Екипата на Воска успеа да слави на гостувањето кај Вардар на Арената „Тодор Проески“ во Скопје со убедливи 1:3.

Ибраими, автогол на Мециновиќ и прекрасниот гол на Јахја беа пресудни тимот од Охрид да слави против тимот на Горан Петрески.

Вардар во завршницата успеа да постигне почесен гол преку Шаркоски за 1:3, но тоа не ги смири страстите меѓу навивачите кои јасно го искажаа својот револт по последниот судиски свиреж.

Со третиот пораз на четвртиот меч, Вардар е на делба на последното место со Брера Струмица, а од денеска самостоен лидер е Шкендија, која пак со 2:0 го победи Пелистер.

Прва лига резултати:

Вардар – Воска Спорт 1:3
Беса – Работнички 0:0
Шкендија – Пелистер 2:0
Силекс – Шкупи 2:1
Струга – АП Брера 2:0
Тиквеш – Гостивар 0:0.

The post Вардар поразен дома од Воска appeared first on Република.

Дебитантот во Првата македонска фудбалска лига (ПМФЛ) Воска го назначи денеска Срѓан Захариевски за нов тренер.

Како што вечерва објави охридскиот прволигаш, на 50-годишниот Захариевски ќе му асистира Сеит Крека, кој досега го предводеше младинскиот тим на Воска.

Воска е четвртиот клуб во тренерската кариера на поранешниот македонски репрезентативец Захариевски, кој досега ги предводеше Струга, Пелистер и Металург.

Захариевски ќе дебитира на клупата на Воска в недела на дуелот на домашен терен против Силекс во рамки на 20. коло во ПМФЛ.

Воска е десеттопласирана на табелата со 20 бодови, два повеќе од Вардар на последното и Македонија Ѓорче Петров на претпоследното место.

The post Воска го промовираше Захариевски за нов тренер appeared first on Република.