Ако возите во зимска јакна или во капут, дури и ако носите шал или ракавици, може да бидете казнети и до 200 евра. Ова важи во Шпанија и во неколку други земји, а зад правилото стои фактот дека ваквите дополнителни слоеви на облека го ограничуваат возењето, односно ги ограничуваат движењата на возачот зад воланот.

Тестовите на германскиот автоклуб (АДАК) покажаа дека може да има повеќе проблеми со зимската јакна.

Тоа ќе го оневозможи правилното затегнување на безбедносниот појас, кој може да се лизне преку желудникот и да ги повреди цревата, црниот дроб или слезината.

Имено, поради полнењето на зимската облека, останува простор помеѓу ременот и телото, па ременот може длабоко да пресече во стомакот во случај на несреќа.
Потоа може да има сериозни повреди на меките ткива, како што се цревата, црниот дроб или слезината, па дури и внатрешно крварење.

Затоа, се препорачува да ја извадите јакната пред да влезете во автомобилот.

Исто така, децата во седиштето треба да бидат без густа зимска облека.

The post Казна од 200 евра ако се вози во зимска јакна или капут appeared first on Република.

Полицијата приведе возач кој се движел во спротивна насока на автопатот Тетово – Скопје.

Во петокот вечерта, полициски службеници од Полициската станица за безбедност на патниот сообраќај Тетово го приведоа В.Т.(67) од Скопје, постапувајќи по претходна пријава дека со своето патничко возило „Мерцедес“ со скопски регистарски ознаки управувал на автопатот Тетово-Скопје во ул. спротивен правец од наплатна рампа Тетово до наплатна станица Желино, создавајќи општа опасност во сообраќајот.

The post Маж возел во спротивна насока на патот Тетово – Скопје appeared first on Република.

Се ближи ли крајот на сообраќајното дивеење во Скопје? ... Дел од булеварите и улиците во метрополата веќе добиваат „нови очи“ кои ќе ги ловат несовесните возачи, ноќните тркачи по улиците и сите оние кои го загрозуваат својот и животот на околината на било каков начин...

На булеварите се вози брзо, а често не се почитува ниту црвеното светло на семафорите, па во недостаток на полиција и радар, камерите ќе ги документираат овие прекршоци, објави Канал 5.

Од МВР засега не откриваат премногу што се ќе се казнува, бидејќи законот за камерите треба да ја заврши потребната собраниската процедура. Она што е засега познато е дека клучен ќе биде сегментот за брзото возење и поминување на црвено. Сепак, според некои информации, се бара модалитет да се казнува и за не носење на појаси, лошо и опасно престројување, непочитување на сообраќајните знаци.

Новите камери кои се поставуваат во Скопје се дел од проектот „Безбеден град“ кој има за цел зајакнување на сообраќајната безбедност. По завршувањето на сите потребни активности околу овој проект, јавноста ќе биде соодветно известена, велат од МВР и тоа е засега сѐ што откриваат.

Во последниот период сме сведоци на се повеќе сообраќајни несреќи, некои за жал и со трагични последици. Граѓаните велат по улиците чувствуваат повеќе страв отколку безбедност, па ова решение, доколку се спроведе како што треба и функционира добро, тогаш ќе биде полн погодок.

Камерите веќе подлежеа на тестирање, а Канал 5 дојде до информација дека во време на тестирањето во само неколку часа биле забележани повеќе илјади сериозни прекршоци.

Извор: Канал 5

The post Камерите во Скопје за само два часа, регистрирале 5.000 сообраќајни прекршоци appeared first on Република.

Четириесет и деветгодишник починал возејќи кај кичевско Бигор Доленци, соопштија попладнево од Министерството за внатрешни работи.

