше Џелал Хоџиќ, претседател на СДА Македонија.

На конференцијата беше поздравен напредокот на правата на помалкубројните заедници што од  2017 год. континуирано се одвива. Беше нотирано дека треба да се реализираат уставните и законските права во сите области важни за помалкубројните заедници.

The post И Хрватите од Македонија бараат да влезат во Уставот appeared first on Република.