Како жители на општина Карпош кои се загрижени за својата и иднината на своите најблиски ја поздравуваме одлуката на Конзерваторскиот центар да го поништи позитивното мислење за изградба на зградата сред болничкиот комплекс кај Воена болница, велат од граѓанската иницијатива „Со срце за Карпош“, додавајќи дека ваквата одлука е во интерес на сите жители на Општина Карпош.

Доста е од насилна бетонизација на нашата општина поради лични бизнис интереси на определени лица. Ја поздравуваме одлуката на Министерството за култура со која се бришат маркици во нашата општина, бидејќи речиси 3 години како Јакимовски е градоначалник се носат скандалозни маркици и одлуки за бетонизација на Карпош. Апелираме Градоначалникот, Стевчо Јакимовски да се заангажира повеќе со работа во својата општина и да внимава какви одобренија за градба издава. Доста ни е од Градоначалник кој наместо да се грижи за своите граѓани и луѓето кои го избрале, се меша во работата и одлуките на други општини. Да си ја гледа работата дома и да не се меша во други општини кај што има свој личен бизнис интерес како што е последниот случај со мешањето во општина Ѓорче Петров. Ние и понатаму ќе бидеме против насилна бетонизација на општина Карпош и секогаш ќе даваме поддршка единствено на одлуки кои се во интерес на граѓаните на нашата општина. Во координација со другите граѓански организации истакнуваме дека доколку Јакимовски продолжи како досега на сила да ги турка плановите ќе протестираме 24 часа пред општина Карпош, порачаа од „Со срце за Карпош“.

The post Ако Јакимовски продолжи како досега на сила да ги турка плановите ќе протестираме 24 часа пред Општина Карпош appeared first on Република.

Најмалку 52 лица загинаа денеска во пожар што избувна во висококатница во Јоханесбург, најголемиот град во Јужна Африка, соопштија локалните служби за вонредни состојби.

Портпаролот на службата за итни случаи Роберт Мулауџи изјави дека 43 лица се повредени во пожарот кој избувнал рано утрово. Според него, бројот на жртвите може да се зголеми.

Во тек е операција за пребарување, а пожарникарите се движат внатре во зградата. Тимот досега извлече 52 тела, рече тој, додавајќи дека најмалку едно дете е меѓу загинатите и дека може да има повеќе луѓе заробени внатре.

Властите соопштија дека пожарот е делумно изгаснат.

The post Во пожар во висококатница во Јоханесбург загинаа најмалку 52 лица appeared first on Република.