Таткото на сопругата на Вук Боруловиќ издава апартман на Црногорското приморје во кој секое лето доаѓале ќерката и зетот. Зоран и по масакрот што го направи неговиот зет, продолжи со бизнисот па на социјалните мрежи се уште ги има сите информации за изнајмувањето.

- Издавам комплетно опремен стан во близина на плажата Плави хоризонти и заливот Луштица.
Станот содржи: спална соба, дневна, кујна, бања, интернет, клима, кабловска, детски базен и паркинг простор.Одалеченост од плажа 500 метри. Цената е 40 евра на ден-стои во огласот.

The post Цена 40 евра на ден: Се издава апартманот на море во кој спиел монструмот од Цетиње appeared first on Република.

Извештајот од обдукцијата на телото на масовниот убиец Вук Бориловиќ (34) ги потврди неофицијалните информации - тој се здобил со повреди во пределот на телото од испукани пет куршуми.

Чиј куршум го усмртил - полицаецот или сограѓанинот Ненад Нена Калуѓеровиќ, ќе утврди истрагата која е во тек.

Ова произлегува од одговорот на Вишото државно обвинителство во Подгорица, од кое за „Вијести“ објаснуваат дека се уште не им се доставени обдукциските наоди на телата на 10 жртви на Бориловиќ.

Извештајот од обдукцијата на телото на Бориловиќ е доставен до обвинителот во петокот на 19 август, седум дена по трагедијата во Цетиње.

The post Стигнаа резултатите од обдукцијата: Монструмот од Цетиње е убиен со пет куршуми appeared first on Република.

Бошко Бориловиќ, братот на Вук Бориловиќ, изразувасочувство до семејствата и соседите на жртвите во писмо до нив.

Сите беа добри и чесни луѓе и знам дека ниту еден мој збор не може да им ја олесни тагата и маката на нивните најблиски. Жал ми е што јас и моето семејство не сме на местото на нивните најблиски, за да не мора да ги поднесуваат овие маки и страдања, наведува Бошко Бориловиќ во писмото.

Како што вели, цел живот се борел за некаков животен мир и среќа за сите, но, како што се испоставува, веќе ги немаат, ниту пак некогаш ќе ги имаат, ниту пак оние што ги загубија своите најблиски кои настрадаа.

-Доколку влакно на мојата глава помисли во мојот живот дека е роден за вакво злосторство, мојата рака би му судела. Не му го знам гробот, ниту сакам да знам, бидејќи нема ниту еден збор за оправдување или утеха за делото што го направил. Само не сакам никој да ја доживее судбината на нивните семејства и мојата, која сега е безначајна и уништена, заклучува тој во писмото.

The post Братот на монструмот од Цетиње: Не сакам да знам каде му е гробот appeared first on Република.

Страшните сцени на невино убиени деца и други жртви во населбата Цетиње Медовина не ги оставија рамнодушни полицијата и истражителите кои ја водеа истрагата за  монструмот Вук Бориловиќ кој вооружен со полуавтоматска пушка по улица  сееше смрт.

Тие плачеле додека го гледале ужасот што го направи лудиот убиец. Ниту инспекторите со децениско искуство не можеле да ги задржат солзите, поради што истрагата траеше многу подолго од вообичаеното. Тоа што го видоа, велат, нема да можат да го заборават додека живеат.

- Ова се сцени кои не можат да остават никого рамнодушен -велат од полицијата.

Колку истрели Бориловиќ кон своите жртви е информација која се уште не е доставена до обвинителството. Но, неофицијално се дознава дека тој нишанил и ги погодил повеќето во пределот на главата.

The post Монструмот им пукал во глава: Инспекторите плачеле кога ги гледале мртвите тела на децата appeared first on Република.

Истрагата за најголемото злосторство во поновата историја на Црна Гора сè уште трае, но засега нема индиции зошто Вук Бориловиќ (34) од Цетиње во петокот земал ловечка карабина и извршил масакр во селото Медовина, убивајќи десет лица, меѓу кои и две деца.

Соговорници на „Новости“ од полицијата наведуваат дека на тоа прашање не можела да одговори ниту сопругата на Бориловиќ.

Таа беше сослушана во првите часови од истрагата. Таа објасни дека бил чуден неколку дена пред злосторството кога дошол да ги посети во приморско место каде што била на одмор со нивните деца, но дека тоа не ништо посебно - вели извор од полицијата за весникот.

Како што раскажала, претходно немало недоразбирања и караници со станарите, кои ги убил први, па приказните за претходни конфликти се чиста шпекулација. Исто навела дека е измислица дека го оставила, па тоа било тригерот кој го активирал. Не го оставила, туку како и секоја година со децата заминала на одмор кај роднините.

Бориловиќ, како што е потврдено од официјалното соопштение на Управата на полицијата, кобниот ден имал закажан специјалистички преглед.

