Две лица се ранети откако напаѓач вчера отворил оган во продавница во округот Обухив, Киевска област, јавија украинските медиуми.

Напаѓачот е фатен, соопшти Националната полиција.

Според украинските власти, инцидентот се случил вчера попладне, кога полицијата добила дојава дека непознат маж влегол во продавница во областа Обухив и почнал да пука.

Напаѓачот ги ранил продавачот и сопственикот на објектот, а потоа избегал.

Полицијата пристигнала на местото на инцидентот, повикала лекарска помош, го идентификувала напаѓачот и почнала акција за негово апсење.

Се работи за 36-годишен локален жител со досие, кој за ова дело се соочува со казна затвор од седум години.

Повредените лица не се во животна опасност.

The post Вооружен Украинец влегол во продавница и пукал, има ранети appeared first on Република.

Две лица загинаа, а едно е рането кога маж денеска пукал во група луѓе во градот Сион во Швајцарија, соопшти локалната полиција, додавајќи дека се уште трага по напаѓачот.

Кантоналната полиција на југозападот на Швајцарија соопшти дека според првите сознанија, сторителот ги познавал своите жртви.

Според полицијата, нешто пред 8 часот, лице кое се уште не е идентификувано пукало во неколку лица во Сион. Како што се додава, засега не се познати неговите мотиви.

Полицијата соопшти дека ангажирала голем број лица за приведување на сторителот на нападот, а кантоналното обвинителство отвори истрага.

The post Двајца убиени во вооружен напад во Сион, Швајцарија appeared first on Република.

Вооружен маж, за кој се верува дека синоќа сам дејствувал, застрелал седум лица и ранил осум во црква на Јеховините сведоци во германскиот град Хамбург, соопшти полицијата која го истражува мотивот за нападот.

Полицијата наведе дека напаѓачот најверојатно е еден од загинатите на местото на злосторството. Весникот „Билд“ објави дека пукањето се случило во кралската сала на црквата.

Претходно, ДПА, повикувајќи се на новинари од местото на настанот, јави дека жителите на северниот кварт Алстердорф добиле предупредувања на мобилните телефони да не излегуваат поради ситуација опасна по живот. Телевизиските снимки покажаа десетици полициски автомобили и противпожарни возила кои ги блокираат улиците.

Полицијата соопшти дека била повикана нешто по 21 часот, а униформираните службеници кои пристигнале на местото на настанот пронашле неколку мртви и неколку тешко повредени.

The post Седуммина загинати и осум ранети во вооружен напад во црква во Хамбург appeared first on Република.