Важноста на возачките дозволи со старото уставно име, согласно со промената на законот за безбедност во сообраќајот, е заклучно со 31.12.2024 година.

МВР денеска ги повика сите граѓани кои се уште имаат возачка дозвола со старото уставно име, да ја обноват својата возачка дозвола, до истекот на рокот, со цел да не се создаваат непотребни гужви.

– Сите капацитети на министерството и шалтерите на управните служби функционираат во полн капацитет и можат да ги услужат граѓаните да ги заменат своите возачки дозволи во редовниот рок до 31.12.2024, без никакво доцнење и гужви, соопштија од МВР.

The post Заменете ги возачките дозволи до крајот на годината appeared first on Република.

Свет во кој секоја секунда е се поразвиена индустријата и технологијата, неизбежен е метежот по градските улици, индустриските зони и автопатите. Има денови кога дури и секојдневните обврски да ги завршите навремено помислувате дека ви се потребни плус неколку часови во денот или пак супер моќи. За да постигнете сѐ во точено определен тајминг е доста оптеретувачки доколку не поседувате возачка дозвола.

Настрана од практиката и вештината на возење навлегувате во нови принципи како што се слободата, можностите и самостојноста. Возачката дозвола сама по себе не е само обична картичка која ја чуваме во паричникот или пак во фиоката на автомобилот. Таа е еден вид на слобода и независност која ви нуди широк спектар на можности.

Секојдневието е оптеретено со многу обврски кои е невозможно да ги усогласите  или распоредите по своја волја. Но, со поседувањето на возачка дозвола може попрактично да ги организирате и успешно да ги завршите обврските без преголем стрес. Најзастапена во општеството е возачката исправа за положена Б категорија, таа е на некој начин најосновна и најпотребна во секојдевието. Но во авто школата се понудени и други категории кои претставуваат основни вештини  за управување со различни типовни на моторни возила а тоа се категориите: А, Б, Ц и Д.

Секоја од овие категорија има свои под категории кои се нудат како можности за напредни вештини. Исто така има и национални категории со кои може да возите надвор од вашата држава а тие се националните категории: Ф, Т и Г. Лепезата за можности е голема затоа бидете самоуверени, поставете прецизни  цели и остварете ги своите соништа. Во оваа статија ве водиме низ придобивките што ви ги нуди поседувањето на возачка дозвола и заедно ќе навлеземе во светот на безконечните можности.

1. Слобода и независност

Надвор од практичноста да ја користите за личен транспорт со сопствено возило, возачката дозвола претставува порта кон светот на безброј можности и ви овозможува самостојно функционирање.

Со поседување на возачката дозвола доаѓате до ослободување од самата помисла дека зависите од другите или од ограничувањата на распоредот во јавниот превоз. Поради тоа потребно е често да се присeтувате на сите правила и прописи кои веќе ги имате слушнато и научено од инструкторот во избраната авто школа.

Повеќе нема да бидете приморани да чекате автобуси или возови, како самостоен поединец со возачка дозвола ја имате независноста да поставувате свои распореди и маршрути на патување. Без разлика дали се работи за спонтано патување со пријателите или пак самостојна авантура до нова дестинација, вие во секој момент може да ја зграбите можноста и да се препуштите на чувството на слобода кое е непроценливо.

Настрана од тоа, поседувањето на возачка дозвола ви дава можност да превземете контрола над вашите животи и судбини, а со тоа доаѓа и транзицијата кон зрелоста за вас како индивидуа, лична одговорност и самодоверба.

Со вештината самостојно да се движите по автопатите и патиштата, се стекнувате со доверба во своите способности и вештини за донесување одлуки.  Ја добивате привилегијата да бидете директно вклучени во креирањето на вашата судбина и создавање на авантури кои ќе се врежат во вашите сеќавања засекогаш.

Возачката дозвола исто така ви нуди можности за поразвиен социјален живот, ќе создавате нови пријателства, ќе разменувате искуства и ќе создавате мигови за помнење. Без разлика дали се работи за патувања со пријателите или семејството, излети или импровизирани собири, заедничкото искуство на патувањата ќе ви помогне да ги зацврстите релациите со луѓето и чувството дека припаѓате во заедницата.

Преку заедничкото истражување на нови места, знаменитости, природни феномени вие како поединец имате можност и привилегија да поминувате незаборавни моменти и исклучително да го збогатите вашиот живот. Затоа зграбете ја таа мала, но моќна картичка и дозволете да ви помогне да уживате во слободата, независноста и истражувањето, а со тоа и да го направи вашиот живот исполнет.

2. Зголемена мобилност

Мобилноста што ви ја нуди возачката дозвола е од фундаментално значење и ви овозможува лична слобода и зајакнување во ова брзо темпо на живот. Од урбаните улици до руралните автопати, возачката дозвола ви ги отвара вратите на неспоредливата природа да се движите на отворени патишта и флексибилност во патувањата.

