Семејство тргнато на одмор си ја заборавиле ќерката на паркинг среде автопат во Хрватска. Тие застанале да одморат место назначено за одмор и продолжиле да возат кон Задар без нивната 11-годишна ќерка.

Дека ја нема сфатиле по поминти 200 километри.

Мајката со исплашен глас објаснила дека патувале во група со неколку возила, дека сега се на подрачјето на Задар и дека само што забележале дека во возилата нема 11-годишно девојче, и дека последен пат застанале на стојалиштето Рашќане. Со оглед на тоа дека се движеле со неколку возила, мислеле дека таа влегла во друго возило, но кога застанале сфатиле дека ја нема и дека најверојатно останала во Рашчане.

Полицајците телефонски извршиле разговор со мајката, побарале фотографија од девојчето, го прегледале видео надзорот и ги пребарале сите соби на бензинската пумпа, а надвор пронашле девојче кое одговара на описот, информираат од полицијата, пренесува Фена.

Оттаму додаваат дека полицајците му пришле на девојчето, се претставиле и и понудиле помош, но констатирале дека таа не зборува англиски. Во разговорот се вклучила и странска државјанка која им преведувала и им помагала на полициските службеници во комуникацијата со детето.

Девојчето не било повредено, но било исплашено. Рекла дека телефонот ѝ бил оставен во возилото, и дека не можела никому да се јави и дека била толку исплашена и плачела што излегла надвор од стојалиштето каде што ја нашле полицајците. При разговорот со девојчето, полициските службеници ја смириле и ѝ рекле дека се во контакт со семејството кое се враќало и дека ќе ги чека заедно со неа.

Исплашените родители пристигнале неколку часа подоцна, додека девојчето цело време било со полицајците.

Тие им се заблагодарија на полициските службеници за напорите и помошта.

The post По 200км им текнало дека си ја заборавиле ќеркичката на пауза appeared first on Република.

Двегодишно девојче е пронајдено мртво на задното седиште на автомобил во Њу Џерси, откако таму било оставено заклучено повеќе од седум часа во екстремно топол ден.

Полицијата го пронашла девојчето во вторникот околу 14 часот, во автомобил паркиран пред куќа во округот Френклин. Полицајците ја отвориле вратата од автомобилот и внатре пронашле дете кое не давало знаци на живот, пренесува NBC.

https://youtu.be/rUwssTJL_oo

Соседите рекле дека родителите најверојатно не знаеле дека девојчето е во возилото, зошто откако полицајците тропнале на влезната врата од домот се слушнале вресоците на родителите.

Викаа и плачеа. Мајката падна на земја, а таткото ја тешеше. Тие се одлични родители. Многу ги сакаат своите ќерки, рекол соседот.

Друг сосед рекол дека мајката на детето била однесена со возило на Брза помош откако паднала пред куќата.

Како може да се случи ова? Како можеш да заборавиш дете? Па, сите сме заборавени, сум заборавал и јас работи во автомобилот. Но, како можеш да заборавиш дете?, прашал друг сосед.

The post Двегодишно девојче почина по поминати 7 часа во вжештен автомобил appeared first on Република.

Дете на возраст од две години во Канада било оставено само во жежок автомобил, поради што починало, јавуваат канадските медиуми.

Градоначалникот на канадскиот град Банкрофт, Пол Џенкинс, го потврди идентитетот на момчето.

Се работи за Еверет Смит, кој за еден месец требало да наполни две години. Тој починал во четвртокот, откако бил оставен во автомобил пред средното училиште во кое неговата мајка работи како професорка.

Според градоначалникот, мајката имала намера да го остави синот во градинка пред да дојде на работа. Џенкинс вели дека никој не го забележал Еверет во паркираниот автомобил пред училиштето, до крајот на школскиот ден, околу 15.45 часот.

Поголемиот дел на јужно Онтарио тој ден бил под предупредување за жештини, со температури повисоки од 30 степени Целзиусови. Максималната температура забележана дента во Банкрофт била 27,1 степен. Момчето е превезено во болница со итна помош, но набрзо потоа бил прогласен за мртов.

The post Дете во Канада почина откако било оставено во врел автомобил appeared first on Република.