Условувањето на кандидатскиот статус на БиХ со промена на изборниот закон е како Украина да мора да изврши мирна реинтеграција на Крим – цинизам, изјави хрватскиот претседател Зоран Милановиќ.

Се очекува европските лидери да одлучат за доделување статус на кандидат за ЕУ ​​на Украина и Молдавија на состанокот на Европскиот совет во четврток и петок.

По правило, хрватскиот политички врв смета дека таков статус треба да добие и БиХ, а во писмото до првиот човек на Европскиот совет Шарл Мишел на тоа го повика словенечкиот претседател Борут Пахор пред една недела.

Хрватскиот претседател му се заблагодари на својот словенечки колега за чинот и рече дека тој лично не го потпишал писмото бидејќи тоа „има поголема тежина“ доколку тоа го направи некоја страна поиндиректно вклучена во ова прашање, како што е Словенија.

Милановиќ рече дека предлогот за доделување кандидатски статус на Украина и Молдавија, „што тој го поддржува“, е единствена и неповторлива можност да и се овозможи на Босна и Херцеговина да го стори истото.

Кога полскиот претседател Анджеј Дуда предложи кандидатски статус на Украина во март, „целиот збир на држави“ на ЕУ се спротивставија, велејќи дека тоа е технички, а не политички процес, рече хрватскиот претседател. Кишињев сè уште не ги исполнува потребните критериуми.

Кога е happy hour, сите пијат поевтино, не може да биде happy hour само за вас, рече Милановиќ, поврзувајќи ја одлуката на Европската комисија за доделување кандидатски статус на Украина со посетата на четворицата лидери од Франција, Италија, Германија и Романија во Киев минатата недела.

И сега имаме можност да кренеме палци на БиХ, рече Милановиќ, прашувајќи се кој во европската политика би можел да биде против тоа и од кои причини.

Оние кои се противат треба да излезат во јавноста со образложение, повика Милановиќ.

Претседателот рече дека БиХ, во која членовите на сите нации се залагаат за патот кон ЕУ, е обврзана на измена на изборниот закон за да се добие кандидатски статус, во споредба со хипотетичкото барање за „мирна реинтеграција на Крим“ на Украина или „ослободување на Молдавија на Придњестровје“.

Милановиќ заклучува дека Европската унија треба да им „прогледа низ прсти“ на Босна и Херцеговина, Албанија, Македонија, која е „бездушно уништена“ и Црна Гора, бидејќи одложувањата во напредокот на европскиот пат испраќаат порака дека „никогаш нема да влезат“, што потоа создава и отпор кон ЕУ кај граѓаните на тие земји.

The post Милановиќ: Не може да биде happy hour само за Украина, кога е happy hour, пијат сите appeared first on Република.

Населението старее, а две третини од младите сакаат да се иселат од државата и доколку им се пружи приликата би го сториле тоа, затоа е потребна итна акција од страна на законодавната и извршната власт и политики кои ги решаваат проблемите на младите, но и политики кои доследно ќе се спроведуваат, беа дел од заклучоците на јавната дебата „Демографски трендови на младата популација“ што денеска се одржа во Собранието. Организатори на дебатата се Клубот за младински прашања и политики на Собранието, во соработка со граѓанските организации Реактор – Истражување во акција и Младински образовен форум, а со поддршка на Фондацијата за демократија Вестминстер.

Пратеничката од ЛДП, Моника Зајкова изјави дека дебатата произлезе од добиените бројки од пописот во делот што се однесува на младите.

Целта беше да овозможиме дискусија за податоците од пописот на населението, особено оние што се однесуваат на младите лица. Видовме дека тие бројки навистина се загрижувачки, дека населението старее, а процентот на младите луѓе кои својата иднина ја гледаат надвор од државата се повеќе се зголемува, изјави Зајкова.

Таа посочи дека итно треба да се види што може да за преземе со цел нашата држава да се направи атрактивна за младите.

Зајкова се осврнаа и на Стратегијата на млади, која засега ја немаме, односно е истечена, за националните стратегии кои се однесуваат на „одливот на мозоци“ или што може државата да направи за имплементација на важни закони кои ги засегаат младите, како законите за млади, за високо образование, за средно образование и за средно стручно образование.

Во текот на дебатата излагања имаа повеќе претставници од младинскиот граѓански сектор и од дел од институциите.

Истражувачот од Реактор, Блажен Малески посочи дека населението ни старее, а во 2002 младите сочинувале 23,8 отсто од вкупното население.

Денеска имаме 17,8 отсто млади од вкупниот број на граѓани. Односно, 150.000 млади помалку имаме во 2022, што укажува на сериозна демографска промена. Од она што можеме да го видиме од првичните податоци, 10.5 отсто од младите (15-29 години) заминале од државата и не се резидентно население. Вкупно 53.900 млади не се повеќе во земјата. Можеме да забележиме тренд на база на податоци од оние што биле млади во 2002 година, денеска би имале 35 до 49 години, 100.000 си заминале. Односно 20,8 отсто од оние кои биле млади во 2002 година заминале и не се денеска во државата, изјави Малески.

Извршната директорка на Младинскиот образовен форум (МОФ), Теодора Столевска посочи дека младинските организации со години спроведуваат истражувања и апелираат дека младите сакаат да се иселат од државата, а пописот, како што рече, ни потврди дека голем број веќе се отселиле.

Според последното истражување на Фондацијата за демократија Вестминстер, две третини од младите сакаат да се иселат од државата и доколку им се пружи приликата би се иселиле од неа. Ваквите ставови се засновани на неквалитетното образование кои младите го добиваат во државата, големата стапка на невработеност кај младите и ниските примања кои младите ги имаат. Дополнително треба да се напомене дека прашањата кои се однесуваат на младите, иако значајни, не се единствени причини пораки кои младите се иселуваат. Високата стапка на корупција не доведе во ситуација каде повеќе од 83 отсто од младите не им веруваат на институциите, рече Столевска.

Таа информира дека покрај нискиот квалитет на образование и ниските примања, квалитетот на здравството, животната средина и социо-политичките услови се дополнителни причини поради кои младите си заминуваат од државата.

Потребна ни е итна акција од страна на законодавната и извршната власт. Ни требаат политики кои ги решаваат овие проблеми на младите, но и политики кои доследно ќе се спроведуваат, нагласи Столевска.

Дел од граѓанските организации ги претставија проблемите со кои се соочуваат младите, почнувајќи од основно, средно и високо образование. Ги наведоа лошите хигиенски услови во училиштата, застарените образовни програми, начинот на сместување во студентски домови, потребата од поголема пракса пред првото вработување и потребата од работа и поголеми плати. Според нив, во некои општини има службеници за млади кои не си ја вршат својата функција.

Предлозите и препораките од дебатата ќе бидат сублимирани во рамки на една работна група и претставени до извршната власт. Се очекува за неколку месеци да се одржи расправа и да се види што се преземало во меѓувреме за младинските политики.

The post Пораз за сите: Две третини од младите во Македонија сакаат да се иселат, повеќе од 83 отсто не им веруваат на институциите appeared first on Република.