Како поединец со возачка легитимација вие повеќе не сте  обврзани со распоредот на јавниот превоз или достапноста на другите поединци за возење, вие имате  независен избор да тргнете на патување по свој избор, според вашето темпо и критериуми. Баз разлика дали ќе се упатите до работа, извршувате тековни обврски или тргнувате на спонтана авантура, слободата самостојно да се движите ви дава посебна привилегија како поединец, да го земете во свои раце воланот и да управувате со вашите судбини испишувајќи нови поглавја во вашиот роман наречен живот.

3. Напредок во кариерата

Во денешниот динамичен и преполн пазар на труд, поседувањето на возачка дозвола може да ве филтрира од масата на кандидати и да ви понуди исклучителни можности за напредок во кариерата. Надвор од практиката за личен превоз, возачката дозвола има значително влијание и придонес во вашето професионално патување како поединец со лични цели и стремежи.

Возачката дозвола ви дава повеќе можности за пристап кон поширок спектар на избор за работа, особено доколку живеете во руралните предели и немате пристап до јавниот транспорт/превоз. За позициите на продажба, теренска работа или услужна индустрија способноста за самостојно патување не е само предност, таа е приоритет/неопходност. Освен тоа за да добиете работна позиција во одредени бранши потребна ви е возачка дозвола како предуслов. Тоа се позиции за кои ви е неопходно да имате вештина за возење, без тоа вие нема да можете да ги извршите дадените работни задачи и обврски.

Приспособливоста е врвна придобивка која ја добивате со поседувањето на возачка дозвола. Вие како поединец кој аплицирате за одредена позиција можете да се прилагодите кон променливите околности и да исполните различни барања, а со тоа сте повеќе вреднувани од страна на работодавците и имате поголема можност да добиете одредена квалификувана позиција.

Возачката дозвола е исто така важна за професионалниот развој. Голем број индустрии нудат можности за обука, семинари и конференции, на кои вие ги надоградувате вашите вештини или пак ја промовирате фирмата. Флексибилноста ви е од големо значење во овие ситуации бидејќи некои од горенаведените настани може да се одржуваат во друг град или пак друга држава, а со тоа неопходно ќе биде да отпатувате.

Со поседувањето на возачка ви се отвараат нови хоризонти, овозможувајќи ви да извршувате улоги што подразбираат надзорни одговорности, состаноци со клиенти или влијание на повеќе локации. Додека вие како поединец се движите по своите патеки во кариерата, возачката дозвола ви служи како движечка сила што ве поттикнува кон полесно достигнување на вашите цели и стремежи.

4. Флексибилност и удобност

Со поседувањето на возачката дозвола вие добивате повеќе од само можност да управувате со возило. Тоа ви отвара нов свет на удобно живеење. Од слободата да истражувате до практичноста на усогласување на секојдневните обврски, поседувањето на возачка дозвола носи бројни придобивки кои го подобруваат секојдневниот живот и целокупнатa благосостојба.

Меѓу најзначајните придобивки се наоѓа флексибилноста која ви го олеснува таранспортот од точка А до точка Б. Не зависите повеќе од јавниот превоз или пак од достапноста на другите и нивниот редослед на обврски, креирате ваш план на движење, според вашите потреби и услови.

Покрај тоа, возачката дозвола нуди незаменлива удобност на вашето возење. Ви овозможува да си ја прилагодите маршрутата, да си ја прилагодите температурата како вас ви одговара, да си пуштите музика по ваш избор за да создадете хармонична атмосфера или едноставно да уживате во приватноста и да го организирате животот според вашите потреби и желби. Ви се отвараат можности за истражување на места на кои предходно не сте биле или не сте можеле да се усогласите со желбите на другите. Се подобрува социјалниот живот со тоа што можете да присуствувате на семејни собири или викенд забави со пријателите.

Имате можност за започнување на хоби кое предходно не сте можеле да го усогласите во вашите дневни обврски или пак волонтирање во црвен крст и други хуманитарни организации.

5. Итни ситуации

Без разлика дали сте се соочувате со природни катастрофи, медицински итни случаи или други непредвидени околности, поседувањето на возачка дозвола ви дава можност да дејствувате брзо и ефикасно или да спасите животи ублажувајќи ги последиците. Возачката дозвола ви нуди способност брзо да се движите низ хаотични ситуации.

Во итни случаеви како што се земјотреси, поплави или шумски пожари, каде што класичната маршрута не е од практично значење, е загрозена или непроодна, способноста за возење представува значајна предност. Оваа мобилност ви овозможува да евакуирате загрозени области, да понудите превоз до медицинска установа или да однесете основни материјали за живот на оние на кои им е најпотебна.