Последниве денови се однесува чудно, поради што пријател го замолил да оди на невропсихијатар, на што тој се согласил - вели соговорникот на „Новости“, кој посочува дека медиумските шпекулации за можна крвна одмазда само ги зголемуваат тензиите и создаваат паника кај жителите на Цетиње.

Во овој момент ништо не навестува дека такво нешто навистина би можело да се случи. Трагедијата е преголема. Нема потреба да се крева тензија со шпекулации во вакви тешки моменти заради поголем тираж на весници и поголем број посети на одредени портали - вели соговорникот и додава дека полицијата не крие ништо, потенцирајќи дека се што е официјално е објавено.

Реконструкцијата е извршена, претресот на куќата на Бориловиќ е извршен, додека сѐ уште трае прибирање изјави на сведоци, исто како и вештачењата - вели изворот и потврдува дека Бориловиќ е погребан на тајна локација надвор од Цетиње.

Полициската управа официјално соопшти дека при претресот на куќата на Вук Бориловиќ пронашле 4.200 евра и осум куршуми за ловечката пушка, од кои за време на кравата драма по случаен избор пукал во соседите, екипата на итната помош, припадниците на полицијата и случајните минувачи.

The post Вук беше чуден неколку дена пред масакрот, сведочи неговата сопруга appeared first on Република.

Надвор од градот, на тајна локација е погребан Вук Бориловиќ, напаѓачот од Цетиње, кој уби 10 и рани уште шест луѓе. Граѓаните не му дозволија на семејството Бориловиќ неговите посмртни останки да останат во Цетиње.

Локацијата на гробот е тајна за да не биде сквернавена.

Полиција го обезбедувала погребот. Црна Гора сѐ уште е во шок од масакрот кој се случи.

The post Вук Бориловиќ е погребан на тајна локација надвор од Цетиње appeared first on Република.

Вук Бориловиќ (34) од Цетиње, кој во петокот уби десет соседи, по што беше застрелан од Ненад Калуѓеровиќ вчера беше погребан во строга тајност на тајна локација.

Во меѓувреме, сопругата и трите ќерки, кои биле на море во Херцег Нови во моментот на злосторството, биле однесени на тајна, безбедна локација, со полициска заштита поради страв од крвна одмазда!

 

Семејството на Вук е неутешно, ги разбирам, тие не го направија тој масакр, но цел живот треба да го носат тој крст на срамот и тагата. Здравиот разум не може да го направи тоа што го направи Бориловиќ-изјави нивниот сосед.

The post Стравуваат за безбедноста: Ова е семејството на монтрумот од Цетиње appeared first on Република.

Вук Бориловиќ (34), кој уби 10 сограѓани, а рани шестмина, како млад човек ја поминал ноќта изгубен во шумата каде за малку ќе го убиел ѕвер. Тој доживеал тешка трагедија кога бил нападнат од мечка додека бил на лов, а поради оваа траума Вук преку ноќ побелел, дознава „Курир.рс“.

Како млад, Вук доживеал уште една трагедија - неговиот брат се самоубил. Овие настани, според тврдењата на жителите на Цетиње, влијаеле на неговото однесување и психа, а веројатно биле и еден од поводниците за масакрот, но според нив тоа не е оправдување за злосторството.

The post Вук имал душевно растројство поради самоубиството на братот appeared first on Република.

Од Полициската управа на Црна Гора официјално е соопштено дека при претрес во куќата на Вук Бориловиќ биле пронајдени 4.200 евра и осум куршуми за ловечка пушка.

Куќата на Бориловиќ, како што е соопштено, е претресена по наредба на надлежниот судија за истрага, пренесува црногорски Вијести.

Полицијата не пронашла камери во куќата на масовниот убиец Вук Бориловиќ, но открила снимка од надзорните камери поставени на неколку згради во близина.

 

- Со проверка не се пронајдени камери. Од неколку локации полицијата запленила снимка од видео надзор за која се верува дека може да даде информации за споменатиот настан, соопшти Полицијата.

 

Бориловиќ (34) е убиен откако претходно уби 10 соседи, меѓу кои две деца, а шестмина тешко рани.

The post Полицијата влезе во куќата на монструмот: Пронајдени осум куршуми и 4.200 евра appeared first on Република.

Вук Бориловиќ кој изврши масакр на Цетиње е погребан на тајна локација. Никој, па дури ни семејството не знае каде тој почива.Неговото семејство го чува полиција поради страв од одмазда.

Неа ја најави таткото на кој му се убиени жената и децата. Роки во некрологот напиша „да го чекаат и оти брзо ќе дојде кај нив“. Тоа од познавачите на ваквите случаи е протолкувано дека ќе се одмазди за убистовото на најмилите.

The post Mонструмот од Цетиње погребан на тајна локација, семејството стравува од крвна одмазда appeared first on Република.

Црногорските медиуми објавија нови детали за извршителот на незапаметениот масакр во Цетиње, којшто се случи во петокот попладне, кога 34-годишнот Вук Бориловиќ уби десет луѓе, меѓу кои и две деца, по што и самиот беше застрелан.

