Народниот театар од Битола гостува во Врање каде вечерва во рамки на фестивалот „Борини позоришни дани“ ќе ја изведе претставата „Брод за кукли“ на Милена Марковиќ во режија на Кокан Младеновиќ.

Меѓународниот театарски фестивал во Врање, кој годинава слави 100 години од формирањето, е посветен на познатиот српски драматург Бора Станковиќ, има натпреварувачки карактер и освен македонските актери настапуваат и театари од Балканот.

Во претставата „Брод за кукли“ настапуваат Сандра Грибовска Илиевска, Викторија Степановска Јанкуловска, Илина Чоревска, Катерина Аневска Дранговска, Валентина Грамосли, Петар Спировски, Мартин Мирчевски, Никола Пројчевски, Марјан Георгиевски, Филип Мирчевски, Живко Борисовски, Огнен Дранговски, Петар Горко и Никола Стефанов. Видео проекциите во претставата се на Владимир Переловски и Филип Ошавков.

Меѓународниот театарски фестивал во Врање завршува утре со доделување на награди.

The post Битолскиот театар вечерва гостува на фестивал во Врање appeared first on Република.

Од вчера до денес Врање го погодиле дури 11 земјотреси, од кои најсилниот бил со јачина од 3,7 степени според Рихтеровата скала, покажуваат податоците на веб-страницата на Републичкиот сеизмолошки завод.

Најсилниот земјотрес се случи кај Врање во селото Корбевац со јачина од 3,7 степени според Рихтеровата скала.

Првиот земјотрес е забележан во неделата (13 октомври) во 04:28 часот, а епицентарот бил во селата околу Врањска Бања.

Додека последниот земјотрес беше регистриран рано утринава околу шест часот по локално време, магнитудата беше 2,3 степени според Рихтеровата скала.

The post За само еден ден 11 земјотреси го погодија Врање appeared first on Република.

Земјотрес со јачина од 4 степени според Рихтеровата скала утрово ја погоди јужна Србија, а истиот е почувствуван и во Македонија и во Бугарија.

Епицентарот на земјотресот бил на 12 километри североисточно од Врање, а потресот бил на длабочина од 14 километри и се почувствувал во 4 часот и 48 минути по локално време.

The post Земјотрес го затресе Врање, се почувствува и во Македонија appeared first on Република.

Продолжува потрагата по работникот од рудникот Грот во Крива Феја, кој синоќа исчезна во јама длабока шест километри, откако испадна од работната машина со која управуваше.

– Директорот на рудникот вечерва околу два часот пријавил дека во јама на длабочина од околу шест километри е повреден работникот Ц.Ш. а потрагата по него се уште трае. Наредено е да се соберат информации, да се извести рударскиот инспектор и да се спроведе истрага, а потоа и консултација со обвинителството – информираат од Основното јавно обвинителство Врање.

The post Работник во рудник во Врање падна во јама длабока 6 километри appeared first on Република.

Претседателката на Македонија Гордана Силјановска Давкова вчера положи венец пред манастирот Св.Прохор Пчињски во Србија. Таа се поклони пред плочата на која пишува дека тука на 2 август 1944 година е одржано Првото заседание на АСНОМ и се удрени темелите на современата македонска држава.

Но, малкумина знаат дека тоа не е оригиналната плоча ниту е  оригиналното место каде што стоела.

Плочата се наоѓала во кругот на манастирот каде што и се одржало заседанието во воденицата која исто така веќе не постои.

Што се случило со оригиналната плоча

Плочата беше на вистинското место се до 1990 година кога Војислав Шешељ на Илинден влезе и ја скрши во чекан. Тоа е период на зголемен национализам и почеток на војните во поранешна Југославија.

Шешељ тогаш изјавуваше дека „нема зошто да им се дозволува на Македонците влез во манастирот“. Се заканувал и дека „за шест часа може да ја прегази Македонија“

Искршената плоча била префрлена во Народниот музеј во Врање но подоцна и се губи трагата и не можела да биде пронајдена, па дури и во парчиња.

Покрај плочата, во пожарот во 2014 година кој го зафати манастирот настрада и спомен собата на АСНОМ. Иста таква реплика многу години подоцна беше направена во Меморијалниот центар Пелинце кој беше направен како замена за Прохор Пчињски.