Во итни медицински случаи, вашата возачка дозвола може да биде од големо значење помеѓу животот и смртта. Не значајно дали ќе превезете повредени лица до медицинска установа или пак ќе учествувате при евакуација во ризични ситуации. Вашите вештини ќе бидат од помош за околината, особено во области каде што е отежнат пристапот на медицинските возила, службите за евакуација или пак временски подолг период е потребен за да пристигнат на самото место кога секоја секунда е од животно значење.

Возачката дозвола не само што ви дава законско право регуларно да управувате со возило, туку и одговорност да им помогнете на други лица во итни ситуации и да овозможите безбедност и благосостојба на себе и на другите во кризни моменти.

6. Лично зајакнување и развој

Поседувањето на возачка дозвола означува значајна пресвртница во вашиот личен раст и развој, придонесувајќи да ја зајакнете вашата личност на различни начини. Настрана од вештината за управување што ја учите во процесот за стекнување на возачка дозвола, самиот процес поттикнува независнот, одговорност и приспособливост, а тоа се суштински квалитети за вашиот личен напредок и зајакнување на карактерот.

Потикнувањето независност е еден од основните принципи за личниот развој за вас како поединец, таа представува чекор кон самостојност и ви дава слобода да патувате и да го истражувате светот според ваштите принципи.

Независноста ве охрабрува да превземете иницијатива, да донесувате одлуки и самостојно да се справувате со предизвиците, а исходот од овие акции е самодовербата која ја добивате како јаготка на шлагот.

Самиот процес на полагање на тестови бара од вас дисциплина и истрајност, тоа се квалитети кои се од суштинско значење за личниот развој. Секој чекор што го поминувате во процесот да се остварите како возач бара да сте посветени максимално на задачата и да се трудите да ја завршите најдобро што можете.

Од учењето на теоријата до полагањето на самите теоретски тестови, исто така и учењето и усовршувањето на вештините и полагањето на градско возење и полигон секоја постапка бара истрајност и концентрација. Со поседувањето на оваа картичка мора да научите да негувате чувство на одговорност.

Управувањето на возилото носи ризици не само за вас како возач и за вашите сопатници, туку и за другите учесници во сообраќајот. Како легитимен возач вас ви е овозможено да учествувате со безбедноста и хармонијата на патиштата, а тоа ќе го постигнете само со внимателност, применување и почитување на сообраќајните прописи и закони за да носите одговорни одлуки при возењето Како легитимен возач со поседување на возачка дозвола вие добивате особини како што е приспособливоста.

Моќта да се справите со различни услови на патиштата, комплексноста на сообраќајот и временските услови, бара од вас брзо да размислувате и да ги искористите вашите вештини за решавање на проблеми и приспособување на различни околности. Преку возачките искуства ќе научите да останете смирени под притисок, да размислувате рационално и да ги надминете неочекуваните предизвици а тоа се квалитети кои ќе ви служат во најразлични ситуации и области во животот. Возачката дозвола ги филтрира најдобрите особини кои треба да ги воведете во вашиот живот и да ги негувате за да ги подобрите вашите карактерни особини.

Со негување независност, одговорност, приспособливост и флексибилност, вие добивате непроценливи принципи кои го градат вашиот карактер и ви овозможуваат да се движите низ животот со самодоверба и одлучност. Како исклучителна вештина која ви го олеснува секојдневието, вие доживувате пресвртница во процесот на самооткривање и личен напредок. Овие и многу други придобивки сигурно веќе ги имате дискутирано со вашиот инструктор во автошколата.

7. Создавање квалитетен социјален живот

Возачката дозвола може значително да го подобри вашиот социјален живот со самото тоа што ви се прошируваат можностите за интеракција, подостапни ви се дестинации за излети и собири а со самото тоа зрачите со независност, спонтаност и самодоверба.

Еден од најочигледните начини преку кои со возачката ви се подобрува социјалниот живот е зголемената мобилност и пристапот на социјалните настани.

Со способноста за управување на возило, вие многу лесно може да учествувате на собири, забави и друштвени излети без да се потпирате на другите за превоз. Оваа независност ви овозможува да прифатите повеќе покани, да стекнувате нови познанства и да учествувате во поширок опсег на активности и секако на крајот од денот збогатувајќи ги вашите општествени искуства.

Со поседувањето возачка дозвола исто така ги потикнувате спонтаноста и авантурата што резултираат со тоа што ќе доживеете многу незаборавни и пријатни социјални искуства.

Без разлика дали ќе тргнете на импровизирано патување, истражување на нови дестинации или лежерно возење со пријателите, вие како лиценциран возач имате слобода на избор да ја прифатите спонтаноста и максимално да ја искористите можноста за социјално поврзување и истражување.

