Назначувањето на  премиер Албанец ДУИ го прослави и со посебни вратоврски. На нив на задниот дел пишува „Kruyeministri  shqiptar 28.1 2024“.

Вакви вратоврски носеле сите министри и пратеници од ДУИ на денот на гласањето на Талат Џафери.

Вратоврската е од српскиот бренд „Марушка“  од Чачак. Оваа фирма прави марами и вратоврски со врвен квалитет.

Од оваа фирма за „Република.рс“ велат дека немаат ништо со посветата на нивните вратоврски и оти тие не гарантираат за нив откако ќе ги напуштат нивните капацитети.

The post „Псе јо“: Премиерот Албанец ДУИ го прослави со српски вратоврски со посебна посвета appeared first on Република.

Бакингемската палата денеска соопшти дека вратоврската што ја носеше британскиот крал Чарлс Трети за време на неговото учество на климатскиот самит КОП28 во Дубаи, а за која медиумите објавија дека е поддршка за Грција поради нејзината боја и мотив, дел од неговата актуелна колекција.

Палатата соопшти дека кралот ја носел истата вратоврска минатата недела кога го пречекал претседателот на Јужна Кореја, што беше пред несогласувањата меѓу британскиот премиер Риши Сунак и грчкиот премиер Киријакос Мицотакис.

Британската и грчката влада неодамна влегоа во спор околу враќањето на античките грчки скулптури од Британскиот музеј. Сунак потоа ја откажа средбата со Мицотакис, обвинувајќи го дека го прекршил ветувањето дека нема да го спомнува решавањето на „вечниот“ билатерален културно-дипломатски проблем.

Британскиот крал поттикна интензивни шпекулации по климатскиот самит со изборот на сино-бела вратоврска која потсетува на грчкото знаме.

Медиумите пишуваа дека кралот, иако е должен да остане политички неутрален, застанал на страната на Атина со изборот на облека.

Сликата на кралот беше објавена на повеќето грчки информативни сајтови под наслови како: „Сликата вреди илјада зборови“.

Во напис на веб-страницата на грчкиот дневен весник „Катимерини“ пишува: „Иако кралот Чарлс не зазеде став по ова прашање, овој потег многу аналитичари го гледаат како индиректна форма на поддршка“.

Сепак, Чарлс е познат како вљубеник во грчката култура и е чест посетител на земјата во која е роден неговиот татко, принцот Филип.

Кралот сака да ги минува своите празници таму и е страстен љубител на се што е хеленско.

Ова не е прв пат кралската облека да поттикне гласини.

Во 2017 година, кралицата Елизабета Втора поттикна шпекулации дека зазема став за спорот за Брегзит, носејќи сина капа со жолти цветови што потсетува на знамето на ЕУ.

The post Вратоврската на кралот Чарлс со бои на грчкото знаме не е поддршка за Грција, тврди Бакингемската палата appeared first on Република.

Талибанците велат дека вратоврската го претставува христијанскиот крст и треба да се забрани.

„Вратоврската што ја носат мажите го симболизира крстот во христијанската вера“, изјави висок талибански функционер во Авганистан.

Откако се вратија на власт, Талибанците не наметнаа никакви правила за тоа како мажите треба да се облекуваат.

„Понекогаш кога одам во болница или некоја друга установа, среќавам авганистански лекари муслимани или инженери кои носат вратоврски“, рече Мохамед Хашим Шахид Врор, шеф на владиниот оддел задолжен да го води населението како најдобро да ги почитува исламските принципи.

Жените мора да бидат целосно покриени кога ќе ги напуштат своите домови. Скоро сите талибански функционери носат шалвар камиз, широки панталони и традиционална туника со елек и турбан на главата.

Западната облека поретко ја има во Авганистан откако Талибанците ја презедоа власта, но кошули и вратоврски сè уште се носат во некои професии.

За време на децениите советската окупација, по инвазијата во 1979 година, државните службеници се охрабрувани да носат одела наместо традиционални носии. Екс претседателот Ашраф Гани, кој избега од земјата во 2021 година кога Талибанците пристигнаа во Кабул, носеше западна облека кога престојуваше во странство и традиционална носија дома. Во текот на дваесетте години од бунтот, талибанските борци носеа шалвар камиз, но по преземањето на власта вооружените сили сепак добија модерни воени униформи.

Талибанците неодамна ги забранија салоните за убавина. Во 2020 Талибанците им забранија на жените да студираат. Во 2021 година забранија и музика на јавни места.

The post Талибанците забранија вратоврски – го симболизирале христијанкиот крст appeared first on Република.

По кавгата со новинарите за изградбата на коридорите 8 и 10 по потпишувањето на договорот со американско-турскиот конзорциум „Бехтел и Енка“, вицепремиерот Артан Груби доби прашање каква порака сака да испрати со вратоврската што ја носи, која новинарот што го праша ја оцени како милитантна, објави „Макфакс“.

Вицепремиерот како одговор од говорницата во мултимедија-центарот во Владата ја крена ногата за да ги покаже чорапите.

Груби на прес-конференцијата ја оправда и вчерашната антистрес-забава во неговата канцеларија со објаснување дека сите амбасадори што дошле кај него шутирале. Рече дека тој е спортски тип и не игра центар, туку дрибла.

видео: Макфакс

https://youtu.be/pXG1cjD-L8o

The post Груби во Владата ги покажа чорапите и ја симна вратоврската за да ја подари на новинарот оти била милитантна appeared first on Република.

Шпанскиот премиер, Педро Санчез, ги повика владините службеници и вработените во приватниот сектор во Шпанија да ја намалат потрошувачката на електрична енергија со тоа што нема да носат вратоврски.

Шпанскиот премиер на конференцијата дојде без вратоврска, во бела кошула и сино палто.

Би сакал да забележите дека не носам вратоврска. Тоа значи дека сите можеме да заштедиме струја - порача Санчез на прес-конференција, на која го презентираше извештајот за работата на владата.

Тој ги повика министрите и владините претставници „да не носат вратоврска, ако тоа не е потребно“, но не објасни како со тоа се заштедува струја. Медиумите нагаѓаат дека идејата веројатно е тоа што при топло време во затворен простор лицето се чувствува поудобно без вратоврска и чувствува помала потреба од употреба на клима уредите.

Повеќе од еден месец времето во Шпанија е многу топло. Во некои делови од земјата температурата на воздухот надминува 40 степени, а надлежните апелираат граѓаните да не користат климатизери повеќе од потребното, за да се намалат трошоците за снабдување со електрична енергија.

Минатиот месец, Шпанија одобри пакет економска помош во вредност од над девет милијарди евра. Пакетот вклучува и намалување на данокот на трошоците за користење струја и еднократна исплата од 200 евра за лицата со ниски примања.

The post Извадете ги вратоврските за да штедиме струја: Шпанскиот премиер со барање до функционерите и вработените во приватниот сектор appeared first on Република.

На последното рочиште во судењето против поранешната сопруга Амбер Херд, актерот Џони Деп се појави со српска вратоврска. Станува збор за свилена вратовска со принт од мозаичната збирка на храмот Свети Сава во Белград, која ја доби како подарок при посетата на Србија.

Овој детал го воодушеви српскиот актер Милош Биковиќ.

Скромен и полн со почит за сите, напиша актерот на Инстаграм.

The post Православниот детал кај Џони Деп го воодушеви регионот appeared first on Република.