По дивеењето следеше период на влошени односи меѓу Србија и Македонија поради црковниот спор и официјално одбележување во манастирот речиси и да немаше.

Така беше се до минатата година кога поранешниот претседател Стево Пендаровски доби покана да го посети манстирот и да положи венец.Но, проблем била плочата откако српските власти добиле информација од Врање дека никако не можат да ја пронајдат и оти веројатно е фрлена.

Тогаш е изработена нова, „верна на ориггиналот“ пред која се поклони претседателката Силјановска Давкова.

The post Оригиналната плоча од АСНОМ во Прохор Пчињски Шешељ ја скрши со чекан, делчињата се загубиле во Врање appeared first on Република.

Во последно време, трговските текови меѓу градовите на Балканот се променија, откако скопјани почнаа сè почесто да го посетуваат Врање за шопинг и за уживање во вкусната скара, додека жителите на Врање патуваат во Македонија за да купат евтин бензин и цигари, пишува „Денар“.

Па така, рестораните во Врање веќе започнаа да резервираат места за македонските посетители.

Планираме да ги прошириме нашите капацитети и да воведеме систем за онлајн резервации. Сакаме да се осигураме дека секој наш гостин ќе има удобно и пријатно искуство. Искрено, душата ме боли кога ги враќаме гостите поради тоа што нема слободна маса. А замислете, тие запалиле автомобил и тргнале дури од Скопје или од Куманово за да ручаат во мојата кафана, а јас не можам да им удоволам. Затоа, наскоро овие проблеми ќе станат минато, изјави за порталот сопственикот на еден популарен ресторан во Врање.

Овој феномен на шопинг туризам не само што ги зближува граѓаните на двете гранични области, туку и ја засилува локалната економија на обете страни.

The post Македонците добиваат посебен третман во Врање – слободна маса отсега ќе имаат во секое време! appeared first on Република.

Триесетгодишната В.Ј. (30) од Велика Дренова е повредена кога се скарала со маж во автомобил, по што излегла од возилото, а тој испукал два куршуми во неа, по што се самоубил. Како што велат за „Блиц“ познаници на повредената, таа е родена и живеела во Велика Дренова кај Трстеник.

Нејзиниот татко е Пакистанец, но, колку што знаеме, не се живи ниту мајка и ниту татко. Има и две сестри. Човекот кој пукал во неа бил нејзиниот емотивен партнер. Претходно живееше во село Угљарево, каде што беше мажена, вели соговорник на „Блиц“.

Според него, В.Ј. има две деца, но ги оставила откако заминала со човекот кој пукал во неа.

Таа е родена и живеела со семејството во Велика Дренова. Потоа се омажила во Угљарево, исто така село до Трстеник. Ги остави децата и отиде со тој Македонец во Швајцарија. Во Врњачка Бања од родителите наследила недвижен имот, вели тој.

Како што пишува „Блиц“, В.Ј. (30) половина час по полноќ, во придружба на екипа на Итната помош од Врање, со рани од огнено оружје бил донесен во УЗ УКЦ Ниш.

По извршениот преглед, констатирани се повреди на душникот, вратните пршлени и влегување воздух во градната празнина, како и контузија на белодробното крило од левата страна.

На пациентката итно и била извршена хируршка интервенција во операционата сала на Ургентниот центар, по што е хоспитализирана на Клиниката за интензивна нега на Универзитетската болница Ниш.

Мажот (52) кој пукал во неа е македонски државјанин од албанска националност од Тетово. Македонскиот државјанин прво со огнено оружје прво ја ранил жената, а потоа се застрелал. Тој им подлегнал на повредите, а на пукањето и претходела расправија.

Мотивите за обидот за убиство и самоубиство не се познати.

The post Ова е жената во која пукаше Албанец од Македонија: Ги оставила сопругот и двете деца и побегнала со него во Швајцарија appeared first on Република.

