Претседателот на ВМРО-ДПМНЕ, Христијан Мицкоски, одговарајќи на новинарско прашање кој е неговиот коментар во однос на зголемувањето на јавниот долг, направи паралела помеѓу владата на ВМРО-ДПМНЕ во период од 2007 до 2016та година, и владата на СДСМ во период од 2018та до крајот на 2021 година, укажувајќи дека владата на ВМРО-ДПМНЕ се задолжувала но произведувала, за разлика од сега со СДСМ кога го зголемува долгот не за зголемување на производството туку за да крадат и ненаменски да трошат.

Многу граѓани ми го поставуваат прашањето, велат ние лошо живееме а овие од владата велат дека е одлична состојба, во што е проблемот. Се трудам да го поедноставам одговорот и со бројки тоа да го опишам. И споредувам два периоди, владата на ВМРО-ДПМНЕ од 2007 до 2016та година, и владата на СДСМ од 2018та до крајот на 2021 година, не ја земаме во предвид 2022 година и украинската криза. Во владата на СДСМ долгот годишно просечно растел за 590 милиони евра, додека БДП годишно просечно растел 430 милиони евра. Значи парите ги позајмувале и ги трошеле не за да го зголемат производството, туку или да ги крадат или ненаменски да ги трошат. Затоа што сметката билансот е минус 160 милиони евра - вели Мицкоски.

Е сега како било во владата на ВМРО-ДПМНЕ, се задолжувала државата да, просечно годишно по 290 милиони евра, но затоа БДП просечно растел 418 милиони евра, што значи дека сметката била позитивна и се задолжувале, но затоа се произведувало повеќе и бруто сметката, билансот бил плус 128 милиони. И затоа тогаш подобро се живееле за разлика од денеска. Денеска многу крадат и многу трошат ненаменски, тоа е разликата меѓу тој и овој период, и затоа граѓаните викаат лошо живееме, а овие викаат дека економијата ни оди во вистинска насока, објасни тој.

Мицкоски потенцираше дека е вчудоневиден од лошите политики кои ги спроведува владата и истакна дека колку побрзо замине владата на СДСМ, толку подобро за сите граѓани и државата.

Јас навистина сум вчудоневиден од лошите и погрешни политики од страна на оваа влада и ценам дека колку побрзо заминат толку подобро ќе биде и за граѓаните и за Македонија, дециден е тој.

Во однос на оправдувањата на владата дека инфлацијата е увезена, Мицкоски потенцираше дека тоа е небулоза бидејќи стапката на инфлација во Европа е 10 проценти, додека кај нас е 20 проценти.

Правдањето на владата за инфлацијата дека е увезена е небулоза, како може да биде увезена кога во Европа таа е 10 проценти, а кај нас е 20 проценти. Како е увезена ако кај нас млекото, маслото, лебот и останатите основни производи бележат зголемени цени на месечно ниво, споредено со истите месеци минатата година за 30, 40, 50 проценти - додаде тој.

The post Мицкоски: Власта се задолжува повеќе, а производот е помал од задолжувањето – парите се трошат ненаменски или се крадат appeared first on Република.

Македонија е најзадолжена земја во Европа, а власта се фали со нови задолжување, вели во соопштение најголемата опозициска партија ВМРО-ДПМНЕ.

Министерот за финансии, Фатмир Бесими се фали со нови задолжувања преку ММФ, додека Македонија изминатите 2 години се задолжи за над 1.6 милијарди евра, а со новото најавено задолжување се очекува долгот да изнесува над 2.3 милијарди евра. Јавниот долг на државата ќе изнесува неворајтни 7.9 милијарди евра.

Власта на СДСМ и ДУИ парите на граѓаните ги троши за непродуктовни трошоци и криминални тендери, економијата тоне и државата е клекната на колена. Го гледаме Бесими како гордо се фали добри економски политики пофалени од ММФ и Светска Банка, а реалноста е сосема поинаква- се посиромашни граѓани.

Да го потсетиме Бесими дека во 2011 години, Македонија беше првата земја во светски рамки која зема Заем по истиот инструмент преку ММФ, во износ од 463 милиони евра, а беа искористeни само 220 милиони евра од истата квота.

Овој нов долг кои ќе го земе оваа криминална власт не е за сигурност и стабилизирање на економијата, туку единствено за крадење и богатење на функционерите на СДСМ И ДУИ.

Грабежот на граѓаните и уништувањето на економијата за многу брзо ќе запре, со брзите предвремени избори, каде што граѓаните ќе ја казнат ова криминална власт на СДСМ и ДУИ, порачаа од опозициската партија.

The post ВМРО-ДПМНЕ: Бесими се фали со нови задолжувања преку ММФ, а изминатите 2 години се задолживме за над 1.6 милијарди евра appeared first on Република.