- Вчера во 06.15 часот во ОВР Кичево е пријавено дека на локален пат за кичевското село Бигор Доленци, патничко возило „мерцедес“ со австриски национални ознаки излетало од патот, а возачот бил без знаци на живот. Од увидот, извршен по наредба на јавен обвинител, констатирано е дека станува збор за Е.Л., на возраст од 49 години, од селото Лисичани. Смрт констатирал лекар од Итната медицинска помош, се појаснува во соопштението.

По завршената обдукција било утврдено дека смртта кај возачот настапила пред несреќата

The post Aвстриец починал во кичевско возејќи appeared first on Република.

Во текот на вчерашниот ден (19.09.2023) Министерството за внатрешни работи спроведе засилена акциска контрола на територијата на Република Македонија за санкционирање на возила кои се движат со брзина поголема од дозволената, при што санкционирани се 241 возач.

Од нив 17 возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа 111 возила ја пречекориле брзината во населено место, а 130 надвор од населено место.

Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, велат од МВР.

The post Казни за 241 возач за брзо возење appeared first on Република.

Во сообраќајна контрола на полицијата вчера на територијата на Град Скопје биле казнети 154 возачи.

Како што информира Министерството за внатрешни работи за возење повеќе од дозволената брзина казнети се 68 возачи, 15 мерки се изречени за возење без возачка дозвола, 13 санкции за возење под дејство на алкохол. Изречени се четири мерки за користење мобилен телефон при возење, седум санкции за некористење сигурносен појас...

МВР укажува дека ќе продолжат сообраќајните контроли и во наредните денови и апелира до сите учесници во сообраќајот да ги почитуваат сообраќајните правила и прописи.

The post Санкционирани 154 возачи во Скопје, 68 за брзо возење appeared first on Република.

Секторот за внатрешни работи Скопје во текот на вчерашниот ден (24.06.2023) продолжи со контролите во областа на сообраќајот. На територија на град Скопје изречени се вкупно 172 мерки, меѓу кои за возење повеќе од дозволената брзина 56 санкции, девет мерки за возење без возачка дозвола, 16 санкции за управување возило под дејство на алкохол, пет мерки за технички неисправни и нерегистрирани возила.

Изречени се четири санкции за користење мобилен телефон при управување возило, две мерки за некористење сигурносен појас, четири санкции за минување на затворен сигнал – црвено светло…

Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, велат од МВР.

The post Фрчат казни: 172 санкционирани возачи во Скопје, 56 за брзо возење appeared first on Република.

Винка Ѓорѓевиќ од Мали Вртоп во Србија, за првпат седна зад воланот дури откако надмина осумдесет години.

На 81-годишна возраст баба Винка, чие секојдневие најмногу е сведено на фарма, најмногу е задоволна од доаѓањето на нејзиниот внук Јован. Тие поминуваат време заедно на часови за возење, на кои таа особено се радува“, се вели во репортажата на РТС.

Баба Винка вели дека отсекогаш сакала да научи да вози, но кога била млада немала таква можност. Затоа, внукот сега и помага да ја оствари својата дамнешна желба која не ја напуштила ниту во деветтата деценија од животот.

Таа е упорна, многу сака да научи да вози добро“, вели внукот, Јован Митровиќ.

Таа вели дека и било многу необично да го прави тоа, но на крајот од секое возење и е многу интересно.

На прашањето какви гуми има моментално, баба Винка одговара:

Претпоставувам летни гуми“.

Во однос на брзината со која вози, баба Винка вели дека што и да реши внукот, таа го слуша.

Таа ги испробала автомобилите „лада“, „голф“, „баги“ и други автомобили на нејзиниот внук. Сепак, нејзин омилен е олдтајмерот.

Најмногу ми се допаѓа „Фичо“. Тој е мал, а јас сум стара. Тоа  функционира“, низ смеа вели баба Винка.

https://www.youtube.com/watch?v=_hAM4ZZpuKs&embeds_euri=https%3A%2F%2Fstrana.mk%2F&source_ve_path=MjM4NTE&feature=emb_title

The post Ја остварува животната желба: Внук ја учи да вози својата баба која има 81 година appeared first on Република.