Македонските граѓани вчера буквално го опседнаа Врање. По улиците и паркинзите можеа да се видат само македонски автомобили, а ги имаше од цела Македонија, од Скопје, Велес, Битола, Гостивар, Тетово, Струмица. Продавниците преполни. Се купуваше се и сешто, иако цените не се нешто пониски од оние во нашите маркети. Слободно може да се рече дека нашиот низок стандард не може веќе да ги „поднесе“ ниту српките цени. Сепак тоа не беше пречка кафеаните да се пребукирани од Македонци. Во некои кафеани се редеа редици од луѓе кои чекаа некој да стане за да „фатат“ место, за да ручаат. И така Денот на револуционерната борба нашите граѓани го искористија максимално да се изборат за добар шопинг и добар ручек во Врање.

The post Борбата на Македонците за шопинг и добра храна во Врање appeared first on Република.

Србија во наредниот период ќе биде изложена на најбрутален притисок во однос на Косово. Освен политичките закани и економските услови, менторите на Албин Курти решија да го подигнат размерот на уцена на Белград и да го поддржат во нови акции на тероризирање на Србите, чија цел не е де- ескалација, но предизвикување вооружени конфликти,анализира „Република.рс“.

Весникот тврди дека турските офицери со помош на Велика Британија изработиле план за излез на т на косовските безбедносни сили до административна линија, а нивното сценарио не исклучува воени напади врз нашите безбедносни сили до Краљево.

Создаден е под лажни изговори дека наводно е план за одбрана на Косово од можна инвазија на српските безбедносни сили на северот открива Милован Дрецун, претседател на парламентарната комисија за Косово.

Турција презеде голема улога на безбедносното поле. Има план направен од турски офицери, кој наводно е од одбранбен карактер и вклучува план за одбрана на Косово од можен упад на нашите безбедносни сили на Северот . Но, всушност беше направен офанзивен план, кој вклучува дури и крајно брутални воени напади на местата каде што се сместени нашите безбедносни сили на територијата на централна Србија, по административната линија, од Врање, па сè до Краљево и Рашка. Планот е направен со помош на Велика Британија - објасни Дрецун.

The post Курти го сака и Врање! appeared first on Република.

Претседателот на Србија Александар Вучиќ се обрати пред медиумите по средбата со претседателот на  Македонија, Пендаровски.

Многу сум среќен што можеме да гостуваме во овој прекрасен манастир и што можев да го чекам претседателот Пендаровски, за да ги потврдам добрите односи – рече Вучиќ

Српскиот претседател истакна дека двата народа имаат одлично разбирање и соработка.

Ние одлично го разбираме македонскиот јазик и знаеме дека одлично зборувате и разбирате, дека како народи имаме братски и сестрински односи и верувам дека овие односи ќе продолжат да се развиваат. Заедно правиме многу работи за да го подобриме стандардот и за граѓаните на Македонија и за граѓаните на Србија. Со Европејците ја градиме брзата пруга Белград – Ниш, па пругата Брестовац – Ниш…, истакна Вучиќ.

Српскиот претседател посочи дека Македонците се секогаш добредојдени во Србија.

Од тука одиме на ручек во Врање да разговараме за нашите односи. Сакам да му се заблагодарам и на патријархот Порфириј за донесување одлуки за доброто на српскиот и македонскиот народ. Ние Србите ги сакаме Македонците и Македонија. Навистина сте добредојдени каде било на територијата на Србија и знаеме дека Србија ја чувствувате како своја земја – рече Вучиќ.

The post Вучиќ со хеликоптер го однесе Пендаровски на ручек во Врање appeared first on Република.

Тешка сообраќајна несреќа се случи вчера на улицата „Партизански пат“ во Врање.

Како што пишуваат српските медиуми, во несреќата животот го загубило 25-годишно момче од Македонија.

Во автомобилот имало неколку лица, но само едно починало на лице место, потврдиле извори од истрагата.

Исто така, неофицијално се пишува дека лицата го згрешиле патот кон Македонија и се упатиле кон Златокоп, но потоа се сетиле дека го заборавиле мобилниот телефон во кафеаната во центарот на градот, каде што претходно престојувале и се вратиле назад, по што се случила несреќата.

Автомобилот од непозната причина излетал од патот и удрил во рабник. Истрагата е во тек.

The post Фатален бил мобилниот: Детали за несреќата во Врање во која загина 25 годишен Македонец appeared first on Република.

