Сообраќајот на државните патишта се одвива непречено, по влажни коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Надвор врне, внимавајте на патиштата appeared first on Република.

Времето денеска ќе биде променливо облачно, а во западните делови со повремен локален дожд. Кон крајот на денот, а особено во текот на ноќта врнежите ќе се прошират насекаде и на места ќе бидат пообилни. Ќе дува засилен, повремено силен ветер, дури и над 65 километри на час, од југоисточен правец.

Максималната температура ќе биде во интервал од 18 до 22 степени Целзиусови.

Во Скопје ќе биде претежно облачно, а кон крајот на денот и во текот на ноќта со врнежи од дожд, кои повремено ќе бидат пообилни. Ќе дува засилен ветер од југоисточен правец. Максималната температура ќе достигне до 20 степени Целзиусови.

Викендов ќе преовладува облачно време со повремени врнежи од дожд. Наместа врнежите ќе бидат поројни и обилни со над 35 литри на квадратен метар, особено денеска во ноќните часови, како и утре претпладне.

Дневната температура утре значително ќе опадне. Од понеделник времето ќе биде стабилно со утринска магла по одделни котлини.

The post Викендов облачно и врнежливо и значително заладено appeared first on Република.