Дејан Стевиќ, потполковник од Управата на српската сообраќајната полиција, за „Телеграф.рс“ објаснува колку се опасни мобилните телефони додека возите.

[caption id="attachment_635399" align="alignnone" width="583"] фото Телеграф.рс[/caption]

- Можам да ви го кажам фактот дека многумина од нас не пијат додека возат и многумина од нас ги осудуваат возачите кои возат под дејство на алкохол, но студиите покажаа дека зборувањето на телефон додека возите е еднакво, во однос на количината на вниманието го одзема од воланот и од самиот пат, како да сте конзумирале алкохол од 0,8 промили. Ако сте почнале да сурфате на Интернет или да внесете порака, тоа е како да возите под дејство на алкохол со ниво на алкохол во крвта од 1,20 промили. Станува збор за состојба на тешка интоксикација, а таквиот возач е законски приведен за отрезнување - вели Стевиќ.

The post Ако зборувате на телефон додека возите е како да имате 0,8 промили алкохол, ако сурфате на интернет или пишувате порака е како да сте „мортус“ пијан appeared first on Република.

Во текот на вчерашниот ден (24.01.2023) Министерството за внатрешни работи спроведе акциска контрола на територијата на Македонија за санкционирање на возила кои се движат со брзина поголема од дозволената, при што санкционирани се 108 возачи.

Од нив четири возилa се движелe со брзина над 50 километри на час повеќе од дозволената брзина. Притоа 56 возила ја пречекориле брзината во населено место, а 52 надвор од населено место.

Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, велат од МВР.

The post За еден ден МВР санкционираше 108 возачи за брзо возење appeared first on Република.

Возењето во услови на врнежи од снег и ниски температури има низа предизвици кои возачите треба да ги имаат предвид за да се сочува и нивната и безбедноста на другите учесници во сообраќајот. Бидете одговорни и совесни возачи, возете безбедно во зимски услови, им порачуваат од Републичкиот совет за безбедност на сообраќајот на патиштата (РСБСП) на возачите.

Бидете особено внимателни кога врне и кога е намалена видливоста на патиштата. Возете внимателно и со намалена брзина, одржувајте растојание од другите возила и избегнувајте нагло сопирање и нагли задвижувања на воланот, велат од РСБСП.

Препорачуваат возачите во возилото секогаш да носат зимска опрема (ланци за снег, метла, чистач за мраз на ветробранско стакло и сл.), а возилото секогаш да биде добро исчистено од снежните наноси (особено прозорците и ретровизорите).

Проверете го антифризот, притисокот на гумите, течноста за ветробранско стакло и сл. Користете зимски гуми. Исчистете го снегот од вашите обувки за да се избегне лизгање при притискање на педалите од возилото, советуваат од РСБСП.

The post РСБСП: Бидете одговорни и совесни возачи, возете безбедно во зимски услови appeared first on Република.

Новогодишните празници се време за дружења со најблиските и пријателите, за споделување на среќа и благосостојба, што значи поголема раздвиженост на луѓето, почести патувања, односно поголем број на возила во сообраќајот на патиштата, но и пониски температури и лизгави коловози, истакнуваат од Републичкиот совет за безбедност на сообраќајот на патиштата (РСБСП).

За избегнување на несакани ситуации во сообраќајот и за среќни и незаборавни празници, РСБСП на возачите им препорачува да ги почитуваат правилата и прописите во сообраќајот, да не конзумираат алкохол кога управуваат со моторно возило, да не користат автомобил доколку немаат потреба за тоа, да ја почитуваат пропишаната брзина, да внимаваат на зимските услови за возење, да управуваат технички исправно возило, да не користат мобилен телефон додека возат, да користат сигурносен појас, да одржуваат растојание помеѓу возилата и слично.