Македонски државјанин загинал во тешка сообраќајна несреќа која се случи на улицата „Партизански пат“ во Врање. Според неофицијални информации на српските медиуми автомобилот со регистерски таблици од Македонија излетал од патот и удрил во насипот.

Од полицијата велат дека се уште не се познати околностите, но потврдено е дека истрагата е во тек. Еден пациент е згрижен на Итна медицинска помош, дијагностиката е во тек.

Дел од патот е затворен, возилата се пренасочуваат на други патни правци.

The post Македонско возило излетало од пат во Врање, има еден загинат appeared first on Република.

Жител на Врање пријавил во полиција дека ноќта меѓу среда и четврток непознато лице го малтретирало пред градска кафеана, удирајќи го неколку пати во главата без никаква причина, а во другата рака држел пиштол. дека тој покажа кон него.

Полицијата по пријавата излегла на местото на настанот и затекнала група луѓе, меѓу кои и едно лице со пиштол. Кога ја видел полицијата, набрзина се упатил кон своето возило кое било паркирано во близина, но полицијата го запрела и тој го фрлил оружјето до него, пренесува Новости.

Утврдено е дека станува збор за Албанец од Прешево кој бил во видно алкохолизирана состојба. При претрес на неговиот автомобил бил пронајден нож со траги од крв, како и мобилен телефон. На автомобилот биле пронајдени и траги од крв.

The post Албанец во Врање вртел пиштол во центарот на градот, во возилото му пронашле нож со траги од крв appeared first on Република.

Цените за изнајмување на сместување во Врање се двојно зголемени за новогодишната ноќ. Добар број куќички во планинските области се веќе резервирани за новогодишната ноќ, а цените се во согласност со побарувачката - и двојно повисоки од редовните, пренесуваат врањските медиуми.

Оние кои претходно резервирале дочек во поскромни и помали објекти можеле да го најдат по цена од околу 60 евра, додека дочекот во луксузните викендички чини и до 1.000 евра од ноќ. Најчестата цена за новогодишните празници во Србија е меѓу 100 и 300 евра за ноќ, но не се издава сместување за едно ноќевање за време на празниците, но има услов закупот да трае најмалку две, а поретко три ноќевања.

Новогодишната ноќ во ресторан во Врање чини од 4.000 до 7.200 динари по лице, а за таа цена гостите во рестораните во овој град ќе добијат неограничена храна и пијалоци и музика во живо.

Според информации од еден популарен ресторан, капацитетите се претежно полни.

Собите се веќе целосно резервирани, главно резервирани од гости од Македонија. Од Врање има многу мал интерес, нагласува еден ресторан.

The post Македонците во Врање за Нова година: Сместување речиси нема, кафеаните полни за цени од 4000 до 7200 динари appeared first on Република.

Познатата врањска кафеана „Баба Дика“, која се наоѓа на шеталиштето во центарот на градот изгоре до темел.
Пожарот се случил утринава околу 5 часот. Бидејќи кафеаната е во станбена куќа, настрадал и станот над неа.
Причините се уште се непознати.

View this post on Instagram

A post shared by @017_dn

The post Изгоре до темел позната кафеана во Врање appeared first on Република.

Готвачката во „Градска меана“ во Врање, Јована Јанковиќ за десетгодишната работа во познатата кафана од работодавците доби автомобил. За овој гест сопственикот Ивица Цветковиќ вели дека е нешто сосема нормално, особено затоа што добра работничка е вистинска реткост.

За 10 години напорнo, но пред сè убавo работење, за твојата лојалност, верност, посветеност кон работата, која ја постигна работејќи во „Градска меана“, овој подарок е знак на внимание! Со здравје да се вози, напиша тој споделувајќи го новиот автомобил.

Цветковиќ за „Нова.рс“ вели дека кај нив е пракса да се наградува добрата работа. Јанковиќ, пак, вели дека иако знаела дека ќе добие автомобил, зошто само што го положила возачкиот испит, не знаела дека тоа ќе биде нејзиниот омилен - „буба“.

Инаку, ресторанот секој Митровден им подарува часовник на вработените кои биле ангажирани пред една година.

The post Газда од Врање ѝ подари автомобил на готвачката за 10 години верност и работа appeared first on Република.