Патувањата со партнерот или партнерката ќе бидат полесни и возможни во секое време, можете да приредувате гестови и изненадувања и да создавате незаборавни искуства заедно што дополнително влијае да се поврзете подлапоко на романтично ниво. На страна од тоа што преферирате дали ќе биде романтична вечера, живописно возење и уживање во природата или пак викенд бегство на убава локација, вештината на возење ви отвара нов свет на можности и зајакнување на романтичните врски.

Поседувањето на возачка дозвола промовира независност и самодоверба, квалитети кои се привлечни и достојни за восхит во социјалните кругови. На овој начин вие ја демонстрирате својата способност да превземете одговорност за својот живот, самостојно да донесувате одлуки и да се возите со самодоверба, ова се квалитети кои ви овозможуваат да привлечете истомисленици и да ја подобрите социјалната положба во општеството.

Без разлика дали станува збор за присуство на социјални настани, патувања или уживање во слободата на отворените патишта, вештината за возење ги збогатува социјалните искуства и ја подобрува целокупната благосостојба.

8. Културни и рекреативни можности

Возачката дозвола често се смета за клуч кон слободата, затоа што ви отвора патишта за истражување не само на природни феномени и живописни пејзажи, туку и културни и рекреативни искуства, а со тоа го олеснува и подобрува пристапот кон истите. Ви овозможува да се нурнете во светот на културата со потполно право на уживање во истражувањето.

Без разлика дали станува збор за посета на музеи, уметнички галерии, театри, или присуство на фестивали и настани, способноста за возење ја олеснува беспрекорната навигација помеѓу различни локации. Овој вид на мобилност ви овозможува како поединец да допрете до широк спектар на уметнички изрази, традиции и животни стилови. Од истражување на историски знаменитости до учество на собири во заедницата, возачката дозвола ви дава овластување да го збогатите вашето индивидуално разбирање на различни култури и стилови.

Од друга страна пак, подалеку од градскиот метеж возачката дозвола ви овозможува да посетувате исклучителни природни убавини, национални паркови каде што ќе уживате во живописни пејзажи. Доколку ве влечат физички и рекреативни активности може да се впуштите во активности на отворено како што се: планинарење, кампување, искачување на карпи, пливање во природни езера и реки, кајакарење и слични активности или пак едноставно само да уживате во природата. Исто така возачката дозвола ви го олеснува пристапот до рекреативни објекти како тениски терени, спортски сали или забавни паркови.

Доколку уживате во истражување на разновидна храна и вина, пристапот до винарии и разни дестинации на кои ќе пробате ралични кујни и ќе навлезете во традициите на други култури сами, со пријателите или семејството овие екскурзии ви стојат на располагање кога и да одлучите дека ви е потребна нова авантура.

Покрај личните искуства и индивидуалниот раст, со поседување на возачката дозвола вие придонесувате за поткрепа на економијата и раст на туризмот.

Пристапот до различни градови во регионот ви е значително олеснет а со тоа полесно можете да промовирате трговија, угостителство и други слични активности поврзани со туризмот. Употребата и практичноста на возачката дозвола се протега многу пошироко од нејзината првична функција како за управување со возило. Служи како ризница која ви нуди културно збогатување, рекреативно истражување, социјална поврзаност и економска виталност.

9. Поголеми можности за поседување недвижен имот

Вашата возачка дозвола има клучна улога во поседувањето на недвижен имот и исто така влијае на најразлични аспекти како локацијата, начинот на инвестирање и слично. Таа ви овозможува да станете самостоен поединец кој сам ќе донесе одлуки и флексибулност за да ја одберете посакуваната локација без препреки. Без разлика дали се работи за приградски дом со простран двор, викенд куќа во рурално опкружување и лесен пристап до природата или пак стан блиску до урбаниот метеж во центарот на градот.

Вам како поединец кој поседува возачка дозвола овозможена ви е потполна слобода да истражувате различни населби и да направите избор кој најмногу одговара на вашиот животен стил и потреби. Кога сте остварени како возач, пристапот до имот кој е отсечен од јавниот превоз ви е многу олеснет. Оваа обилна мобилност ви овозможува да земете во предвид поширок опсег на имоти, вклучувајќи ги и оние лоцирани во приградски населби и рурални области каде што поседувањето автомобил често е неопходност за секојдневно патување при завршување на дневните обврски.

Доколку сакате да инвестирате во недвижности, возачката дозвола ви отвора можности за истражување и проценка на имоти низ различни региони во државата и надвор од неа. Како инвеститор вие можете да спроведете темелно истражување на пазарот, да ги посетите потенцијалните имоти предодредени за вашата инвестиција и да присуствувате на инспекциски надзор на имоти без транспортни ограничувања.

