Претседателот на Советот на Град Скопје, Трајко Славески изрази длабоко сочувство до семејствата на настраданите од земјотресот во Турција и Сирија.

Молитвите во овие тешки моменти се со пријателските народи на Македонија кои се зафатени од разорен земјотресот.

Во договор со советничките групи и градоначалникот Данела Арсовска како претседателот на Совет свикав итен состанок на Координативното тело на Совет на кој ќе се согледаат сите можности за испраќање хуманитарна помош, за што Совет ќе донесе одлука на итна вонредна седница што ќе се закаже за во најкус можен рок, соопшти тој.

The post Славески свика итен состанок на координативното тело на советот поради земјотресот во Турција appeared first on Република.

Лидерите на земјите членки на НАТО заедно со партнерите од Шведска, Финска и ЕУ го почнаа вонредниот состанок посветен на Украина, јави дописничката на МИА од Брисел.

Некои од лидерите се присутни физички бидејќи до доцна ноќва учествуваа на ЕУ самитот во Брисел, останатите се поврзуваат преку безбедна видео врска.

Триесетте лидери на НАТО земјите, како и на Шведска и Финска, и претставниците на ЕУ ќе разговараат за состојбата и подготвеноста на НАТО во источниот дел близу Украина.

Генералниот секретар на Алијансата, Јенс Столтенберг, ја отвори седницата порачувајќи дека војната во Украина е целосна одговорност на Русија и дека и покрај обидите на НАТО да се дојде до дипломатско решение, мирот во Европа е скршен.

Столтенберг ја повика Москва да стави крај на воените дејствија и изрази целосна солидарност со Украина и нејзиниот територијален интегритет и суверенитет.

The post Започна вонредниот лидерски состанок на НАТО appeared first on Република.

Лидерите на земјите членки на Европската унија денеска ќе одржат вонреден состанок на кој ќе разговараат за новите санкции против Русија поради одлуката на Москва да започне воена акција во Украина.

Претседателката на Европската комисија, Урсула фон дер Лајен, ќе претстави нов пакет санкции, кој го финализира ЕК и кој брзо ќе биде усвоен од Советот на ЕУ, се наведува во соопштението од Брисел.

Дополнителните рестриктивни меркi ќе предизвикаат обемни и тешки последици за Русија поради нејзината акција, беше објавено.

The post ЕУ закажа вонреден состанок за нови санкции против Русија appeared first on Република.