Од РСБСП ја честитаат Новата 2023 година и советуваат за среќни моменти, насмевки и доживувања, граѓаните да бидат внимателни во сообраќајот. Да се ужива во празничното расположение, да се прославува одговорно и да се вози безбедно.

Гордана Кожуваровска, претседател на РСБСП, посака Новата 2023 година да донесе многу радост, среќа и благосостојба во секој дом. Таа апелираше сите заедно да придонесеме за издигнување на безбедноста на сообраќајот на уште повисоко ниво. Граѓаните да ги почитуваат правилата и прописите и да бидат одговорни учесници во сообраќајот.

The post РСБСП: За безбедни празници бидете внимателни во сообраќајот appeared first on Република.

Денеска (24.12.2022) Министерството за внатрешни работи и Републичкиот совет за безбедност во сообраќајот во Охрид реализираа активности од зимската и новогодишната кампања и делеа едукативен материјал за да ги потсетат возачите на законската обврска за задолжително носење на зимска опрема, како и да ги почитуваат правилата и прописите во сообраќајот за време на претстојните новогодишни празници и особено, да не седнуваат зад воланот доколку пиеле алкохол.. „Новогодишните празници се карактеризираат со поголема раздвиженост на луѓето, празнично расположение и поголема густина во сообраќајот, но не смеат да се запостават ни ниските температури и лизгавите коловози.

Затоа, РСБСП на возачите им препорачува: да не конзумираат алкохол кога управуваат со моторно возило, да ја прилагодат брзината според условите на патот, да не користат мобилен телефон додека возат, задолжително да користат сигурносен појас, да направат зимска проверка на возилото, да се почитува растојанието меѓу возилата, да се избегнува нагло сопирање на возилото и сл. Возете одговорно за среќна и безбедна 2023 година“, рече претседателката на РСБСП Гордана Кожуваровска.

Помошникот министер за односи со јавност во МВР Тони Ангеловски потенцира дека доколку некој пиел алкохол никако не смее да управува возило. „Особено сега во деновите кога се организираат бројни забави, како и за време на новогодишната прослава сите треба да бидеме одговорни за да имаме безбеден сообраќај. Доколку пиете, никако не возете, затоа што тоа може да биде кобно за вас, но и за другите учесници во сообраќајот. Покрај овие апели кои што секојдневно ги упатуваме, веќе на улиците и патиштата може да ги забележите засилените контроли од страна на полицијата, со цел да се санкционираат оние кои со непочитувањето на правилата ја загрозуваат безбедноста на сообраќајот. Мораме сите заеднички да придонесеме за да имаме безбедни и среќни празници“, рече Ангеловски.

The post МВР со апел до граѓаните: Возете одговорно за безбедни празници! appeared first on Република.

Во текот на изминатата вечер (25/26.06.2022) во периодот од 22:00 до 04:00 часот со посебно опремен радар за снимање во ноќни услови, спроведена е засилена акциска контрола на територијата на Република Македонија за санкционирање на возила кои се движат со брзина поголема од дозволената, при што санкционирани се 384 возачи.

Од нив, 48 возила се движеле со брзина над 50 километри на час повеќе од дозволеното, а девет возила се движеле со брзина над 70 километри на час повеќе од дозволеното. При тоа 264 возачи ја пречекориле брзината во населено место, а 120 надвор од населено место.

-Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, велат од МВР.

The post Летал на пат: Македонски граѓанин возел со 218 километри на час appeared first on Република.

Полицијата на територија на град Скопје во текот на вчерашниот ден изрекла вкупно 152 мерки, меѓу кои за возење повеќе од дозволената брзина 50 санкции, 16 мерки за возење без возачка дозвола, пет за минување на затворен сигнал – црвено светло, информираат од Министерството за внатрешни работи.