Со оваа вештина активно се вклучувате во евалуација и управување со имотот. Исто така придонесувате за информирано донесување на одлуки и за идентификација на профитабилни инвестициски можности. Како сопственик и управител на имот со усовршени возачки вештини вие имате поголема флексибилност да ги надгледувате имотите за изнајмување, да вршите редовни проверки и да разрешувате проблеми со закупците. Вештината за возење ви го овозможува ефикасното управување со имотот и обезбедува навремено решавање на проблемите.

Со поседувањето на возачката дозвола ви се отвораат голем број можности за инвестирање, се зголемуваат способостите за управување и секако ви се овозможува пристап на имоти кои имаат ограничен пристап, а притоа зголемувајќи го личното задоволство и финансискиот принос на пазарот на недвижности.

10. Олеснет пристап до медицински установи

Мора да знаете дека помеѓу главните фактори за лесен пристап до медицински установи е и возачката дозвола. Иако таа не е дирекно поврзана, возачката дозвола ви овозможува олеснет пристап до здравствена заштита, особено доколку живеете во областите каде што се ограничени можностите за јавен превоз. Оваа вештина особено е важна доколку сте поединец со хронична здравствена состојба и ви се потребни редовни прегледи или доколку ви е потребна спрецијална нега која не е достапна во вашата околина.

Поседувањето на возачка дозвола ви нуди поголем избор на здравствени установи а со тоа и услуги до кои ви е олеснет пристапот. Возачката дозвола исто така ви дава можности да ги побарате и пристапите до најсоодвените опции според вашите потреби. Наместо да бидете ограничени поради километрите кои ви представуваат сериозен проблем со поседувањето на возачката дозвола ќе имате можност навремено и редовно да ги посетите здравствените установи.

На вашите возачки вештини можете да сметате и во итни ситуации, како што се несреќи, ненадејни состојби или породување. Можноста да се транспортирате себеси, ваша блиска личност или случаен учесник во сообраќајот може да биде клучна, во тие ситуации само неколку мига ги делат животот и смртта, а со навременото пристигнување во медицинската установа може да спасите живот.

Потенцијалот на возачката дозвола мораме да го искористиме максимално како алатка за пристап до здравствена установа каде што ќе добиеме здравствена заштита, исто така можеме да превземеме значителни чекори како повик на будност кај поединците дека имаат можност да водат здрав и исполнет живот.

За тоа колку е важна возачката дозвола во нашиот живот можете непрестано да дискутирате и да разменувате искуства со пријателите и семејството. Оваа тема едноставно нема крај, од индивидуален раст и непрестано учење, можност за подобри понуди за работа, исплатливи инвестиции во недвижности, пристап до здравствени установи и многу други придобивки. Возачката може многу да ви помогне во согледување на нови работи за околината и тестирање на сопствените можности на снаодливост, практичност и дисциплина.

Нејзината моќ која се поистоветува со слобода, самостојност и флексибилност ви овозможува да доживеете многу авантури поминати со вашите блиски, да уживате во природата на свој начин и да посетувате културни настани преку кои ќе ја развиете вашата фантазија.

Комерцијален текст

The post Бројните придобивки од поседувањето на возачка дозвола appeared first on Република.

Собранието попладнево, во рамки на 144. седница, по итна постапка треба да ги донесе законските измени со кои, наместо 12 февруари 2024 година, крајниот рок за замена на возачките дозволи со ознака „Република Македонија“ ќе биде 31 декември 2024.

Седницата треба да започне во овие моменти  а измените се на предлог на Никола Мицевски, Мартин Костовски, Вјолца Адеми, Аднан Незири, Димитар Апасиев и Павле Трајанов, а беа поддржани од сите пратеници присутни во салата.Целта на измените е изнаоѓање брзо решение за проблемот со личните документи.

Во интерес на граѓаните и со цел нивно ослободување од дополнителен пртисок и хаос, преку меѓусебен консензус сите координатори од партиите дојдоа до заедничко решение, на оваа седница да предложат измени на Законот за безбедност на сообраќајот на патиштата, по скратена постапка.

Се работи за мали измени, односно одредбата во која стои 12 февруари 2024 (денес), се менуваа со 31 декември 2024 или до крајот на годината.

The post Собранието ја почна постапката за измена на законот со кој рокот на возачките дозволи ќе се продолжи до крајот на годината appeared first on Република.

Единицата за економски и компјутерски криминал при СВР Скопје поднесе кривична пријава против С.Р. (28) од Скопје, поради постоење основи на сомнение за сторено кривично дело „фалсификување исправа“.