Припадници на сообраќајната полиција во Врање во вчера исклучиле од сообраќај возач кој управувал возило во состојба на целосна алкохолизираност.

Во населбата Моштаница полицијата го запрела возачот (50) на автомобил „фиат пунто“, кому му била измерена 3,72 промили алкохол

Тој е приведен во службените простории на полицијата и против него ќе биде поднесена прекршочна пријава.

The post Врањанец возел низ градот со 3,7 промили алкохол во крвта appeared first on Република.

Звучи неверојатно, но  вистина. Една кутија од лекарството „Копренеса“ од 2 милиграми, што се припишува на пациенти со зголемен крвен притисок, во Скопје чини 230 денари, додека во аптеките во Врање, Србија, цената се движи од 190 до 200 динари!, анализира „Пресинг ТВ“.

Едно евро во Врање се менува за 117 динари, што значи дека лекарството чини околу 1,5 евра, а во Скопје над 3,5 евра. Со тоа што бројот на таблети е ист, различна  е големината на пакувањето.

Дилемата е дали во Скопје лекарството се увезува од производителот „Крка“ од Ново Место, Словенија, или од српската „Крка-Фарма ДООЕЛ. Но, од каде и да се набавува разликата во цената не може да се објасни. Ако се набавува од Словенија, транспортот и евентуално ДДВ-то, па и големината на пазарот и маржата може да бидат товар, но тие не можат да ја оптоварат цената со над 100%. Тука е и прашањето зошто истото лекарство истовремено не се набавува и од Србија, па граѓаните да имаат избор?

Разлика во цените во Скопје и Врање има речиси кај сите лекарства.

The post Македонските граѓани имаат повеќе пари: Таблетите за притисок во Србија двојно поевтини appeared first on Република.

Недостигот на млеко последниве денови во Србија ги натера жителите на Врање уште еднаш да ја искористат близината на граничниот премин со Македонија, па некои, како што пред поскапувањето полнеа таму гориво, сега одат да купуваат млеко. Млекото е поскапо е за десет динари (пет денари), но, како што велат, го има доволно во маркетите.

Како што пишува белградската „Нова.рс“, свежо млеко сè уште нема и во најснабдените маркети во Врање, нема ниту стерилизирани млеко, само повремено на некои маркети може да се најде пакување, кое, како што велат продавачите, „набрзина се разграбува“.

-Луѓето прават залихи, зашто неколку пати наишле на празни рафтови поради оние кои панично купуваат, и сега дури и тие што купиле некои вообичаени, нормални количини, купуваат по неколку пакувања ако наидат на некоја количина, изјави за „Нова.рс“ вработена во познат ланец на маркети.

Многу врањанци кои имаа можност викендов купуваа млеко во соседна Македонија или роднини и познаници на минување им носеа залихи на млеко.

-На мојата роднина и донесов неколку пакети затоа што пред да дојдеме на гости ми кажа дека овде нема млеко. Колку што знам во Скопје го има доволно и чудно ми е затоа што претежно тоа е млеко од Босна и Херцеговина или Србија, рече потрошувачка од Скопје за „Нова.рс“ и додаде дека нема забележано оти луѓето во паника прават залихи и оцени дека луѓето што тоа го прават во Србија создаваат дополнителни проблеми.

Стерилизирано млеко во Македонија чини околу 70 денари (околу 140 динари), а жителите од Србија кои го купуваат таму ризикуваат да имаат проблеми на границата поради транспорт на тој вид храна, пишува „Нова.рс“

The post Жители на Врање купуваат млеко во Македонија appeared first on Република.

Силно невреме пропратено со пороен дожд, град и грмежи попладнето го зафати Врање и јужна Србија.

 

View this post on Instagram

 

A post shared by 192.RS (@192_rs)

На социјалните мрежи се појавија видеа на кои се гледа дека многу улици се непроодни поради големата количина на дожд која падна за кратко време. Многу граѓани не можеа да излезат од куќите и од влезовите, а автомобилите им беа до тркала во вода.

 

View this post on Instagram

 

A post shared by 192.RS (@192_rs)

The post Невремето денес замина за Врање appeared first on Република.