Од МВР, информираат дека изречени се и 19 мерки за прекршоци што ги прават возачите на мотоцикли, четири мерки за користење на мобилен телефон, 12 за технички неисправни и нерегистрирани возила…

МВР посочува дека засилените акциски контроли продолжуваат и апелираат до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта

The post Од 152 сообраќајни прекршоци во Скопје, 50 се за пребрзо возење appeared first on Република.

Во време кога цените на горивата надминаа 100 денари, а градските метежи се постојан проблем, останува да изнајдете начин како да ги намалите трошоците за потрошувачката на гориво и воопшто за превозот.

Многумина од возачите не знаат, но истражувањата покажуваат дека со промена на навиките во сообраќајот и со промена на техниките на возење може да се заштеди гориво, а со самото тоа и пари потребни да се набави горивото.

Ова се неколку корисни совети што ќе ви помогнат да ја намалите потрошувачката на гориво.

1. Не возете кога не морате

Ако често го користите автомобилот и во ситауции како одење на кафе со најблиските, тогаш оваа практика нема само лошо да се одрази врз потрошувачката на гориво, туку и на вашето ментално здравје. Одењето пеш е секогаш добра идеја. Размислите да стигнете на дестинацијата со велосипед. Придобивките се повеќекратни. Опција која ви стои на располагање исто така е и користењето на јавниот превоз.

Градовите во Македонија не се преголеми, ниту пак локациите се премногу оддалечени едни од други за да морате постојано да бидете во автомобил. Во светот, возачите најчесто ги користат своите возила само во ситуации кога тие се навистина неопходни - носење на децата во градинка, училиште, патување до работа кога нема опција за јавен превоз и сл.

2. Редовно одржувајте го возилото

Лошата состојба на одредени делови од возилото значи и нарушување на функционалноста на системите во возилото, а тоа многу често значи и поголема потрошувачка на гориво. На пример, неисправен клима-уред значи и поголема потрошувачка на гориво. Нередовно одржуваниот мотор може да ја зголеми потрошувачката на гориво до 50%.

Само со замена на нечистите свеќички, може да ја намалите потрошувачката за 5%. Исто така, проверете ги филтрите за воздух. Тие спречуваат нечистотиите да го оштетат моторот. Замената на затнат филтер за воздух може да помогне да се подобри ефикасноста на горивото за дури 10%.

3. Загревање и стартување на моторот на возилото

Новите возила и новите техники и технологии кои се имплементирани во современите возила, ја елиминираат потребата од неколкуминутно загревање на моторот на возилото во статична состојба. Напротив, препорачливо е да се стартува моторот и веднаш да се придвижи возилото со ниско ниво на оптоварување, со што истиот ќе се загрее во движење.

4. Одржувајте ги гумите под соодветен притисок

Доколку вашите гуми се напумпани само за 1 psi (0,07 бари) помалку од оптималното, потрошувачката на горивото може да се зголеми до 3%. Затоа, пумпајте ги гумите секојпат кога полните гориво или кога одите на подалечен пат.

5. Не превезувајте непотребен товар

За секои дополнителни 45 кг што ги превезувате, потрошувачката на горивото може да се зголеми за 1-2%. Затоа, секогаш кога имате можност исчистете го вашиот автомобил од непотребните предмети што само додаваат тежина на вашиот автомобил.

Особено, извадете ги шините на покривот, доколку не ги користите. Тие може да влијаат врз аеродинамичната ефикасност на вашето возило, создавајќи отпор, што може да доведе до тоа вашиот автомобил да користи до 5% повеќе гориво.

6. Планирајте ги патувањата

Намалувањето на времето поминато во автомобилот е најлесниот начин за заштеда на гориво. За да го намалите времето на возење, искомбинирајте ги кусите патувања и задачи во едно патување.

7. Избегнувајте ги сообраќајните шпицови

Доколку можете да ги избегнете сообраќајните шпицови, ќе потрошите помалку време заглавени во сообраќајот и, како резултат на тоа, ќе потрошите помалку гориво.