Како што информираат денеска од МВР, С.Р. набавил фалсификувана македонска возачка дозвола за управување на моторни возила од В, С1, С, F, G и М категорија, со негови лични податоци, и таквата возачка дозвола на 16.08.2022 ја приложил при извршена сообраќајна контрола од страна на полициски службеници на патниот правец Скопје – Велес, при што било констатирано кривичното дело.

The post Не му се полагало: Скопјанец фатен со купена „возачка“ appeared first on Република.

Единицата за економски и компјутерски криминал при СВР Скопје поднесе кривична пријава против М.А.(38) од Скопје, поради постоење основи на сомнение за сторено кривично дело „фалсификување исправа“, казниво по член 378 од Кривичниот законик.

Пријавениот набавил фалсификувана македонска возачка дозвола за управување на моторни возила од А и Б категорија со негови лични податоци и таквата возачка дозвола во текот на 2022 година ја приложил како вистинита заради замена кај надлежните институции на Италија.

The post Скопјанец фалсификувал возачка дозвола и ја користел како документ во Италија appeared first on Република.

Младиот дански тенисер Холгар Руне (19) втор пат во кариерата освои автомобил како турнирска награда, но проблемот е што сè уште нема возачка дозвола.

Младиот Данец во финалето на АТП турнирот во Минхен го совлада во неделата Ботик ван де Зандшулп од Холандија со 6-4, 1-6, 7-6, а покрај паричната награда доби и нов луксузен електричен автомобил БМВ 14 од спонзорот на турнирот.

Руне својот прв автомобил во кариерата го освои пред една година, токму во Минхен против истиот противник.

Два спортски автомобили, а но сè уште без возачка дозвола! Победничкиот автомобил од лани сега стана наш семеен автомобил. Најчесто го вози мојот татко. Мислам дека некој друг од семејството ќе го добие овој автомобил, рече Руне во интервју за германскиот весник Билд најавувајќи оти на крајот на сезоната конечно би требало да го положи возачкиот испит и да добие дозвола.

The post Руне доби уште еден луксузен автомобил кој не може да го вози зошто не положил appeared first on Република.

Со вкупен буџет од 5.000.000 денари, Општина Карпош преку Секторот за развој од денеска почна акција за субвенционирање на младите жители на локалната самоуправа кои сакаат да полагаат за возачка дозвола (Б-категорија). Општина Карпош целосно ќе ги покрие трошоците за обука од теоретскиот и стручниот дел од испитот.

Како што информира Општина Карпош, јавниот повик за субвенционирање ќе трае до исцрпување на средствата за оваа намена и ќе функционира по принципот „Прв дојден, прв услужен“. Право на пријавување имаат сите заинтересирани физички лица кои се жители на Општина Карпош и ги исполнуваат потребните критериуми.

Секое лице кое ќе поднесе барање за субвенционирање за полагање на стручен дел за возачка дозвола мора да е жител на Општина Карпош минимум три години до денот на поднесување на барањето.

Ќе се субвенционираат млади лица кои во 2023 година ќе наполнат 18 години, односно право на поднесување имаат сите млади лица кои во 2023 веќе имаат наполнето 18 години, вклучително и оние кои сѐ уште не наполниле 18 години, а се родени во 2005 година.

Ќе се субвенционираат само оние лица кои ќе извршат уплата и ќе посетат обука за теоретски и практичен дел за полагање на возачки испит за Б категорија, во автошколи кои се избрани преку Јавен повик со Одлука бр.11-1172/7 од 21.03.2023 година.

Избрани автошколи се: Друштво за сообраќајна едукација АВТО ШКОЛА СМАРТ ДООЕЛ Скопје, Друштво за спроведување оспособување на кандидати за возачи АВТО ШКОЛА МОБИЛИТИ ПЛУС ДООЕЛ Скопје, Друштво за туризам, транспорт и услуги БОБИЕМ ДООЕЛ Скопје, Друштво за сообраќај и услуги СИГУРНОСТ ГТБ ДООЕЛ Скопје, Друштво за сообраќај, промет и обука на возачи СОФИ СКУЛ ДООЕЛ Скопје, Друштво за промет, услуги и сообраќајно воспитување ТРИМОСКИ ДООЕЛ Скопје, Друштво за сообрќајно воспитување ШКОРПИОН ЕДУКАЦИЈА Скопје и Друштво за промет на мало и големо и обука на возачи АВТОМАК ГОЦЕ ДООЕЛ увоз-извоз Скопје.

- Ќе се субвенционираат само оние лица кои ги исполнуваат горенаведените критериуми и уплатиле во автошколите на денот или по денот на објавување на Јавниот повик (28.03.2023), се наведува во соопштението.

Општина Карпош ќе покрие 100 отсто од износот кој се наплатува за посетување на обуки за теоретски и практичен дел за полагање на возачка дозвола Б-категорија. Во случајов, истиот износ е утврден како минимална цена за обука во Правилникот за минимална цена, за оспособување на возачи во автошкола за следење на обуки од теоретскиот и практичниот дел на кандидатите за возачи за Б-категорија, согласно минималните пресметани елементи на вредност.