Човекот одел од куќа во куќа, кој и да бил внатре ги убивал, луѓе во фотелји, во кревети. Старо и младо. Тоа траеше околу еден час. Дојде дури и до нашите скали, да влезе во нашата куќа. Меѓутоа, полицаецот беше на нашата тераса затоа што од нашата тераса најдобро се гледаше неговата куќа. И полицаецот нè спаси да не влезе дома и да нè... Тука беа и двете внучиња и свекрвата, стара жена и мојот сопруг. И, успеа полицаецот да нè спаси. Јас сум денес тука, а и моите внучиња и целото семејство - раскажува жена сведок на крвавиот напад во Цетиње за „Прва ТВ“.

Таа додава и дека можело да се слушне болното лелекање на луѓето:

Тие викаат, плачат, а тој ги удира со кундакот во врат, крши стакла. Од ова, сите жители на Цетиње, а особено ние жителите на оваа населба тешко ќе закрепнеме - раскажала жената.

Црногорските медиуми откриваат дека Бориловиќ од претходно имал досие. Се поставува прашањето зошто од полицијата која прилично доцна ја изнела службената верзија на настанот, соопштено било дека убиецот немал криминално минато.

Медиумите објавуваат дека во младоста тој имал четири-пет пријави за насилничко однесување, а пред шест-седум месеци прво вербално, а потоа и физички нападнал колега.

По конфликтот на работа, Бориловиќ заминал кај него дома, го повредил, му го оштетил автомобилот и гаѓал со камења во куќата. Колегата го пријавил, а Бориловиќ бил приведен во полиција.

The post Ново сведоштво од масакрот во Цетиње: Човекот одеше од куќа во куќа и убиваше секого кој ќе сретне, се слушаше лелекање… appeared first on Република.

Вук Бориловиќ (34) од Цетиње вчера уби десет сограѓани и рани шестмина. За време на крвавата драма во која уби и две малолетни деца, Бориловиќ по случаен избор со ловечка пушка пукал во соседите, екипата на Брза помош, припадници на полицијата и случајни минувачи.

Според официјалните податоци, Бориловиќ околу 15 часот и 30 минути влегол во станот на своите станари и на врата го убил единаесетгодишниот М., потоа неговиот три години помлад брат, а потоа преку прозорецот ја застрелал нивната мајка - Наташа Пајовиќ Мартиновиќ.

Откако ги убил, му се јавил на Милош Мартиновиќ, таткото на децата и сопруг на Наташа Пајовиќ Мартиновиќ и му рекол: „Го убив твоето и моето семејство“, велат соговорници на Вијести.ме од Управата на полицијата.

Во следните 45 минути, во вкупно 80 метри од својата куќа сеел смрт, при што убил уште седум лица, а ранил шест.

Надлежните објаснија дека по убиството на Мартиновиќ влегол во куќата на соседот каде ги убил постарите сограѓани Данијела и Димитрије Дрекун и тешко го ранил нивниот внук Александар Дрекун (32). На прагот од таа куќа го убил и нивниот син Рајко Дрекун (56), кој дотрчал до куќата кога слушнал пукање, пишува Вијести.ме.

Бориловиќ го убил и својот сосед Милан Митровиќ (37), а потоа и својот вујко Горан Ѓуришиќ (54), а потоа одејќи по улицата ги убил соседите Александра (52) и Данијела Радуновиќ (51).

На Вијести им е речено дека Бориловиќ, опашан со два шаржера куршуми и со пушка во раката, отишол кон куќата на својот сосед И.Ј. и го повикал да излезе надвор.

Тој ранил уште четворица соседи - Славица Звичер, Филип Ѓурковиќ, Милева Рамадановиќ и Даринка Челебиќ, како и полицаецот Љубиша Максимовиќ, кој се обидел да го совлада. Клиничкиот центар на Црна Гора синоќа соопшти дека тројца од ранетите се оперирани и сместени на Одделот за интензивна нега.

Директорот на Полициската управа (УП), Зоран Брѓанин, доцна синоќа соопшти дека Бориловиќ, според засега познатите околности, околу 15 часот и 30 минути ги убил првите жртви - Мартиновиќ.

Засега не е јасно што го натерало В.Б. да изврши вакво грозоморно дело, по што и самиот го загуби животот. Потенцирам дека сè уште се утврдуваат околностите на целиот настан, вклучително и одземањето на животот на В.Б. , а јавноста ќе биде информирана за сите детали преку медиумите. Исто така, сакам да изразам надеж дека никогаш повеќе нема да бидеме сведоци на ваква трагедија во Црна Гора, рече Брѓанин, додавајќи дека сочувствува со семејствата на жртвите и се надева дека повредените брзо и успешно ќе закрепнат.

The post Ова се жртвите од масакрот во Цетиње appeared first on Република.