8. Избегнувајте прекумерно стоење во лер

Заглавени сте во сообраќајот? Стоењето во лер нема да Ве одведе никаде, а, сепак, троши гориво. Исклучете го моторот додека чекате во колона. Како правило, доколку треба да стоите подолго од десет секунди, а Вашето возило нема инсталирано „Stop&Go“ систем, исклучете го моторот.

9. Одржувајте константна брзина

Избегнувајте нагло забрзување или кочење и обидувајте се да го одржувате управувањето што е можно порамномерно. Наглото забрзување и забавување на возилото, наглото запирање и наглото стартување на возилото значи поголема потрошувачка на гориво. За да се овозможи оптималност, потребно е да се движите во границата од 2.500 вртежи за бензински мотори и 2.000 вртежи за дизел-мотори.

Употребувајте ја контролата на возење (Cruise Control), доколку ја имате. Наместо да возите во лер по надолнина, одржувајте константни вртежи на моторот со уфрлување на менувачот во соодветен степен на пренос. Ова ќе ви помогне да одржувате константна брзина, што ќе резултира со заштеда на гориво.

10. Се исплати да се „вклопувате“ во текот на сообраќајот

Држете растојание помеѓу возилата. Особено во градскиот сообраќај, се бара „антиципативно“ возење - без големи забрзувања. Две до три секунди растојание овозможуваат оптимален стил на возење. Имајте на ум дека секое кочење значи и завршување на „моментумот“ односно на силата на забрзување на вашето возило, а тоа се одразува многу и на потрошувачката на гориво.

Се разбира, кочницата е важен дел од вашиот автомобил којшто може да ви го спаси животот, или, пак, да спаси нечив живот, но, поентата е да го следите текот на сообраќајот и почесто успорувањето да го прави моторот наместо вие.

11. Користете повисоки степени на пренос

Избегнувајте прекумерен број вртежи на моторот. Навремено менувајте ги брзините кога ја намалувате брзината или кога забрзувате. Кога возите во поголем степен на пренос, употребувате помалку гориво. Затоа, секогаш кога можете уфрлете го менувачот во повисок степен на пренос.

12. Избегнувајте голема брзина

Колку побрзо се движите, толку поголем ќе биде отпорот на ветерот и вашето возило ќе троши повеќе гориво за да ја одржи брзината. При брзина од 110 км/час потрошувачката на гориво може да се зголеми дури за 30% повеќе гориво отколку кога би возеле со 80 км/час.

13. Држете ги прозорците затворени

Ветрот што дува низ отворен прозорец го забавува движењето на вашиот автомобил. За да надоместите, веројатно ќе притиснете појако на педалата за гас. Затоа, наместо да ги отворате прозорците, користите го внатрешниот систем за вентилација во автомобилот.

14. Штедливо користете го клима-уредот

Некогаш е тешко да се избегне употребата на климата, меѓутоа, запомнете дека таа додава дополнително оптоварување на вашиот мотор. Според истражувањата на канадската влада, вклучената клима може да ја зголеми потрошувачката на гориво за дури 20%. Затоа, прилагодете го клима-уредот со разлика од надворешната температура од 4 до 5°C.

На тој начин, покрај заштеда на гориво, ќе се заштитите и од температурните шокови при влез и излез од возилото. Во умерени денови, наместо клима-уредот користите ја внатрешната вентилација на автомобилот.

15. Испланирајте месечен буџет за гориво

Иако ова директно не влијае врз потрошувачката на гориво, сепак, на долг рок, вие ќе имате значително подобра претстава колку пари всушност трошите за полнење на вашиот резервоар. Наш совет би бил да одвоите одредена сума на пари на месечно ниво и да возите онолку колку што можете според таа сума на пари, а причината е едноставна. Прво, вие нема да возите кога е непотребно, потоа, тоа нема да доведе до амортизирање на колата, и трето, тоа ќе води кон помали сервиси и, се разбира, помала потрошувачка на дневно, недено и месечно ниво.