Поднесувањето на потребната документација ќе се одвива во две фази. Во првата фаза се предвидува поднесување Барање за издавање на Потврда за исполнување на услови за субвенционирање (се подигнува во архива на ул. „Радика“ бр. 9, барака 2 или на веб-страницата на општината) со Изјава за согласност за обработка на лични податоци. Притоа треба да се приложи и копија од лична карта како доказ за жителство и година на раѓање и копија на лична карта од двајцата родители како доказ дека живеат минимум три години во општина Карпош.

Во втората фаза се предвидува Барање за субвенционирање за поврат на 100 отсто од вкупниот износ за теоретска и практична обука (по добивање на потврда за исполнување на критериуми), Потврда за исполнување на критериуми издадена од Општина Карпош, оригинална фискална сметка за извршена уплата за теоретска и практична обука во автошколата и копија од трансакциска сметка.

-По поднесувањето на документацијата, апликантите ќе бидат известени во писмена форма, дали ќе бидат корисници на средствата за субвенции за посетување на обуки за теоретски и практичен дел, за полагање на возачка дозвола (Б-категорија) од Општина Карпош, се вели во соопштението.

Правото на субвенција е еднократно, а за сите дополнителни информации, заинтересираните странки можат да се обратат во Секторот за развој на Општина Карпош, кај задолжените лица за контакт. Тоа се Никола Димовски 076/299-175 и Драгана Божиновска 070/509-709.

The post Субвенции за младите кои сакаат да полагаат за кола appeared first on Република.

Личните документи, пасоши, лични карти, возачки дозволи… ќе поскапат откако Владата го одобрила решението на Министерството за внатрешни работи што во наредниот период треба да стапи во сила откако ќе се објави во Службен весник.

Обрасците во моментов се издаваат по цените кои важеа и до сега. МВР постапувајќи по заклучок донесен од Влада, спроведува постапка за изменување на решението за цените на обрасци. Со решението се вршат измени на цените, а ќе се применуваат кога решението ќе се објави во Службен весник и ќе влезе во сила. Имено, цената на пасош за лице до 27 години ќе остане непроменета и натаму ќе изнесува 1500 денари, но пасошот за лице над 27 години ќе изнесува 2.000 денари, што е зголемување за 500 денари. Цената на личната карта ќе изнесува 310 денари, што е зголемување за 120 денари. Цената на возачката дозвола ќе изнесува 410 денари, што е зголемување за 130 денари“, одговорија од МВР за „Вечер“.

Многу повеќе ќе треба да се плати за обрасците за личните документи по итна постапка, кои и онака се поскапи.

Ќе има промени на цените и на обрасците за итна постапка: Цената на пасош по итна постапка ќе изнесува 6.100 денари, што е зголемување за 1600 денари. Цената на возачка дозвола по итна постапка ќе изнесува 1,230 денари, што е зголемување за 390 денари, дополнуваат од МВР.

До февруари 2024 година, граѓаните имаат законска обврска да ги сменат сите лични документи на кои наместо досегашното име Република Македонија, треба да стои новото име, кое произлегува од Преспанскиот договор со Грција.

The post Поскапува вадењето лични карти, пасоши, возачки дозволи appeared first on Република.

Одделот за аналитика при СВР Тетово евидентира дека во текот на целата 2022 година, полициските службеници откриле и законски санкционирале вкупно 1728 лица, односно возачи кои ги управувале возилата без положен возачки испит и валидна дозвола за тоа.

Сите биле исклучени од сообраќај и изготвени им се предвидените поднесоци со парична глоба од 250 евра во денарска противвредност. Толкава глоба ќе треба да платат и лицата кои им ги дале возилата да ги управуваат, иако знаеле дека не поседуваат возачки дозволи.

Секторот за внатрешни работи Тетово повторно со апел, посебно до младите, да не седнуваат зад волан без положен возачки испит и да ги почитуваат ограничувањата предвидени за возачи почетници. Затоа што, во спротивно, ја доведуваат во прашање сопствената и безбедноста на другите учесници во сообраќајот и негативно влијаат на вкупната безбедност на патиштата во поширокиот Полошки Регион, истакна Марјан Јосифоски, портпарол на СВР Тетово.

Во текот на 2022 година санкционирани биле 453 возачи почетници кои не се придржувале кон законските ограничувања за оваа категорија учесници во сообраќајот. Паричната глоба за овој вид прекршок изнесува 200 евра во денарска противвредност. Во текот на овој месец, заклучно со денеска (23 јануари), санкционирани се 36 возачи без дозволи на тетовското подрачје.

