Викендов во германскиот град Баден-Баден се одржа голем протест против најавите за задолжително вакцинирање кои би можеле да се донесат.

Жителите на Баден-Баде излегоа на плоштадот да го изразат своето незадоволство па дури и симболично носеа мртовечки ковчег дека вакцините можат да предизикаат смрт.

Тие носеа натпси „рацете подалеку од децата“ и „грижа да но без задолжителна вакцинација“.

The post „Рацете подалеку од децата“: Протест во Германија против задолжителното вакцинирање appeared first on Република.

Австријците постари од 18 години од денеска мора да се вакцинираат против Ковид-19 или ризикуваат висока парична казна – мерка без преседан во Европската унија.

Новата мерка, усвоена од парламентот на 20-ти јануари, беше потпишана вчера од претседателот Александар Ван дер Белен како кулминација на процесот што започна во ноември како резултат на брзото ширење на опцијата Омикрон. Владата одлучи да продолжи да го следи својот нов, построг пристап, и покрај критиките во земјата.

И покрај заканата од ваква драстична мерка, стапката на вакцинација во Австрија се уште не е зголемена и е пониска отколку во Франција и Шпанија.

Во соседна Германија, сличен закон, поддржан од новиот социјалдемократски канцелар Олаф Шолц, беше дискутиран минатиот месец во Бундестагот, но сè уште не е постигнат напредок поради разликите меѓу политичките сили.

The post Од денеска задолжителна вакцинација во Австрија appeared first on Република.

Во Австрија од денеска со закон е задолжителна вакцинацијата за сите полнолетни граѓани. Неколку земји ширум светот воведоа задолжителна вакцинација за постарите граѓани или медицинскиот персонал, но Австрија е прва во Европа што усвои слични прописи.

Австриската министерка за ЕУ ​​и устав, Каролин Едштадлер изјави дека администрацијата е свесна дека ова е многу тешка мерка, но дека е неопходна.

Ние како политичари имаме одговорност да ја обезбедиме работата на здравствениот систем, за да може општеството нормално да функционира, рече Едштадлер.

Едштадлер нагласи дека Законот за задолжителна вакцинација истекува во јануари 2024 година, но дека тоа може да се случи и порано доколку пандемијата го дозволи тоа. Таа додаде дека властите нема да го проверуваат статусот на вакцинација на населението до средината на март.

Оние кои ќе одбијат вакцинација ќе се соочат со казни од 600 до 3.600 евра. Исклучоци од вакцинација се дозволени само поради медицински причини или бременост.

The post Во Австрија од денеска е задолжителна вакцинацијата за сите полнолетни граѓани appeared first on Република.

Стотици канадски возачи на камиони одржуваат протестен конвој до Отава против барањето за задолжителна вакцинација доколку сакаат да ја преминат границата со САД.

Учесниците во, како што го нарекуваат „Конвојот на слободата“, кој привлече се поголемо внимание во последните денови, патуваат кон канадскиот главен град од најоддалечените провинции на земјата, како што се Британска Колумбија и брегот на Пацификот. Местото за собирање на демонстрантите е центарот на Отава.

Од средината на јануари, Канада и САД бараат вакцинација против Ковид-19 за возачите на камиони кои ја преминуваат границата. Некои возачи го осудија воведувањето на барањето.

Овие протести се национални по обем. Тие се огромни. За жал, тие се поларизираат - изјави началникот на полицијата во Отава, Питер Слоули.

Тој не можеше да каже колкав ќе биде веројатниот број на камиони или демонстранти, но предупреди на „големи проблеми со безбедноста во сообраќајот“ во главниот град и побара од луѓето да избегнуваат излегување на улиците.

Слоули изјави дека организаторите на протестот и кажале на полицијата дека ќе биде мирен, но предупреди дека некои луѓе би можеле да му се придружат за да „поттикнат омраза и насилство“.

Цел може да бидат и политичари во федералниот главен град - предупреди началникот на полицијата.

Некои бизниси веќе се затворени за викендот, објавија локалните медиуми, објавувајќи снимки од пристигнувањето на првите камиони во близина на парламентот.

The post Камионџии од цела Канада возат кон главниот град како протест против задолжителната вакцинација appeared first on Република.