The post Корисни совети за тоа како да заштедите на гориво appeared first on Република.

Возачка за ова треба да се одземе, вели авторот на видеото споделено на групата Ѕид на сообраќајниот срам, кој го улови камионот на фирмата за мебел „Алмак“ како од плочник врти кон ширинка со трева и вози преку неа.

Струмичка фирма, ним сè им е дозволено, се вели во коментарите.

Видеото може да го погледнете тука.

The post „Струмичка фирма, ним сè им е дозволено“: Камион за мебел низ поминува низ трева за побрзо да излезе на пат appeared first on Република.

Снимка на која се гледа како тиктокер управува со „мерцедес“ и вози со 130 на час низ скопските улици, е објавено на „Твитер“. Од него, може да се види како во Кисела Вода, тој поминува на затворен семафор додека проаѓаат пешаци. Во друг исечок, се гледа како претекнува возила. Сето ова, е објавено јавно.

Во објавата е дадено и друго објаснување.

Ја има пиљарата на -Борис Трајковски-под "Чешма"(онаа кај што нон стоп има возила на лента),ама најдобри другари се со високи старешини од сообраќајна полиција бидејќи им ги товари колите со гајби од овошја и зеленчук,па му се може вака.
🚨
🆘️
🚨#БананаДржава#ТвитерПравда pic.twitter.com/ViK3GwzOw1

— Две Ѕвезди (@dvezvezdi1) January 27, 2022

Инаку, за повеќе од една недела, две лица загинаа на скопските улици, а трето, вчера е прегазено и се бори за живот.

The post Му се може вака: Поминува на црвено и вози со 130 км/час низ скопските улици appeared first on Република.

Републичкиот совет за безбедност на сообраќајот на патиштата (РСБСП) упатува неколку совети за безбедно возење во зимски услови.

Користете задолжителна зимска опрема. Грижете се за техничката исправност на возилото. Безбедносниот појас секогаш нека ви биде заврзан. Излезете од дома десетина минути порано за да имате време да го загреете автомобилот, да ги одмрзнете стаклата или да ги исчистите гумите од снег и мраз. Доколку сте во можност, имајте резервно гориво во случај да има застој во сообраќајот. Возете на поголемо растојание од другите возила и одбегнувајте остри и ненадејни движења - се вели во соопштението од РСБСП.

Оттаму порачуваат да се почитува брзината на возење, посебно во близина на пешачки премин, училишта и градинки.

Немојте да забрзувате и нагло да кочите бидејќи ваквите постапки ќе доведат до лизгање. Кочете порано и имајте на ум дека мора да ја попуштите кочницата за да управувате и вртите. Во зимски услови на возење, сопирачкиот пат е за 50 проценти подолг отколку во нормални услови. Бидете трпеливи и претекнувајте возила исклучиво кога тоа е безбедно. Во текот на возењето се препорачува лесна контрола врз гасот. Во зимските услови подобро е порано да се смени степенот на пренос, односно порано менување во поголема брзина. На замрзнати површини се препорачува возење во втора брзина. Бидете информирани за состојбата на патиштата - наведуваат од РСБСП.

Од РСБСП додаваат дека е добро во автомобилот да се има мала лопата, малку песок, крпа за бришење, мала метла за чистење на снегот од стаклата, антифриз, спреј против замрзнување на стаклата и спреј за брави.

Во зима секогаш имајте полн резервоар, без разлика дали сте заглавени во градскиот метеж или имате незгода на пат. Доволното количество гориво во резервоарот ќе ви ја осигура топлината која ќе ви биде потребна за безбедно да стигнете до посакуваната дестинација - советуваат од РСБСП.

The post Загрејте го автомобилот, без нагло забрзување и кочење, на мраз возете во втора: Совети за безбедно возење во зимски услови appeared first on Република.