The post 1.728 лица лани возеле без возачка во Тетовско appeared first on Република.

Единицата за економски и компјутерски криминал при СВР Скопје поднесе кривична пријава против Џ.А.(40) од Скопје поради постоење основано сомнение за сторено кривично дело „давање лажен исказ“, казниво по член 367 од Кривичниот законик.

Пријавениот, во текот на октомври 2021 година, до Одделението за управни работи при МВР, поднел барање за издавање на дупликат сообраќајна дозвола за патничко моторно возило во негова сопственост, при што во прилог на барањето приложил изјава со негов лажен исказ дека сообраќајната дозвола ја изгубил и доколку ја пронајде истата ќе ја врати, иако сообраќајната дозвола му била одземена од полициски службеници од Единица за безбедност на патниот сообраќај при СВР Скопје за сторен сообраќаен прекршок - информираат од МВР.

The post Полицијата му ја одзела сообраќајната дозвола, а тој си поднел барање за нова appeared first on Република.

На поширокото тетовско подрачје во изминатите шест месеци од оваа година вкупно биле откриени и законски санкционирани 905 лица кои управувале возила без положен возачки испит и валидна дозвола за тоа, како и 287 возачи-почетници кои целосно не се придржувале на ограничувањата предвидни за оваа категорија учесници во сообраќајот.

Секторот за внатрешни работи Тетово уште еднаш потсетува дека не треба да се седнува зад волан без положен возачки испит, зашто на тој начин се доведува во ризик сопствената и безбедноста на другите учесници во сообраќајот.

– До почетниците повторно се апелира целосно да ги почитуваат законски предвидените ограничувања, дотолку повеќе што и едните и другите летово се приоритетен фокус на секојдневните контролни активности на ова подрачје, редовни или акциски. СВР Тетово им укажува и на сопствениците на моторни возила да не им ги даваат на управување на лица кои немаат возачки дозволи, бидејќи во спротивно и ним ќе им бидат изготвени поднесоци и ќе им следува парична глоба од 250 евра во денарска противвредност, порача портпаролот Марјан Јосифоски.

Сите кои управувале без возачки дозволи веднаш се исклучени од сообраќај и изготвени им се соодветни поднесоци, така што согласно член 225 од Законот за безбедност на сообраќајот на патиштата, тие ќе се соочат со парична глоба од 250 евра во денарска противврденост, а истото се однесува и на возачите-почетници, кои согласно член 227 од истиот Закон ќе треба да платат глоба од 200 евра во денарска противвредност.

The post Фатени 905 лица кои возеле без валидни дозволи во Тетовско appeared first on Република.

Во првите два месеци од оваа година,  во јануари и во февруари, заклучно со денеска на подрачјето на СВР Тетово вкупно откриени и со соодветни поднесоци санкционирани се 332 поединци-возачи кои ги управувале возилата без положен возачки испит и без возачка дозвола.

Поголемиот број од санкционираните биле регистрирани во текот на минатиот месец.

Претежно станува збор за возачи на возраст од 17 до 40 години, кои без возачки дозволи  управувале сопствени или возила на други лица, најчесто од нивни најблиски или роднини. Секторот за внатрешни работи Тетово со апел посебно до младите, но и сите други, да не седнуваат зад волан без положен испит и да ја доведуваат во прашање сопствената и безбедноста на другите учесници во сообраќајот.Зашто, нивната необученост и неискуство можат да бидат причина за несакани сообраќајни проблеми, неретко и со најсериозни последици – информира Марјан Јосифоски, портпарол на СВР Тетово.

Сите веднаш биле исклучени од сообраќај и изготвени им се поднесоци, така што ќе се соочат со предвидените парични глоби кои за овој вид сообраќаен прекршок согласно Законот за безбедност на сообраќајот на патиштата, изнесуваат  250 евра во денарска противвредност, а парични глоби во тој износ ги очекуваат и сопствениците на возилата кои им ги дале да ги управуваат, иако знаеле дека немаат положено возачки испит.

The post Полицијата фатила повеќе од 300 возачи без дозвола во тетовско appeared first on Република.

Министерството за внатрешни работи соопшти дека во текот на вчерашниот ден, од 21.00 до 23.00 часот, спроведена е зајакната акциска контрола во делот на сообраќајот на територија на oпштина Гази Баба, населба Сингелиќ, при што се санкционирани 29 возачи.

Од нив девет за возење без возачка дозвола, две возила со измината важност на регистрација…
На сите прекршители изготвени им се соодветни поднесоци.

Од МВР најабуваат дека засилените акциски сообраќајни контроли продолжуваат и во наредните денови.

The post Во Сингелиќ масовно се вози без возачки дозволи, за само два часа пишани девет казни appeared first on Република.