Европската фудбалска федерација (УЕФА) ја коментираше ситуацијата со натпреварите од осминафиналето од Лигата на шампионите Лил – Челзи и ПСЖ – Реал Мадрид.

– УЕФА е во контакт со сите засегнати страни ширум Европа пред продолжувањето на клупските натпреварувања во февруари. Специфичните услови под кои ќе се играат натпреварите во секоја земја зависат од одлуките на надлежните органи на таа земја. Од секој клуб ќе се бара да се придржува до правилата на земјата-домаќин, но конкретни правила поврзани со коронавирусот кои се применуваат на плејоф рундата се во развој и може да дадат дополнителни насоки за ова прашање, се вели во соопштението на УЕФА.

Според „ESPN“, најверојатно натпреварите Лил – Челзи и ПСЖ – Реал Мадрид ќе се играат на неутрални терени. Правилата на УЕФА поврзани со коронавирусот наведуваат дека домаќините мора да предложат алтернативно место за одржување лоцирано во неутрална земја.

Во Франција, на законодавно ниво, од сите спортисти кои учествуваат на натпревари во земјата се бараше да се вакцинираат против коронавирусот. Ова може да ги спречи невакцинираните играчи на Челзи и Реал Мадрид да учествуваат на натпреварите

The post ПСЖ и Лил ќе играат на неутрален терен поради задолжителната вакцинација? appeared first on Република.

Австрискиот парламент денеска треба да гласа за воведување задолжителна вакцинација против Ковид-19, која треба да стапи на сила на почетокот на февруари.

Како што пренесуваат австриските медиуми, за предлогот се очекува јасно мнозинство, бидејќи покрај владејачката партија од Австриската народна партија и Зелените, „за“ најверојатно ќе гласаат и многу пратеници меѓу опозициските социјалдемократи и либерали.

Екстремно десничарската Партија на слободата (ФПО), од друга страна, жестоко се спротивставува и го критикува планот.

Задолжителната вакцинација би важела за сите граѓани над 18 години. Исклучоци се планирани за трудниците и сите оние кои не треба да се вакцинираат од здравствени причини.

Бундесратот, Горниот дом на австрискиот Парламент што ги претставува сојузните држави, се очекува да го поддржи законот на 3 февруари.

Новиот закон е предмет на жестока јавна расправа. Десетици илјади луѓе редовно демонстрираат против Ковид мерките наметнати од Владата и против идејата за задолжителна вакцинација.
Во моментов, околу 75 отсто од луѓето во Австрија примиле две дози од вакцината.

The post Австрискиот парламент ќе гласа за задолжителна вакцинација против Ковид appeared first on Република.

Грчкиот премиер Кирјакос Мицотакис, во интервју за грчката телевизија „Антена“, во врска со пандемијата изјави дека постои умерен оптимизам за омикрон сојот. Мицотакис објасни дека по брзото зголемување на новозаразените на крајот од минатиот месец сега постои деескалација, а податоците покажуваат дека новата варијанта „горе-долу наликува на летна бура: висок интензитет, брзо се интензивира, но и брзо заминува“.

Со оглед на тоа, од 16 јануари стапува во сила одлуката за задолжителна вакцинација на граѓаните над 60 години, Мицотакис изјави дека засега, Владата нема намера да ја прошири задолжителната вакцинација и на други категории, но и уште еднаш повтори дека целосно вакциниран се смета оној кој ја примил и бустер дозата.

За некој да биде целосно вакциниран, треба да има примено три дози. И ова веќе е и законски регулирано. Не се смета за целосно вакциниран оној кој седум месеци по втората доза не примил третата. Па така не ги ужива сите привилегии, слободата што ја придружува сертификатот за вакцинација - објасни грчкиот премиер.

Тој додаде дека проценката на експертите е дека во одреден момент пандемијата ќе стане ендемична, а можеби тоа да се случи и со омикрон сојот. Дополнително, Мицотакис во интервјуто, уште еднаш ги отфрли сценаријата за воведување целосен карантин во земјата.

The post Од утре во Грција стапува на сила задолжителна вакцинација на граѓаните над 60 години appeared first on Република.